H-E-J-N-O-M <=> 芒姐再現

2-15(wed) 陳松伶天涯歌女香港演唱會2012

2012-02-15T23:09:00.001+08:00

都話呢個禮拜係演唱會週…我一連都唔知睇咗幾多個演唱會! 今次松松姐姐呢個廿七年來首次 (?!) 演唱會, 本來我都無為意, 係有個朋友見我連蔡楓華, 朱咪咪, 尹光都會去睇, "恥笑"我問我會唔會去支持吓松松姐姐, 因為佢話記得我曾經講過細個會o係電話同表姐對唱"天涯歌女"裡面d合唱歌…hoho (sorry, o個個年代好多細路都試過…信我, 我同好多朋友講起, 原來大家當年都有呢個經驗…你不能想像"天涯歌女"電視劇+大碟 (我是買錄音帶的) 當時有幾咁hit!!!)

當年作為一個新人的松松姐姐…"天涯歌女"一碟係賣四白金的(即約200,000隻), 之後隻"月兒彎彎照九州"好似仲賣六白金!!!!! 係三十萬隻!!!!!!!!!!!!!!!!! 依家d新人係賣…1000隻, 仲要係篤數篤番o黎!!!! 可見當年松松姐姐其實都幾紅! 同埋佢仲要因為形象(太)健康…係不停有得唱兒歌…成為咗第一代 (亦係最有代表性) o既兒歌天后!

尋晚第一次去睇松松姐姐演唱會...聽佢現場唱"天涯歌女"同"烏卒卒"等…又的確係令人滾動o既! 尤其係我哋個年代成長的小朋友…有邊個唔係聽松松姐姐的兒歌大?

幾年前有一次"兒歌金曲頒獎禮"請咗松松姐姐出山, 唱番佢d經典兒歌, 最重要當然係壓軸頒咗個"最經典至尊兒歌大獎"俾“烏卒卒”…都算十分實至名歸! 當時睇完呢次unexpectedly好睇+令人感動的"兒歌金曲頒獎禮", 有感而發寫咗幾篇關於我的兒童節目的entries…估唔到忍起好大迴響…令我發現原來兒童節目同兒歌真係會深深種o係小朋友的腦海, 隔咗n年都仍然唔會磨滅! 好似"天與地"話齋…愛音樂的小朋友唔會壞得去邊…hoho! 亦都有好多朋友話俾我聽, 佢就係因為search兒童節目related o既嘢, search咗入o黎我個blog, 變成長期讀者…原來兒歌+兒童節目真係好有market…我自己睇番一次, 都真係回憶返晒埋o黎…

2007兒歌金曲頒獎典禮
閃電傳真機…those were the days!!!
1992兒歌金曲頒獎典禮

最衰今次松松姐姐唱番d經典兒歌時, 走咗落台握手, 你知握手位比較hea唱, lur過就算…我最鍾意的“夏季sha la la”…就咁就唱完咗!!! 仲有"小白船"! 同埋點解無唱埋"叉燒包與漢堡包"&"跳跳紥紥遊香港"o架?! Oh! 好彩都有唱第二代"閃電傳真機”主題曲 (第一代應該係克勤o個首)同埋"相聚一刻"!

佢壓軸唱"烏卒卒"時…真係回憶返晒埋o黎…我哋仲o係度諗, 會唔會有譚玉瑛姐姐o既auntie烏卒卒同麥包哥哥o既矇查查做特別嘉賓呢?! hoho!

同埋松松姐姐依家都算keep得幾好, 06年o個期佢去番tvb拍“飛短留長父子兵”真係跌watt跌得好勁…反而依家過咗40歲仲得咗! 好多女人都係30幾歲跌watt, 但到30尾40頭時又會忽然間得番, 當然亦都應該有好大關係係佢有個後生靚仔老公滋潤吓…情況同千fa一樣! 直頭容光煥發晒! 掂呀! 似乎依家個trend真係興"姊弟戀"…仲要pair pair都幾work…反而"兄妹戀"(btw, 點解無呢個term?) 真係out咗! hoho!

松松姐姐依家呢個長髮look增添咗幾分女人味…同埋成熟咗! 以前個短髮look係爽朗, 但唔吸引! 我同一般男性一樣, 都係buy女性長髮多好多! 而佢依家增添咗幾分成熟韻味添…都話呢期睇親d四十過外的女人反而仲得過以前…好神奇!

更神奇係松松姐姐請咗同佢一樣係不老的傳說o既周慧敏做嘉賓…但佢兩個的感覺十分無啦間…不過ok, 幾驚喜! 幾估佢唔到!

歌藝方面, 正如我06年講過, 係差過"天涯歌女"年代好多, 高音好多上唔到, 中低音依然ok…但佢初出道真係唱家班o黎o架喎! 不過算啦, 疏於戰陣…不能要求太多! 佢出返o黎已經帶俾我哋好多回憶!

同埋我真係估唔到松松姐姐有咁多世界各地o既fans, 又內地各省市, 又星加坡, 又泰國…仲要特登飛o黎睇佢演唱會…同埋佢d fans都係幾die hard o個隻…d花多到呢! 連我隔離個阿姐原來都準備咗禮物衝上台送俾松松! 仲要上台唱歌/跳舞o個兩位fans都幾搞笑, 反而呢幾part氣氛唔錯! 平時fans上台玩遊戲絕對係廁所位o黎o架嘛! 其實今次呢個concert似係歌迷聚會多過演唱會! 不過阿高志森先生d製作依舊係好慳水慳力…個台, d衫etc都係hea爆!

同埋我對於佢無搵番溫兆倫or黎明 (我知無可能…咁求其搵個人囉)同佢合唱番佢d經典合唱歌感到好失望! 都真係有唔少隻o架喎…"天涯歌女"入面o既“扁舟情侶”同埋“特別快車”啦, 同埋"蜀山奇俠之仙侶奇緣"o既主題曲"正義柔情永在"啦…都係好經典, 以前唱k成日唱! 同埋同佢拍檔過7次…係7次o既鄭伊健反正都去開wyman度, 其實可以o黎支持吓老拍檔呀!

"天涯歌女"大碟入面d歌, 就算side track一樣咁hit…應該唱晒佢…就算唔係都唱一半啦, 我相信o黎得o既朋友, 大部份都會聽到爛熟…好過唱別人的歌啦…hoho!

當年我曾經寫道:
"最經典當然係o個兩首合唱歌:“扁舟情侶”同埋“特別快車”啦! 當年劇裡面d歌真係好hit, 所以佢一出碟, 我就同其他普羅大眾一樣, 仆o左去買一隻! “天涯歌女”…亦都係我第一餅個人擁有o既盒帶!

我記得我當時仲興奮到即時o係一間快餐店拆開餅帶…點知我相信就係因為咁, 將歌詞遺留o左o係o個度! 返到屋企拿來聽時, 諗住一邊睇住歌詞一邊聽, 點知搵極都搵唔到…好唔開心! 好彩我表姐都有買o左一餅可以問佢借番o黎影印, 不過無o左原裝版歌詞都係一個遺憾!

當年我真係聽到餅帶爛咁滯, 仲成日同我表姐o係電話對唱o個兩首合唱歌…我後來同d朋友講番, 原來好多人都曾經做過呢件事! 所有同我o地差唔多年紀o既小朋友, 我相信你都一定有做過o既…唔好唔認呀…!

o個兩首歌仲要係有two parts o既添…好精彩囉! “扁舟情侶”就係typical旋律好聽o個隻情歌, 但係我最鍾意o個隻歌係“特別快車”…呢隻真係一隻好特別o既歌…一聽個intro已經令人好興奮, 仲要少有地由慢逐步轉快, 臨尾仲要有火車聲, 好得意! 我o地去k成日都會唱呢隻歌, 簡直係飲歌啦…可惜唔係好多人識唱!

我對於佢今次無唱我最最最like的"特別快車"…感到好失望…仲有無人記得呢首歌…?! Hehe!

2-12(sun) 騰訊微博黃偉文作品展 Concert YY + 陳潔儀 x 趙增熹傾城音樂會

2012-02-12T23:48:00.000+08:00

呢幾日最hit o既話題…當然係, wyman o既YY show!!!

成個show都好震撼, 粒粒巨星, 每首歌都勾起好多回憶...難怪微博同fb都俾呢個show洗版...唯一遺撼係我睇o個晚無彭bell囉!!! 其實我最主要係為睇佢而買飛o架嘛…原來唔係晚晚有…失望咗!

雖然我從來唔係彭bell fan屎, 但十九幾年無見過…又的確好想回味吓佢o既歌聲! 即係咁…我細個係鍾意同期o既sammi的, 仲覺得彭bell個樣真心唔靚 (就算我依家睇番”愛過痛過亦願等”年代o既佢…依然咁覺得! 同埋心諗林海峰真係咩taste, 點會話一開始就𥄫中佢? Sorry…坦白說這真的是我當年的想法!)...但佢今次一出真係殺晒, 好elegant好有女人味...同林憶蓮個case一樣, 過咗四十歲反而仲索過以前... 原來人生經歷同心境真係會令女人變靚d, 成熟高貴的氣質唔係一般廿零的𡃁妹可以媲美!

你睇呢段片…氣質與歌聲也很超脫…女神一樣! 各位女士真係唔應該驚老, 反而應該look forward to囉…

(彭羚 - 小玩意@騰訊微博黃偉文作品展 Concert YY 2012.02.09)

另一位wyman作品展唔可以無咗佢o既…當然係佢o既第一代最佳拍檔李蕙敏啦!!!

畢竟阿y最初為人熟悉o既代表作, 就係amanda o個兩首"怨婦歌"…”你沒有好結果”同”活得比你好”! 仲有佢哋一齊合作主持o既電台節目“娛樂性騷擾”同埋當年同城城+彭羚一齊做o既商台廣播劇"戀愛1/2"(btw, o個期d廣播劇真係hit到呢…尤其係第一套“初戀無限次”…o個時雖然第二朝要返學, 但晚晚1點幾都要追埋先!), 都係好經典! 但amanda今次出返o黎…no offence, 佢個造型加埋把聲真係令人真心驚! 好似話佢之前做過手術…但把聲搞成咁…真係比當年的"怨婦"更"怨婦”....超灰!

(李蕙敏 - (你沒有)好結果 + 活得比你好@騰訊微博黃偉文作品展 Concert YY)

見到佢咁, 真係好慘! 佢同彭bell兩個都係久別重現眼前…但反差實在太大! 佢又係咁多年都咁黑仔o個批...紅少少又唔知點解忽然dup晒! 仲有佢o個隻成隻sharp醒黃的”一次又一次”大碟, o係hmv長期賣5蚊的大碟, 真係慘到呢...

oh...呢兩晚居然有shine添! 佢哋首"燕尾蝶"當年又係like爆...次次唱k都要唱…真心好聽! 其實呢兩個o靚仔唱歌唔差o架喎…解散咗好可惜!

Wyman呢個show真係真心掂! 每一首歌都勾起好多回憶…十分那些年! 仲要d嘉賓多到呢, 一個o係個台降落, 另一個立即升起…仲要除咗d鐵腳晚晚都有驚喜…呢d真係最醒的marketing策略, 大家就係為估+搏當晚有咩嘉賓…睇完一場又一場…仲要口碑載道, 就更加買完一場又一場! 正如我個friend所講, 以後唱k, 除咗可以歌手選曲, 應該加埋以作曲/填詞人選曲呢個function囉!

(Shine 燕尾蝶@騰訊微博黃偉文作品展 Concert YY 2012.02.11)

正當全城被wyman洗版, 其實另一邊廂嘅陳潔儀x趙增熹個傾城concert亦好精彩! 阿kit真係靚聲后囉…論聲可能比彭bell更完美! 不過聲勢就當然係y嗰邊勁啲(同埋會展個場真係麻麻…當然就便利過博覽館少許o既)! 兩個show都好得呀! 呢個禮拜真係演唱會週…場場都咁精彩!

2-4(sat) 福祿壽…那些年, 爆笑不離三兄弟演唱會2012

2012-02-04T15:46:00.000+08:00

今個禮拜又去咗睇另一個演唱會…係"福祿壽"!!! 呢個真係本來無咩期望, 因為我相信佢哋做綜藝show好睇, 但擺上紅館又真係未必得, d facial expression又未必睇得清楚! 但估唔到…真係意想不到地好睇…我急咗成兩個鐘好想去洗手間都搵唔到位去囉…幾目不暇給吓!

佢呢個show真係好多variety, 但每一part都接得幾好! 同梁漢文最大的contrast係佢哋知道自己做緊d咩, 同埋每一part想present d咩, 而文文就係有咩就咁攞晒出o黎, 顯得雜亂無章! 亦都證明佢三個都係有腦之人!

當然, 三個之中我係最buy李思捷…佢扮嘢技巧真係無人能及! 佢扮四大天王就睇咗好多次…星爺就係呢期的highlight, 佢講嘢d tone都學得好似! 最掂係扮蔡楓華…d小動作都似到呢…仲有個嘴! 我估唔到紅唇王子都有人可以扮到咁似…哈哈! Very impressed! 笑死咗!

跟住又有勁多嘉賓! 首先係五虎中o既三哥苗僑偉同埋黃日華! 加埋福祿壽佢哋三個扮o既其餘三虎, 跟住又有三美…家燕姐, 湯寶如同小儀! 最美反而係小儀, 佢瘦咗好多! 湯記就肥到o係背脊睇同家燕姐差唔多! 當然, 最後秋官o既"月亮光光"vs佢o地o既"on on居居去買麵"都ok…同埋秋官唱+跳"笑看風雲"又真係好睇過佢哋囉…好經典啊!

另外我想講呢…呢期"瓊俞戀"呢個名真係好得囉…蘋果作呢d名真係無人能及!

"獵鷹"真係好多星星，連周星星都有…hoho…

仲有菊姐同華仔呢pair又係驚! 同埋我想話deannie姐後生時眼大大咁其實幾靚女! 劇情就真係老老套套又好鬼慢o個隻…不過齋係睇星星都抵o既!

至於"天與地班底的"4 in Love"我未睇…但係夾住"天與地"餘威…其實我都有興趣睇吓o既! 不過真係未有時間…

除咗睇“天與地”好有啟發性之外 (btw, yesasia話我知, "天與地"o係海外推出dvd啦喎…有興趣的朋友可以留意吓), 周博賢o既故事對我o黎講…同樣有啟發性! 其實人生在世短短幾十年, 真係應該堅持自己o既理想, rather than去妥協做一d人哋認為好有為, 但其實自己唔enjoy o既事情…嘻嘻!

周博賢如果命運能選擇

曾經，大家談論周博賢（Adrian）時，話題總離不開他一手捧紅的謝安琪。然而，Adrian本身亦是一個傳奇人物，律師、監製、作家，看似3個全無關連的職業，但發生在Adrian身上，卻像是連環緊扣的身份，心繫社會、關懷弱勢社群，無論擔任甚麼崗位，效果都是一樣，就算沒有執起樂器大唱「如果命運能選擇」，至少都無負「樂壇長毛」這稱號。

實習律師毅然轉職

早年當上律師，全因Adrian小時候扭開電視機，細小的螢幕上播映着劇集《龍虎豹》，劇中何守信扮演的律師，以學識和口才在法庭上雄辯，伸張正義，成為深刻的童年記憶，直至18歲修畢預科課程，他順利入讀港大法律系。Adrian坦言，要從法律和音樂之間二選其一，當初經歷了一連串的心理掙扎，他說：「受父母影響，自小已學習音樂，不過小時候因為看到電視上的律師十分威風，故又有了當律師的心願；到了大學選科，便順理成章選了法律系。」修畢法律課程，Adrian到律師樓當實習事務律師。兩年的實習期，主要負責民事訴訟，處理意外賠償、遺產申請、離婚手續等。每天呆在辦公室，要處理的除了文件以外，還是文件，現實與想像有點出入。
Adrian續稱：「因為自己怕悶，又不想埋沒音樂天分，完成實習後，便毅然到了多倫多約克大學修讀音樂學位。」全職音樂人的路一點也不易走，花了3年完成音樂學位後，Adrian一直嘗試不同種類的音樂創作，但這些工作只能作為他的業餘嗜好，未足以支撐生活。1998年從多倫多回港後，Adrian當了1年小學教師，任教音樂、中文和常識科，其後在一間音樂版權公司從事法律顧問的工作。直至2006年他才轉做全職音樂人。放棄高薪厚職，為理想而努力，只因Adrian認為不需要賺大錢，能夠做自己喜歡的事情，足夠維生便可。

自組公司捧紅新人

自此，Adrian開始嘗試作曲，四處尋找機會發表。經朋友介紹，他認識不少音樂製作人，又簽約音樂版權公司，公司以中介人身份接觸歌手和監製，推銷他創作的歌曲，古巨基的流行榜冠軍歌《來年來日》便是他第一首作品。之後轉過數間公司，Adrian笑言這段時間，由版權法律事務，到推銷歌曲版權，再到分版稅，以至俗稱「A&R」（Artist and Repertoire）的藝人管理工作都有涉獵。雖然法律學識可派上用場，但絕大部分時間都像接受在職培訓，為現在經營的唱片公司打穩陣腳。

2002年尾，謝安琪參加港大歌唱比賽，獲當時任職唱片公司的評判Adrian青睞，邀請她到公司試音，受到她那別具個性的唱腔所吸引，Adrian決定向其公司推薦謝安琪，惟對方認為不太切合公司路線，最終作罷，一方拉倒，引發另一方靜極思動。他說未遇上謝安琪前，已有自資開公司的念頭，遂找來夾Band認識的夏森美，籌辦獨立音樂品牌Ban Ban Music Ltd，他專職音樂創作，後者則負責行政和藝人管理等。

堅持信念按部就班

公司初期的營運費用全由Adrian負責，每花一分一毫都算過度過，Artist的衣服借回來穿完再穿，化妝Set頭盡量找朋友義務幫忙，兼任填詞作曲，實是為勢所迫。Adrian稱：「本來我只負責作曲和公司的法律事務，已夠繁忙了，但製作謝安琪的第一張唱片時，公司的財政狀況沒可能請得動林夕、Wyman，曾嘗試過用新人，但效果未如理想，最後想到不如自己搞掂，反正我有很多東西想表達。」Adrian謙稱，自小的中文成績不算特別好，連金庸小說也沒看過，只是他在填詞時會先有一個概念，然後在曲譜上填一些「啱音、壓韻」的文字而已！

經過數年的經營，公司總算稍見成績，但回想最初成立的日子，Adrian覺得一點也不容易：「大牌唱片公司有完善的網絡，正是我們當時所欠缺的。成立獨立品牌，等同於由零開始。那時要得到大公司的支援很難，因為在香港，獨立品牌成功的例子寥寥可數，即使我們對謝安琪有極大的信心，但向大唱片公司推銷時，依然沒有人敢相信、肯投資。」想起那段日子，Adrian坦言：「過程雖苦澀，但從沒有一刻想過放棄，當年支持我們走下去的是信念，一直深信這個項目會成功，對於何時開始會有回報，自己心中也有個預算，事情要按部就班。而且那個階段有個好處，就是只需要解決營運的問題，而不用多想如何擊敗對手。」

創作生意兩者兼顧

在音樂圈，Adrian自覺擁有兩個身份─創作人和生意人，他說：「在生意角度，我會理解實際環境需要，好像現在多了一個合作夥伴，別人付出了宣傳費、製作費，我也要考慮別人的利益。過程中難免要妥協，不過跟別的歌手比起來，我們已是十分舒服。」但站在創作人立場而言，他不諱言比較偏激，不平則鳴，在其個人網誌上，Adrian對傳媒、唱片業的抨擊往往不留情面。對現時大多數唱片公司的市場策略，他質疑的地方多的是，「不少唱片高層經歷過樂壇高峰期，仍然會緬懷從前的成功方程式，如相信一張碟只要有一首好歌，就可以賣碟。但我不認同，媒體、聽眾、潮流一直在變，電台還有多少人聽？不能只依循舊日的模式，要整個公司架構都能改變才對。」

為求改變，Adrian嘗試打破流行曲的濫情公式，他表示：「最初創作時，看見市面上有很多情歌，其實此類創作多一個不多，少一個不少。我也相信流行曲不一定要以情愛為題材，因為生活中有很多題材可以透過流行曲去表達。以05年為Kay寫的作品《姿色份子》為例，那時候看到八卦雜誌中八九成的廣告都是與瘦身、纖體、美容有關，我覺得太過分了，於是希望透過流行曲感染聽眾，令大家關注社會。其他作品如《開卷快樂》就是諷刺傳媒過火炒作、《亡命之途》描述險象環生的超速小巴、《菲情歌》道盡菲傭的辛酸、《愁人節》則把焦點放在被人忽視的露宿者身上。信手拈來，盡是寫實，但我並不是故意要寫一些與別不同的詞，純粹以我有興趣的事物作題材而已。」

為細貓寫下片言隻字

最近，Adrian與太太陳玉蘭齊齊化身作家，合力炮製出《細貓天使─予我們一輩子愛的小家貓》一書，表面看來只是一本關於養貓的書籍，背後其實細訴人與人之間的相處、真善美的執着，以及對其他生命、弱小的關愛。Adrian謂：「推出此書全是機緣巧合，只因飼養的細貓因糖尿病而離世，我們對牠非常不捨，太太更在短短兩星期便寫下了許多對細貓的點滴，於是我亦加入書信式的對話，發表對細貓的感情之餘，亦藉此對遺棄、虐待動物等新聞表達不滿，希望讀者不但能了解如何照料患有糖尿病的貓咪，更能從中對生命和愛有更深一層的體會。我們完成後不久便找到出版社代為出版，不論書量如何，都算是為細貓的生命畫上圓滿句號。」

Adrian's Profile

1994年於香港大學法律系碩士畢業，曾當小學教師，其後在音樂版權公司從事法律顧問，直至2006年轉做全職音樂人。在2004年，周博賢夥拍夏森美，籌辦獨立音樂品牌 Ban Ban Music Ltd，並專職音樂創作，憑着獨特的創作風格，成功將謝安琪打造成新一代樂壇天后。

1-28(sat) 梁漢文BIG MAN 演唱會

2012-01-28T00:17:00.000+08:00

原來呢個係梁漢文入行20周年演唱會…我初時都無留意添! 佢又真係運滯, 咁多年都紅唔起, 條件唔係差, 又其實遇到一jar好歌…但總係欠缺些什麼! 正如我之前已經成日講…佢n年來成日有d歌紅o左兩下, 跟住就無啦啦跌番落o黎, 呢個cycle仲要o係呢十幾年o黎repeat過無數次…"94年o既"100巴先愛上你”+到依家仍然hit到爆o既“纏綿遊戲”, 95年o既”傷了三個心”, “愛與情”, 隻碟本身係好正, 但一出就遇到歡樂滿東華”唔好咁x嘈”事件被雪…跟住又起得番, 96年總選佢隻“呼吸”直頭搶o左許志安隻“男人最痛”個位入十大 (不過呢次某程度上係因為安仔唔續約華星所以被雪)…當時本本雜誌都係話佢搶o左安仔個一哥位, 紅極一時…再到97”好朋友”大hit, 跟住就無啦啦dup左n年, 華星仲執埋…又到前兩年o既“七友”同埋成隻“10號”碟令佢又再次起番, 同古巨基一齊鹹魚翻生再戰叱咜十大, 點知…兩年過後浮誇基仔依然hit, 文文反而又dup番, 成個2005年無出過一隻歌…真係好坎坷……

今年佢呢個入行二十年的演唱會又要滯銷成咁…我都係前兩日先走入tom lee買飛, 都買到第12行! 佢又真係慘咗…但佢有樣好…就係人緣好! 一呼百應! d friend係真心幫佢…佢班藝人朋友好落力咁喺fb/微博幫佢力sell, 你睇sammi同千fa佢哋的用詞呢…真係好明顯係幫佢力sell緊個演唱會…平時佢哋微博d用詞都無咁hard sell!

我承認, 今次基本上有一半係為咗睇嘉賓而去…但最終我o個場無得睇sammi+安仔復合後首次同台…灰咗! 雖然我o個晚有大肚丁太, 正所謂手掌又係肉, 左手又係肉…但比較起我更想睇"火熱動感ja ja ja"!

不過睇完今次演唱會, 我開始明白文文紅唔起除咗係無運行之外, 另一樣好大o既問題係在於佢唔知自己想點, 唔知自己o既長處o係邊...咩都搞d, 咩都做d...個rundown好混亂, 唱經典慢歌時, 佢居然唱完每首抒情慢歌中間講一個笑話...佢又唔係講得唔好喎, 但係九唔撘八, 浪費咗d金曲!

正如o係微博有一位研究命理的朋友留言俾我, 佢話: "你果然系娱乐圣人, 唔识命理都能一针见血指出梁炳的问题所在, 他命格有三大缺陷, 其中之一系财印相碍，印代表一个人的思想, 才系一个人的表达方式，两者系相克相碍的，所以他真系唔识点样表达自己架!"…原來真係咁…我真心覺得佢有好多好歌又唔係唱得差…絕對可以做得更好囉!

同埋, 我想話…d衫好唔得囉!!! 尤其最尾有件懶係show身材的歌衫, 唱唱吓仲會o係重要部位噴火...全場爆笑! 佢仲話今次演唱會d歌衫係佢老婆親手安排…sorry, 阿梁太…你都係去做番model吧啦! 所以話身邊有個賢內助真係好重要!

因為悶悶哋, 我哋就去研究下呢d"人生道理"喇…哈哈! 難怪d人成日話娶老婆最緊要幫到你, 靚唔靚都係其次 (當然靚更好啦)...因為男人無事業佢呢世都唔會開心! 所以佢老友老鼠安就係真心醒...唔係話叫你揀個唔鍾意o既利用佢去幫助事業, 而係assuming佢同等地鍾意sammi & michelle (雖然我覺得佢應該一直都係鍾意sammi多d), 都一定係要揀sammi啦 (絕對唔係因為我係fans…首先佢揀邊個女仔o個個女仔都會好慘…我覺得michelle個situation係真心慘…即使佢去安仔個演唱會, d人都一定係咁叫sammi, 你做佢女友都灰啦!) ...因為佢一同番sammi一齊人氣即刻升番, 演唱會又賣得...幫到手真係最緊要(呢d都係旺夫的其中一part...情況同丁太一樣! 你睇丁生依家幾掂...唔止係佢o既事業, 連帶佢成個形象都好晒, 入晒屋...連我呢d咁"蝦薯"o既都對佢改晒觀!)

劇集方面…呢期最重點當然係深宵黃金時段o既“獵鷹”啦! 三十年前的劉華做警察好型啊! 其實佢有d baby fat仲好睇…男仔有d肉好睇過太瘦! 我鍾意呢個劉華啊! 仲有陳敏兒…我好buy佢o架……幾年前重溫完佢同呂良偉, 梁朝偉&翁美玲主演o既"挑戰"...鍾意咗佢呢個好型好有性格o既女律師角色! 陳敏兒雖然唔係話好靚o個隻, 但好有style好有格…我buy囉!

Oh, 呢套劇依家睇番真係粒粒巨星…除咗劉華x朝偉三十年前的"無間道", 仲有"桃姐"啦…連茄喱啡都見到周星馳, 歐陽波比, 田雞, 李國麟, 魯振順等等…好精彩呀!

睇睇吓原來"換樂無窮"都幾好睇, 又係有d meaning o個隻o黎o架喎, 叫你唔好淨係識得去羨慕人, 唔好無o個樣整o個樣想去改變命運…最終得番個桔! hailey同阿wayne o個part亦比我想像中有意思!

呢套戲初段胡鬧後段反而幾好睇! 同埋偶然都有d笑位, 例如胡杏兒去參觀電視城古裝街見到魯振順好興奮o個幕, 仲有佢同劇中的商天娥講以前攞過一個藝人簽名, 而o個個就係同哥哥張國榮拍緊"儂本多情"o既商天娥…呢d無聊笑位反而幾好笑!

"缺宅男女"我一路都淨係覺得謝天華/鍾嘉欣/吳唱k嗰段最好睇…估唔到真係咁多人鍾意睇! 但洗唔洗上蘋果頭版呀?!

1-23(mon) 芒姐龍年祝大家…“借咗聾耳仔隻耳”!!!

2012-01-23T00:03:00.002+08:00

YO!!!! 龍年喇! 正如我踏入2012年時同所有朋友講…新o既一年, 我唔會再要求d咩事事順景呀, 想呢樣要o個樣咁...因為有朋友o係2011最後幾日同我講咗一番好警世的說話: 要發生的事改變唔到, 好多時一件事的好與壞, 在乎你的心態...與其要改變世界, 點解唔嘗試改變自己的心態? 同埋當你能做到無欲無求...反而每日的生活也會充滿驚喜! 我希望新一年我可以學會做到......Happy 2012!!! & HAPPY YEAR OF THE DRAGON!!!

不過龍年我依然有一樣嘢想祝大家: 就係可以做到“借咗聾耳仔隻耳”…因為當你咩都聽唔到 (順耳o個d你自然會聽到o架啦…哈哈), 會減少好多爭拗, EQ亦自然提升! 所有事都會稱心好多! 咁就一定會事事順利喇…hoho!

最後, 再祝埋大家: “芒心暗許”…wahahaha! 許留山呢張意見表真係好得! 仲要好襯我囉! 我個friend仲話一睇以為係我o既新書封面添! wahaha! 雖然呢個咁姣的書名唔太襯我o既人物性格…不過, 的確好有gimmick…如果我出新書, 一於用呢個名! hoho!

呢期兩線劇集“換樂無窮”同“缺宅男女”…初初睇好似幾爛…但睇睇吓又幾好睇!

其實d cast又唔算好差 (“換樂”差d…同埋講交換條命o個d…太天馬行空, 仲要同類型的story拍過好多次…)! “換樂”我覺得係鄧梓鋒做得比較好笑囉!

“缺宅”好似話係抄”蝸居”…劇情都ok o既…咁多個反而係黃智雯做得最出! 佢平時做開d斯文乖女, 今次又真係好有突破…做得好好, 好乞人憎囉! 一路都好欣賞佢, 今次終於有咁多迴響, 好戥佢高興! 同埋呢套幾寫實, 香港人應該好有共鳴! Laughing同鍾嘉欣o個段亦都幾好睇!

我終於睇番之前套“我的如意狼君”…其實又唔係咁差喎, 雖然劇情係老套婆媽…但其實幾好睇! 黃浩然做感情騙子都做得吸引過人囉…同埋d女角個個都幾靚…尤其d民初造型唔錯! 仲有, 姚子羚好似靚咗好多!

嘩! 原來禮拜四晚開始深夜12點幾做“獵鷹”…要睇喇! 我本來仲以為做完“學警1,2部曲”應該做laughing哥o既“學警3”添!

之前攞o黎攝期的“鐵翼驚情”同埋“天降橫財心驚驚”都ok騎呢, 但又幾奇趣! 我都兩套都睇咗d…d artists個個都好young好搞笑囉! 當然最奇趣係d劇情啦!

上個禮拜睇到修哥個二二二二十歲賀壽show, 嘩! 真係話咁快又十年…我仲好記得佢六十歲時個show, 佢d孫仔孫女同梅小惠姐姐一齊唱歌…嘩! 依家大個晒! 真係時光飛逝! 修哥每次o既十年show都令人好深刻…又提醒你過咗十年! 佢真係好犀利! 80歲仲咁老當益壯! 勁!

呢張"核心論"圖又係搞笑...唐唐同老黎應該真係會惺惺相惜...:p

1-15(sun) 情迷夢露7天 + 當家明遇上…周國賢!!!

2012-01-15T23:24:00.000+08:00

第二次獲得nuffnang的邀請去睇優先場, 今次係“My Week With Marilyn” (情迷夢露7天)!

喂, 呢套sounds quite interesting, 雖然我一向唔特別buy西片, 但呢d類似documentary, 改編自真人真事的戲, 我又有d興趣! 仲要係一代性感尤物瑪麗蓮夢露喎…正所謂“唔打得都睇得”!

果然套戲無令我失望, 睇簡介話michelle williams (米雪威廉絲)憑呢套戲已經攞咗6個影后獎, 之後應該仲有得攞…佢又係做得唔錯, 幾有夢露的feel同神韻…真係有種性感在骨子裡的感覺! 難怪劇中個23歲o靚仔, 會戀上30歲o既佢…當然, 相距7年o係呢個世代絕對唔係一回事!

嗱嗱嗱…in case你唔知套戲講咩…簡單o黎講, 係改編自真人真事, 由故事o既男主角, 即係當年個23歲o靚仔 (colin clark) 寫o既回憶錄改編o既! 而故事就係你諗都諗到, 但係講出o黎又好似有d“難以置信”, 不過其實你諗深一層或者嘗試代入佢o既角色, 係絕對好有機會發生的愛情故事…i.e. 23歲英國小子因為酷愛電影行業, 走咗去做第3副導演 (即係“打雜”), 機緣巧合下遇上第一次o黎英國拍戲o既天皇巨星瑪麗蓮夢露…雖然年齡身份地位懸殊, 但互相吸引…仲發展咗一段7日o既浪漫情緣!

其實唔知點解睇睇吓夢露o既故事, 令我諗起梅姐…兩個都係天皇巨星, 但係原來一個女人攀到咁高o既位置, 未必真係咁開心! 對人歡笑, 但事實好大壓力! 呢套戲都portray得好好!

套戲講夢露成日要用酒精同藥物去抒解壓力, 同埋佢o係鏡頭前好似好有自信, 但原來背後好不安, 好神經質, 好需要人encourage去話俾佢聽佢係得, 同埋行為上你會覺得佢有d失控, 而佢自己都控制唔到…仲要同個新婚o既第三任老公原來唔係咁夾到…當佢身處異地人又特別騰o既時候…o係片場遇上呢個初出茅廬o既o靚仔, 俾咗好多新insights佢, 同埋就係因為佢年青無負擔, 有guts咩都夠膽死, 反而可以令夢露好輕鬆, 做到好多平時佢做唔到o既嘢, 好有新鮮感, 亦可以放下平時o係人面前要戴住o既”面具”, 幫佢減到好多壓…所以成件事其實雙方都係win-win o既!

而阿o靚仔遇到一個天王巨星仲要係一代性感尤物, 更加係佢心目中夢寐以求o既女神, 就算係一段短暫情緣, 點都係賺咗! 仲要係美若天仙又意態撩人, 私底下性格又大情性o既女神…嘩! 呢種誘惑又點可以抗拒..仲要對一個男人o黎講, 可以同一個天皇巨星性感icon動地驚天愛戀過…絕對係威咗! 同埋其實o係呢d亳無壓力又無人知o既情況下, 段感情反而最真摯, 最永至難忘!

其實我本來以為呢套戲係夢露o既自傳講番呢件事出o黎, 原來係個小子寫o既回憶綠…所以淨係睇到佢o既perspective, 知道佢對夢露幾咁依戀, 可以同女神溫馨7日, 簡直係發咗場夢一樣, 令佢一世不能忘記! 可惜無得知道埋夢露o既perspective…套戲講到好似巨星佔盡上風o趙完仲可以鬆(hoho!)…但其實我覺得可能同英倫小子呢段fantasy, 亦都令夢露佢一世難以忘懷…講埋佢呢邊的心態, 咁就更圓滿喇!

呢套戲我覺得真心值得睇吓…d人物性格刻劃得幾全面, 演夢露o既michelle williams雖然我唔覺得真係咁似夢露, 不過舉手投足都幾做到o個種意態撩人, 同埋好有巨星風采! 套戲亦幾有戲味…所以呢套可以推介!

嘩哈哈! 當家明遇上…周國賢!!!

終於重新睇晒成“天與地”…每一次睇都有新inspiration! 同埋愈睇得多有關“天與地”o既資料, 愈覺得呢套劇有意思…比有意思更有意思…欲罷不能!

“周旭明：09年寫《天與地》，及一直以來的其他”…果然係因為“抗戰二十年”inspire寫咗呢套劇! 仲要係用 beyond一連串經典金曲去包裝套劇…好聰明! 因為八/九十年代成長的人有邊個會唔鍾意聽beyond d歌?

拆解《天與地》神級結局…某d幾有point, 例如狼狗呀, 嘭嘭聲o個d…但咩”天”4劃, “地”6劃又好似諗多咗呀嘛?

同埋想讚一讚陳芷菁, o係呢套劇做得好好…平時佢d戲只係一般, 佢做主持適合過做戲好多, 但今次真係好出色…簡直係佢入行十幾年的代表作! 仲有黃德斌…我覺得係繼當年令佢事業起飛o既“越南”一角之後, 又一經典…再一次覺得黃德斌好型囉!

因為search天與地的文章, 唔知點解link link吓link咗去呢度…“吼住七年: 朱慧敏與Eddie本來大纜扯唔埋，但有指七年前Eddie在電視城化妝間邂逅剛獲選港姐亞軍的朱慧敏，便膽粗粗上前主動攞電話，從此展開交往。「當時Eddie只係靠EO2接騷，搵朝唔得晚，人哋就係新鮮出爐港姐，所以佢夠膽問人攞電話，但就唔夠膽追人。」知情者說。對朱慧敏流晒口水，Eddie卻忍足七年，耐力驚人。「○九年Eddie同拍拖五年嘅圈外女友分手，但Queenie同Rick一齊，佢咪好似痴男咁繼續等囉！Eddie個樣好花弗，但查實好奄尖，佢好鍾意Queenie性格開朗，覺得呢個女仔好啱自己，半年前一知『女神』同台灣仔甩拖，Eddie就發力。其實Queenie都知Eddie一直好like佢！」”

嘩! 我真心覺得eddie幾得 (如果報導係真o既話...不過呢期有唔少篇相同的報導, 我相信無9成都有7成)...等了”女神”七年, 果然好神心…掂呀! 其實佢哋感覺幾襯呀! 同埋朱慧敏又真係索o既…聽聞真人仲勁靚勁嗲勁姣…男人應該好buy呢d! 而我作為女人都覺得佢堅索!

至於另一單係講阿思琦姐大咗肚但每日以淚洗面, 仲打算要仔唔要佬…姑勿論佢係咪打算要仔唔要佬…佢今次都應該係捉咗一個虫, 真係又係…“如果…命運能選擇…”

10:30個“甜姐兒”節目都幾搞笑…阿糖妹都真係好鬼喪o個批…係咁不顧形象食食食…不過呢d真性情我like! 好睇過依家10:30個節目囉我覺得!

1-8(sun) 2011年度十大勁歌金曲頒獎典禮

2012-01-08T00:22:00.002+08:00

嘩! tbb個總選, 真係一年比一年亂o黎…即係咁, 亂o黎都算, 但你真係不能亂q咁o黎…累死d得獎者! 當然, 你可以話邊有咁易累得死? 咁的確係無咁易會死o既, 但係會俾人笑o架嘛…同埋無必要俾佢咁玩! 你又會話, 咁俾人笑吓無所謂, 有獎好過無獎嘛! 如果講到咁…是但啦! 哈哈!

但你睇吓d得獎者個樣唔係O嘴就係呆咗…你話搞咩呀? 其實勁歌總選搞到咁…不如摺咗佢算啦! 今年居然淪落到由紅館跌番去電視城…廿年來都未試過? 點解陰公成咁?! budget真係緊到呢個地步?! 仲有我見d歌星坐o係d梯級形物體坐得好辛苦囉! 同埋今年星光真係嚴重暗淡, 要靠d超級巨聲阿林師傑呀, 胡鴻鈞佢哋撐場…好懷念四大天王年代的總選!

所以話tbb無咗志雲係最大的損失...四大都係靠佢破冰, 仲要無咗佢之後真係亂q咁o黎到呢...哎...!

今年最吸引依然係d表演嘉賓…達明, 張信哲, 葉蒨文, 克勤…嘩! 好耐無見過達明一派! 但唔知點解聽到佢哋唱"石頭記", 我反而會諗起盧海鵬同阿燦首"壽頭記"..."聽遍了~冷冷清風~吹D打~未夠~鞋踏破襪濕透~~~" 搞到我即係想睇番"撻成一塊"o既"壽頭記"囉...hoho!

oh...李克勤唱”一生不變”又係堅好聽囉!!! 佢一出, 加埋首"一生不變"一出...後面o個d根本可以一齊收皮! 莎莉又係寶刀未老! 狄易達同boyz一開口唱"信自己"...笑咗!

最受歡迎男女歌星就完全估到啦…斷估唔會真係好似網上消息話係chi lam同關心妍呀! 不過下年就唔知喇…但係可能要宣佈係關菊英咁關心妍先會出o黎囉..哈哈!

亞太女…嗱! 我絕對係ok buy ivana的, 但係你頒俾佢會唔會九唔撘八咗d…真係下年求其一個出席o既女歌手你都可以考慮頒俾佢! 咁你其實又即係玩緊佢! 搞到以後d歌手唔敢出席你呢個本身已經係十級星光暗淡的頒獎禮!

好鍾意ivana個O嘴遊魂樣…好明顯佢同大眾一樣…大惑不解!

至於峯峯首”chok”攞金中金…我都唔再講喇! 哎…tbb其實係咪真係咁憎自己d親生仔女…一次又一次咁捉弄佢哋!

有朋友話點解今年最hit o個d"那些年"呀, "那誰"都無晒影…哎! tbb連自己出品真心hit的"年少無知'"都可以唔入圍…你就知tbb幾咁funny啦! 可能下年佢哋先攞金曲金獎呢…反正2010年o既作品”天梯”tbb都係今年先頒獎俾佢!

同埋點解今年連利孝和夫人宣布金曲金獎呢個經典場面都無埋? .勁歌真的已經完全不再勁歌!!!

同埋我想話tbb真係對阿崔建邦十分不離不棄, 無論佢犯幾多次錯, 都一定會繼續捧番佢上神枱…tbb同唐詩詠一樣咁癡情…崔波波果真有運行!

不過其實志偉+草蜢+伍姑娘都好齊腳啦…駛唔駛咁多人? 同埋伍姑娘點解唔唱晒成首”失落於巴黎鐵塔下”? 當年呢首“La Tour Eiffel~~~La Tour Eiffel~~~”真係唱爆k場…一首好歌!

我想講…我真心支持欣宜囉! 佢唱歌真係好得, 更重要嘅係佢呢幾年真係脫胎換骨…好成熟得體! 由佢初初出道的十級造作, 到幾年前肥姐追思會的成熟大方表現, 仲有呢幾年睇到佢不斷努力, 仲要戒晒d作狀...我真心欣賞囉! 完全唔似佢個年紀! 抵撐!

嘩! c allstar唱歌又係堅好聽囉!

嘩! tbb居然頒個組合金獎俾草蜢而收咗twins一個皮...當年草蜢最紅時, 反而無奬攞...真抵死!

容祖兒o個句咩感謝容祖兒的完美演繹真係呢…笑咗! 佢想點呀? 同埋佢哋恥笑陳偉霆o個句高登金句”而我不知道陳偉霆是誰"o個part又係好笑...同埋, 你頒個“唱作歌手銅獎”俾佢又係咪玩佢呀? 豬肉也不是這樣分的!

Quoting my friend..."呢度唔係北韓, 攞獎真係唔駛(扮)喊成咁o架!" (p.s.呢位係邊位?! 而我真的不知道你是誰!)

又係要cap番個賽果...否則一定唔記得...

2011年度十大勁歌金曲頒獎禮得獎名單

金曲金獎：《Chok》林峯
最受歡迎男歌星：古巨基
最受歡迎女歌星：容祖兒
亞太區最受歡迎香港男歌星：林峯
亞太區最受歡迎香港女歌星：王菀之
新人薦場星獎：陳僖儀

《最受歡迎男新人》
金獎：許廷鏗
銀獎：鄒文正
銅獎： Red Noon

《最受歡迎女新人》
金獎：林欣彤
銀獎：鄭欣宜
銅獎：梁佑嘉

《最受歡迎合唱歌曲》
金獎：《勾手指尾》麥貝夷、鍾一憲
銀獎：《儍瓜》洪卓立、鍾舒漫
銅獎：《辣著生命》狄易達、葉文輝

《 2011年度傑出表現獎》
金獎：王梓軒
銀獎：王祖藍
銅獎：官恩娜

《最受歡迎組合》
金獎：草蜢
銀獎： C AllStar
銅獎： Rubber Band

《最受歡迎唱作歌星》
金獎：藍奕邦
銀獎：王菀之
銅獎：陳偉霆

《最受歡迎華語歌曲》
金獎：《 3650》 Twins
銀獎：《讓我愛你一小時》林峯
銅獎：《最後情人》容祖兒

－最受歡迎改編歌曲：－
《鳥籠》林欣彤

《最受歡迎廣告歌曲》
金獎：《澎湃》（百老滙）容祖兒
銀獎：《素顏假期》（永成攝影器材） HotCha
銅獎：《非凡》（大新人壽）林欣彤

《幕後大獎》
最佳作曲：莊冬昕、鄧智偉《 Chok》
最佳填詞：黃偉文《花千樹》
最佳編曲：馮翰銘《水百合》
最佳歌曲監製：草蜢、何秉舜《華麗舞台》

－十大勁歌金曲－
《華麗舞台》草蜢
《天梯》 C AllStar
《水百合》王菀之
《 Chok》林峯
《不再問究竟》梁漢文
《花千樹》容祖兒
《爆了》古巨基
《仍然》關心妍
《戀上外星人》張智霖
《年年》蔡卓妍

最後, 又係時候重溫吓勁歌金曲@芒姐再現:

2011-1-15(sat) 2010年度十大勁歌金曲頒獎典禮

2010-1-16(sat) 2009年度十大勁歌金曲頒獎典禮

2009-1-13(mon) 2008年度十大勁歌金曲頒獎典禮

2008-1-14(mon) 2007年度十大勁歌金曲頒獎典禮

2007-1-13(sat) 2006年度勁歌金曲頒獎典禮

2006-1-18(wed) 2005十大勁歌金曲頒獎禮 (下)

2006-1-17(tues) 2005十大勁歌金曲頒獎禮 (上)

2005-1-29(sat) 2004頒獎禮

2004-1-16(fri) 大迷信, 大迷信, 大迷信1993/2003?!

2004-1-11(sun) 勁歌後記

2004-1-10(sat) 2003勁歌總選

2003-1-5(sun) 2002年度勁歌總選review

2003-1-4(sat) 勁歌總選前奏

2006- 3-26(sun) 時光倒流12年...1993樂壇頒獎禮回顧

1-3(tues) 郭富城舞臨盛宴世界巡迴演唱會2011 + "那些年, 我們一起吃的男孩"…

2012-01-03T23:58:00.002+08:00

其實聖誕期間已經去咗睇城城演唱會, 但一直未有時間寫…加上“天與地”的震撼, 大家都唔得閒講其他嘢住喇!

舞台皇者的確係舞台皇者...舞台表現無人能及! 同埋睇得出佢真係好賣力...幾廿歲人仲彈來彈去...但如果佢可以講少幾句佢o個d招牌式死唔斷氣的自戀說話會更佳...:p

城城基本上都已經唱晒所有經典快歌咁滯, 除咗“雨中感歎號”等幾隻! 但係經典慢歌就真係大部份都無唱…尤其我最喜歡的最舊幾首“到底有誰能夠告訴我”同埋“我是不是該安靜的走開”…同埋佢d新慢歌真係唔多掂! 不過整體o黎講, 都真係一個高質素o既演唱會o黎o既!

個台…的確係型…無得頂!

舞台表演…的確係無人能及阿王!!!

繼續延續“天與地”的震撼…就係睇完呢幕第28集”年少無知”作詞一幕…更加鍾意咗呢首歌! 好感動啊! 不過呢, 陳豪o係度唸詩咁o翕d歌詞時…令我諗起“洛神”o既曹丕囉…hoho!

其實大結局除咗rock fest之外, 鼓佬最終為咗救小”家明”而犧牲性命, 仲有最尾的呢段”平行時空”亦真係令人好感動 (亦令人諗起另一套神劇“我和殭屍有個約會”的結局)…睇到個心係咁la住la住…人生之中, 有幾多個選擇係令你後悔? 如果, 當初你無作呢個選擇…今日, 又會係點呢? 如果…可以返轉頭...如果, 一朝醒番一切都係幻覺…如果, 命運能選擇你話幾好! 可惜…呢個世界係無如果………..

我依家由第一集開始重睇番呢套“神劇”…睇咗幾日已經睇到第17集…比平時慢好多, 因為無得飛o黎睇不特止, 仲成日要rewind番慢慢咀嚼每一句對白…真係好有意思! 每一part都好inspiring…好值得咀嚼! 因為一個決定, 改變咗你一生…有人內疚一世, 有人逃避, 有人進一步作惡去cover up之前所作o既惡…真係好警世!

其實, 每個人一生中都可能食過一個甚至多於一個”家明”…令到日後o既生命完全改變晒! 因為一個決定而改變咗生命…所以, 呢套劇其實會令人好有共鳴…只係大家想唔想去面對, 想唔想去反思咁解啫!

Btw, 我想話鄭子誠做o既何sir幾搞笑…同埋阿yan呢個角色真係幾慘! 仲有, 金燕鈴做得好抵死! 仲有仲有, 套劇d時空交錯真係做得好好, 可以接得咁好真係好犀利…好有heart…令到要帶出的意思更加出! 仲有仲有仲有, 用beyond的歌貫串, 更加係錦上添花!

Wahaha…”那些年, 我們一起吃的男孩”…內地網友真係創意無限! 講真, 你愈禁佢咪愈想睇! 仲要已經睇到大半喇喎…點禁呀?

仲有…依家我“gur”親扒都諗起家明…點搞? Hoho!

同埋, 我好想問…點解黄貫中同黄德斌會係30多年老友?

“黄德斌原來有份扯線搵Paul唱主題及演出成年版家明，可惜《天》劇最尾一幕拍攝時，阿Paul檔期未能配合阿佘檔期，TVB最終因為要遷就阿佘而放棄阿Paul。黄德斌亦感可惜：「不過個期就唔到真係冇辦法。」”

嘩…如果阿paul真係可以演出成年版家明…咁又真係perfect喎! (仲有, 其實周國賢都同家明好似樣…搵佢做成年版都ok! 不過佢兩個現實中好似差唔多年紀!)

呢幅相令我諗起”淘氣雙子星”囉…hoho…

同埋, 我唔知道佢哋原來叫sober band…幾時改o架?

1-1(sun) 天與地

2012-01-01T23:31:00.001+08:00

踏入新一年的第一天…居然係全民一起"天與地"!!!

十年難得一遇有深度+有意思的tbb劇...難怪被網民奉為神劇! 好耐無試過睇一套劇會感動到想喊…尤其係個大結局…芒姐都要俾十個like佢! 當晚fb成個newsfeed都俾"天與地"洗版! 不過無咩經歷的o靚仔o靚妹同c9又的確未必啱睇...輸收視贏口碑....都配合"輸人唔輸陣"的原則o既!

好耐無試過睇tbb劇覺得好感動! 如果你都覺得感動, 證明你已經有d老, 有d人生閱歷…which is a good thing! 好有heart的一部劇...我之前hea住咁睇咗幾集…到後尾發覺真係好得…前兩日決定重頭由第一集開始睇過…要慢慢咀嚼番! 難得係每句對白都咁有意思…又令人對生命重新有反思…將人性陰暗面, 人對生活的每種取捨, 因果報應描寫得好好…拍攝手法, 演員, 對白, 配樂全部都好得! 戚其義, 周旭明好嘢!

睇到網上有人咁話: "呢套劇同「那些年，我們一起追個的女孩」有共通點，不過「天與地」比「那些年」更加有深度！相比「那些年」，真係天與地。如果套戲係講4個少年版點樣想溝阿YAN又唔敢溝....可以抄番晒「那些年」既劇情啦, 觀眾可能大為受落...之後年年都有咁上下既劇，不斷重複同重複。"...真係agree x 1000000! 「那些年」係好睇, 少男少女情懷好sweet咁囉…但你話係咪真係咁~好睇呢? 我又真係唔多覺! 「天與地」好睇得o黎仲要有深度好多!

亦有網友話: “曾經有人話「天與地」係影射beyond, 我覺得「天與地」係香港電視劇史上嘅beyond!”…又係好中point!

仲要加埋首"年少無知"…d歌詞真係到肉到呢!!! 大結局三個男主角一齊o係rock fest度唱"年少無知"…心頭真係湧起咗一陣感動…好少結局可以無爛尾不特止仲拍得咁正 (終於唔係以近年最興的”tvbbq”為ending…hoho)! 眾所周知我最鍾意d眾志成城嘢...呢個ending好感動到我, 尤其最尾家明上台同少年+中年版band友jam歌一part...睇到人感動到想喊! 呢一幕睇左好多次, 以少年同中年合唱帶出佢哋尋回昔日o既自己! 仲要連d警察哥哥都交到戲o係度fing頭fing髻...哈哈! btw, 夾band真係好型! 正所謂: “鍾意音樂o既人, 唔會衰得去邊!” 哈哈! 真係要喊一句"rock & roll never dies"..."天與地"實在太震撼心靈!

依家全城熱唱緊“年少無知”…btw, 陳豪同黃德斌係咪真係識彈結他o既呢? 就咁睇又好似彈得似曾曾咁喎?!
呢首歌下直頭應該從利孝和夫人手中獲頒"金曲金奬"啦...o個d咩"那誰"都要行埋一邊! tbb平時都咁鍾意做d獎俾d藝員, 今次呢首真正合乎民意....唔係無獎呀?! 尋日一聽電台, 居然又係播緊呢首歌…真係好有feel囉! (題外話: 點解崔建邦又可以翻生做勁歌總選主持o既?!)

‎當然唔少得d警世金句啦…”和諧，不是一百個人說同一句話；而是一百個人說不同的話之餘，懂得互相尊重。人要有自己的思想，獨立自主。”

據周旭明在微博透露，《天與地》的最初構想來自「六四事件」，三個食人者分別隱喻「吃掉理想的麻木者、贖罪者和遺忘者」，有關言論一出，隨即引起內地多個討論區上一場罕見對中共禁忌的「六四」的討論，這可能是此劇被內地禁播的原因。不過微博的朋友同我講…愈禁…愈想睇! Hohoho!

仲有佢哋成日都唱我o係咁多隻beyond經典金曲之中最like o既”不再猶豫”…又係好啱我心水! 好勵志! 除咗班主角cast得好, 其實班年青版主角都揀得唔錯! 雖然初時都分唔清o個四個後生仔! 至於少女版佘佘蔣家旻…我最深刻係佢o係”鐵馬尋橋”做李詩韻個妹…呢套做得幾好! “天與地”其實佢做得一般啦…但可能佢係演番自己, 所以係自然o既…但係性格上後生同中年版阿yan我覺得好似唔同咗…所以初時唔係好覺佢係做緊後生版佘佘! 反而麥皓兒真係幾有陳芷菁feel喎! 好relate到佢係做緊佢o既後生版!

同埋頭幾集成日又無啦啦一跳flash back番去18年前有d混亂…尤其係第一集家明無啦啦走出o黎時! 但係後尾搞清人物關係, 再細心睇番前面的集數…反而更好睇! 仲要佢最尾一集仲首尾呼應番呢一幕添…正!

12-25(sun) merry kissmas to you all!!!

2011-12-25T23:00:00.002+08:00

嘩…真係忙到甩晒轆甩晒轆, 不過當然都要祝各位讀者有一個merry kissmas同埋一個異常快樂的2012!!! Yay!!!

之前兩個禮拜好高興又得到商戶邀請我去試新產品...真係估唔到連影音產品分享會都會搵我去, 真係令人受寵若驚! 因為基本上我係一個好low tech的人...d科技呀, 影音嘢其實我唔多識! 我依家用部samsung galaxy用到一頭煙都唔知可以問邊個? hoho!

今次係邀請我去試用HTC同耳機品牌- Beats by Dr. Dre合作推出o既Sensation XE同Sensation XL with Beats Audio...係提高流動視聽享受o既手機! 咁我試完個耳筒, d聲又的確好似去咗studio咁...不過當然, 我本人對於手機o既音響唔係太大要求, 因為其實你o係街咁嘈唔多聽得太清楚, 而如果外面o既聲音真係block得晒, 其實又真係有d危險...:p

不過如果你係對手機音響/耳筒有要求, 我絕對認同佢d聲係正! 而HTC個畫面又的確係幾靚! 我本人o係呢方面真係無咩expertise...如果大家對呢d影音產品有興趣...可以去呢兩條link度睇吓...

Sensation XL

Sensation XE

其實另一樣最吸引我o既係有網絡人氣組合Robynn and Kendy表演...之前我o係youtube已經有睇過佢哋o既表演...真係好得喎! 其中一個仲係我中學師妹添! 佢哋真係唱得幾好...可惜我有另一場要早走聽唔晒!

講真, 真係多謝晒Solo Digital Communications Ltd.o既邀請...令我大開眼/耳界! 希望第時會有更多呢d有趣活動搵我去玩...尤其係美容護膚產品可以邀請我試用吓啦, 係咪? 你知d女士化妝美容產品幾拱鬼啦...呵呵呵呵呵!

至於電視劇呢...大部份都未睇! “我的如意狼君”呢…睇過第一集…初時以為係”酒是故鄉醇”, “茶是故鄉濃”o個d…點知原來係講黃浩然係一隻“狼”!!! 但成個劇情聽聞係悶爆o個d…放假有時間再睇吓!

不過終於睇完”法證3”喇 (我知…遲咗n個禮拜呀嘛…:p)…其實呢套我覺得幾好睇! even首主題曲都幾好聽…好激昂咁囉! 同埋我想話徐子珊真係靚咗好多…幾有女人味…尤其對比起依家深夜重播o既“學警出更”…o個個look真係想死!

當然呢期最hit依然係“天與地”…但同時佢收視創新低! 贏口碑, 輸收視…針有時真係無兩頭利! cult劇的確唔啱師奶睇…但我睇咗頭幾集, 覺得幾好睇! 難道證明我唔係師奶? Hoho!

其實就咁睇套戲好“珠光寶氣”feel (唔係指劇情)…因為基本上成個班底係一樣! 所以佢擺咗成兩年先播都啱o既, 如果08年播完“珠光寶氣”第二年即刻播, 未免太repetitive! 不過一擺擺咁耐, 連大閂生都死咗兩年…又係有d怪! 查實當年點解要雪咁耐呢?!

睇咗頭幾集…邵美琪個角色其實幾乞人憎, 同埋呢個look仲要配埋陳豪度顯得佢格外老! 另外o個4個主角o既少年時代未免有d似…我都分唔清邊個打邊個! 睇咗少少整體感覺唔錯, 幾特別, 同埋我幾鍾意呢d時空交錯劇…我會追快d o架喇…:p

呢個“萬凰”現膠樽圖都ok有趣…

12-11(sun) leon x u 演唱會 + 歡樂滿東華2011

2011-12-11T23:42:00.000+08:00

對上一次睇老黎演唱會, 已經係16年前, 即1995年…本人仲係"少女芒"的年代 (呢個名真係好令人嘔吐…hoho)!

老黎佢呢…其實我從來無真係話好迷過…like就有o既…係遠古到佢仲o係tvb做上位小生…"今生無悔"的年代…到佢做咗四大天王之後, 我只係一般佢! 但當然, 無論你有幾咁like或唔like佢, o係我哋個黃金年代, 黎明o既歌係hit到無人會唔識! "抬頭望雨絲, 夜風翻開信紙~", "多麼想用說話留住你, 心中想說一生之中, 都只愛你…為何換了對不起~~~", "用最孤獨的心換最換最溫柔的愛~~~", "是我的我的寶貝親愛~~~'…

而我最深刻o既, 係一首唔算最大hit的歌…"some for you, some for me~~~" (sorry, 呢個係我當年作為一個小朋友聽到佢的英文發音interpret出來的歌詞…原來老黎係唱緊"song for you, song for me~~~"o既"夜夜夢中見"! 真係即刻想唱番句: "傾心初戀使我痛恨從前一首好歌將我一生改變~~~"…聽聞佢o係演唱會已經好少唱呢隻! 今次係有播到, 但無唱到! 跟住仲要播番d 90年代佢出席活動或同fans影o既相…有一幅o係d好似運動會咁, 佢d fans整晒大布幕印住黎明字樣…真係令人諗起中學sports day的interhouse competition!

黎明呢d九十年代icon, 真係無論你鍾意唔鍾意佢, 佢一開聲就帶我我哋返美好的九十年代! 所以佢今次一開場就唱"對不起我愛妳"絕對係一個good move…畢竟呢隻真係令佢o既事業起飛之作 (我又要再提多次…呢首係tbb第一首"勁歌推介", 當年日播夜播播足兩個禮拜!)...91年行到邊都會聽到呢首歌...經典到唔知講咩好! 一聽到個前奏已經帶咗你返去美好的童年!!!

佢哋話佢今次多咗d勁歌熱舞, 以老黎個人咁hea o黎講, 算好落力! 正如kelly話齋: 估唔到佢可以跳得咁高! 仲有佢源源不絕的金句…真係呢, 笑死你無命賠! 雖然其實佢只係理q得你鍾意o翕咩就o翕咩…但呢種率性我欣賞!

最緊要係佢d金曲加埋佢啲fans過咗廿年後雖然都變晒熟女(包括我本人)或auntie, 但依然好落力地叫囂…見到leon行過o黎係咁揮手+好lum地叫leon…我彷彿好似睇緊"天與地”咁…望到佢地個樣忽然flash back番去佢哋廿年前的少女"阿may"look…o個一刻覺得好神奇, 好感動囉!

不過佢仲有好多經典歌好似"oh!夜" , "相逢在雨中","儍癡癡", "我會像你一樣傻", "兩心知", "我來自北京", "我愛ichiban"無唱囉…我始終都係最buy老黎初出道時o既歌!

仲有, 雖然我好buy李思捷, 但佢同阿喱未免出得太多太耐喇, 仲有個公益金問答環節實在無聊到極點…同埋最尾握手位repeatedly唱咗10次"我的親愛"之後, 個show居然忽然完咗, 連last一場都唔肯出o黎encore, 又的確係令人失望! 老黎真係老黎…好有性格! 但呢個安排真係唔得咗!

最後…我想話…我忽然醒起佢當年的暱稱"天濛光"…依家已經無咩人記得呢個名…雖然佢都以呢個名作咗兩首歌, 其中一隻係"我的感覺"~~~但依家, 大家只記得佢叫老黎或者金句王! hoho!

當然要講埋一年一度的"歡樂滿東華"….實不相瞒, 我居然連星期六做東華都完全唔記得…可見佢依家o係我心目中的重要性…係喺街食食吓飯, 睇電視見到做大show, 仲以為係o個d咩"禁毒滅罪耀葵青"…點知原來係一年一度+我曾經好熱愛的大show"歡樂滿東華"…都真係愕左一然! 原來人的熱情真係會一下子減退得好犀利!

本來對每況愈下的"卡拉之星"無咩期望, 尤其禮拜六晚已經凍到"籬"咗o係個被竇度差d瞓著咗…點知忽然間見到家燕媽媽同佢一jar fan屎整齊排列, 仲要係跳"信者得愛"! 咁yo…即刻成個人彈番起身! 家燕姐呢d勁歌熱舞真係無得頂! 忍唔住要講句: 家燕姐好嘢!

睇咗今年"卡拉之星"頭三位, 又好似覺得好睇番! 雖然"卡拉三寶"只係得番王維德, 無咗令人好興奮o既魯振順同王俊棠! 但呢幾年李鴻杰都算成功補上o既! 佢同王維德雖然唱同跳到甩晒beat…但睇得出十分有heart, 又叫晒d朋友o黎伴舞…都算好有娛樂性! 要讚!

仲有依家阿姐同家燕姐年年都o係梳化o個邊跟王維德一齊做手語都好好笑! 但點解無咗志偉o係sofa瞓覺呢part…同埋每年只出一次大show的梅小惠…點解今年連影都無埋? 反而阿vinci王賢誌就返番o黎喇…但換咗一個總理身份!

同埋我想話殘酷一丁班參賽者同埋另一group唔記得叫咩o既朋友係藝員o黎o既咩? 點解佢哋都可以玩"卡拉之星"? 我哋話既然係咁, 不如每人求其夾$5,000一齊上去唱吓!

仲有阿李璧琦…佢係唱得ok…但完全唔適合o係呢個場合唱…正常過頭…搞搬咗個局! 莊思明仲衰…又唱得難聽又悶咗! 同埋以佢o既財力無理由排到咁後…佢至少可以籌100萬啦! 另一個叫鄭世豪o既都算ok…佢好似卡拉之星咗好幾年o架喇! 又係每年只係呢個場合見佢一次o個d…都算有heart o既!

最後, 我想話隻新版"東華心"好怪囉.....變咗快版我唔鍾意! 我本來好鍾意聽舊版o架嘛!

另…我想講, 志雲大師辭職, 絕對係tvb最大o既損失囉…今次真係要睇吓tvb可以點死喇…

“歡樂滿東華”@芒姐再現…

2010-12-13(mon) 萬千星輝頒獎典禮2010後記 + 歡樂滿東華2010

2009-12-12(sat) 歡樂滿東華2009

2008-12-13(sat) 歡樂滿東華2008

2007-12-8(sat) 歡樂滿東華2007

2006-12-8(fri) 記住睇歡樂滿東華之全台藝員卡拉之星大唱遊呀呀呀呀呀…!!!!!!

2006-12-9(sat) 歡樂滿東華2006 (上)

2006-12-13(wed) 全台藝員騎呢之星大唱遊2006(下)+ happy250000…五白金!!!

2006-12-16(sat) 歡樂滿東華卡拉之星經典再回顧

2005-12-11(sun) 歡樂滿東華2005

2005-12-12(mon) 歡樂滿東華2005之“全台藝員卡拉之星大唱遊”

2004-12-11(sat) 歡樂滿東華2004 (上)

2004-12-13(mon) 歡樂滿東華2004 (下)

2003-12-13(sat) 歡樂滿東華 2003

2002-12-14(sat) 歡樂滿東華2002

12-6(tues) 萬千星輝頒獎典禮2011後記 +萬千星輝賀台慶2011

2011-12-06T00:05:00.001+08:00

一開始貼咗個賽果先…

最佳男主角　鄭嘉穎《怒火街頭》
最佳女主角　胡杏兒《萬凰之王》
最佳男配角　黃智賢《潛行狙擊》
最佳女配角　陳敏之《怒火街頭》
我最喜愛的電視男角色　鄭嘉穎《怒火街頭》
我最喜愛的電視女角色　胡杏兒《怒火街頭》
飛躍進步男藝員　歐陽靖
飛躍進步女藝員　馬賽
最佳節目主持　草蜢《華麗明星賽》
最佳劇集　《潛行狙擊》
最佳綜藝節目　《華麗明星賽》
最佳資訊節目　《水之源》
最具欣賞價值大獎　《香港演義》
萬千光輝演藝人大獎　李香琴
tvb.com微博人氣大獎　鄭嘉穎

睇番舊年寫o既台慶頒獎禮後記, 原來兩年都係12月5日做…今年終於可以即場同大家一齊睇電視見證賽果喇…仲可以real time o係微博同fb與大家一齊discuss賽果…唔洗再不停要避開晒d sms呀, 台慶新聞咁…正呀! 今年仲要咁"凌丁"揀星期一做, 真係好明顯要就番"萬凰"大結局, 造就胡杏兒攞視后! 不過呢個賽果我ok喎…視帝視后一齊起雙飛…有驚喜得o黎又有少少預計之內…睇得多tbb的頒獎禮, 你大約都捉到佢條路!

不過一開始胡杏兒攞咗個我最喜愛女角色獎 (呢個根本係台慶版o既“亞太區豬肉獎”…個失望樣呢…係完全掩飾唔到…好似塞咗舊屎俾佢咁! 佢d演技真係應該再鍛練一吓…拱樣點做視后呀?! 佢得第一個獎時唔知點反應, 嘢都講唔到多句…真係呢…失禮咗!

至於天幕下的嘉穎…06年攞完視帝之後俾人鄙足五年…今年終於吐氣揚眉, 我都好戥佢高興! 不過laughing又真係慘咗, 同法拉一齊食咗個白果! 但論戲又好似law霸出過laughing…even我好唔buy的“mk wong”(呢個朵好耐無o係呢度出過喇…:p) 的跛co都搶過佢好多…不過跛co又真係未夠班攞視帝, 畢竟獎項呢d嘢都要論資排輩o既!

Tbb今次應該係想補償番06年要胡杏兒連撻兩q 喺高處跌落o黎, 仲要全晚俾人玩到謝的傷痛…嗰次佢又真係慘…今年tbb終於還番俾佢! 反正我每次都講…頒獎禮只係一場遊戲, 只要唔好搞得太肉酸, 大家開開心心咪算囉! 所以我覺得今次頒獎禮男女主角獎其實都係06年的延續篇!

同埋tbb俾咗個“亞皆老街至太子道西”男女主角獎佢哋之後, 鄭胡兩人都亳無掩飾地失望, 連帶訪問其他人都講到呢個獎真係豬肉到唔豬肉…點知之後兩個都起雙飛, 個樣同表情都好大contrast, 如果唔係點造就到胡杏兒o個番自度“廁所宣言”(vs許志安鄭秀文的廚房宣言)?! 既出到位, 第二日娛樂版又有料寫…又可以幫tbb搶到版位…大家都好辦事! 胡杏兒呢d的確係聰明女…好識do! 至於夾硬整出o黎俾佢同跛co的什麼非凡獎(?!)…實在刻意得很! 夾硬要俾個機會佢哋一齊出o黎show show恩愛, 引起話題…好老套! 不過點都好睇過睇陳豪同陳茵媺o既!

其他賽果基本上係意料中事…我唯一估唔到係馬賽攞女飛躍囉! 佢講對白真係唔睇字幕都唔知佢講咩? 而演技…一般啦! 我覺得黃智雯同樂瞳都好過佢好多…不過是但啦!

至於男飛躍俾mc jin都好合理…佢又真係幾all rounded! d戲亦俾我想像中再好好多! 但點解陳展鵬無得候選? 舊年黃浩然又有o既? 即係唔計年資啦!

女配角俾陳敏之都ok! 至於男配角同舊年o既麥包哥哥一樣…係“閃電~閃電~閃電傳真機~~~”o既Ben哥哥暨“真情”阿海黃智賢…賽果非常合理! 由細已經睇ben哥哥睇到大…好戥佢高興呢!

至於最佳劇集俾“潛行狙擊”亦都係意料中事…一來係要谷電影, 二來要補償番laughing同法拉的失落嘛!

仲有草蜢同“華麗明星賽”連中兩元都係我的心水!

今年d嘉賓ok吸引喎! 真假四哥, 海潮, 修哥同劉以達, 鄧萃雯…最驚喜當然係陳妙瑛啦!

Oh, 我的前偶像"騰雞瑛"...真係脫胎換骨, 講嘢好淡定好pro好presentable...做咗老闆係唔同d! 判若兩人! 接近40歲都keep得咁好, 仲多咗成熟智慧型女性的知性美添!

唔好話你o地估唔到, 連我自己都估唔到我曾經咁buy陳妙瑛, buy到會寫信俾佢...更加估唔到係...佢居然會回信俾我囉......wahahahahaha~~~~:p

仲有我想問…點解台慶頒獎禮無端端會有王浩信做主持?! 更加唔明點解tbb會o係佢呢期形象咁差時捧佢?! 佢完全係硬晒軚…同埋十分redundant! Do姐一個咪夠囉…又夠寸反應又夠快…我buy do姐做主持喎!

今年個個花旦都著得唔錯…係法拉個妝唔知點解nude到好似一個病妝咁? 仲要個頭set完都有d散! 當然…最極品又係俾阿姐贏咗! 佢件“小金帽”又真係想典呢?!

仲有, 我真係忍唔住要講多次…江美儀真係好似鄭秀文!!!

至於今年個"邁向45非凡夢想成就未來"的"萬千星輝賀台慶"…我終於睇番喇! 基本上係無咩特別…所以我都無咩嘢想講喇! 最後, 當然係tvb台慶@芒姐再現啦...

2011:

http://hejnom.blogspot.com/2011_12_05_archive.html

http://hejnom.blogspot.com/2011_12_06_archive.html

2010:

http://hejnom.blogspot.com/2010_11_19_archive.html

http://hejnom.blogspot.com/2010_12_03_archive.html

http://hejnom.blogspot.com/2010_12_13_archive.html

2009:

http://hejnom.blogspot.com/2009_11_19_archive.html

http://hejnom.blogspot.com/2009_12_03_archive.html

http://hejnom.blogspot.com/2009_12_05_archive.html

2008:

http://hejnom.blogspot.com/2008_11_14_archive.html

http://hejnom.blogspot.com/2008_11_17_archive.html

http://hejnom.blogspot.com/2008_11_19_archive.html

2007:

http://hejnom.blogspot.com/2007_11_17_archive.html

http://hejnom.blogspot.com/2007_11_19_archive.html

2006:

http://hejnom.blogspot.com/2006_11_09_archive.html

http://hejnom.blogspot.com/2006_11_13_archive.html

http://hejnom.blogspot.com/2006_11_19_archive.html

2005:

http://hejnom.blogspot.com/2005_11_19_archive.html

http://hejnom.blogspot.com/2005_11_20_archive.html

http://hejnom.blogspot.com/2005_11_21_archive.html

2004:

http://hejnom3.blogspot.com/2004_11_19_archive.html

http://hejnom3.blogspot.com/2004_11_23_archive.html

2003:

http://hejnom3.blogspot.com/2003_11_17_archive.html

http://hejnom3.blogspot.com/2003_11_19_archive.html

2002:

http://hejnom3.blogspot.com/2002_11_19_archive.html

http://hejnom3.blogspot.com/2002_11_20_archive.html

12-5(mon) 萬千星輝頒獎典禮2011

2011-12-05T01:44:00.003+08:00

“台慶頒獎禮”一年比一年遲…呢兩年已經tun到去12月…今次話因為要等埋”萬凰之王”播完幫胡杏兒做勢攞視后, 所以要搞到咁遲! 哈哈…是但啦, 其實近幾年大家已經無咁落力follow, 你叫我數番由97年開始的”萬千星輝頒獎典禮”賽果, 我恐防我都會數甩幾個…不過當然, 我仍然會堅持我呢個維持咗n年的預測賽果慣例o既…yay!

萬千星輝頒獎禮2011入圍名單

奬項:最佳男主角

候選者: 張智霖《魚躍在花見》、歐錦棠《誰家灶頭無煙火》、陳豪《點解阿Sir係阿Sir》、鄭嘉穎《怒火街頭》、郭晉安《團圓》、吳卓羲《團圓》、黃浩然《真相》、馬浚偉《紫禁驚雷》、馬國明《紫禁驚雷》、謝天華《潛行狙擊》、黃宗澤《潛行狙擊》、歐陽震華《不速之約》、林峯《不速之約》、黎耀祥《法證先鋒III》、陳錦鴻《萬凰之王》

芒: 報紙話係鄭視帝同laughing哥之爭…um, 報紙講嘢其實你點都要信八成! 最後一日話tbb因為要幫laughing哥套戲做勢, 所以會俾佢攞! 不過我依然想估鄭視帝的law霸! 佢2006年攞完視帝真係衰足5年 (至少俾人笑足5年)…雖則我當時係好鍾意“天幕下”o既佢的, 但無可否認o個個角色係無咩難度! 佢今次終於吐氣揚眉…至少攞咗個“民意視帝”!

奬項:最佳女主角

候選者: 汪明荃《居家兵團》、楊怡《魚躍在花見》、李司棋《Only You 只有您》、蒙嘉慧《Only You 只有您》、田蕊妮《誰家灶頭無煙火》、鍾嘉欣《點解阿Sir係阿Sir》、佘詩曼《花花世界花家姐》、唐詩詠《紫禁驚雷》、徐子珊《潛行狙擊》、陳法拉《潛行狙擊》、江美儀《九江十二坊》、薛家燕《九江十二坊》、張可頤《法證先鋒III》、宣萱《萬凰之王》、胡杏兒《萬凰之王》

芒: 其實我係好buy田蕊妮的…不過我當然知道唔會係佢啦! 今年話係法拉與杏兒之爭! 眾所周知, 我係ok buy胡杏兒的, 因為我依然好記得“律政新人王”佢做o個個初出茅廬爽朗律師…做得好好! 佢只要唔做d苦情可憐角色, 其實都ok! 主觀+客觀因素, 今年似乎成個勢都做到胡杏兒應該走唔甩o架喇! 2006年肥田甩咗個視后, 今年應該可以攞番!

另…o個日睇“無間音樂”, 連播咗幾首tvb電視主題曲, 首先係“尋秦記”…最估唔到係趙增熹作曲! 跟住係“律政新人王”, 再接住落係“肥田喜事”…睇到呢個肥瘦杏兒對比…幾有趣喎! 原來瘦底的人, 真係肥咗都好易瘦番…好令人羨慕!

(2003“律政新人王” vs 2006“肥田喜事”)

奬項:最佳男配角

候選者: 黃德斌《誘情轉駁》、蔣志光《仁心解碼》、鄧健泓《隔離七日情》、岳華《女拳》、楊明《誰家灶頭無煙火》、羅樂林《點解阿Sir係阿Sir》、李璨琛《怒火街頭》、林子善《怒火街頭》、李成昌《真相》、張國強《紫禁驚雷》、郭政鴻《潛行狙擊》、黃智賢《潛行狙擊》、敖嘉年《九江十二坊》、陳國邦《不速之約》、李國麟《法證先鋒III》

芒: 今年無咩邊個特別出喎…其實我個人十分支持林子善的! 不過阿ben哥哥黃智賢o係“潛行狙擊”都好似幾出…既然我哋小時候睇“閃電傳真機”支持o既麥包哥哥舊年都跑出咗, 無理由佢o既好拍檔ben哥哥今年唔得o既! Go! Ben哥哥!

奬項:最佳女配角

候選者: 楊秀惠《仁心解碼》、林漪娸《誰家灶頭無煙火》、朱慧敏《點解阿Sir係阿Sir》、陳敏之《怒火街頭》、滕麗名《怒火街頭》、陳曼娜《團圓》、郭少芸《團圓》、陳茵媺《真相》、唐詩詠《真相》、馬海倫《真相》、程可為《紫禁驚雷》、江美儀《潛行狙擊》、馬賽《九江十二坊》、胡定欣《法證先鋒III》、黃淑儀《萬凰之王》

芒: 其實我覺得朱慧敏d戲幾好的, 當然仲有我一向好支持的angelaauntie江美儀, 佢今次做《潛行》個黑社會阿嫂做子唔錯吓…不過各樣因素加埋, 我估係胡定欣《法證先鋒III》! 仲有我想話, 滕麗名明明做慣女主角, 依家變咗女配角…都有d慘!

奬項:我最喜愛的電視男角色

候選者: 《魚躍在花見》魚至嬴(張智霖)、《誰家灶頭無煙火》鐘國棟(歐錦棠)、《誰家灶頭無煙火》鍾思翰(陳智燊)、《點解阿Sir係阿Sir》羅耀華(陳豪)、《怒火街頭》羅力亞(鄭嘉穎)、《真相》劉思傑(陳展鵬)、《真相》卓少謙(黃浩然)、《紫禁驚雷》聶多寶(馬浚偉)、《潛行狙擊》梁笑棠/Laughing(謝天華)、《潛行狙擊》蘇星柏/跛Co(黃宗澤)、《潛行狙擊》楊立青/蠟青(歐陽靖)、《荃加福祿壽探案》恭澤嵐(王祖藍)、《荃加福祿壽探案》恭犢嵐(阮兆祥)、《荃加福祿壽探案》崔湑(李思捷)、《法證先鋒III》布國棟/Pro sir(黎耀祥)

芒: 如果男主角真係俾laughing, 咁我最喜愛的電視男角色點都係law霸啦啩? 不過我個人其實覺得跛Co幾有機會!

奬項:我最喜愛的電視女角色

候選者: 《隔離七日情》汪賈瑜 (郭羨妮) 、《Only You 只有您》麥一敏(蒙嘉慧) 、《Only You 只有您》莊思甜(李司棋) 、《女拳》莫桂蘭(劉璇) 、《誰家灶頭無煙火》岑貝兒(田蕊妮) 、《點解阿Sir係阿Sir》古嘉嵐(鐘嘉欣) 、《怒火街頭》王思苦(胡杏兒) 、《怒火街頭》何利貞(陳敏之) 、《團圓》何家滿(梁靖琪) 、《真相》康芷欣(楊怡) 、《潛行狙擊》周望晴(陳法拉) 、《潛行狙擊》姚可可(徐子珊) 、《荃加福祿壽探案》辛潮彤(汪明荃) 、《法證先鋒III》鐘學心(張可頤) 、《法證先鋒III》蔣卓君(陳茵媺)

芒: miss cool哭崩全城曾經一度引起好大迴響, 但係已經過咗成半年, 香港人是善忘的, 已經唔係好記得佢! 咁如果胡杏兒今年真係攞到視后, 係咪會俾番呢個獎阿法拉呢?

奬項:飛躍進步男藝員

候選者:
林子善《花花世界花家姐》、《怒火街頭》、《九江十二坊》、《怒食街頭》
金剛《街坊廚神》、《荃加福祿壽探案》
陳智燊《Only You 只有您》、《誰家灶頭無煙火》、《你們我們他們》
楊明《囧探查過界》、《Only You 只有您》、《誰家灶頭無煙火》、《花花世界花家姐》、《真相》
歐陽靖《兄弟幫》、《依家有喜》、《龍騰天下》、《點解阿Sir係阿Sir》、《潛行狙擊》、《功夫新星》、《香港美食100強》

芒: oh…唔係話陳展鵬o既咩? 原來佢連候選都無? um…我係buy陳智燊的, 但平心而論, 佢o既表現一d都唔算飛躍! 另一個我buy的林子善都幾機會! 但我估tvb會俾mc jin!

奬項:飛躍進步女藝員

候選者:
高海寧《為食一條街》、《午夜出動》、《為食總司令》、《法證先鋒III》
馬賽《為食一條街》、《洪武三十二》、《九江十二坊》、《不速之約》、《萬凰之王》
黃智雯《東張西望》、《居家兵團》、《怒火街頭》、《潛行狙擊》、《不速之約》
樂瞳《點解阿Sir係阿Sir》、《九江十二坊》、《法證先鋒III》
龔嘉欣《隔離七日情》、《怒火街頭》、《誰家灶頭無煙火》、《紫禁驚雷》

芒: 又係眾所周知, 我撐黃智雯的! 佢d戲做得幾好! 但舊年好似出d, 今年呢幾套又唔係太飛躍! 樂瞳o既“鍾女”同“天眼少女”反而幾出! 但加埋個人喜好, 我要估黃智雯!

奬項:最佳節目主持

候選者:
《兄弟幫》歐陽靖、林盛斌、陳國峰、唐嘉麟
《心有靈犀》曾華倩、田蕊妮
《華麗明星賽》草蜢
《街坊廚神》金剛、阮小儀
《大廚出馬》馬浚偉
《變身男女》 Chok Chok Chok 阮兆祥、伍詠薇

芒: 《華麗明星賽》草蜢…我鍾意!

奬項:最佳劇集

候選劇集: 《依家有喜》、《囧探查過界》、《誘情轉駁》、《居家兵團》、《仁心解碼》、《隔離七日情》、《魚躍在花見》、《Only You 只有您》、《女拳》、《誰家灶頭無煙火》、《洪武三十二》、《點解阿Sir係阿Sir》、《花花世界花家姐》、《怒火街頭》、《團圓》、《真相》、《紫禁驚雷》、《潛行狙擊》、《九江十二坊》、《不速之約》、《荃加福祿壽探案》、《法證先鋒III》、《結-分@謊情式》、《萬凰之王》

芒: 我估係《潛行狙擊》拖《法證先鋒III》! 兩套我都鍾意! 喜愛程度就《法證》多d, 但奪獎機會又好似《潛行》高d…要幫套電影做勢嘛!

奬項:最佳綜藝節目

候選者: 《華麗明星賽》、《魔法擂臺》、《大廚出馬》、《變身男女Chok Chok Chok》、《功夫》

芒: 都係《華麗明星賽》…都係我鍾意!

奬項:最佳資訊節目

候選者:《街坊廚神》、《香港演義》、《千奇百趣省港澳》、《香港美食100強》、《水之源》

芒: 做咩今年綜藝同資訊節目要分開? 想拆多個獎? 但呢幾套全部都唔多吸引! 純粹個人喜好…我會揀 “香港演義”!

奬項:TVB.COM微博人氣大獎

候選者: 王祖藍、田蕊妮、伍詠薇、朱慧敏、江美儀、吳卓羲、李司棋、李成昌、李思捷、李詩韻、李璨琛、汪明荃、阮小儀、阮兆祥、佘詩曼、岳華、林峯、林子善

芒: 人氣呢樣嘢…林峯點都走唔甩啦啩? 年年都係佢啦!

好, 呢個時候, 當然又到歷年tbb台慶@芒姐回顧時間:

2010:

http://hejnom.blogspot.com/2010_11_19_archive.html

http://hejnom.blogspot.com/2010_12_03_archive.html

http://hejnom.blogspot.com/2010_12_13_archive.html

2009:

http://hejnom.blogspot.com/2009_11_19_archive.html

http://hejnom.blogspot.com/2009_12_03_archive.html

http://hejnom.blogspot.com/2009_12_05_archive.html

2008:

http://hejnom.blogspot.com/2008_11_14_archive.html

http://hejnom.blogspot.com/2008_11_17_archive.html

http://hejnom.blogspot.com/2008_11_19_archive.html

2007:

http://hejnom.blogspot.com/2007_11_17_archive.html

http://hejnom.blogspot.com/2007_11_19_archive.html

2006:

http://hejnom.blogspot.com/2006_11_09_archive.html

http://hejnom.blogspot.com/2006_11_13_archive.html

http://hejnom.blogspot.com/2006_11_19_archive.html

2005:

http://hejnom.blogspot.com/2005_11_19_archive.html

http://hejnom.blogspot.com/2005_11_20_archive.html

http://hejnom.blogspot.com/2005_11_21_archive.html

2004:

http://hejnom3.blogspot.com/2004_11_19_archive.html

http://hejnom3.blogspot.com/2004_11_23_archive.html

2003:

http://hejnom3.blogspot.com/2003_11_17_archive.html

http://hejnom3.blogspot.com/2003_11_19_archive.html

2002:

http://hejnom3.blogspot.com/2002_11_19_archive.html

http://hejnom3.blogspot.com/2002_11_20_archive.html

11-28(mon) 陳浩民+馬德鐘+陳嘉桓之"餓狼傳說"~~~

2011-11-28T00:19:00.000+08:00

嘩! 呢期忙到連台慶我到今日都未睇番…睇完先一次過講!

"法證先鋒III"…我睇到第十幾集…追得好辛苦! 仲未睇到黎耀祥同張可頤一齊…但黎耀祥同胡定欣+張可頤同陳展鵬呢兩對外型真係超唔襯…成件事係咪為咗造就兩個主角o係埋一齊?! 要胡定欣做個十歲女媽咪…完全無說服力! 不過d個案反而幾好睇…"天眼少女"啦, 周志文周志康o個幾單都ok有趣…但係周氏兄弟真係要練好d廣東話…鄉音太勁, 有時唔望住個電視, 真係聽唔清楚佢哋講咩!

"結．分@謊情式"larp過幾集...但暫時真係一d興趣都提唔起!

"萬凰之王"進入尾聲…呢套我都想睇吓…但追唔切! 點解套套劇都有胡定欣? 但佢又真係上極都上唔到一線喎!

至於"天與地"…拍咗兩年終於上喇…其實點解要擺咁耐先播? 連有份拍o既大閂生陳鴻烈都唔o係度咗兩年喇! 不過成個setting同個班底都勁"珠光寶氣"…演員陣容係無咗黎姿同蔡少芬又多咗佘佘囉! 不過內容可能有d唔同o既!

"劇集開播前已在網上掀起討論，有網民指劇情有影射香港殿堂級搖滾樂隊Beyond之嫌。林保怡、陳豪及黃德斌的角色同為樂隊成員，三人聯同一名好友於18年前（劇中年份為1992年）到中國新疆省天山旅遊，最後只得三人回港，這設定與樂隊 Beyond 於1993年（即此劇播出的18年前）的遭遇十分相似。而角色方面，陳豪的角色有一個親密女伴，又愛打泰拳，像黃貫中一樣；林保怡與陳芷菁像黃家強與日籍妻子；黃德斌的角色則像葉世榮，同樣喜愛玩搖滾音樂。劇中演員陳豪被問及映射一事，他稱自己不知道黃貫中喜歡打泰拳，指劇集本在2010年播出，並強調劇集探討的是人性。

劇集播出3集，觀眾反應呈現兩極。有觀眾指劇集敢於創新，大膽以「人吃人」作題材。不少網友表示稱道《天與地》清新自然、唯美動人，年輕演員氣質吸引，時空交錯的拍攝方法，加上優美的配樂，文藝片式的推進，具有非一般TVB師奶劇所有的感覺，口碑載道。而年輕網民更盛讚此片是突破師奶橋段的上盛之作，内裏通過長鏡頭、唯美配樂所塑造的戲劇氛圍，十分清新，飽受好評。

不過部份觀眾看不懂劇情想表達甚麼，認為劇集節奏過慢。不少網友感到畫面意識令人嘔心及反胃，部分則說鏡頭未如預期中驚嚇。廣管局接到8宗投訴，指內容意識不良，教壞青少年，不應在黃金時段播放。不滿故事講述人食人事件，劇情恐怖，太多血腥場面，令人不安。"

係咪影射beyond我就唔知, 但背景的確有d似! 不過呢期未免太多呢d人食人故事…前幾日去law soc活動同d年青人探討法律/道德/倫理…又係有個食人故事…d青年人仲同我講話先前先唔知o係邊度睇過另一個食人o既故事…呢期未必太多食人橋段...撞晒!

"超級巨聲3"終於終極決戰埋…我完全唔知係o個一日! 個勢好似比起巨聲1,2差好遠! 不過個賽果幾合理…廖sir係唱得最好, 但要走紅我諗都係阿jay同譚嘉儀機會大d! 仲有坤哥真係幾cute…我撐佢! 同埋佢唔戴眼鏡其實幾靚仔! 雖然戴眼鏡傻傻地又可愛d…難怪咁多女fans buy佢!

陳浩民+馬德鐘+陳嘉桓o個單"餓狼傳說鬧劇"真係愈搞愈鬧…o個兩位男士當然就唔係好人o黎o架喇…前科一大堆唔駛講! 至於o個位成日口口聲聲話自己"小妹妹"的19歲"小妹妹"阿rose (sorry, 我想話呢個名好70年代…好難想像一個90後會叫rose…:p), 從d相睇…你話佢係完全唔願意…我又真係唔係好信! 娛樂圈可能呢d真係好平常…同埋佢同馬德鐘o個時個樣好似幾冧! 查實呢…如果唔係show晒d相出o黎, 我相信佢未必會走呢個咁"受害者"路線...不過都無所謂啦…一場鬧劇! 俾多d茶餘飯後的話題大家!

但係最大問題係…馬德鐘的推卸責任同埋陳浩民的浮誇演技! 除咗照稿讀之外, 演技亦過份生硬, 仲要勁over…係咪拍太多大陸劇需要呢種演技? 嘩, 難受到呢! 之後仲要懶係喊到抽搐企唔穩…要個大肚老婆扶番佢轉頭! 無論你係真喊定假喊, 根本就唔應該喊…錯晒! 博不到同情不特止, 仲乞人憎咗! 好可怕…佘詩曼&葉璇甩咗佢…真係執番身彩! 江山易改…品性…是不會移的!

weekend去咗九展睇丁太楊千嬅的"Minor Classics Live"…雖然個場我好唔buy, 亦雖然佢今次主力係唱d冷門歌, 但居然好睇過佢啲大路演唱會喎…我雖然十九幾年前曾經係好忠實的粉絲, 但都唔忠咗好多年, 所以好多佢d side tracks都唔識…但即使d唔識o既歌…都真係幾好聽喎! 所以之前d人成日話, 點解楊千嬅又唔算好靚, 唱功又麻麻, 但都可以咁紅…其實最大原因係佢遇到一jar好歌, 仲要d詞填得好到肉, 同埋華星成個packaging做得好好…佢初出道o個幾隻碟, 隻隻都有主題有話題, 靚到你唔買都唔得…成件事配合得好好! 所以令佢可以平實地彈出(?!)…:p

同埋佢d唱功真係進步番好多! 真係好神奇…佢做咗丁太之後, 真係樣樣都順番晒…正如佢之前訪問話, 一個女人有愛情滋潤, 真係咩都無咩所謂, 反而樣樣都好順利! 佢有一期真係跌咗落谷底, 歌又唔得, 唱功又唔得 (係…不嬲係唔算好, 但o個期係差), 樣又唔得, 仲要成個人腫晒…好灰! 但依家無論身型樣貌都good fit番, 連唱功都可以好埋…成件事好神奇…好過去祈福轉運!

仲有…有日路經呢度, 覺得好似曾相識…原來係當年"我本善良"的拍攝現場…伊明屋企樓下…hoho! 廿一年了…又keep得幾好喎!

11-11(fri) 港樂 x 張敬軒交響音樂會 + 三個小神仙吹唱會 + 蘇永康給那誰演唱會

2011-11-11T23:11:00.001+08:00

呢期又睇咗好幾個show…幾個都好好睇!

首先係港樂x張敬軒…本身已經覺得會幾好睇, 但出o黎比我預期更好睇! 雖然九展呢個地點我真係麻麻…每次去親都好麻煩! 好彩發現咗淘大附近有間人和荳品廠d腸粉+荳類製品都好好味, 多咗一個去o個度o既incentive!

第一次睇張敬軒…其實一路都想睇吓佢演唱會, 尤其當上次o係其他人o既演唱會 (好似係周[慧敏?) 聽過佢唱live…真係好好聽! 之後就決定如果佢開演唱會, 我一定要去捧一次場! 雖然佢d歌我真係有好多都唔識 (哈哈, 我都識"my way", "笑忘書", "酷愛"呢d最hit o既歌o既)…但就算唔識o個d歌, 都ok喎…佢d歌其實真係幾唔錯吓! 仲有佢唱live真係好好好好好得!

我睇o個晚有佢o既"煙幕情侶"王菀之做嘉賓, 佢兩個把聲真係好夾…ivana唱歌又真係好好聽喎…其實佢一出道時真係好鬼怕佢把雞仔聲…但後來發現佢講嘢原來好抵死, 仲要係用把雞仔聲講d好抵死o既嘢...效果更抵死…wahahaha!

同埋管弦樂團本身我都好鍾意聽…所以成件事又係得咗! 本來想睇多一場添呀…可惜又係full晒啦!

至於另一個show係阿旦同林珊珊o既"三十小神仙吹唱會"...雖然唔太係我個年代…但都幾好睇喎! 當然, 如果我大多十年會更有共鳴! 好"那些年", 好有msg, 同埋仲星光熠熠過"星光熠熠耀保良"...又軟硬, 又草蜢, 又鄭伊健, 又周慧敏, 又劉美君, 又露雲娜, 又林子祥父子, 仲有林曉峰…可惜無何嘉麗…連出一出o黎都無, 未免有d絕情!

哈哈…開show前仲偶遇古SIR與女...助手添…:p

跟住前日又睇咗 "蘇永康給那誰演唱會"…呢個反而有少量悶, 望咗好多次電話…真係估佢唔到! 同埋佢個台居然係同林珊珊個台有9成係一樣! 未免太慳水慳力…哈哈! 但其實阿公我係ok buy o架嘛…同埋我自從睇完"大四"之後, 反而覺得佢係4個之中最型 (:p)…尤其以佢外型咁局限都居然可以扮到咁型! 難怪佢其實好受d女性歡迎!

阿公唱歌係好好聽, 不過o個幾首"臺號皇庭"同埋"妙手仁心"插曲, 真係未免有d相似…分都分唔清! 佢咁多首歌之中, 我就最鍾意"情來自有方"同埋"男人不該讓女人流淚"! 我估唔到o既係…三個演唱會之中, 反而呢個比較悶!

11-3(thurs) 那些年, 我們一起追的女孩…

2011-11-03T00:53:00.001+08:00

嘩! 呢幾個禮拜真係好忙好忙好忙…公又忙私又忙…連電視都無時間睇番! “法證先鋒III”, 我居然只係睇到第3集…係第3集…人哋已經做到第十幾廿集喇…實在太唔要得! 坊間口碑好似唔錯, 人人都話算係近期的佳作! 咁我睇咗o個幾集都覺得唔差…第一, tbb一向製作呢d專業人士劇集都有一手; 第二, d主角個個都演得幾好…但其實徐子珊同吳唱k呢一pair點解o係呢兩年不停咁出現出現再出現…雖則我係幾ok佢兩個, 亦覺得佢哋十分襯…但其實可以搵吓第二d人拍檔增加d新鮮感都得啩?!

陳茵媺呢期真係多劇出, 再加埋佢同陳豪o既半真人show…呢期人氣最旺一定係佢!

"荃加福祿壽探案"同"誰家灶頭無煙火"話咁快已經做完…但我仲有幾個禮拜未追番!

"福祿壽"套劇真係超爛, 完全無內容可言, 但又唔見得特別好笑, 不過呢...其實個cast係唔錯…d靚女演員多到呢, 又官恩娜又鍾嘉欣又苟芸慧…仲要個個都演得唔錯! 苟芸慧雖然愈搞愈肥, 但又真係幾靚, 同埋佢d演技算係improve咗好多…比起佢年幾前同王祖藍做"情人眼裡高一d", 係真係有顯著進步…雖然佢d廣東話依然係睇完字幕有時都唔知佢o翕咩…但整體算係great improvement…要讚! 同埋佢其實幾適合做呢d傻大姐角色! 當然最靚o個個我首推官恩娜…自從"超級巨聲"之後佢真係發熱發亮咗…又唱得又睇得仲要講嘢幾抵死…我欣賞佢!

至於本來最鍾意睇o既“誰家灶頭無煙火”…又係尾段o個兩個禮拜都未睇…但有時出街食飯又larp到d…反而結局篇講歐錦棠對眼有事之後係拖拉得太耐…無之前咁好睇!

新o個套"萬凰之王"…擺明係"宮心計"d friend…雖然我唔太buy古裝劇…但呢d台慶重頭宮廷爭鬥劇通常都拍得幾好o既…o個日又係出街食飯睇咗半集…都幾緊湊! 同埋個班底唔知點解我覺得好"流金歲月"(唔係鍾楚紅張曼玉o個套)…又胡杏兒又宣萱又黃淑儀! 但係胡杏兒同宣萱個感覺同個look都好時裝…其實坦白講佢哋每一次拍古裝我都覺得有d怪! 尤其係宣萱講古裝對白o既時候(e.g. "尋秦記)…hehe!

嘩! 深夜又重播"學警雄心"…呢套我鍾意睇喎…"學警3部曲"之中我反而最鍾意睇呢部…o個時o既楊怡雖然無依家咁"靚" (以o個d眼大鼻高的標準), 但清秀好多…我好buy o個個年代o既佢!

前幾日仲去咗睇套舞台劇, 同上年o既"瘋狂夜宴搞偷情"o既班底差唔多…又係朱茵同何偉龍…仲有o係舞台劇界好出名o既陳淑儀! 喂…今次呢套"再見女郎"幾好睇喎! 有劇情有內容過上年o個套 (雖然上年o個套都ok, 但o個d偷情呀錯摸呀, 幾乎套套舞台劇都有呢d情節)…今次呢套值得推介!

終於睇咗"那些年"…嗱! 即是咁…都話好多嘢都係expectation的問題…因為坊間真係講到太好太好睇, d人話要一星期入場睇三次…o係咁overwhelming o既評論影響下, 本人的expectation少不免受到影響…所以好難作出太公平公正不偏不倚的評論 (哈哈, 不過我成日都話…呢個世界邊有得公平公正不偏不倚o架? 世上所有嘢, 都係subjective o架啦…hoho!)…

Um…我呢…就覺得絕對係好睇o既…好清純, 好簡單, 好sweet…但就有d overrated…無d人講到貢貢貢震撼囉! 所以我可能應該早d睇, 咁就可以不受其他人的評論影響! 佢哋話如果你讀男女校, 會有共鳴d…而如果你係男仔, 又會再有共鳴d…我兩樣都唔係…不過都會有清葱歲月的回憶...畢竟, 人人也年青過! 所以不多不少, 亦會勾起不同程度的回憶…所以呢套戲可以引起咁大迴響, 我絕對可以理解! 同埋d主角身處o既年代, 亦正好係我哋o既年代! 報紙話因為本書同套戲紅到令真正的沈佳儀處境有d尷尬 (當然佢老公更尷尬), 搞到佢要出走咗台灣成年…真係呢…:p

套戲講出o既道理, 好似"曖昧永遠係戀愛最甜蜜的一part…好多關係都係未開始先結束, 因為好多時雙方都係死要面, 驚俾人拒絕而錯過咗大好姻緣,,,又或者因為種種誤會錯配wrong timing而有緣無份…而你開始咗, 幻想又可能即刻幻滅咗…同你一齊o個個, 往往又未必係你最愛o個個…而你得唔到o既, 又永遠都係最好o既喎…"etc etc…呢d全部都係老生常談…但佢又的確拍得幾細膩, 幾sweet…

而d人話估唔到個女主角陳妍希已經28歲, 仲keep得咁好, 可以演到純情學生妹…呢樣我又覺得唔出奇, 依家好多三十幾四十歲o既女星, 個樣都真係仲好嗒得杯落…仲要有埋o個種人生閱歷加少量成熟韻味, 絕對吸引過d妹妹仔好多! 我反而估唔到個男主角得廿歲咁細…同埋估唔到佢哋原來相差成8年…但睇落又真係一d都唔似…仲好襯添!

不過個女主角成熟o個個樣, 絕對靚過佢扮學生妹時個樣好多! 仲有佢身邊個女同學彎彎, 究竟o係邊度見過? 佢有無拍過戲? 點解咁熟面口?! 而另外d選角都好好…呢套劇紅到, 選角合適亦應記一功! 當然, 個故事o個種清新寫實, 你我身邊都總發生過o既感覺…更加係佢成功o既最大元素!

睇咗咁多篇評論…呢篇最另類…但其實幾有point...仲寫得幾抵死, 所以我讚~~~

*************************************************************

那些年，我收過的觀音兵。

重看《那些年，我們一起追的女孩》，嘗試從沈佳儀的角度出發，發現說穿了，那個讓一眾男士趨之若鶩的沈佳儀，還不就是大家在茶餘飯後都在唾罵的觀音娘娘！

綁條馬尾，還愛心考卷咧，月黑風高夜闌人靜找喜歡妳的男生孤男寡女獨處一室溫習。跟蝦兵吵個架便匆匆找個隨手可得的蟹將慰藉一下空虛的心靈。男孩好不容易掰開觀音娘娘的金剛圈，卻又被一句緊箍咒「被你喜歡過，很難覺得其他人有這麼喜歡我」召回蓮花座下。誰說沈佳儀純真的，你們不都稱這為 FLIRTY 麼？同一齣電影，如果周秀娜取代了陳妍希，嗯，你懂我說甚麼啦。

彎彎問沈佳儀：「妳不是要說被那麼多人追很煩吧？」她答：「不是啦，只是我覺得，我很幸福。」屁咧，幸福幸福，讓那擺呀擺呀的裙臣服百萬人的暗爽就是幸福。

沈佳儀自己也認了啊：「常常聽人家說啊，戀愛最美好的時候就是曖昧的時候，所以乾脆讓你追久一點，不然一旦你追到我就變懶了，那我不是很虧嗎？」柯騰：「妳真的很機巴欸。」對啦她真的超機巴的，根本就自私到不行好不好。曖昧美好的地方，其一在於二人都小心翼翼調校到最能吸引對方的頻率，要變成童話裡你愛的那個天使，可是你真的相信你們會像童話故事裡，幸福和快樂是結局？其二在於毫無負擔，也許相愛很難，就難在其實雙方各有各寄望怎麼辦，曖昧就不同了，沒寄望沒失望，況且即使失望了拍拍屁股溜走不就行了？

電影省略了小說中我認為最重要的情節，大概讓觀眾惋惜總比拆穿真相浪漫吧。是當他們為自由格鬥賽爭吵後，柯騰深深明白到他與沈佳儀之間個性的矛盾。「這個矛盾我早已知道，身邊的朋友也不斷地提醒我，但我總是以為正經八百的沈佳儀與搞怪衝動的我之間的矛盾，並不是互斥，而是一種反差的浪漫。」就這樣，柯騰決定對她追了八年的女孩說再見。所以啊，當大家都在納悶為甚麼他那麼蠢那麼遲鈍？為甚麼給你手襪時就不牽著她的手？為甚麼人家穿著你畫的T裇在雨中哭著罵你笨蛋就不衝過去抱著她？說不定不開始才是我們最好的結局。只是可惜不是妳，陪我到最後。

說那麼多，並非要褻瀆觀音娘娘，畢竟有人收兵，都總要有人東市買駿馬，西市買鞍韉，心甘命抵做隻貓做隻狗不做情人。愛情從來就無對錯之分。昨晚看高清翡翠台的《 LIFE 》，雌性甲蟲各出奇招，有些妍姿妖艷，有些薰香馥郁，只為獲得一條精蟲；雄性甲蟲要長出最大的顎，過五關斬六將，也只為輸出三千萬條精蟲。人類只不過是比牠們複雜一點點點點罷了。

每個男人心中都有一個沈佳儀？我說，每個女人心中（裙下？！）都有一個柯景騰，噢，對不起，還有一個曹國勝、一個謝明和、一個廖英宏、一個許博淳……

10-16(sun) 畫璧+超級巨聲3

2011-10-16T00:00:00.000+08:00

多得nuffnang的邀請, 前幾晚有幸有得去睇“畫璧＂優先場…估唔到又ok喎! 有少量驚喜! 我應邀前有問定係咪一定要讚? 如果係我唔會出席, 因為唔好睇就係唔好睇…我不能為咗張免費飛出賣我自己…因為我暫時仲有錢睇戲…hoho!

事先聲明, 大家都知道呢類古裝戲仲要係聊齋之類+”畫皮”d friend一向都唔係我杯茶! 如果唔係有人邀請我睇優先場, 我係一定唔會買飛入去睇! 本來我諗住會悶死, 但可能就係因為我全無expectation, 反而又ok…初段有d悶, 到個男主角跳咗入畫裡面個唔知仙境定魔界之後, 就變得好睇咗…我居然一次錶都無睇過…咁就過咗兩個鐘!

起碼靚人靚衫+個景都ok…嘩! 內地真係地大物博, 搵靚人都容易好多! 佢哋d女星又真係靚過香港o個d好多好多喎…你睇吓”喜愛夜蒲”班o靚模, 真係個個一樣樣…都分唔到邊個打邊個…個個都係假眼睫毛+大眼仔, 再加幾尺厚o既粉, 但依舊係面目模糊! 呢套戲o個jar女星真係個個都樣靚身材正, 就算做配角o個d睇睇吓都幾索…哎…我哋d香港女仔真係好難同內地d同胞競爭囉…噢…:(

雖然d主角我一個都唔識 (um…我識曾志偉同安志杰o既)...所以我走去search吓, 原來d女主角們叫孫儷、閆妮、鄭爽、謝楠、柳岩、莫小棋、包文婧、夏一瑤、藍盈…論靚就當然係鄭爽最靚, 楚楚可憐…仲有d似大s添! 但我就會比較buy孫儷…佢o係套戲裡面個性格cool cool哋, 外冷內熱! 前者男性應該會buy d, 後者就女性會buy多d! 仲有做翠竹o既謝楠睇睇吓都ok! turn out我變咗入去睇靚女…不過都幾目不暇給! 至於劇情呢…一般啦…好typical聊齋o個隻! 但唔算太悶, 仲要因為我零expectation, 所以算係咁!

呢兩集"超級巨聲"有番1,2幫o黎挑戰, 即刻好睇咗! 今集有我最buy o既胡鴻鈞, 仲有坤哥添…正!!!!!!! 仲有上一集1幫o既小妹妹趙展彤再次出場…嘩! 又真係脫胎換骨喎…前途無可限量! 反而何紫慧個樣執極都仲係咁, 仲要又唔算唱得特別好…難怪d機會去晒阿mag同許廷鏗度!

不過呢, 雖然係感動…但d參賽者喊到哭喪咁又未免係over…! Oh, 仲有…差d唔記得講…上個禮拜羅孝勇同馮允謙合唱”I’m yours”真係好得囉! 係咁多集咁多次表現得最好的!

“法證先鋒III”只係睇咗第一集…追唔切! 但就咁睇都算係近期製作比較認真的tbb劇…同埋tbb拍呢d關於professionals o既戲一向都ok o既…睇多幾集再研究吓! 呢期我最鍾意睇的依然係“誰家灶頭無煙火”!

10-8(sat) 流金歲月(電影版)

2011-10-08T23:07:00.000+08:00

嘩! 期待已久…終於o係戲院睇咗80年代電影"流金歲月"復刻版...估唔到有機會o係戲院睇番80年代o既電影, 感覺好得意, 同埋真係好八十年代囉! 亦都真係好typical楊凡d電影, 拍得好唯美, d景好靚, d人好靚, 每個scene都要好靚咁…即係o個d海邊慢步呀, 白色帳幕飛飛吓, 間屋怖置得一絲不苟咁囉!

當然, 最靚係d人…1988年鍾楚紅同張曼玉應該已經好紅, 佢兩個真係好得, 好有魅力, 無論演o靚妹定成熟女子都好吸引! 我都諗唔到現今有邊d女星可以有呢種charisma?!

套戲一開始佢哋要扮17歲o既中學生, 又真係演到o個種fresh喎, 好犀利! 仲有個造型, 真係一百個得! 佢兩個個樣真係無比清純, d皮膚又好好…唔似得依家o個d女藝人d粉幾尺厚, 又假眼睫毛又大眼仔, 跟住仲要個個整/化到一樣樣! 太人工…完全睇唔到個真樣!

跟住講佢哋經過歲月洗禮 (其實都只不過係10年咁大吧…到結尾時佢哋要好似飽歷滄桑, 又望住d o靚仔o係海灘上跑, 然後好感慨咁話佢哋即將步入老女人階段…但其實當時佢哋只得27歲!!!!! So very funny囉! 依家d人27歲仲係一舊飯咁…80年代的老女人benchmark會唔會set得低得滯? haha!), 打扮好成熟…又有另一種韻味! D衫都好靚囉…同埋好有80年代色彩 (大shoulder pad…hoho!)…係我最鍾意的八十年代…好正!

紅姑同曼玉兩個都有一種莫名的吸引力, 嘩…一套戲有齊兩個, 真係好目不暇給! 但若果你要我夾硬揀一個, 我都會同劇中男主角家明一樣…buy紅姑再多一d, 因為佢個樣除咗靚之外仲好有性格, 好有韻味, 真係如佢所講一見難忘o個隻! 當然, maggie都好有個性! 點解80年代d女星可以咁脫俗? 仲要佢哋兩個依家到咗近50歲, 仲依然係咁靚咁有魅力…oh, 點解近期睇親d女星都係年過40反而仲吸引過以前…?! 好犀利!

仲有做家明的日本男子, 又都幾吸引喎! 原來叫鶴見辰吾…我覺得有d似”同一屋簷下”o既江口洋介! 頭先去search吓佢d資料, 原來老咗都仲幾型! 楊凡真係有眼光!

至於做暗戀 (sorry應該係明戀) 張曼玉的下屬o既鄧浩光, 亦都係選角選得好合適…佢當時個樣同埋個感覺都好青澀, 同埋真係有d鶴見辰吾個style…有一幕講佢o係office送禮物俾張曼玉, 曼玉幻想以為佢係家明…兩個個樣重疊又的確有d似!

真係幾好睇...拍得好唯美! 聽聞之後仲有一系到楊凡d舊電影會o係戲院上…有d期待!

1988版流金歲月電影簡介:

“香港唯美大導演楊凡的電影向來自成一格，著力於追尋藝術的更高境界。他的作品《美少年之戀》、《遊園驚夢》、《淚王子》等，俱是深獲國際影評讚譽的電影，令他成為少數矚目國際影壇的香港導演之一。《流金歲月》是楊凡於1988年拍攝的賣座電影，由當時炙手可熱的女星鍾楚紅及張曼玉擔綱；再加上日本型男鶴見辰吾聯袂演出。除了台前陣容強大，幕後亦有如今已成知名導演的馬楚成擔任攝影，全片由著名音樂人鍾定一配樂，更邀請得樂壇天后葉蒨文獻唱主題曲；令電影生色不少。今次以數碼修復，觀眾不但可再次欣賞鍾楚紅及張曼玉當年青春風采，還可一再細味她們的精彩演繹。此外，亦可從電影中回顧八十年代香港的繁華景象，同時一睹已拆卸的啟德機場風貌；見證香港發展的歷史痕跡，堪稱彌足珍貴。

兩個上海女孩子，同樣是十七歲的朱鎖鎖(鍾楚紅飾)和蔣南孫(張曼玉飾)，是好同學兼摯友；一樣的標緻可人，但人生際遇卻不一樣。朱鎖鎖中途輟學，墮落風塵，憑著才智和相貌很快成為迷到不少富家公子的交際花；蔣南孫則順利完成學業，成為一個成功的設計師。在十七歲到二十七歲這段人生的黃金歲月中，她們飽歷人事滄桑，遍嚐了生活的各種滋味，兩人由少不更事蛻變為成熟世故。當中還有宋家明(鶴見辰吾飾)的出現，三人幾番離合，撲朔迷離的戀情，令她們的友誼備受考驗。然而無論生活是苦是甜，她們總有法子活得各自精采。儘管飽受歲月的無情洗禮，由十七歲開始的真摯友情，始終埋藏心底，歷久常新。”

"不速之約"終於做完…結局篇呢個禮拜好睇過之前幾個禮拜好多…之前幾個禮拜悶到呢! 至於"荃加福祿壽探案"睇咗一個禮拜依舊胡鬧…真係幾唔掂, 好令人失望! 依家全晚三線最好睇係”誰家灶頭無煙火”囉!

仲有, 我想話陳山聰同伍詠薇o個單”truth or dare玩絕交”事件真係愈搞愈爆笑囉…:p

10-3(mon) tvb“邁向45”周年台慶亮燈+梁詠琪今閃婚報復鄭伊健

2011-10-03T00:20:00.006+08:00

今日終於做第一集"荃加福祿壽探案"…嘩! 都真係幾胡鬧吓...好似有d想學當年"難兄難弟"的style, 但"難兄難弟"其實係幾有劇情又幾好睇的…呢套胡鬧十倍! 我作福祿壽fan屎都唔係好頂得順...佢哋都係做番綜藝節目罷啦! 不過都可以俾多幾集機會佢o既, 無謂太快下定論! 但呢套都可以係台慶劇, 我又真係估佢唔到囉!

之前兩個星期"不速之約"悶咗好多, 今日o個集忽然又幾有驚喜! 最尾楊怡同姜大衛o個part估佢唔到, 唔知搞咩? 查實楊怡會唔會係姜大衛個女之類? 仲有今集講人遇到逆境會表露真性情…控制唔到情緒亂發身邊所愛的人脾氣, 然後眾叛親離…幾有意思...結局篇好似開始好睇番!

睇tvb個44周年台慶 (sorry, 係”邁向45’周年) 亮燈, 六叔又真係好犀利, 百幾歲仲咁壯健…真心勁! 同埋見到阿視帝黎耀祥呢兩年企到o係第一行正中心, 諗起佢之前十幾年可能連台慶亮燈都無得出席…所以話呢個世界又係永遠你都估佢唔到, 人有三衰六旺, 風水輪流轉…未到最後你都唔會知!

Tbb究竟係咪以後都唔會同五大唱片公司好番? 已經一連兩年亮燈都係得由巨聲幫孭飛! 同埋我想話…點解何晶晶真係只係每年台慶亮燈先會見到佢 (好似”歡樂滿東華”o既梅小惠咁…:p)…咁佢平時做咩o既呢? 佢係咪仲o係呢個娛樂圈度打滾緊呢?..

至於星期日o既"超級巨聲3"…真係比前兩輯遜色好多, 如果唔係有趙增熹, 可能我都唔睇好耐喇! 係因為d參賽者真係唱得唔多好聽, 定係因為去到第三輯已經無晒新鮮感?!

我仲要其實有好多集skip咗都完全無意欲睇番! 平時做咗咁多集都認得晒d參賽者, 今輯真係唔知邊個打邊個! 下一集有番巨聲1,2幫…可以一睇!

尋日個小朋友唱得好唔掂…點解咁耐都未foul?! 個日本妹妹唱“默契”又係比平時差好多, 今輯d參賽者真係無辦法吸引大家睇落去…可惜!

呢段新聞勁好笑…姑勿論係咪真, 都真係講到似層層…不過話實, 一年365日偏偏揀呢一日, 又的確好難唔俾d記者大造文章…,至少配合”好勝gigi”的人物角色設定…:p

http://www.libertytimes.com.tw/2011/new/oct/3/today-show1.htm

梁詠琪今閃婚報復鄭伊健

35歲的「Gigi」梁詠琪今天閃嫁拍拖數月的36歲西班牙男友Sergio，最新一期香港「東方新地」週刊報導，Gigi在06年與「伊麵」鄭伊健結束7年戀情後，全速展開新戀情，連閃婚都刻意選在伊麵生日前一天，好強的她發憤實踐「活得比你好」，向伊麵一較高下的意味相當濃厚。

連結婚也要拚輸贏

東方新地報導，當年伊麵帶著新歡蒙嘉慧到日本東京朝聖瑪丹娜演唱會，和他黯然分手的Gigi也在當地上演宣戰戲碼，揚言一定要過得比他還好，今年初，伊麵驚傳有意和蒙嘉慧步入禮堂，字典裡沒有「輸」字的Gigi，只好搶先一步找到另一半「閃嫁」。

要鄭伊健永遠記住她

更重要的，今天當新娘的梁詠琪刻意選在10月4日、鄭伊健生日前一天完婚，東方新地報導，梁詠琪是要讓鄭伊健每逢生日就要想起她已嫁作人妻，要他永遠記住她，不過梁詠琪「活得比你好」的好勝心，卻也讓她心中的那個「你」，從未放下過。

東方新地指出，鄭伊健是梁詠琪入行後第一個男友，也是拍拖最久的，當年分手後，Gigi有長達好一陣子沒談感情，她全心投入事業，就算後來跟Sly及Matthew等人拍拖，但都不太投入，直到伊麵放風聲計劃結婚，Gigi才轉而搶先完婚。

蒙嘉慧大方祝福梁詠琪

而一向對婚姻Say「No」的鄭伊健，去年為老友陳小春擔任伴郎，被追問婚期時態度明顯軟化，進而表示「有計劃，但未有時間表」，據悉蒙嘉慧和伊麵達成共識，決定婚後不生，二人最快將於農曆年前到美國註冊結婚，返港才會公布喜訊；昨天截稿前一刻，蒙嘉慧在微博大方祝福Gigi要「一直幸福到老」，但遭部份網友質疑她的誠意，相當諷刺。

10-1(sat) 李氏力場+步步驚心

2011-10-01T23:32:00.002+08:00

嘩! 估唔到10月先o黎有風打, 仲要一個接一個, 呢個世界真係愈o黎愈估佢唔到! 成兩年無試過返工時間掛得成T8, 估唔到"李氏力場"也有失效的一天...兩年來第一次被擊倒! 8號波同人生一樣, 永遠都係咁, 當你以為唔會發生, 佢又忽然出現…:p

呢期d娛樂新聞又係好趣緻, 都話今年d娛聞真係比前幾年激好多!

許廷鏗呢單真係呢…我初時睇個封面仲以為佢激到o係公園同張敬軒激嘴添…:p

至於陳豪同陳茵媺o個單…年頭初初傳出o黎時, 都覺得佢哋幾sweet幾襯, 但呢期咁日日走出o黎宣傳會唔會over咗d呢?

當然, 更爆o既係梁詠琪閃婚單新聞啦…明明舊年先話同個咩領事館人員撻著, 事隔唔夠一年已經換咗第二個仲要結埋婚…都話, 世事真係瞬息萬變!

仲有呢期個tvb挖角潮, 煩到呢…日日係咁搵d藝員o黎講吓tbb有幾好, 效果仲衰, 好此地無銀囉!

新一輯“健康奇案錄”由laughing sir做, 好似仲怪過林保怡, 哈哈…不過呢個節目依舊幾好笑!

至於“不速之約”, 唔知點解睇睇吓有d悶, 雖然話係有深度, 但又真係唔太吸引!

呢期內地套"步步驚心"好似真係爆紅喎…係咪真係咁好睇? 本來古裝劇我麻麻, 但係時空交錯o既劇情我又幾鍾意, 好似"尋秦記"咁! 見個個都推介, 搞到我都想睇吓!

o係網上見到呢幅”麥嘉vs余加”圖…又幾似喎…哈哈!

9-25(sun) 林憶蓮2011香港演唱會+喜愛夜蒲

2011-09-25T00:10:00.001+08:00

(真係好靚, 靚到我作為女性都嘩嘩聲!)

即係咁…o係無心插柳+無咩準備下, 我也學人去"拜蓮"! 何謂"拜蓮"? 呢個term係我o係d blog同埋微博度學番o黎! 須知道, 憶蓮其實真係好多fans, 我表哥表姐年代的人好多都好迷佢…um…應該咁講, 通常有兩個extreme, 一係唔特別buy, 一係就好迷好迷嗰隻! 我o係網上見到有"蓮教", "蓮母"同埋"拜蓮"呢d terms…好犀利, 但又真係好describe到個事實喎! 我見好多die hard fans都睇足咁多場添!

雖然我唔係佢fans, 亦唔算太熟悉佢d歌, 不過憶蓮把聲真係無得頂, 現場氣氛亦都無得頂, 佢d死忠fans更加無得頂...化晒老妝話代表愛佢一生不變, 到老也會咁支持佢! 憶蓮的吸引力真係不可小虧! 佢真係唱+跳得好好好好, 寶刀未老, keep得仲好過以前! 亦索過d廿零歲o靚妹好多! 呢個咩世界? 點解呢期全部出番o黎o既四十歲過外女性都可以keep得好過晒d廿零歲o靚妹...仲要多咗女人味同埋人生閱歷, 好吸引…好神奇囉!!!

同埋憶蓮o既女人味真係無人能及, elegant+feminine到呢…佢o係唱"灰色"個年代我又真係唔會覺得佢係靚o個批, even同期的陳慧嫻都一定靚過佢, 但之後佢係愈o黎愈有味道, 愈o黎愈有character, 九十年代開始仲愈o黎愈有女人味, 愈keep愈靚…真係好犀利…難怪咁多男性buy佢, 我仲知道有好多gay界猛男都好好好迷佢! 我從未o係同一個場合見過咁多基界型男雲集囉...憶蓮真係好有charisma!

(sandy+jun…其實…真係ok襯喎…年鹷原來真係唔係一個問題…:p)

(仲有o黎捧場o既prudence劉美君…合唱咗一首"I swear"…兩個都唱得好正囉!)

(憶蓮的fans真係好瘋狂, 一開場其實已經企晒起身無坐低過, 之後有一part仲一齊衝晒上台扮火車添…好投入!)

前幾日睇咗"喜愛夜蒲", 又唔係d人講到咁爛啫, 其實都ok好睇添我覺得! 都反映到時下年青人的心態, 當然你要走去同當年的"晚九朝五"比, 又未免高估咗佢, 咁實會失望啦!

D主角基本上係唔多識, 除咗鄭融, 陳柏宇, miki, 黃伊汶, 恭碩良…呀仲有豹哥! 佢哋幾個都做得幾好! 豹哥, 阿jun同陳柏宇都幾出…尤其係陳柏宇個妝…haha! 但係鄭融點解肥腫咗咁多? 同埋依家個look好賓賓! 佢只得o個廿幾歲, 跌watt跌得最勁又真係佢…可惜!

另外幾個男女主角真係完全唔認得邊個打邊個, 依家個個o靚模都整+化到一樣樣, 完全無個人特色, 好難搞…但係o係一樣樣之中, 同萬寧哥哥做一對o既連詩雅算比較靚! Jeana個樣同身材真係假到唔係太接受到! Dada就真係唔太靚囉…sorry! 唔知點解拍埋我反而覺得前cookies o既miki都靚過佢哋, 起碼自然少少!

原來套戲係錢國偉監製, 唔怪得知好有佢個feel…哈哈哈哈! 令人諗起d咩粥粉麵飯, 砂煲罌罉咁! Hoho!

9-22(thurs) "蝦仔爹哋"

2011-09-22T00:59:00.000+08:00

Oh! 激死! 前兩日睇電視見到講"蝦仔爹哋"舞台劇…真係星光熠熠, 粒粒巨星… 即刻好想買飛去睇一個…點知已經賣晒! 真係蘇州過後無艇搭! 佢初初話公開發售時都有諗過去睇…點知後尾無咗件事…依家見到個個o係微博都讚好睇…好後悔囉!

尋日本來諗住試吓即場去買飛, 點知已經只係剩番單丁位…argh! 我真係低估咗佢o既受歡迎程度過八十年代之友多的是! 仲要千幾蚊的貴飛都一早賣晒!

不過又難怪咁受歡迎o既, EYT真係八十年代香港人的集體回憶, 陪住我哋成長…仲要o個個年代真係人人都電視撈飯o架嘛! 希望佢會加場啦, 我一定會買飛去睇! 哎~愈無得睇愈想睇添…個cast又掂, 又好似好精彩咁! 第一晚仲有劉華做嘉賓, 尋晚又eason, 之後仲好似話有sammi添!

《蝦仔爹哋》老竇老母滿台飛

《蝦仔爹哋》是昔日《EYT》中的短劇，今日以音樂舞台劇形式重現，一連四晚為「心晴行動」籌款，前晚首場除台柱盧海鵬（鵬哥）、林建明（沙姐明）、賈思樂和戚美珍（阿戚）外，亦邀得劉德華、樂壇天后容祖兒、曾志偉和鄭裕玲任特別嘉賓。

現場座無虛席，圈中捧場者包括汪明荃、謝天華夫婦、阮兆祥，錢嘉樂與湯盈盈結伴而至，連久沒亮相幕前的露雲娜亦與林珊珊同來。此外，鄧小艾、鍾慧冰、朱潔儀等名媛才女齊撐場，熱鬧情況恍如返回EYT時代。

廖安麗狂扯三嫂胸圍
眾所周知，昔日鵬哥和沙姐明在《蝦》劇擦出真火，但前晚二人只是在開場時作狀頭撞頭，一「撞」泯恩仇，化干戈為玉帛。舞台劇比電視尺度寬鬆，前晚的對白和動作出現踩界爆粗和三級，但鵬哥認為「你老竇」、「你老母」在舞台上屬小兒科，他亦否認爆肚。此外，有一幕是廖安麗扮演的護士替阿戚驗身，右手抓入阿戚左胸內狂扯，阿戚爆笑之餘又怕真的被扯甩胸圍，不斷尖叫，廖安麗才縮手。

祖兒獲鵬哥口下留情
華仔和志偉分別扮演阿戚的高矮前男友，華仔謂原本獲安排扮3D巨星，不用做對手戲，但他堅持要做有對白的趣劇，回味當年拍電視劇的感覺。事後他稱其實從沒做過EYT，只是在八六年的EYT擔任過「活力之星」。

祖兒在「3D電視卡拉巨星」環節中沒有對白，演出前毋須綵排，事前有人告之鵬哥喜爆肚，如有任何「依郁」，會有人第一時間護送她入後台。事後祖兒謂鵬哥確有爆肚，但很錫住她，並無尷尬場面。前晚她要穿上五吋高跟鞋演出，幕後一早為她預備拖鞋在後台穿，她說：「我由細睇EYT大，今日真正體會到EYT真係一個大家庭，演員好似家人咁互相照應。」

上一個entry有讀者話"不速之約＂原來係講人點樣面對生命, 人性善惡, 點樣面對心魔o個隻…睇睇吓原來真係喎…幾有深度o個隻…估佢唔到!

仲有原來監製係潘嘉德…"刑偵"的潘嘉德, "浪族闊少爺"的潘嘉德, "再生緣"的潘嘉德, 仲有"衝上雲霄"的潘嘉德…wahaha! 由始至終都好buy佢d劇…仲要不同劇種都拍得咁好!

Oh, 原來"誰家灶頭無煙火"已經煞科…10月尾結局…呢套都幾好睇喎! 其實近年8點d處境劇都唔錯, 係除咗舊年郭晉安同廖碧兒o個套…爛到我連個名都唔記得咗喇! hoho! (check番…原來叫"依家有喜"…而監製居然係…我最喜愛的潘嘉德…真係…sorry晒…hohohoho!)

朋友送給我的含笑半步癲…真係好代表到我囉! "他人笑我太瘋癲，我笑他人看不穿"…好係我囉! 同埋真係好周星星! 正! wahahahaha!

9-15(thurs) 林峯@lam fung street

2011-09-15T00:19:00.000+08:00

”潛行狙擊”終於都大結局咗…到呢幾日先有時間睇番! 結局篇我又反而覺得無之前咁好睇, 最後仲要d主角幾乎死晒又係慘絕人寰咗d…雖然咁樣o既結局係會令人印象深刻好多! Madam jo死得會唔會有少少無謂? 係要令大家記得一個淒美的結局? 有遺憾先會深刻? 咁佢個咩電影版甚至續集可以點搞呢?

雖然無一開始咁好睇, 但都算係今年比較可觀的劇集…又臨近台慶, 都應該有d機會攞獎o既!

接佢o個套"不速之約"雖然d人我ok, 但套劇其實我唔係好知佢講咩! 反而再下個禮拜上的"福祿壽"我就幾有興趣! 雖然福祿壽應該係做綜藝節目好睇d, 但係呢套都應該可以睇吓o既…佢套電影都出奇地比我想像中好笑好多, 所以都應該ok!

嘩…d網友真係好眼利…林峯@臨豐街…:p

我諗我有十年無睇過商台d拉闊音樂會…前幾日去咗睇"阿LAM X HACKEN拉闊音樂會"...一次過滿足晒兩個願望...呢個組合真係超正囉!!!!

阿lam真係好勁! 六十幾歲依然中氣十足，佢唱"30624700~~~"係好似不費吹灰之力咁, 克勤咁好氣面對佢都明顯有啲吃力, 把聲仲俾阿lam蓋過左…我第一次見克勤係唱唔過個對手囉! 不過呢個組合真係喪正！多謝晒攞飛請我睇的朋友!

9-5(mon) 朱咪咪vs G.E.M.

2011-09-05T23:06:00.002+08:00

呢個世界真係never say never...估唔到因為一句戲言, 我會去咗紅館睇朱咪咪吾會玩嘢演唱會2011, 莫講話你估我唔到, 我自己都覺得好匪夷所思…正如我估唔到少女咪咪姐會同金魚G.E.M.咁似樣囉, 仲要某程度上, 我覺得咪咪姐仲靚d+對眼仲大d添囉! d人成日話gem樣靚身材正唱歌又好聽...但我相信mimi姐後生係有過之而無不及...hoho!

至於個演唱會呢…喺從未睇過呢一類演唱會之下, 都算幾有新鮮感o既! 同埋好多嘉賓囉! 又小明上廣州的李家仁醫生, 又視帝柴九, 又黃俊棠…連楓華都再現紅館…都幾目不暇給!

噢…志雲案個結果…其實坦白講都有少少出人意表! 但我好高興見到志雲大師無事, 因為tbb無咗佢的確失色不少, 應該話成個電視圈無咗佢都有d令人無所適從! 係佢先搞得掂tvb…同埋睇吓佢有無機會拆掂埋四大唱片公司!

呢篇又係寫得幾抵死…

游清源頭文字Y
香港視帝陳志雲

「我想藉此機會感謝上帝對我一直以來的關懷和照顧；我特別感謝王喜、林以諾牧師、方逸華小姐和梁乃鵬博士；我亦要感謝上帝給我這樣好的律師團隊，他們給了我法律意見，也給了我無限量感情上的支持。」

這番話若非出現於亞視、有線、now的電視新聞，我真的以為陳志雲在發表得獎感言，以至原裝足本可能是如此這般極具詩意的：

「我今次做到因為難能所以可貴的視帝，做到真的假不了的視帝，我真的感到好開心，開心到喜極而泣，多謝！多謝！多謝大家！……我想藉此機會感謝上帝對我一直以來的關懷和照顧，我特別感謝王喜的不離不棄、林以諾牧師的莫失莫忘、方逸華小姐的疼我愛我，以及梁乃鵬博士的扶我持我。我亦要感謝上帝給我這樣好的律師團隊，他們給了我法律意見，也給了我無限量感情上的支持，實在貴得有道理。最後，我想重申，如果你都遇上了一些變化，一些莫名奇妙的變化，請你不要驚，不要亂，不要放棄，更加不要放屁。因為，輸的贏不了，贏的輸不了！多謝大家的支持、關懷和鼓勵。」

由此可見，志雲大師的最強項，其實是以名人或藝人的身份做節目，所以方逸華小姐實在好應該繼把《荃家福祿壽》搬上大銀幕，升呢為《勁抽福祿壽》之後，再把《志雲飯局》搬上大銀幕，升呢為《志雲皇家飯局》，而且還提供3D版、IMAX版，以至「豪情版」任君選擇。

關於志雲那場官司，有趣之處實在多過熱氣仔口中的痱滋。比方說，報道指志雲一眾親友一聽到無罪釋放，即時集體動L彈起身拍手掌，儼如得悉法官宣布「今屆奧斯卡最佳影片是──《志雲皇家飯局》」一樣，十分之感人屁股蕩氣蛔蟲。

再來，報道亦指王喜和陳永孫都喜極而泣。我真的很想知道，那些記者是憑什麼說二人是喜極而泣，而非悲極而泣的呢？

王喜先天上「喜」字當頭，勉強還說得過去，但陳永孫明明要自掏腰包付堂費，實在不能排除他知道陳志雲和叢培崑都毋須付堂費後，感懷身世悲從中來，而忍不住「流馬尿」呢！須知道，悲的喜不了，喜的悲不了啊！
********************************************************************************

"潛行猎擊"真係近期最好睇o既電視劇, 至於"九江十二坊"larp咗少少其實都可以接受o既, 不過呢d古裝劇又的確唔係我杯茶! 反而"誰家灶頭無煙火"何傲兒同陳智燊o個段又都幾好睇喎!

8-28(sun) summer pop never stop~~~

2011-08-28T23:04:00.001+08:00

“summer pop never stop~~~”已經去到第3年…第一年o係博覽館搞o個個由晏晝3點唱到夜晚11點幾o既馬拉松式concert就幾配合旅發局呢個主題o既, 但可能覺得唔化算, 舊年已經變成o係紅館搞o既"獅子山下"音樂會…今年仲係將舊年至今年兩個比較受歡迎o既演唱會搞個part 2就算數!

就咁…佢將舊年最好睇o既草蜢25年演唱會同埋今年5月安仔個許志安On And On廿五周年演唱會再次搬上紅館! 連舞台同歌衫都係照dup番…係加插咗向哥哥張國榮致敬o既一part囉! 但弊就弊在佢哋居然無派o個兩支吹氣棒棒…依家演唱會慣咗有佢哋, 原來無咗氣氛真係差好遠…拍到手都痛埋…hoho!

好彩草蜢d歌又真係百聽不厭...大家依然可以自然natural high地一齊跳足大半場! 不過經驗話俾我聽, 下次睇草蜢真係唔可以買山頂...氣氛差一截囉...:p

作為八十年代之友、演唱會之友、紅館之友…我當然有睇足兩場啦…仲要草蜢同老鼠安都係我鍾意睇的…咁encore多次都無壞! 本來諗住5月先睇完許志安, 應該會有d悶, 仲要佢無草蜢咁多勁歌熱舞位, 所以我對草蜢的expectation會大d, 因為上年睇完真係興奮足幾日囉!

但係出乎意料之外地, 我居然覺得安仔個演唱會好睇d, 仲竟然好睇過part 1…so far係我第一次覺得一個演唱會比起本身的part 1更好睇囉…可能係無左上次的悶parts, 而新加的部份又精彩過上次, 成個rundown都improve咗, 有驚喜!

同埋佢今次揀o既歌全部我都好得, 仲要佢選唱哥哥d歌都啱我心水過草蜢揀o個d…風繼續吹, 為妳鍾情, 只怕不再
遇上, monica, H2O, 少女心事, 第一次etc...所以真係要讚吓! 仲有我又係估唔到佢有嘉賓…仲要有咁多嘉賓! 有梁炳, dicky, deannie姐, 連車沅沅, 王菀之都有…又真係估佢唔到! 現場仲要撞到好多朋友...原來真係好多人都有去睇呢個summer pop演唱會! 另一個估佢唔到!

Oh, ”潛行狙擊”原來有成30集, 仲有兩個禮拜先完! 真係幾好睇, 幾緊湊吓!呢個又係可能係卧底, o個個又可能係警察…一片混亂…估唔到郭政鴻原來又係黑社會! 同埋我想講, mc jin真係做得幾好囉! 估唔到佢咁多才多藝…對佢印象即刻好咗好多! 仲有黃智雯我都真係幾buy…d戲都唔錯, 個樣又靚咗! 同埋laughing同法拉o個段情都寫得幾好睇!

仲有深夜又重播80年代黃日華+湯鎮業版"天龍八部之虛竹傳奇"…唔係前兩個月朝早先重播過咋咩? 不過我無咩睇過, 依家深夜呢個時段又啱我睇喎!

8-22(mon) 潛行狙擊

2011-08-22T00:16:00.000+08:00

”潛行狙擊”又去到尾聲…呢套都算幾好睇, 幾緊湊! Laughing哥真係好chok, 法拉就愈o黎愈有大將之風! 仲有, 江美儀d戲又係幾得! 同埋估唔到阿”回鄉靖”mc jin除咗rap同做主持之外, d戲都唔錯喎! 但阿超級巨聲陳康健就真係呢…估唔到除咗我留意到佢之外, 同d friend講起大家都有留意佢, 因為真係做得顯著地hea…好似睇緊d中學話劇咁, 仲要講對白同埋反應都顯著係慢幾拍...真係得啖笑…俾佢唱番歌吧啦~~~

yay! 又有"超級巨聲"睇...最緊要係又有趙增熹睇...正! 簡直係賣飛佛prg呀! 但係九點o個個”變身男女chok chok chok”節目真係有d悶…快d完咗佢吧啦!

呢期d娛樂新聞又好鬼精彩, 精彩in the sense係令你O晒嘴! 之前就柏芝同霆鋒 (呢單已經勁悶, 唔該慳番d版位唔好再報導喇), 思琦姐同李泳豪…呢個禮拜就何超雲同陳山聰(葱), 廖碧兒vs陳豪vs林忠豪, 最新就有傅穎同羅仲謙! 真係鑊鑊新鮮鑊鑊甘…今年年尾選十大娛聞真係好頭痕!

最新近爆出o個單theresa+巨胸謙…真係兩個都唔抵幫! 之前d報導明明話佢哋舊年已經分開咗, 點知原來仲藕斷絲連咗成年! 哎…你明知佢一腳踏幾船呢d係有舖癮o架嘛…邊有得改o架?! 而個吃了花的傅穎就一日自爆去博宣傳, 又係肉酸…果然係臭味相投!

廖碧兒o個單就更加峰迴路轉…估佢唔到! 明明舊年十二月話一齊左, 跟住又講到俾個肥仔飛埋又雙失又咩咁…依家無啦啦又話原來一直都未追到手, 仲要扮晒”癡心情場劍”話要全心全意去追求佢…真係O晒嘴! 呢期啲娛聞真係無奇不有!

不過其實無論事情真相係點, 廖碧兒起碼攞番個彩! 因為佢呢一年真係被一沉百踩到過街老鼠咁! 雖然我一直都好buy陳豪, 但我成日都覺得世事永遠不會只是一面倒, 一隻手掌從來都拍唔響…況且感情邊有對或錯, 成件事係點亦根本無人知! 不過初時我o既睇法都係同普羅大眾一樣…但經過呢大半年睇咗唔同o既報導, 睇睇吓又發覺事情未必完全係咁…所以我反而覺得廖碧兒有啲慘! 不過佢對手係陳豪就無得好講啦…佢人緣+觀眾緣太好…傳媒一面倒企o係佢o個邊, 就自然會寫衰同記者關係唔好o既廖碧兒…寫多幾日咩形象都蕩然無存啦!

所以同之前”奪面雙琪”事件一樣, 梁詠琪最錯唔係去奪麵 (provided that佢真係第三者的話…因為後來幾個parties都話事實係鄭伊健已經同邵美琪分咗手一段時間, 只係無公開…咁呢樣無人知啦吓)…而係佢人緣差, 得罪晒d記者, 所以一有事發生大家都一致寫衰佢! 所以我成日都話, 無論你做邊行, 人緣係最緊要, 實力都係其次!

而於”雲山戀”…真係呢…賭王死都俾佢激番生…哈哈!

不過larp左啲雜誌封面, 真心覺得阿陳山聰好嘢囉! 呢d真係”有志者事竟成”的最佳例證…唔係笑佢, 我係真心覺得佢有計, 賭王個女都媾得掂…有吉士, 我為你鼓掌! 同埋係真心威囉…揮低哂啲有錢仔, 連後生靚仔過佢嘅周柏豪都輸俾佢! 所以d人笑佢, 我話笑咩呀…你追到先算啦! 哈哈!

同埋阿山窿應該真係好識冧女, oh…唔止女, 應讓係人…連賭王都冧得掂, 應該真的不是省油的燈! d人話佢追到超雲都未必入到宮啦…我諗佢唔係真係諗住可以入宮呀嘛? 超雲得o個廿歲出頭, 有排玩啦! 不過就算入唔到宮, 佢去到呢個階段玩到咁大都算超額完成啦! 吓嘩?

呢個時候, 當然要聽吓”豪情哥哥”唱”abcd我話你知”啦…hoho…

8-10(wed) 唸你(父子情深版)

2011-08-10T23:30:00.000+08:00

嘩哈哈哈哈…王祖藍呢d真係神級! 笑死我! 賤到無朋友…似到無朋友! 救命! 實在係太精彩, 笑死烏~~~

唸你(父子情深版)【Daddy】- 王祖藍
作詞：王祖藍
主唱：王祖藍

我的字典裡沒有Daddy
不用說對不起
我從不拍恐怖的MV
MV裡全是你
眼見著兒子"I am SORRY!"
又見到Daddy "Do you LOVE me??"
多得你紅過了頭
多得你多了人氣
你做什麼我都愛你
Daddy~~

嘩! 有日放假居然見到朝早十點重播朝偉版”鹿鼎記”! 好勁喎! 之前咁o岩先同人講開呢套”鹿鼎記”, 事關之前摷番d資料, 見到一篇”鹿鼎記”…心諗d文筆係有d似我, 睇睇吓原來真係好寫, 點知我真係完全無印象…原來我呢d咩都忘記唔到o既人, 都有機會失憶! 哈哈!

跟住11點幾又重播”尋秦記”…o個時o既林峯真係好得, 同埋作為新人真係做得好好, 仲有成套戲都好好睇…真係d重播劇精彩過d黃金時段劇好多囉!

點解今次”潛行狙擊”用咗咁多歌星…除咗有MC JIN, 又狄易達, 仲有埋一班超級巨聲...又周志文周志康, 連陳康健都有…好特別! 同埋我以為真係好似舊年套電影”inception”咁, 但原來只係竊聽吓啫! 不過套劇都幾好睇! 同埋原來劇情真係同”學警狙擊”&電影”laughing哥之變節”有啦間o架喎…仲要係拍咗無幾耐就播…好少何!

嘩! 終於有人upload呢個"共享陽光"mv...勁正! 真係童年回憶返埋o黎! 呢d先係我哋個年代o既夏日回憶…仲正過"夏季shalala"!!!!

曾華倩同藍潔瑛都好靚囉…仲有周星馳, 譚玉瑛, 張國強…以前d兒童節目主持真係強! 仲有以前o既尖東海旁, 依家o既星光大道…好令人懷念的回憶啊!

共享陽光 (蔣慶龍)

8-7(sun) Miss HK Pigeon 2011

2011-08-07T00:30:00.002+08:00

Hohoho, 又o黎喇又o黎喇…又到一年一度的miss hk pigeon! 今年無咗amigo, 又無咗福祿壽…換o黎森美…都ok呀!

噢! 今年居然downgrade到無咗紅館, 走番入電視城…點解搞成咁呀?

港姐呢十年o黎已經完全做唔起, 不過作為一個由細睇到大的show, 都有d情意結, 點都會繼續睇吓o既! 今年仲加入咗呢個由兩個選美experts: http://miho0311.blogspot.com/and http://missmuthongkong.blogspot.com/合辦的”MISS HK 2011 BLOGGER’S CHOICE”…所以都有好落力咁去睇呢個show, 仲做番細個成日同d表兄弟姐妹一齊做o既嘢…排排坐o係電視機前面俾分! 我諗呢樣嘢我都成廿年無做過咁滯! 以前會推晒所有節目特登趕返屋企睇港姐的時光己不復再喇!

一如近幾年, d評判都靚過晒d佳麗…尤其係周慧敏, 真係愈老愈高貴, 43歲o既佢雖然生得d妹妹仔出, 但係絕對靚過晒佢哋! 點解今年d佳麗可以醜樣成咁? 係得3號一個靚d…係咪真係無晒靚女會參加港姐?! 仲要個個身材都唔多掂…一開始件泳衣著到個個都有肚腩, 點解唔keep吓先參加? 真係好有勇氣! 定係件泳衣本身有問題? 反而之後八強件泳衣都好d!

同埋丁子高真係夫憑妻貴…居然會搵佢做評判…雖然我呢兩年係buy咗佢, 但呢個係事實! 如果佢唔係楊千嬅老公, 點會搵佢做評判?

個女強人環節好九唔撘八, 唔知做咩…同埋d衫好肉酸, 求奇去boutique買件都靚好過佢! 但都唔夠d咩中古衫核突, cutting又唔得,好似平時去石板街買o黎玩o個d, 好慳水慳力, 仲要唔稱身, d佳麗本身身材已唔多好, 著到個個身材更差, 就算cut budget都唔駛咁粗製濫造呀! 畢竟都係年度大show呀!

今年連表演環節都無埋…好慳水慳力, 不過咁都可以拖到兩個半鐘都算勁囉! 尾段d媽咪上o黎講鼓勵說話o個part做得幾好, 好感動, 睇到人喊晒! 其實d人真係講得無錯, 有其母必有其女, 你想知個女係點, 睇個阿媽就知…呢個真係好準確!

今年同上年一樣選4強出o黎再宣怖3甲, 又係for the sake of foul而foul…有d無謂!

Oh, 今年居然無咗d歷屆港姐出o黎撐場的環節…又係失色!

好啦, 講番個賽果…都尚算合理! D評判揀o個幾個基本上都係我揀o個幾個…但名次上有d分別! 其實論樣3號許亦妮真係拋離幾條街, 超晒班! 其實佢今晚表現都ok, 不過可能真係負面新聞未免太多, 唔得評判歡心!

14號朱希敏後段感覺好咗…口材都算幾好, 不過態度有d寸! 唔知點解我覺得佢有d似以前有線娛樂台個女主播鄭文! 俾我可能會揀佢做亞軍!

至於5號朱晨麗…又唔係唔好, 感覺平平淡淡, 同埋仲有d鄉音…我會俾佢攞季軍…不過你話評判揀佢做冠軍我都唔覺得出奇!

9號麥美恩其實就樣貌身材無咩特別, 又係好平淡但唔知點解睇到中段感覺幾良好, 其實如果俾佢入三甲我都唔會覺得出奇!

至於另外d佳麗呢…

1甄敏婷…把聲唔得, 個樣有d莫可欣! 不過overall感覺都可以!
2 關曉琳…個樣有d怪, 同埋好有老態…o個件什麼中古服式真係玩死佢, 件衫映得身材勁唔掂!
4林慧倩…身型ok, 但個樣又似容祖兒又似麥皓儀…可惜兩個都咁唔靚…真大鑊!
6梁麗翹…個樣有時都唔錯, 但一日瞪大對眼同埋講嘢個嘴有d”meh”仲要寒背就唔多掂…佢入唔到圍都好合理!
7 胡中慧…唔知點解我覺得佢有d似邱月清…哈哈! 但牛高馬大bb聲仲要黐脷筋, 有d難受!
8 蘇文…其實談吐幾得體, 身型都ok, 但個樣未免太似auntie…可惜咗!
10李天縱…唔得, 個樣太~~~整容feel…眼都”meh”埋咁…仲有d亞姐口音, 個感覺勁似89年亞姐李其鈞, 點解港姐會俾佢入到圍? 明明佢就係亞姐才料!
11劉思希…哈哈, 四眼廖安麗! 其實俾起一開始感覺好咗o架喇, 口才都幾好, 不過個樣又真係差d!
13蔡慧欣…樣ok, 但未免太矮, 同埋把聲好難聽, 仲要完全唔知佢講咩?
15梁蔚翎…態度幾好, 不過個樣真係好醜人妖樣, 同埋個肚腩想點? 哎…

最後, 我想話: 六叔真係好好嘢…成一百零幾歲仲可以咁精神…好犀利!

都係o個句, 為免過一年會唔記得晒d賽果…都係link to蘋果: 無綫破格執二攤落選亞姐朱晨麗港姐奪冠
•冠軍　 5號朱晨麗
•亞軍　 14號朱希敏
•季軍　 3號許亦妮
•最上鏡小姐　 3號許亦妮
•國際親善小姐　 6號梁麗翹（圖）
•旅遊大使　 6號梁麗翹
•最受歡迎大獎　 5號朱晨麗

又到一年一度ms hk piegon回顧@芒姐再現:

Miss HK Pigeon 2010

Miss HK Pigeon 2009

2008香港小姐

港姐回顧

2007年度香港小姐

2006香港小姐

2005港姐謝師宴

2004香港小姐

2003給香港小姐

1994年度香港小姐選舉

1993年香港小姐

1991香港小姐選舉

8-5(fri) 陳展鵬

2011-08-05T23:53:00.000+08:00

終於有時間睇番最後一個禮拜o既真相! 呢套真係幾好睇…係近期o既佳作! 雖然唔係o個d咩劇力萬鈞大製作, 又或者似當年的”刑事偵緝檔案”咁, 但各方面都幾平均吓…唔錯!

唐詩詠同馬國明o個段幾好睇, 大c死o個段真係睇到人個心都la住晒! 同埋最後講馬明o既報應係失去咗身邊最愛o既人然後一世內疚都好警世! 仲有就係帶出人在江湖, 身不由己, 千祈唔好行錯第一步呢個message亦都好入腦! 同埋做殺唐詩詠個兇手o個個演員都做得好好囉我覺得!

仲有後尾田蕊妮同阮兆祥o個段又係幾好睇…輕鬆得o黎都幾sweet…但陳芷菁做大塊田個阿姨, 感覺有d怪…佢哋個樣好似差唔多大咁!

呢套又有”同事三分親”o既marco同gary…呢兩個名真係好深入民心, 永遠都會覺得佢哋係叫marco同gary! 但係gary做唐詩詠個細佬又係略欠說服力囉, 似佢大佬多好多!

噢! keith同wallace都咁好真係好難揀, 但我估唔到mavis最後真係會兩個都唔揀囉 (我指作為一套戲)!

因為陳展鵬呢期太熱, 連帶連呢個十幾年前的陳曉東"心理遊戲"mv都大熱起來...話說我當年其實幾鍾意阿”陳東師傅”, 而呢個mv亦都睇+唱過無數次, 不過個搞笑程度都幾高...係睇一次笑一次, 完全唔知佢想點?! 不過個story同成個setting都好深刻!

Wow, 呢個十幾歲o既陳展鵬對比起依家三十幾歲o既陳展鵬即刻高下立見…男人真係要去到三十幾先開始散發魅力! 同埋呢個mv除咗東東同陳展鵬...其實個女主角都有段古…話說幾年後去某大律師樓聽d trainee講座, 見到佢係其中一個講者, 原來佢都係讀law…真係又讀得又睇得…咁講佢拍呢個mv時應該已經讀緊hku llb, 可能同張燊悅係同期! 所以話呢個mv都可算經典!

(oh btw, 結他"...oh, 其實東東o個期d歌全部都好好聽, 同埋幾有趣味...仲有"結他劇烈帶引我倆快脫軌, 舞姿彷彿似兩個急轉硬幣~~~"都係超級like!)

新o個套"潛行狙擊"都ok, 不過只係睇咗少少…laughing一日到晚o係度唱”小明上廣州”真係好難頂!

至於"紫禁驚雷"真係一d都唔係我杯茶…雖然o個日都larp咗少少…又有馬明同唐詩詠一齊, “真相”時裝完又古裝, 呢期佢哋變咗螢幕情侶? 仲有呢排d cast真係成日都overlap囉!

哈哈, 之前咁o岩同朋友講開, 即刻search番呢個"絕代商驕"超經典"扮公室四大絕學"o黎睇…幾年後睇番依然咁好笑, 仲要充滿智慧! 咩"hea做,虛應,假度,陪笑"...仲有"頭七尾七"…印尼report vs印尼resort…笑死! 如果可以靈活運用, 在吹水唔抹嘴的職場上包保無往而不利...wahahaha! 子華真係好有計…好少可以有d劇輕鬆搞笑得o黎仲有咁多大智慧…真係幾時睇番都咁警世!

呢套劇簡直係辦公室智慧天書...要得閒重溫吓先學到嘢…:p

7-30(sat) 林峰Light Up My Live演唱會2011

2011-07-30T00:48:00.001+08:00

林峰Light Up My LIVE(?!)演唱會…我當然都係有睇o既…不過好坦白講, 我都覺得開得太密, 有d嘢係要留一留, 唔可以谷得太盡…tbb同英皇成日走呢個"愛你變成害你"路線真係唔係咁得! 而我就覺得呢…成個演唱會呢個"chok"theme就最得...懂得自嘲的人係最高境界…讚好!

同埋我始終係最鍾意8,9年前做"再生緣"同埋"律政新人王"o既林峯...到佢變咗萬人迷之後, 熱情已經減退咗d…今次演唱會佢主力唱新歌, 對我o黎講梗係更加難投入! 同埋我希望英皇同tbb如果係想幫佢, 唔好再連續第四年開演唱會…見好就收的道理, 佢哋無理由唔明!

(嘩! 都真係練得幾大隻吓~~~:p)

Oh…我o個晚o既嘉賓居然係laughing+金剛+古巨基...對於我本人o黎講, 金剛已經算係最吸引o個個…點解我o個晚唔係summer pop的鐵腳草蜢+老鼠安呢? 實在差太遠! 到第三晚又有草蜢同菊姐…真係激死人! 同埋草蜢太無緣份!

回顧回顧:

2009.6.18: “峯．情無限演唱會~~~let’s get wet~~~”

2010.8.4: “come 2 me瑞士依波路表浪漫呈獻林峯演唱會~~~”

2009.11.15: “我和林峯有個約會”…:p”...

(嘩哈哈哈哈…星光大道的新成員…好cute呀!)

"真相"話咁快又做完咗, 我仲未追到最後一個禮拜…不過陳展鵬真係型咗一個! 都話男女真係永遠都唔公平, 男人永遠都係愈老愈型, 佢當年o係無綫做d死o靚仔角色時真係一d都唔討好, 到佢去咗亞視年代差不多30歲先型咗d, 不過亞視永遠都無人睇, 紅都紅唔起! 依家佢終於有運行喇! 黃浩然有勁敵!

新o個套"潛行狙擊"都幾吸引吓, d人腳亦都好似唔錯…有d期待!

至於"紫禁驚雷"…呢d style一向都唔係我杯茶, 一集都無睇過添!

啱啱睇到節目表原來亞視又重播"我和殭屍有個約會", 已經係第二千九百次喇…不過今次我miss晒添!

7-29(fri) 人約離婚後

2011-07-29T23:04:00.000+08:00

終於睇咗o個套話加插咗上年o係網上瘋傳o既"新娘復仇"故事 (如果大家唔知係咩事可以打呢四個字去search吓, 初時係身邊朋友講你聽, 後來係身邊個個都好似有朋友參加過呢個婚禮, 親歷其境咁…就連睇j2 big boys club阿william都好似又係話有朋友去過呢個婚禮…咁斷估對新人真係擺咗500圍…:p) o既"人約離婚後"…都ok有趣!

呢段人人都聽過o既"新娘復仇"故事固之然頂癮, 另外d情節都ok o既, 某d位雖然略帶浮誇, 但其實又幾寫實吓…你以為身邊的朋友個個正正常常, 但其實個個背後都總有一d不可告人的故事…哈哈! 成套戲好typical葉念琛o個隻囉…同埋佢次次d戲都要帶出"睇嘢唔好睇表面, 呢個世界好多嘢都係掩眼法"呢個道理…呢樣我又真係萬分認同喎, 尤其當你o係呢個社會生存得愈耐, 你就會愈發現這是真蒂!

哈哈...呢集"新聞透視"幾好睇! 講"少睡精英"…雖然我唔係精英, 但絕對係少睡囉! 原來呢個世界真係有好多人同我一樣好享受深夜的寧靜, 夜一夜都唔願瞓, 覺得瞓覺好o徙時間...oh i'm not alone! hoho!

雖然好多嘢日頭做都得, 但硬係覺得夜晚做型好多! 同埋深夜的寧靜, 係日頭代替唔到的...hoho!

仲有咁o岩睇到呢幅"牛"餐肉...又係抵死!

7-25(mon) 李克勤．香港小交響樂團演奏廳2011

2011-07-25T23:58:00.000+08:00

克勤x小交x葉詠詩x趙增熹 = like x 100000000000000000!!!

四樣我都咁鍾意, 成個combination簡直係perfect! 克勤d歌已經夠好聽, 加埋交響樂團更加grand, 仲有葉詠詩都好型...更正係原來有埋趙增熹囉囉囉囉囉...我真心覺得成件事都好型! 真係好睇到不能相信!

好耐無睇過咁好睇o既演唱會, 如果話係近十年我睇過最好睇o既演唱會都不為過! 近年芒姐俾最高分o既草蜢演唱會, 就係會令你好興奮一齊跳一齊跳o個隻, 而克勤x小交就係好型好grand好high卡咁囉! 各有各好…但今次我居然即興睇多兩場, 即係合共睇咗成三場! 咁大個人都未試過…真係癲咗! 可見呢個演唱會有幾咁震撼我的心靈!!!!

當然, 我承認我自細都係好buy克勤的…以前細個d人成日問我我鍾意邊類型的人, 我一定答話李克勤, 因為佢轉數快, 口才好, 鬼馬, 唱歌好聽, 寫字靚, 英文好...仲有靚仔...wahahaha! 但唔知點解, 我一話佢靚仔就成日俾人笑我癲, 話我bias…但我係真心覺得佢算靚仔o架喎...由廿幾年前o既"不再少年時", "淘氣雙子星", "浪族闊少爺"開始已經係咁覺得...一路無變過 (um...留鬚o個期係衰咗少少…:p)! 佢一出道明明係偶像派, 只係so happen佢唱歌又咁好聽咋喎…算啦算啦…大家又話我係真心癲! 呵呵!

pit開靚唔靚仔o個part喇…我o係一整晚度真係講咗廿九幾次好好聽/好震撼/好靚仔…我d朋友話從未見過我呢個雙眼發亮的冧樣…但唱得好聽成咁，真係可以點樣？真正feel到咩叫好聽到喊! 原來好o既音樂同動人o既歌聲真係可以震撼人o既心靈同埋感動到人想喊…一d都無誇張! 我有幾個位真係literally感動到想喊...成件事好grand囉!

克勤d經典歌本身已經係百聽不厭 (你話佢狂食老本都係咁話…但老本的確多人buy, 又真係唔怕食!),,,再配埋交響樂團又有另一番景象! 10年前睇完佢同hkphil已經驚為天人...抵佢做完o個次演唱會之後鹹魚翻生足十年! 佢唱live真係好得, 同埋同orchestra配合得好好! 我一直都覺得佢係咁多個流行歌手之中, 其中一個最夾到交響樂團o既一個!

同埋個演唱會真係好多variety, 又口琴五重奏, 又三重唱, 又三弦琴…個中樂叔叔真係好得, 好識搞氣氛, d戲好掂...當然, 佢技藝亦都好高超! 成晚真係絕無冷場囉…值回票價!

我好耐未試過睇一個演唱會三個幾鐘無望過個電話...仲要不停咁話: "真係好好聽囉!"...好似癲咗咁! 我呢幾日已經係咁loop緊克勤d歌...演唱會症候群!

仲有趙增熹真係好charming…可惜佢無咩講嘢!

呢首"瀟瀟颼颼悄悄夜靜無人伴我行是寂寥~~~"係廿年前佢親自填詞o既作品...小時候的我, 已經覺得佢好有才華...wahaha! 仲有譚詠麟前歌迷會會長暨88年港姐入圍佳麗暨"今生無悔"黎明個妹楊美儀做mv女主角…oh, those were the days! 又係回憶返埋o黎!

克勤@芒姐再現:

李克勤

李克勤n年前音樂特輯之...熱浪迷情

李克勤06得心應手演唱會

"真相"大家都一致話好睇…oh, 我追得好辛苦, 依家只係去到陳茵媺同印度人o個段多少少…呢段幾好睇喎! 仲有好少可會有劇情係講陪審團的故事…幾特別!

2011-07-16T23:25:00.000+08:00

7-16(sat) 2011香港先生選舉+我的字典裡沒有放棄, 因為你鎖定你~~~

又係一年一度o既香港先生選舉大日子…但係做到第七屆, 真係愈o黎愈雞肋…食之無味, 棄之可惜! 你問番我之前兩年邊個贏咗…我都係要好勉強先答得出! 仲要咁多屆o既香港先生都無咩邊個紅到, 咁你搵鬼參加咩?

睇番原來我舊年無寫到香港先生添呀…證明呢個節目o既吸引力真係愈o黎愈低, 呢d話題性o既嘢真係頭幾年先會引起好大迴響, 但睇多幾年又會不外如是…仲要質素一年比一年低, 同埋男人谷胸show body真係笑料多過真心欣賞囉…男性永遠都係有才華吸引過有body o既…hoho! 新鮮感不再o既時候…tbb應該諗吓呢個節目係時候接埋喇…

今年無咗鐵腳伍姑娘…無咗佢搞氣氛, 又係再失色咗…d人騎呢又唔夠騎呢, 靚仔又唔夠靚仔, 真係好難搞…同埋我唔明點解每個都要幫佢哋整d假紋身囉? 好肉酸!

tvb香港先生@芒姐再現:

2009香港先生選舉

2008香港先生選舉

2008香港先生選舉

2007香港先生選舉

2006香港先生

2005香港先生

呢段真係笑咗...原來呢首歌呢期好紅...點解劉家昌要咁樣整古佢個仔?! 定係佢哋諗住正正常常紅唔起, 要搵呢個方法出吓位? 咁佢又真係成功喎, 呢期真係熱爆網絡!

高登紅人劉子千（劉家昌個仔）最近推出新碟《感動》，宣傳鋪天蓋地，佢首俾人質疑由父親代唱嘅四洲廣告歌「腫果蝸跌挨而牙~（中國我的愛）」蠶食廣告時段無限 loop，已令人「震憤」，點知千千轉個頭又有給力新作，推出冧女情歌《唸你》，仲請埋寶島索女鬼鬼拍 MV。不過首歌俾網民笑為「生化武器」，睇埋 MV仲以為坐時光機返咗 70年代！

(我的字典裡沒有放棄, 因為你鎖定你~~~)

仲有呢段又係好得…d名改得好正囉! 都話蘋果d娛聞真係寫得精彩過單娛樂新聞本身...:P

"重口味娛樂：鼎李
豪琦鬧劇連日上演，孭重飛嘅狠琦、頹豪、唔帥、癡漢、鬼眼兩幫人互數，惟獨鼎爺喪插思琦粗口橫飛，越鬧越開心，反而有 fans支持。鼎爺霸氣非一天儲滿，由佢當初做龍虎武師，至娶施明生孖仔，到騎馬贏國際獎項，威水史的確一籮籮，唔怪得講句「黐 X線」都大聲過人。　撰文：辰秀"

呢幅"鄧梓峰幫李家鼎梳頭"都係好得...笑咗!

Last but not least…"李克勤．香港小交響樂團演奏廳2011"真係好好睇…好耐未如此震撼過…下期先講! 但真係好想睇多一場囉!

7-11(mon) 真相

2011-07-11T23:58:00.000+08:00

不經不覺套”真相"都做咗一半咁滯…其實都算幾好睇! 兩個男主角又吸引過個女主角喎! 以前好鍾意楊怡, 但自從佢成個look變咗之後就有d怪, 仲要唔知點解會變埋痴脷筋同埋d鄉音出晒o黎…變咗第二個人一樣…點解會咁?

至於兩位男主角, 唔知點解我成日覺得黃浩然同陳展鵬個style有d似! 仲要兩個都有一期去過亞視添!

陳展鵬第一次o係無綫擔正, 都做得唔錯呀! 佢個樣就亦正亦邪, 黃浩然就中d, 靚仔d嗰隻…各有market! 同埋陳展鵬比起當年 (98/99年) 做寶麗金歌手唱佢隻首本名曲"迷你"時 (唔知大家有無聽過? 但當年我去k都有唱過幾次…佢o個時一轉做歌星都有幾多妹妹仔fan屎o架喎, 唔知點解後勁咁不繼?) 感覺成熟咗好多…吸引好多! 男人都係成熟d比起d花o靚仔更有吸引力! 不過點解tbb忽然間會捧佢做主角呢? 同埋唔知仲有無人記得佢十九幾年前有份做松松姐姐主演o個套 "水餃皇后"呢?! 哈哈!

至於套"團圓"已經進入結局篇…又真係好睇咗喎! 郭晉安真係做得ok型, 同埋佢對徐子珊o個段感情都寫得幾好, 佢哋亦做得唔錯…之後佢兩個係咪真係會o係埋一齊呢?! 仲有ming sir…雖然個角色好乞人憎, 但又係做得幾好…有d令人諗番起"今生無悔"程朗個爸爸添呀!

嘩, 原來呢套戲係2010年頭拍, 拍咗成年幾先播, 唔怪得知個feel咁倉底…

Oh, 呢個禮拜d娛樂新聞依舊係鋒芝變同埋楊思琦+李泳豪九年情變暨三角戀…哎! 愈搞愈肉酸…我相信兩邊講o既嘢都會有幾成真, 因為正如我成日講, 每件事都從來唔會只係得一方啱/錯晒o架啦! 但互揭"蒼巴"只會令雙方形象進一步跌入谷底…咁又何必呢?!

不過鼎爺依舊好多金句…笑死我!

"鼎爺則力撐兒子，否認永豪搞生日會有人放料，他說：「我不講大話，不是幫個仔，個仔與她一起好與壞都不出聲，個仔不識講這些。（有否叫泳豪對思琦死心？）對這個女人死心，不是叫他對女人死心，既成事實，我有叫他放開一點，這幾日我亦陪著他、安慰他。」思琦說鼎爺知道她搬走？鼎爺說：「知個死人頭，她住在施明家，我點知她搬走，3、4月時她才來我家玩狗。」

問鼎爺可認識Andy？他說不認識，相信泳豪也不知道有Andy這個人存在，知道一定會詐型，他們一家人對她沒有戒心，但不要屈得就屈，鼎爺說：「我有練神打，但無通天眼。」"

仲有呢個"而我不知道陳偉霆是誰"mv…唔知大家有無睇過呢? 原來真係o係google search一打個"而"字, 已經會彈埋"我不知道陳偉霆是誰"出嚟…真係好抵死!

7-3(sun) 多餘！藉口！鍾意嗰陣玩屎都話好o架啦啦啦啦啦~~~

2011-07-03T00:14:00.000+08:00

嘩! 呢期d娛樂新聞真係好爆…個人認為某程度上楊思琦狠飛拍拖九年o既李永豪比起鋒芝o個單更爆…第一, 係因為鋒芝變已經睇到悶喇, 第二, 係因為楊c琦一向個形象係極度純品近乎低能 (觀乎佢一向o既對答)…居然一嘢做到咁絕, 聲都唔聲就飛起李永豪…佢o既狠真係無人能及, 相信形象比起傳媒形容到佢好拜金o既廖碧兒更插水! 反而鋒芝你明知佢哋兩家人都係愛登事家庭咁款, 佢哋做咩都唔會感到咁驚訝!

同埋其實阿思琦姐要分手無問題, 合則來不合則去, 尤其係根本大眾一向都唔睇好佢哋…但佢咁樣處理法真係令人O咀…同埋會唔會殘忍咗d?! 依家大眾係中鄙視豪仔變成勁同情佢! 明明上個月仲同人拖晒手咁出o黎慶祝生日, 又話就快結婚…一個屈尾十居然飛起佢, 仲夾硬話係幾個月前o既事…咁即係當時係走出o黎做戲? 同埋觀乎個男o既反應, 應該真係事前毫不前情 (應該未好戲都呢個地步啩?!0…仲要一腳撘兩船呢d係群眾最鄙視o既, 如果真係有埋餡就更加唔知講咩好…同佢一貫個形象未免太大落差, 似乎佢真係唔想再出o黎撈!

其實如果佢一早話同李永豪分手d人完全唔會覺得反感, 第一d人一向唔睇好佢哋, 仲話佢飛得遲, 應該早d”醒覺”添…但佢依家咁一腳撘兩船仲要拖到最後一刻先忽然一下子飛人, 就真係處理得無可再差! 佢呢d想兩者兼得 (或者至少想兼到要爆煲o個一刻), 唔想做抉擇, 唔樣做衰人, 拖得就拖就搞到今日咁…好鬼肉酸! 同埋豪仔真係好鬼慘咁!

真係只能夠話…世事真係無奇不有, 仲有世事如棋局局新! 你今日以為咁, 點知聽日已經變成第二樣…呢期d娛樂新聞真係日日新鮮日日甘, 追慢一日都追唔到…仲有, 睇高登o個d comments又係啜核 (尤其咩以遞補機制, 應該由同一名單的李泳漢補上…好賤格, 但我笑咗!)…不過都唔夠呀鼎爺, 佢真係句句都咁抵死! 咩“多餘！藉口！鍾意嗰陣玩屎都話好o架啦。”, “（分手有冇先兆？）邊有呀？死人都有先兆啦！”…又真係好有道理…金句連連…鼎爺好波! 思琦妹今次就真係…一舖清袋喇!

至於李家鼎就火爆地表示唔明楊思琦點解會無端端嗌分手，和鬧爆思琦多年來黐飲黐食外，講到有指思琦嫌李泳豪迷上玩飄移賽車嘥錢，鼎爺更怒火中燒地說：「多餘！藉口！鍾意嗰陣玩屎都話好o架啦。」

楊思琦同李永豪分手唔講原因 [18:12] 2011/06/28

【東方互動專訊】楊思琦出席公開活動時向傳媒表示有重要事情宣佈，她眼泛淚光的說：「我同濠仔（李永豪）分手！」但不肯透露原因，問何時作出這個決定，楊思琦說：「幾個月前已經有呢個決定，選擇依家講，係因為想事情淡一啲先，咁樣我會容易啲同大家講。」雖然與李泳濠的愛情最終以分手收場，但楊思琦依然維護男方：「愛情冇話對錯，唔想有太多揣測，一直以來外界對濠仔印象都唔係太好，唔想再有負面報導。」

李泳豪提分手嗚咽　鼎爺爆晒粗

【on.cc 東方互動專訊】晚上七時半，李泳豪在父親李家鼎陪同下到電視城為新劇《拳王》開工，全程木無表情的他，因經不起傳媒追訪與楊思琦分手，不禁數度嗚咽，他說：「真係唔知點解！不嬲都冇事，我今日都未聯絡到思琦，都唔知道點解會咁講，我哋最近喺前日通過電話，仲係男女朋友咁！（一度嗚咽）都唔知發生咩事，點解佢有咁o既決定？大家咁多年一齊都有付出。」之後情緒激動的他要求中止訪問。

至於鼎爺對思琦指兩老一早知情，即激動得爆粗：「佢癡線o既！我都唔知咩事，仲plan緊結婚。（分手有冇先兆？）邊有呀？死人都有先兆啦！上個星期都仲同佢一齊食飯。」

至於被指是第三者的Andy，巧合地在微博留下勝利宣言：「十一年的感情終於有了結果。我將會盡最大的努力，照顧和愛護她。我相信我一定能讓她幸福！」

8點幾o個套”團圓”其實想點? 呢幾集已經好d…頭5集老套到呢…想講“溏心風暴”o個隻家族爭產但又無咁有彰力…有d似“真情”但又唔夠婆媽! 同埋用咗成10集去解釋人物關係…搞咩呢?

d人話陳錦鴻似少年萬梓良…又的確係形容得幾好…佢真係郁吓就好激動…好萬子囉! 咁多個依然係郭晉安d戲最好…個角色幾型添! 唱k呢期d角色依舊有d廢, o徙咗佢…其實佢近年d戲improve咗好多! 同埋之後係咪會鋪排徐子珊同郭晉安會撘上? 兩兄弟愛上同一個女人呢d橋段呢? 睇依家個發展似係會咁! 仲有好少見陳曼娜做好人, 做呢d委屈女人…都做得唔錯, 因為佢一向係演開d潑婦o架嘛! Toby演技亦都好似進步咗!

至於接”怒火街頭”o個套”真相”…睇咗少少, 其實係幾ok o既, 但點會兩套律師戲接住咁上, 雖然話兩套係唔同style唔同approach…但係咁樣排陣法都係有d怪! 睇多幾集先再講…

6-25(sat) 謝家灶頭冒煙火

2011-06-25T23:07:00.000+08:00

嘩! “鋒芝戀”演變成’鋒芝變”n日以o黎, 真係日日新鮮日日甘…每人講o既嘢有幾成真就無人知 (事關一向都話睇娛樂新聞的竅門並唔係去尋求事實真相, 因為永遠無人知, 亦無需要知)…但係肯定已經成為近月最爆o既娛樂新聞…做咗c1頭條兩個月咁滯! 所以話…呢個世界真係咩都會變! “變幻原是永恒”從來都係金句中的金句!

當然, 鋒芝從來都唔係d雜誌寫到o既咩“童話破滅”…因為由day1開始, 大家都知道佢兩個幾咁random, 好難得唔止佢兩個癲 (謝霆鋒呢幾年已經收斂咗好多o既), 仲可以兩家人本身都咁喪, 直頭係”愛登事家庭”…所以佢兩個某程度上係天造地設的一對…但兩個太相似的人, 通常係好難work o既, 從來都係一nup一dug(sorry, 我真係唔識打)先掂! 當年佢哋結婚, 大家已經預計佢o地似係一年後會離婚o個隻…sorry, 當我黑心囉…依家5年, 已經超額完成啦! 最慘係兩個小朋友…又要步佢哋後塵…不過佢哋生o係呢個家庭, 其實真係好難避免會行番呢條舊路…畢竟歷史真係會不斷咁重演!

況且誰對誰錯亦根本唔重要…因為我從來都覺得一隻手掌拍唔響, 唔會只係一方面有問題…最多係程度上有唔同! 正如好多人所講…佢兩個真係難分真與假, 兩個都係影帝影后…金像獎兩個需要o係螢幕前扮恩愛都算啦, 但跟住又話影到佢哋4月去赤柱食雪糕, 但原來當時已經感情破裂好耐就真係有d怪! 可能霆鋒已經忍無可忍想離婚好耐, 但又唔想做”衰人”, 咁機艙合照事件呢個”導火線”之後, 栢芝自己提出離婚咪啱晒囉! 不過佢兩個夾硬勉強o係埋一齊咁耐其實都好辛苦o既! 仲要人前人後扮恩愛…真係要有影帝影后級演技先拿捏到…:p

份份報紙都一面倒踩到栢芝衰到貼地…可見其實佢同記者關係麻麻…你睇每篇報導的取向同行文, 就會知道每份報紙take邊個side…不過好少好似今次咁係一面倒撐晒一邊, 同上次淫照事件蘋果一面倒踩死阿嬌, 東方就係咁撐佢好唔同! 不過正如我之前所講, 事實係咩永遠都無人知, 亦都唔重要…因為娛聞的存在, 就係提供茶餘飯後的話題俾大家!

oh…呢篇“謝家灶頭冒煙火”真係寫得好好, must推介囉…寫好抵死…圖文俱佳! 當然仲有o個段動新聞, 真係不能再抵死更多…咩”謝家之光”, “蝴蝶效應”etc…抵死到呢…:p

謝家灶頭冒煙火

明星世家——謝家——表面上風平浪靜，夫妻人前恩愛，婆媳和諧融洽、長幼有序，其實暗湧處處，各懷異心。一次機艙的偶遇觸發綠帽疑雲，如蝴蝶效應引爆前塵恩怨，最後演變成無可挽回局面，充份體現家家有本難念的經的悲哀。

08年爆發的淫照風暴，餘波相隔三年依然凶險。謝家之光張栢芝當年聲淚俱下怒轟陳冠希「貓哭老鼠假慈悲」，但上月兩人在機艙世紀重遇，居然主動示好「化干戈為自拍」，紙包唔住火引起軒然大波。先有查小欣在大氣電波爆內幕；到霆鋒寧自閉拒絕慰妻；然後是四哥拉姑旁敲側擊；加埋兩岸傳媒小道消息，錯綜複雜好睇過戲。

仲有個角色設定同介紹都係笑爆嘴…真係不得不佩服蘋果的娛樂記者…超funny! 抵佢哋人工高過其他報紙…:p

chok爆阿仔: 謝霆鋒（阿仔）
又名檸檬，栢芝丈夫，陳冠希中學同學，親友暱稱他為「阿仔」。為人沉默寡言、不苟言笑，惟 chok樣樂此不疲，24小時 on chok。霆鋒是影帝，又是 Post Production Office Ltd老闆，身家逾 6億，隱形富豪卻愛宅男玩意。鋒芝結婚 5年，經歷過淫照風暴，但在人前依然恩愛， 4月被粉絲拍到赤柱拍拖食雪糕。

麻辣老母: 狄波拉（拉姑）
霆鋒母親，謝賢前妻，與圈中人關係密切，狠角色。盛傳她與栢芝的婆媳關係一向麻麻，更試過因栢芝湊仔問題而大發雷霆。鋒芝婚變上，拉姑看似低調，實則其一舉一動足以左右大局。有說查小欣在電台爆料，便是拉姑在背後全盤策劃。還有，她的手提電話長期接駁到留言信箱。

勞氣老竇: 謝賢（四哥）
霆鋒父親，立場似是搖擺不定。原本他疼錫栢芝，即使發生了機艙合照事件，他接受訪問時仍盛讚她是謝家之光及女中豪傑，但隨事態發展，四哥已逐漸轉軚改撐霆鋒。

溫情阿妹: 謝婷婷（婷婷）
霆鋒胞妹，兄妹感情甚篤，婷婷自加入娛樂圈後，便時常在微博上載兄妹的童年合照晒幸福，令這個星級家庭倍顯和諧，不過在提及鋒芝事件時，她總離不開「 Lucas唔返學」和「阿哥愛打機」等人人皆知的事實，是最不給力的角色。

滅鋒烈女: 張栢芝（栢芝）
霆鋒妻子，陳冠希舊愛，淫照風暴受害者之一，貫穿全套劇的主角。栢芝性格剛烈，行為令人意想不到。淫照風暴後，栢芝淡出娛圈專心照顧 Lucas和 Quintus，直至近日始回歸影壇。 09年，栢芝曾接受有線訪問，對住鏡頭哭罵陳冠希「貓哭老鼠假慈悲」，外界認定兩人從今勢成水火，見面如陌路。誰知一次機艙偶遇，栢芝熱情竟解開心中死結，再來個自拍泯恩仇。而這幀沒公開的自拍照，竟比流出的淫照殺傷力更大，也成為了鋒芝離婚的導火線……
栢芝嘗試借助手推翻與陳冠希機艙相遇之說，怎料陳冠希回馬槍將過程和盤托出，逼得栢芝冇彎轉。
據悉栢芝也曾為了頭家箍煲，試過狂發 MSN和短訊給霆鋒，可惜未獲回覆。既然離婚事在必行，栢芝轉為爭奪兒子撫養權，等失婚都「有渣拿」。繼日前自編自導自演親子騷後，日前又借好友及經理人把口做嘢，到前日甚至開腔數臭老公，為爭撫養權出盡撒手鐧。

攝位五人組: 栢芝媽、戴碧芝、鬍鬚勇、柏文、豪龍
栢芝至親，盛傳栢芝對眾人相當關照，不時提供金錢上接濟。現階段，眾人戲份不多，但相信到分家產及爭撫養權時，他們的曝光率會大增。

人球兩兄弟: Lucas、 Quintus
擁有演藝天份的長子 Lucas精乖跳脫，更在電影《無價之寶》中客串，深得栢芝痛錫。不過 Lucas將成為鋒芝離婚的最大犧牲品，除了要步父親後塵在破碎家庭長大外，最慘是快將 4歲的他，經常要陪阿媽四圍去，連學都冇得返。二子 Quintus個性溫和聽教，甚有佛相。

火藥引: 陳冠希（ Edison）
淫照風暴主角，霆鋒昔日死黨，現為宿敵，他也是本劇的最神秘角色。 Edison間接破壞栢芝和霆鋒的婚姻，他上月在台灣承認跟栢芝空中相遇，更稱：「再碰到是很開心的。」自此 Edison全程剝花生等睇戲，昨日更在微博貼自拍照爆一句：「 Ningbo wuddup??」食花生食到一地殼。

內疚夫妻+知己美眉: 台灣幫（大小 S、黑人夫婦）
栢芝因出席陳建州和范瑋琪的婚禮而飛往台灣，亦因而在機艙遇見陳冠希，結果觸發鋒芝婚變，兩人十分內疚。至於大小 S與栢芝情同姊妹，事發後不斷安撫栢芝。

仲有呢篇…白姐姐講嘢其實真係幾有道理…

“好多時仔女都係行父母相同嘅路，雙方都嚟自破碎家庭，好矛盾地會走相同嘅路。佢太後生，唔識珍惜呢段感情，我對兩個小朋友唔擔心，有拉姑照顧。我深信霆鋒嘅傷痛會深過栢芝好多，內心好傷，有啲原罪（指淫照事件）係唔可以再找出來揚，雙方離婚係好事，好過細路見到父母明爭暗鬥，反正佢哋唔可以白頭偕老，早啲離婚大家唔使咁辛苦，栢芝唔好將細路哥拉落水，畀嫲嫲照顧會好好多。」”

“對於栢芝狂數霆鋒為人虛假，白姐姐力挺霆鋒不是一個會做戲的人，只是性格比較自我，她說：「栢芝外表有 100分，但內涵就相差好遠，夫妻絕交不出惡言，對小朋友都唔好，我為霆鋒難過，佢好創傷，栢芝鬧霆鋒多一句就扣多啲分，會影響佢影藝事業，如果靜靜地離婚，栢芝仲有好多前途，我希望栢芝即刻收聲止蝕，再鬧霆鋒就一鋪清袋，一句半句都冇好處，尤其是對佢小朋友，就算霆鋒有千萬不是，唔好再數霆鋒，每鬧一句就等如喺自己面上捅一刀，係會流血不止。」”

6-18(sat) 林子祥Vintage Lamusic Concert 2011

2011-06-18T23:32:00.000+08:00

嘩! 第一次去睇林子祥演唱會…完全無expect可以咁好睇…連encore都可以有高潮位…真係薑愈老愈辣!

雖然我唔太屬於佢個年代, 但原來佢d歌真係首首都耳熟能詳...仲要係超級好好好聽! d慢歌勁冧, d快歌又真係令人勁興奮...好驚喜! 成個演唱會完全無花巧嘢...齋唱已經好掂! 睇完之後成晚俾佢d歌螢繞住我腦海!

佢啲慢歌固之然得…"千憶個夜晚", "最愛是誰", "似夢迷離"…好多好多隻都好好聽…但啲快歌仲掂, 好有感染力, 簡直想彈起身一齊跳，真係好驚喜囉!

呢兩首我都好鍾意...簡直聽到人想聞歌起舞...yay!!!

(成吉思汗+海市蜃樓)

同埋佢真係好中氣十足囉….六十幾歲人, 唱足三個鐘都完全無甩一粒音, even我哋呢代最唱得的eason都做唔到…直頭係驚為天人…同埋我真係無諗過會咁好睇, 就算我唔太屬於o個個年代都唔覺悶!

呢首我又係好鍾意…返到屋企要即係摷番晒阿lam啲歌出o黎聽!

(千億個夜晚)

6-15(wed) 華星三寶concert

2011-06-15T00:48:00.000+08:00

終於睇晒"點解阿sir係阿sir"…我實在追得好慢! 新o個套"團圓"唔知咩o黎? 連"花家姐"我都有十幾集未睇! 係"怒火街頭"叫做追得貼少少…睇到上個禮拜…哈哈! 追劇真係搞到個人忙上加忙!

啱啱o個集"吹水同學會"終於好睇番d, 可能係d嘉賓搞笑d…之前o個幾集真係純粹以追水的角度o黎講都覺得好乏味! 呢集算係咁多集之中最好笑的一集...袁靚靚, 伍姑娘, 祥仔, even丁生都幾好笑!

嘩! tbb係咪真係開拍"衝上雲霄2"呀? 好期待喎…雖然十年人事幾翻新…依家係有d人面全非吓…但係呢個profession的確係幾型幾吸引!

前排去唱k唱番呢首十幾年前在k場大hit的金曲...見番當時仲係爛聲, 但比起依家感覺更man的"筍盤"陳豪...嘩! 真係好大隻囉佢! o個時型d…依家就感覺親切d!

呀…903居然無啦啦7月有個"華星三寶"concert…呢個我想睇呀…好係我地個年代囉!

可惜已經好耐無簽過張id card…連放咗o係邊都唔知! 當年未夠18歲, 商台已經出張什麼903 id card俾d o靚仔o靚妹…仲要有"I dare", "I decide", "I dream", 同" I discover"四款…中學年代的我真係覺得超級型, 收到張卡仲開心咗好一陣子…商台籠絡年青人的確有一手! 可惜我已不再年青…但我依然想睇呢個concert囉……..太可惜!

6-7(tues) 怒火街頭

2011-06-07T23:09:00.000+08:00

個個都叫我得閒睇吓"怒火街頭"…查實我一路以為係講消防員o既戲, 點知原來係律師戲囉…真係估佢唔到!

個班底有d "烈火雄心3"+"巴不得爸爸"feel…鄭嘉穎+胡杏兒, 跟住又有胡杏兒+黃智雯! 黃智雯真係有d少女顧紀筠o既感覺…不過佢成個package真係幾ok, 我buy佢!

至於胡杏兒, 雖然d戲依然有少量誇, 但有番d當年"律政新人王"feel…其實呢d醒目精叻角色啱佢, 似番佢本人, 好過做o個d苦情喊苦喊忽角色好多! 不過佢個妝呢…真係未免太濃...同埋d假眼睫毛真係好假…其實我好鬼怕人黐假眼睫毛!

仲有成套戲個style都有少少初段的"律政新人王"…又係爛仔大狀, 又係o係d騎呢地方開chambers...又係鬥氣冤家! 當年好buy林峯個角色阿ben…抵死得o黎又無賴...幾吸引! 今次鄭嘉穎個角色應該都係走呢個路線! 佢個"LA LAW / 羅力亞"角色名都ok出 (因為我呢期無啦啦成日聽到人講起LA LAW …我初時仲一頭霧水)…雖然係一貫的tbb爛gag角色名!

Oh, 又有我哋好buy的林子善! 仲有李燦森第一次做電視劇...佢個感覺太電影…有d怪!

同埋終於有機會睇番n集"點解阿sir係阿sir"…不過都依然係未睇晒! 鍾嘉欣係演得幾好, 不過亦真係因為佢個角色有發揮! 楊怡個角色其實都好慘…呢段三角戀的矛盾亦都算寫得唔錯…好過d學生戲好多! 同埋吳唱k個角色有少少redundant…安排佢做呢個角色好似有d"大材小用"! 哎…但睇極我都仲未睇到ending囉! "花家姐"就直頭係只係睇咗頭幾集…哎…呢期d劇都幾吸引...追得人好辛苦!

5-31(tues) 霆鋒栢芝婚變

2011-05-31T23:43:00.000+08:00

嘩! 尋日爆出"霆鋒栢芝婚變"呢單新聞又係爆爆哋…mani o係微博post o個個"謝霆鋒嚴正聲明"…"從未主動"呢個用詞好可圈可點囉…咁即係.......再加上查小欣講o既嘢…其實都好有跡可尋咁囉!

講真, 冰封三尺非一日之寒…你話同edison機艙合照泯恩仇我又真係覺得唔係咁大件事, 仲有正如我之前所講, 原諒人先係原諒自己的表現, 我想讚添…你頂多話佢係高調咗d…不過通常好多事情o既導火線都係因為d好小o既事…如果查小欣講o既嘢係真o既…咁…

"查小欣提到有知情人士指，栢芝與霆鋒在香港電影金像獎頒獎禮之前，關係已非常差，他們在頒獎禮上卿卿我我，也是為了顧全大局而裝出來。另一方面，她續指霆鋒不想與栢芝爭拗，不斷將手頭物業轉名給栢芝，就連四哥住的大屋也轉給她，又成立了基金，讓栢芝成為唯一受益人，近日她更要求霆鋒把其製作公司的股份給她，換句話說，假若兩人離婚，栢芝可以即時收回四哥的大屋。

至於霆鋒為了一對乖仔 Lucas和 Quintus着想，若栢芝要求他們的撫養權，霆鋒也會答應，絕不會與栢芝對簿公堂，因為他不想一對兒子的弱小心靈受到傷害。查小欣續指霆鋒還未有將手頭上的物業全部轉給栢芝，事緣機艙自拍事件曝光後，霆鋒拒絕在文件上簽名，霆鋒和栢芝現在名義上還是夫妻。"

上個禮拜睇左套叫"安娜與陳七"o既舞台劇 (話係"靚太作死"o既前傳…我相信"靚太"應該好睇d啩?)…劇情真係比預期差好多…都ok悶! 不過見到以前睇慣佢好專業地報新聞o既魏綺珊好嬌俏咁演繹"懷春少女"又幾搞笑吓!

呢期o係報紙又見到另一個前新聞報導員李燦榮呀…"無綫即將推出專題節目《大凶兆》，邀請了張可頤和資深新聞工作者李燦榮擔任主持，節目圍繞一連串天災人禍、拉登之死及世界末日預言等。"...嘩! 點解佢個樣變晒o既? 做咗激光矯視? 咁佢戴眼鏡又好睇好多喎!

至於電視劇, 實在太忙, 仲有好多好多未睇番…"點解阿sir係阿sir"只係睇到幾個禮拜前, 即係ms ho已經知道咗羅sir鍾意佢…但係未到ms koo失控o個集…我都要睇番鍾嘉欣做得有幾咁好先得! 不過陳豪個角色又真係好賤格…利用感情去查案, 真係賤得不能再賤!

d人唔講我都無留意…陳豪同蔣志光每次交換情報都真係襯晒衫o架喎! 同埋呢…楊怡個樣…真係以前靚好多清秀好多囉…依家個鼻…正如大眾所講, 有d木偶feel!

睇咗幾集"吹水同學會"….又的確有d悶, 好為吹而吹…反而當年"星星同學會"係枕住笑到我哋死囉…居然差咁遠…有少許失望!

5-28(sat) 許志安On And On廿五周年演唱會

2011-05-28T23:12:00.000+08:00

終於到咗許志安25周年演唱會的日子…雖然佢近年的形象無可否認係同當年差好遠, 但佢d經典歌又的確係陪伴我哋o個代人成長…度過小學至中學最美好的年代…所以佢呢個25周年演唱會o係友儕間都算係熱切期待o既!

呢大半年真係好多呢d"懷舊演唱會", 舊年10月有草蜢, 跟住今年上半年有鄭伊健/周慧敏/張智霖…今次終於到許志安! 仲有舊年o既big four…聽聞下半年仲有big four另外兩個…蘇永康同梁炳都會開演唱會! 好期待呢…事關呢d"懷舊演唱會"每次都睇得人好感動…回憶返晒埋o黎!

今次個on and on演唱會本身又唔算話十分好睇…因為我覺得以佢o既質素再加上佢o既經典金曲數量, 其實個rundown可以做得再好好多…事關有好多經典歌都無唱, 同埋d環節其實無咩特別…不過齌聽佢d金曲已經令人感動到起雞皮…幾乎每首一響起前奏已經識唱! 仲要我本身稱不上係佢o既歌迷, 只係細個時好鍾意sammi, 又會留意埋佢! 不過佢d歌又真係好聽, 同埋當年都幾係hit…唔睇番都唔發覺…原來我當年都買咗好多隻佢o既cd…當然有好幾隻都係因為有sammi份o既雜綿碟所以必買啦!

聽番許志安呢25年o既經典金曲...又的確好似帶番我哋番美好o既八/九十年代咁...當年考親試都係拎晒佢d cd出o黎狂煲…尤其係o個隻"驚喜交集17首"…真係聽到爛晒囉…陪我順利過度晒所有會考/a level的艱難日子…真係全靠佢囉! 我懷疑我聽佢d碟o既次數加埋其實已經超過左我聽sammi d碟o既次數添呀!

可惜佢呢個演唱會仲有好多經典歌好似"我心中有你" , "灰飛煙滅", "雨後陽光", "男人的感慨", "從沒這麼愛戀過", "從您祝福中離開", "讓我待你好一點", "女人之苦"..............都無唱到!!!

唯有自己o係呢度重溫吓佢d經典歌…真係全部都好正囉!

佢o既第一首歌, 亦係今次開場唱o既第一首歌…當年tbb個mv好似係同佢女友崔加寶拍o架? 我有無記錯呢?

(戀愛片段)

呢首當年無大hit過...但其實我一路都覺得好好好好好聽….

(灰飛煙滅)

Oh…仲有呢首我都好鍾意…

(徹夜纏綿)

仲有最經典o既…男人~最痛~算這種~~~

(男人最痛)

當然唔少得呢首即使依家聽到都會覺得好興奮o既"火熱動感 La La La"! 當年真係hit到呢…92年成個暑假係咁播…個個年青人都係咁"lai lai lai lai lai lai~~~", 仲要跟住做o個個動作…以前d歌曲o既影響力真係無遠弗屆囉…勁…

(郭富城、許志安、梁漢文、鄭秀文 - 火熱動感 La La La)

哈哈…我哋呢d咁喪o既人…去睇演唱會之前, 當然順道去埋牛脷文和豬髀安食"情比金堅情侶套餐"o既地方走一趟啦…wahahaha! 不過我無食到燒豬脾, 亦無食到鹹牛脷...但都食咗個"燴牛脷意粉"tea set…唔錯喎!

"現年 38歲的鄭秀文兩個月前被本報獨家拍到與許志安於太平館嘆情比金堅情侶餐後，隨即公開撰寫草菇論：「那天在太平館，我重新感受到一種屬於愛情的快樂。這感覺，久違了。頭上的草菇也是時候凋謝了。」讓粉絲感受牛脷文和豬髀安由廚房走去餐廳的美味情緣。昨晚豬髀安在紅館舉行一連三場的「許志安 On and On25週年演唱會」，一早爆響口捧場的牛脷文支票兌現，以一身型格打扮現身，等聽男友大唱定情冧歌《唯獨你是不可取替》。

Sammi以久違的女友身份捧場有何感受？她笑說：「肉緊啲，希望佢嘅身體狀況 OK，自己咁奀都捱得過，佢咁大隻一定冇事。演唱會後會陪佢食多啲嘢，燒鵝陪佢食多啲，但對我就太肥，牛扒就 OK。」 Sammi會否擦豬髀？她鬼馬說：「食咗都唔話畀你聽啦，我知佢鍾意食燒鵝髀，演唱會後都會準備畀佢食。」 Sammi如此體貼，安仔肯定冧到震，她說：「呢啲應該、應份。」"

"久違的女友身份"…呢個term幾有趣! 蘋果d娛記寫嘢真係呢…只能夠話抵蘋果娛樂新聞做得咁掂…哈哈! 佢d動新聞往往仲好睇過段新聞本身添囉!

5-22(sun) 富貴再三逼人

2011-05-22T23:26:00.000+08:00

睇咗一兩集"花花世界花家姐"…又的確係似女版"阿旺…不過其實要扮弱智都係咁上下o架啦…當然郭晉安又的確高少少o既…我只係覺得佘佘對眼有d精靈得滯! 不過都尚算ok! 套劇又係o個d唔算話十分有興趣追, 但睇吓又無妨o個隻! 反而星期日o既"華麗明星賽"真係幾好笑吓! "吹水同學會"就好似無"星星同學會"咁好睇喇…不過都好睇佢o個集請咗咩嘉賓o既…

係喎...差d唔記得胡杏兒o係"流金歲月"做o既茵茵…當年都係獲得激讚…點解依家會搞成咁?!

娛圈 360：扮懵食老虎

《花花世界花家姐》　 11年
忘記姣佘吧！阿佘在正播出的《花花世界花家姐》中扮演花麗珠，智商只得 10歲，從前的電力不見了，卻多了一份純真。劇中的她恤了個齊蔭冬菇頭，說話遲緩，左看右看都照足阿旺的方式去演。至於她被林峯公子迷得暈頭轉向，鼓起泡腮含春樣卻十分討人歡喜，假若她 10年前接這角色，定必紅爆。

杏兒似模似樣
《流金歲月》　 02年
因演技浮誇而被網民封為「胡囧囧」的胡杏兒，曾幾何時也被稱讚過。不過要坐時光機回到 02年，她在劇集《流金歲月》中扮演智障女孩丁善茵，無論樣貌及肢體語言都演繹得活靈活現，風頭完全蓋過主角宣萱，歸功於她到庇護工場學習智障人士的表情和說話。無巧不成話，有「 AV杏兒」之稱的日本 AV女優蒼井空，來港拍攝的從良之作《復仇者之死》，同樣飾演智障人士，未知可有向原裝偷師？

哈哈, 呢段"趙增熹vs丁子高"有好多朋友叫我睇吓…又的確係有少少似樣o既...某d角度同造型都有d似啫...但話實, 丁子高自從同楊千嬅一齊, 成個形象提升咗之後, 個樣都好咗好多! 哈哈!

(趙增熹與名人對話 - 丁子高)

仲有, 我想講呢期睇報紙講張栢芝同edison冰釋前嫌, 仲主動調位去同佢坐又影合照咁…嘩! 呢個真係要激讚…阿栢芝真係好得! 大方得o黎仲要係我哋呢一年成日講o既"贏人又贏陣"囉! 寛恕別人真係等於寛恕自己…從來懂得忘記同埋放得低o既先係最掂! 不過講就容易, 真係做得到就難…真心佩服佢!

噢! 仲有呢期禮拜日勁重播o既..."富貴逼人", "富貴再逼人"同埋"富貴再三逼人"…又係小時候的賣飛佛, 細個去戲院睇完仲要租碟睇多次…又真係好睇喎!

做細妹o個個當年的童星關珮琳d戲真係唔錯! 成套戲真係好"香港"囉…比起近年d咩"72家租客"或者"我愛香港"更加hong kong十倍! 同埋d笑話真係幾勁, 套戲完全無悶場…80代年d戲真係得! 同埋我想話…高志森同曾志偉佢哋真係好後生囉! 哈哈!

哈哈, 仲有o係屋村走廊打麻雀呀…d走廊打牌o既c9呀…全部都好typical, 好生活化的八十年代香港…令人好懷念! 你知我對d屋村其實有個情意結…鄰里關係好和睦…我鍾意!

無意中search到呢篇寫"富貴逼人"系列的文章…哈哈…寫得幾仔細呀…

提到《富貴迫人》, 相信很多人都立即彈起, 對《富貴迫人》系列的每個細節, 啷啷上口, 比「唔好用支槍指住我個頭」或「我冇做大佬好耐」有過之而無不及.

何解? 並不是因為《富貴迫人》系列是賀歲片, 而是因為觀眾在影片中, 都找到自己的影子. 主角一家生活的環境, 就是我們的「第一個十年」: 公共屋村.

公共屋村的出現, 除了因為五十年代石硤尾木屋區大火後, 急需替流離失所的居民安置家園外, 其實也歸於政府的政策. 那個年頭人人生活不穩定, 整個社會百病叢生, 加上左派勢力蠢蠢欲動. 如不能安定大眾的生活, 這片殖民地衍生的問題, 定會拖跨整個港英政府的統治. 於是, 公共屋村便成為香港人正式進入生活新年代的標誌.

公共屋村對很多人來說, 都是兒時的共同回憶: 四百尺的單位、一家五口、碌架床、間房、百葉窗、露台(騎樓)、走廊... 試問哪個「八十份子」不曾在這種空間生活過?

《富貴迫人》的一家五口, 不但是八十年代的庶民寫照, 也是流行文化寫照. 一家之主驃叔 (董驃) 任職新聞報導員, 是營營役役的打工仔, 對橫蠻的女上司一直陽奉陰諱; 驃嬸 (沈殿霞) 是閒來愛投注、「打斧頭」的主婦, 願望是中六合彩頭獎 (大眾的希望投射, 至今仍是!) ; 長女陳奕詩耽於逸樂、談戀愛, 愛穿暴露衣服 (影片再度以陳的身材製作綽頭, 堪稱經典); 次女李麗珍深愛東洋偶像文化, 打扮亦如八十年代的街頭造型; 幼女關珮琳愛製作模型, 精乖伶俐, 卻又老成成故. 影片以一家五口的生活趣事, 反映了八十年代大眾的生活文化、喜怒哀樂: 打麻將、擠地鐵、赴宴、沙灘游泳、沈迷偶像、拍錄像、橫財夢...

就如驃叔一家出席親戚的婚宴一幕, 席上已看到各人的階級矛盾: 親戚們不斷炫耀自己的財富, 使得平凡的驃叔一家顯得極為尷尬. 各人更提到當年至為敏感的話題: 移民. 驃叔竟然一反「移民好」的態度, 提出「移民乃不負責任」的意見, 所有人的反應是立刻埋頭苦吃, 其表弟更出言揶揄: 「表哥無幾何(享受)!」. 這段對白無疑是攪笑甚於批評, 但諷刺手法可謂妙絕. 亦反映到當年「不移民等於無希望」的悲觀情緒.

導演高志森曾自豪地表示, 創作《富貴》賀歲系列是勝利的一仗, 其他對手只管只大明星掛帥, 不及《富貴迫人》以小市民生活為題般受落, , 票房也速速報捷, 從此成為一個系列. 續集引申下去, 繼續描繪香港人的生活. 第二集《富貴再迫人》安排驃叔一家移民到加拿大, 殊知對異邦文化格格不入, 趣事連篇, 更落得人離鄉賤的悲涼. 不過這都是基於驃叔中了彩票、發了達而衍生的情節, 並不相互矛盾. 可惜第三集《富貴再三迫人》情節重覆, 並無新意, 拍法也相當混亂, 是為敗筆. 相隔數年後捲土重來的《富貴黃金屋》, 則以危樓、無良業主和「包二奶」為題, 偶有佳句, 但流於誇張, 已不復當年強烈的共鳴感.

如今再三欣賞《富貴迫人》, 當中的幽默仍是拳拳到肉, 對發達的奇想更是永不「過時」. 可笑的是, 本土的喜劇不但沒有變得聰明, 相反卻愈來愈反智. 我等只好懷緬舊日記憶, 或是橫眉冷笑天下事好了.

*******************************************************************
【對白節錄】

親戚甲: 就快1997啦喎, 有冇打算移民呀?

驃叔: 我地唔打算移民!...我地雖然係香港人, 體內流梗既係中國人既血液, 應該投向祖國既懷抱. 移民, 係不負責任既行為! 我地應該以不屈不撓既香港精神, 留係度, 做大時代轉變既見證人! 為實現祖國「四個現代化」而盡一分力! 所以我係度呼籲大家, 留係香港, 唔好做人地既三等公民!

侍應: 仲有一碗(翅羹), 邊個要?

表弟: 俾我表哥丫, 佢冇幾可!

(驃叔在飲宴上對移民問題作出表態)

驃嬸: 阿三阿四, d野準備好未?! (阿三阿四由驃叔的富有表弟夫婦飾演)

阿三阿四: 差唔多啦, 主人!

驃嬸: 得就得, 唔得就唔得, 乜野叫差唔多?! 仲唔快d去做?!!

阿三阿四: 係, 主人!

(驃嬸發夢, 夢見自己大富大貴, 勞役冤家)

驃叔: 六合彩頭獎派彩十九萬...(千九萬?) 係咪真架老婆?

(驃叔在新聞直播節目爆肚)

驃叔: 各位觀眾, 電視台工, 我唔想再打喇! 電視台係剝削機構! 欺壓低薪職員! 浪費左我十八年既青春...喂咩呀八婆?! 尤其是呢d人渣, 恃著同總經理通姦, 目中無人, 一朝得志, 佢就語無倫次─

(驃叔在新聞直播節目上大吐苦水, 並大罵身旁的女上司)

次女: 我地去原宿學藝, 學松田聖子、菊池桃子...如果我紅左, 你就發啦!

驃叔: 最怕你學左岡田有希子咁, 跳樓自殺!

(李麗珍央求父親批准她到日本旅行)

驃叔: 聽住, 我決定投資移民!

三女: 老豆, 你話過為「四個現代化」努力個播!

驃叔: 你識乜野丫! 我地依家咁有錢, 容乜易第日俾人清算? 君子不立危牆之下, 依家唔走, 契弟走得麼咩!

長女: 抗議! 我地要民主!

驃叔: 哈, 我地中國人唔興呢味既.

(驃叔與家人爭論怎樣利用獎金)

5-16(mon) 花花世界花家姐

2011-05-16T00:18:00.000+08:00

噢! 終於做完"洪武三十二"…今日開始做"花花世界花家姐"喇! 呢d女版"阿旺新傳"都應該唔會話十分吸引, 不過有林峯又有佘佘, 佘佘仲要扮低能…都有d新鮮感o既…點都要支持吓! 依家夜晚兩線劇集都走呢d輕鬆惹笑路線, 有d相似得滯…點解今次會咁樣安排呢? 同埋"阿sir"真係無想像中咁好睇…d笑位有時其實唔多好笑! 有少少失望!

亞視呢排深夜真係好多我曾經好鍾意睇的好戲…"大提琴與點38", "藍月亮"之後, 仲有"愛情跑道"…呢套又係麗的年代o既好戲, 10年前atv成日重播番呢個年代o既呢類型戲…好似"甜甜廿四味", "對對糊", 甚至"iq成熟時"…呢d都好係我杯茶囉! 仲有首主題曲好好聽, 有快版同慢版一式兩款…我仲搵埋mp3聽…正!

哈哈…呢幅圖好抵死…

5-9(mon) 飛女正傳

2011-05-09T23:55:00.002+08:00

前幾日tbb播番上年楊千嬅個演唱會, 最吸引o個段當然係最尾佢同丁子高合唱"飛女正傳"啦! 現場miss咗, 終於o係電視睇番…

丁生同丁太呢pair真係完全估佢哋唔到, 由一開始大家覺得都幾唔襯 (ok, 就算唔係大家都係我同我d朋友啦吓…因為實在太風馬牛不相及, 同埋丁子高個形象同感覺太花弗! 當年我聽到千fa話同丁子高真係O晒嘴~) , 到依家變成幸福的典範...實在係估佢唔到…我相信包括佢哋兩位當事人都估唔到會咁為外界廣泛受落囉! 世事真係奇妙...又係"never say never"的典範!

正如之前成日講, 經過呢兩年完全對丁子高改晒觀...談吐舉止同埋佢對千嬅o既愛護…又幾得喎! 你真係估唔到佢可以由咁花弗變到咁情深! 同埋睇佢訪問講嘢都ok funny, eq仲幾高添…絕對襯得起千嬅! 每次見佢o地出嚟都真係好sweet….反而sammi同安仔呢對大家多年來心目中"金童玉女"中的"金童玉女"都無佢哋o個種咁幸福感覺! 依家除咗我哋對佢改晒觀, 連d auntie級都ok buy佢…真係入到屋囉! 估佢唔到!

頭先睇到一段星蹤, 嘩! 經典台居然做"張智霖系列"?! 同埋"電視廣播城一廠灰位"呢個名幾好笑吓! 真係好灰咁…:p

活動：無綫經典台《翡翠星力量...張智霖系列》拍攝宣傳片探班
地點：將軍澳電視廣播城一廠灰位

wahaha…atv個咪牌居然仲大過tvb個logo...:p

:ppp

5-3(tues) 又重播"藍月亮"喇~~~

2011-05-03T23:44:00.000+08:00

嘩! 亞視實在太抵死…前幾日忽然larp到重播"大提琴與點38"之前半個鐘居然係播番當年期待佢重播好耐o既"藍月亮"…兩套都好鍾意, 好係我杯茶, 連d主角都類似! 正!

"點解阿sir係阿sir"雖然偶然都幾好笑…但真係無我預期中咁好睇!

呢段又係好笑…

好多人都話無綫班編劇冇創意，部部電視劇都一式一樣，總之睇到你吽為止，但可能畀人鬧得多，近日就加咗唔少估你唔到的劇情落去，好似《女拳》咁，喺結局時就有梁嘉琪突然發癲，怒插馬國明，而喺《洪武三十二》中更玩埋古裝SM。

《洪武三十二》中飾演燕王朱棣的馬德鐘，就因為做得衰嘢多而抑鬱，竟然走去揾飾演千三娘的徐子珊減壓，而減壓方式就係SM。馬德鐘畀徐子珊鞭打的片段，令觀眾感到嘩然，有網友更把片段上載到網上同大家一齊回味和分享，片段只是上載了兩天，瀏覽人數已有十多萬人，可見呢場古網SM幾受歡迎!

噢! 家燕姐佢又真係幾有諗頭喎...真係要讚佢一個!

好姨出家燕遮賀母親節

家燕姐出家燕遮，認真夠噱頭，家燕姐一向有源源不絕嘅生意諗頭，今次佢嘅精心傑作家燕遮只係佢自家品牌嘅第一炮，準備喺母親節推出寓意遮風擋雨家燕遮。!

4-27(wed) 同是天涯羅樂林

2011-04-27T00:21:00.000+08:00

雖然過咗一個長假期, 但都未有時間追番d電視節目…"點解阿Sir係阿Sir"只係睇咗頭兩集…ok o既, , 輕輕鬆鬆…as expected, ,但又唔算話特別有驚喜! 不過呢d輕鬆校園劇一向都係我杯茶, 所以ok呀, 同埋d主角全部我都幾buy!

不過講到鬼馬校園劇, 始終都係當年亞視o既“點解阿sir係隻鬼”最經典…咁多年後大家依然可以一字不漏地rap出: “聖法蘭…亞根遜…馬可孛羅得勝會…亞洲至善堂…司馬昭昭博士夫人第一紀念中學" …hohoho!

亞視o係呢期又重播同“點解阿sir係隻鬼”差不多同期o既"大提琴與點38"…有日larp咗少少…雖然係第2000次睇, 但依然幾好睇! 又雖然睇咗n次, 但依然係唔多記得劇情…因為佢根本無咩具體劇情…haha!

呢首"同是天涯羅樂林"呢期都幾hit喎…估唔到佢真係因為一日死五次而"紅"咗!

"同是天涯羅樂林" (原曲:相逢何必曾相識) 重新演繹by N'Gine樂隊

o個日睇埋"隱婚男女"…嘩! 都ok悶, 有少少爛的感覺添呀…咁"單身男女"好睇好多囉!

4-17(sun) 第三十屆香港電影金像獎頒獎典禮+3D肉蒲團

2011-04-17T23:57:00.000+08:00

Oh, 原來今晚做金像獎, 我居然完全唔記得, 到10:45先開始睇...我幾時變成咁o架?! 完全對呢d娛樂大事漠不關心…失策咗! 哈哈!

其實日日報紙都有金像獎o既報導o架喎, 但我又真係完全無為意係邊日做囉...錄都無錄...哎!
雖然d人話都ok悶, 但我想睇番呀...邊度有得睇呢? 我頭先去睇節目表, 睇吓亞視深夜會唔會重播...點知居然有意外收穫…發現5:20a.m.又重播"大提琴與點38"…簡直係第2000次重播喇...但又係miss咗頭幾集…真係宿命!

至於金像獎個賽果, 其實我都無咩意見, 不過個人作為"志明與春嬌"的fans, 當然希望千fa攞啦…咁佢o係呢套戲又的確係做得好喎! 不過o係論資排輩o既電影圈, 影后俾劉嘉玲攞又好理o既!

Oh, 好耐都唔記得咗呢個""n 55!w !”的sms"…呢條橋的確係幾得!

金像獎miss咗一大半, 反而喺酒樓局住睇左一陣"女拳"…嘩! 劉璇靚咗好多喎, 仲好有氣質…之前都無為意…某程度上我覺得佢靚過法拉添呀…有驚喜!

今個禮拜終於做"點解阿sir係阿sir"…呢d輕輕鬆鬆搞吓笑o既劇就啱我喇…呢套要睇!

嘩! 414呢個"大日子"終於來臨…之唔係著浴袍去睇"肉蒲團"o既大日子囉…wahahaha! 其實佢無嘢成功, 最成功係個宣傳技倆, 未上畫已經聲勢過人, 又係令人未出發先興奮o個隻! 成套嘢都係搞gimmick啫...但又真係搞得起...無人唔知有套咁o既戲! 現場所見女士絕對唔會比男士少...好多女士都組織了"浴袍團"去睇"肉蒲團"!

um...全球首部3D三級片(佢哋自己claim話韓國o個套唔知點解唔算)...當然預咗係得啖笑啦! 不過又真係幾好笑...由始至終全場笑聲此起彼落...好typical的港式三級片, 香港自90年代已無咩幾套...騎呢笑位一浪接一浪...係後段就拖得太慢, 唔知佢想點! 仲有d超牌港式爛gag, "門"來"門"去...大家係有笑o既...鄙視地笑囉! 不過全場氣氛真係好好, 好耐無試過全場咁齊心咁係又笑唔係又笑...以為自己睇緊"家有喜事"...直頭係歡樂今宵呀!!!

至於內容…基本上係無! 而d女角, 係得o個兩個日本女優樣貌身材比較可觀... 我覺得原紗央莉最得! 阿雷凱欣個樣都真係幾唔靚吓, 仲要安排佢做陰陽人俾把男人聲佢, 真係嚇鬼死...監製一定係好鬼憎佢!

仲有, 最後原紗央莉色誘個和尚嗰part...同佢肉搏o既和尚...居然係"我和殭屍有個約會"開機舖養鬼仔o既"球叔"黃樹棠...argh!!! 我接受吾到囉!!! 呵呵! 估你唔到呀…"球叔"!!!

4-14(thurs) 單身男女

2011-04-14T00:55:00.000+08:00

嘩…好勁! 過咗成個禮拜, 居然報紙依家日日仲講緊羅樂林一日死五次o個單新聞…到今日仲訪問緊佢…佢當年做楊過應該都無咁紅! 都話呢個世界真係100歲唔死都有新聞...估唔到之後日日仲有跟進…又咩"羅樂林一躍成為國際明星，有人提議將今次事件申請入健力士世界紀錄大全。"…真係笑死!

前兩日仲做埋C1頭條添...真係世事無奇不有…

羅樂林 24小時死 5次轟動歐美 6國

不過佢又講得啱…呢d真係命運安排…夾都未必有咁橋可以咁o岩五套戲佢都o係係o個集死…真係整定!

"現年 63歲的羅樂林講說話無尾音，答問題簡潔精要，沒有廢話，像一個古代豪俠；態度誠懇有禮，又點到即止，絕對不像現時新世代小生，不過 35年前他正是佳視劇集《神鵰俠侶》的第一代楊過。一個偶然機會，命運安排在同一日，播出五部劇集，同一個演員羅樂林以不同形式在劇中「死」，傳統中國人反應是：「好邪呀！」羅樂林日前接受訪問卻說：「真係奇蹟！要夾都未必可以做到，非常奇妙！」"

嘩…呢個蘋果哈哈鏡又係抵死o既…
娛圈 360：蘋果哈哈鏡　 10年真相

終於睇咗"單身男女"…其實ok o既! 因為一早知道佢比較"超現實"…咁反而又無我想像中咁"超現實"囉…同埋都幾多笑位! 主力係咁sell吓d冧女招數, 雖然現實中呢d咁識tum人o既男仔仲要咁靚仔條件又咁好仲要打孖o黎真係發夢啦…咁但係睇戲等你發吓夢又無壞o既!

不過呢, 我覺得吳彥袓個角色有d問題…如果你話係搵第二個 (e.g.林雪) 做咁就話啫…又係吳彥祖咁靚仔, 仲要同樣識冧女, 又叻, 又咁情深...有咩可能會揀古天樂呀? 仲要係講緊結婚對象而唔係男朋友喎…你講到高圓圓幾盲目地lum古天樂都係咁話(仲要其實我覺得劇情交代得唔多)! 你話吳彥袓又yim悶, 條件又差, 個image又好似一開波成個乞兒咁, 而古天樂又靚仔又識lum女又係"男人不壞女人不愛"o個隻, 咁都有得揀吓! 所以我覺得吳彥袓個角色設定未免係perfect得濟, 太misleading喇...hoho!

不過首"愛很簡單"真係好得...o個日去拜山居然有人o係度播"愛很簡單"…可惜我無首"我願意"o係身去"還擊"...哈哈!

4-7(thurs) 羅樂林24小時死左五次…

2011-04-07T00:57:00.001+08:00

哈哈! 原來呢個世界真係好多電視精! 咁都留意到仲要統計埋…難怪o係網上引起咁大迴響! 救命…笑死!

羅樂林24小時死左五次…TVB好殘忍

6/4
20:30 洪武三十二朱元璋亡
21:30 女拳莫平亡

7/4
00:15 七號差館孫全亡
11:45 布衣神相無相子亡
14:50 皆大歡喜金華亡

仲要訪問埋佢上埋報紙...真係好騎呢...:p

哈哈…依家o個兩套"洪武三十二"同"女拳"都唔係我杯茶…都好, 可以慳番d時間! 反而近期走咗去睇戲…o個套"出軌的女人"都幾騎呢…仲要集淫亂, 奇情, 暴力, 搞笑於一身! 估佢唔到! 都可以一睇!

4-1(fri) “想妳~~~” + 甄楚倩

2011-04-01T00:22:00.003+08:00

一年又過去…原來不經不覺已經第八年! 又到4月1日…又係懷念哥哥的時候!

“想妳但怨妳…”

當然要回顧一吓過去八年…

2010:
新浪微博+當張國榮遇上陳百強…

2009:
風繼續吹…不忍遠離…

2008:
繼續寵愛

2007:
風繼續吹

2006:
誰能代替你地位

2005:
愚人節

2004:
4月1日

2003:
陪伴我們那代香港人成長的“哥哥”

SALUTE TO A LEGEND (1)

SALUTE TO A LEGEND (2)

SALUTE TO A LEGEND (3)

SALUTE TO A LEGEND (4)

SALUTE TO A LEGEND (5)

蘋果d動新聞真係救命...笑爆嘴!!! 睇到0:19..."五個~~sorry"...差d噴咗出o黎!!!

仲有呢段angelababy同黃曉明...完全係自己想像出o黎o既內容仲要整段動新聞...但真係好好笑...尤其係0:50嗰個"cut呀cut呀cut呀"...又係笑死咗!

“only you”終於大結局…呢十幾集好睇咗, 好過頭嗰幾集好多!

前幾日去剪頭髮睇到呢篇甄楚倩o既報導…幾有意思…值得推一推…

**************************************************

乖乖甄楚倩

迷途知返是勇者，已經告別以往頹廢的甄楚倩，精神奕奕的出現，不煙不酒，點了一杯熱花茶，很健康，今時不同往日了。

她曾經愛情受創，相戀六年的男友一腳踏兩船，和別人生了孩子她才知，複遇上金融風暴輸盡身家，後來走上迷途，常去藥物派對，被人看到一副迷幻樣，背後有個稱號“勁爆女歌手”，九九年更因藏丸仔被捕。“別人吃我也吃囉，幸好，我沒有沉淪在那種地方，走得出來。”轉捩點是認識現任丈夫，結婚生子，受好友邱淑貞影響開始聽佛理，兩年前皈依佛教。

她已退出娛樂圈，本應過著平靜的少奶奶生活，把記者拒諸門外，但為了師父大寶法王出來接受訪問，暢談自己“曳曳”變“乖乖”的轉變。

太早有事業

甄楚倩原名俞瑞兒，父母在她兩歲那年離異，她由祖母帶大，自小不知媽媽身在何方，跟爸爸關係亦甚疏離。“我兒時志願是做家庭主婦，可能自小父母分開，很想有個溫暖家庭，自己有疼愛的小朋友。”父親職業是夜總會樂師，彈低音結他，自此她遺傳了音樂細胞，間中貪玩在爸爸上班的地方唱梅豔芳。她十六歲參加亞視未來偶像大賽，甄楚倩也是自己改的藝名，憑《孤身走我路》贏走冠軍。“贊助商送我去日本受訓半年，還有機會做小貓俱樂部客席成員，那時工藤靜香也是一分子，許多日本妹發夢也想入，我‘唔知頭唔知路’，竟然有這個機會。”

她以童工的年齡簽新力唱片，十七八歲就唱了滄桑的《深夜港灣》，關淑怡後來也要翻唱，她當了五年亞視歌手，約滿跳槽無線時，才廿一歲。“事業太早發展了，其實我心底最渴望的是愛情。拍吳宇森《喋血街頭》，去到泰國荒山野嶺取景，我扮越南妹，有一幕要被摑，摑到我瘀曬、腫曬，我大哭跟吳宇森說：‘我不拍了，好痛呀，他‘黐線’的，未roll機試戲都真摑，他欺負我。’所以我不太喜歡做娛樂圈，現在回想起來辛苦多過開心。”

藏毒被捕

廿二歲那年，她遇上騎師謝展鵠，跌入一段盲目愛情。男友不喜歡她做藝人，她就留在家中，有錢不賺，只靠自己的積蓄過了六年，一心嫁作人婦。“我拍拖時不喜歡check男朋友，也不會要他天天打電話給我、要天天見面，所以……和他一起那麼久，他在外面有個女人我也不知，而且還生了孩子我才知道，我是多麼的單純。我是一個對愛情死心塌地的人，就算他對我不好，我也可能拖下去，忍得到都照忍，直至絕望才會退出。”

終於，她收到晴天霹靂的消息，男友結婚了，新娘不是我。“我很不開心，受到一個很大的教訓，原來你對一個人很好，付出一切，你也不要期望他對你一樣好。”禍不單行，她回復單身時，正值金融風暴，她在樓巿高峰期以七百萬買了一個七百尺單位，轉瞬變了負資產，股票投資又失利，身家一鋪清袋。“那時我聽相士講，改名夏漫淇，怎知改完衰到貼地。運氣最差時，我和一班朋友去抽煙喝酒，桐油埕裝桐油，他們喜歡去嗑藥派對，我又去，其實完全沒有作用，找錯了方法。”九九年，她去派對時被員警在手袋搜出一粒安非他明，被控藏毒，她認罪獲得輕判，罰款二千。“沒有留案底，幸好我沒有沉淪在那種地方，走得出來。雖然我那時未信佛，但原來佛菩薩一直保佑我。”

父親型老公

九九年，她在新加坡登臺時認識現任丈夫，對方是生意人，她對他身份守口如瓶，連姓什麼也不肯透露，只肯說一點點。“我老公大我十七年，我一向鐘意爸爸型的男人，從小到大都是，大我兩三年的我不喜歡，他很遷就我，從來沒有和我吵架，可能他比較成熟，我們一起十二年了，他從未對我大聲講過一句說話。他是新加坡人，生意很忙，要到處飛，陪我的時間雖然不多，但我沒有所謂，我不是一個貼身的老婆。”

她一年後懷孕時，報章指她做未婚媽媽，她澄清其實秘密結婚後才生孩子。“這個孩子改變了我，對愛蒲的生活厭倦了，那些人來來去去喝酒、猜枚、跳舞，我年紀漸大了，再這樣過日子，樣子又殘又老，為了什麼呢？不如顧孩子、享受家庭樂更好啦。以前我喝酒喝到聲線也沙啞了，現在你看見我這麼clean and clear，聲線都高音了。現在我已戒酒戒煙，那些地方其實好鬼臭，我相信人有頻率，我以前的頻率是嗑藥、去disco、去party，自然吸引到那些頻率的人。現在我不是這樣的頻率，你會離開那班朋友，我和他們已沒聯絡，告別了頹廢。現在我拜佛，身邊所有朋友都拜佛、放生、念經。”

少奶生活

甄楚倩住半山，兒子讀國際學校，她的生活十足少奶奶：每天下午三、四點才起床，兒子不用她送上學，因有工人照顧，晚上她才陪他吃晚飯、做功課，她有空就上健身室、打麻將，與娛樂圈的人儘量保持距離。“我和老公談過，他不想我再做娛樂圈，我也不想做，儘量少去有記者的場合，有一次馬浚偉生日請我去，我一聽見有記者，就不去了。《美女廚房》叫我上，我說我不做這行了，他們說是公益慈善版，可以入名媛組，我說我不是名媛，我是家庭主婦。志偉叫我上《獎門人》，我又推了，除非我想做回娛樂圈，出來做什麼呢？no point的。”

她的婚姻神秘，狗仔隊好奇，以前每次被偷拍，她都很生氣。“死要寫到我最衰為止，一定不會寫我很疼兒子、做家庭主婦、修心養性、洗盡鉛華，一定寫肥師奶呀、又殘又核突呀，其實我從來沒有很肥，最重只是一百一十多磅。我在街上被偷拍，老公也不喜歡，他說知道那裡有狗仔隊，應該少去，我也不想的呀。我不明自己有什麼值得八卦，柏安妮也結了婚，都沒有人要挖她的秘密。”

九歲的兒子漸漸也知道媽媽以前做過藝人，但和爸爸的反應相反。“他喜歡我見報，有狗仔隊就開心，說：‘媽咪，你笑得好美呀。’我說偷拍這麼難看，他喜歡出鏡，常求我讓他上《放學ICU》，我不准，他這麼靚仔，有朋友想請他拍廣告，我推了，我不希望他入娛樂圈。”

喜悅的眼淚

本來，她很滿足現狀，沒有他求了。“我生活很開心，有老公，有小朋友，不用做娛樂圈，心想，以後都是這樣就很好了。”原來物質安穩之後，人就有靈性上的追求。“我唯一來往最密的圈中人是邱淑貞，她有小朋友，我又有小朋友，我常帶仔仔到她家中玩。她信了密宗很久，間中有帶我去見寧波車，我見過很多位，但沒有什麼強烈的感覺。那時我很喜歡拜觀音菩薩，有廟就入去上香頂禮叩頭，只限於這種程度。”

令她徹底改變的是兩年前，大寶法王泰耶多傑第一次來港，她看到廣告，突然有股衝動要去見他。“我問邱淑貞可否帶我去，但她在上海，叫我自己去，以平時的我一定放棄，但不知為何好有決心，自己一個去到會展，那裡有六七千人，離好遠見到他出來，我突然淚如泉湧，完全控制不住，那是喜悅的眼淚。”後來她有機會入後臺見大寶法王，她問道：“我第一次見你就cry cry cry，為什麼？”他說：“因為我見過你很多很多次了。”密宗相信輪回，師兄弟向她解釋：“你前生一定是他弟子。”後來邱淑貞鼓勵她請大寶法王做她的根本上師，甄楚倩自此皈依佛教。

帶郭富城皈依佛教

“信了佛之後，我才知道以前信命理、改名、求菩薩保佑老公賺多點錢、仔仔成績好，原來是迷信，這些都是自私，信佛是要放下‘我’，改變自己，拜個佛像是沒用的。這兩年來我每日都唸經、做功課、meditation（觀想），脾氣收斂曬。我去了五次印度探師父，請他教我打坐，這是心靈之旅。”她又積極傳揚佛法，邱淑貞的丈夫沈嘉偉和郭富城老友，她今年帶了城城、張智霖、袁詠儀去見大寶法王，郭富城也認作他的弟子，現在和她是師兄妹。

回想以前不如意的經歷，她另有一番領會。“雖然我曾經完全沒錢，但可以拍戲、登臺，還認識到我老公，命中很多事情是註定的，一無所有，又會給回你。以前男友對我不好，可能是還債，我前世對他不好，今生還給他，還清了就好囉。”她以前愛物質享受，現在最熱衷修行。“我做過一個好勁的閉關，三日三夜不吃不喝，不回家，整天做大禮拜，要五體投地，一日做三百幾下，又不能說話，hello早晨也不能說，只唸經，因為要學習減少妄語，亂說話也會犯口孽。”

聽甄楚倩談自己的經歷，即使遇過多少起跌，也沒有埋怨別人，從正面回顧，修行有用，她想別人看到自己的改變。

英文名Dita

甄楚倩有很多個名字，原名俞瑞兒已棄用了，夏漫淇當然更不會再用，現在身份證用甄楚蒨，草花頭是相士叫她加的，但她不介意記者照用甄楚倩。至於英文名，唱片上寫Yolinda，是小時候親戚改的。“我一直不喜歡，入行後常被人改肉酸花名，現在我叫Dita，來源是我偶像Madonna，據說她每次訂酒店，因為不方便用真名，就會用假名Dita，我覺得幾好。”姓什麼已沒有所謂了，她和父親已多年沒有聯絡，不知他在哪裡。丈夫的父母又已離世，她連做媳婦孝敬長輩也不用。“只有最疼我的嫲嫲，她每個星期都會來看看我的兒子、她的曾孫。”

3-27(sun) 張智霖我係外星人演唱會2011

2011-03-27T00:27:00.005+08:00

三月真係一個好忙o既演唱會月, 幾乎每個禮拜都有演唱會要去, 合共睇咗4個“懷舊演唱會”, 真係去紅館多過去銅鑼灣!

你如果要我rank邊個最好睇…我真係做唔到! 楓華o個個雖然唔係屬於我個年代, 共鳴少d…但真係睇得人好感動, 人間有情囉! 而伊面同玉女掌門人就真係令人回憶返埋o黎…反而坦白講, chi lam嗰個有d失望…我覺得可以做得更好...尤其係選曲歌曲編排…一開場無耐有一part快歌, 唔識不特止仲真係唔多好聽…中段有一part歌又係ok悶, 好多人都拿個iphone出o黎玩!

全晚最令人期待同最好睇嗰part…當然係佢同舊愛許秋怡合唱廿年前熱爆k場的"現代愛情故事”啦…好彩我係睇星期日o個場咋, 如果唔係miss咗呢個經典場面真係o徙晒!!! 雖然秋怡嘅唱腔已經由"得意少女"變成"黑妹李麗霞"…但係可以o係廿年後再見番呢個經典組合又確係令人感動! 可惜唱得一首咁少…應該唱埋“片片楓葉情”再搵埋蔣志光+韋綺珊出o黎唱“舊朋友”嘛…如果咁又真係回憶返埋嚟喇!

今次蘋果o既報導幾詳盡…終於記得當年o既頸鏈事件係咩事喇…

1) 相隔19年重溫愛情故事張智霖拖許秋怡靚靚打氣

2)有情歲月三角關係糾纏不清

Chilam和許秋怡 92年因合唱《現代愛情故事》一曲撻着，兩人被喻為圈中的金童玉女。翌年， Chilam與袁詠儀合拍劇集《邊緣浪子》移情別戀，並宣佈與秋怡分手。之後三人的關係仍糾纏不清，有指 94年 Chilam在遊戲節目中贏了一條頸鏈，並將之送給秋怡，因而觸怒靚靚。 Chilam為平息風波，特別入電視城化妝間找秋怡，與她在傳媒面前澄清沒收過頸鏈，感到委屈的秋怡嚎哭起來，直至秋怡找到真愛王書麒，事件才告一段落。

呢晚仲有舞台皇者阿王…咁佢又的確係舞台皇者…一上台真係有懾人o既魅力! 仲有無啦啦有張柏芝走出嚟合唱“多謝關心”…雖然九唔搭八, 但幾有驚喜! 好似話佢當年幫chi lam拍過呢個mv, 但我去youtube search個女主角又唔係佢喎!

再次見番張智霖許秋怡呢個經典組合…即刻令人諗番起當年放學後一到2點幾同晚上11點幾必定睇到的飛圖mv時段...呢首又真係經典到呢...洗腦咁款...:p

嘩…真係咁耐都唔知原來 “現代愛情做事”係改篇自一首國語歌…小虎隊“叫你一聲My Love”! 咁廣東話版好聽好多喎…:P

睇番啱啱o個集“心有靈犀” …梁繼璋同佢老婆莊嬿藍個故事又真係好令人感動…好似“藍男戀”咁…呢d唔計高矮肥瘦年齡身份地位比起“金童玉女”更加係真愛…讚!

梁繼璋四十六歲，香港電台副節目總監，結婚三年半，有個比他年輕二十載的妻子，老夫少妻，他常有一個夢魘。

梁繼璋二十七歲那年結過一次婚，他說離婚後交過幾個女友，每次都因年齡差異分手。

想起現任太太明知將來會孤獨終老，女方家人又大力反對，仍義無反顧跟他，他感動得哭起來。梁氏夫婦大婚，女方親戚缺席杯葛，故事是這樣開始的。梁繼璋父親當年也跟他一樣，娶了個少妻，梁媽媽比梁爸爸年輕十五載。梁爸爸七十五大壽那年，收了份大禮--直腸癌。切除直腸，做了個人造口，還未適應，癌細胞又侵襲他的腎，未來得及醫治，又去了喉嚨，做完切除手術，已不用學習以儀器發聲，因為他已經撒手塵寰。老夫慘，少妻更慘，六十二歲忽然失去老伴，梁媽媽接受不了，清晨扎醒，仍飛奔入廚房張羅，又煲湯，又煲粥，因為老伴在生時，每個早上都喝她的湯和粥。「是姐姐提醒她：阿爸過身了，你不用忙吧。」媽媽呆呆望空氣，良久說不出話。到這裡，梁繼璋的眼紅了一圈又一圈，暫停了訪問，停不了是，他對妻子的憂慮。

「呢個畫面，令我聯想到我太太，我似睇緊預告片，預計將來我太太都會像我媽咪一樣，孤獨到老。」

兩代如此，我豈能免梁繼璋的爺爺，也是七十多歲得了直腸癌，然後離世。這宿命，傳了給梁繼璋父親。梁繼璋預計，他亦逃不了這宿命。「我七十歲，太太才五十幾，女人五十幾，無論如何也不是黃金歲月，搵老公唔容易，搵職業唔容易……點呢？「我每次想起，都有心痛感覺，由結婚日，都知道呢樣避免唔到，但佢仍然嫁我，我好感動。」

梁繼璋的太太莊嬿藍（原名莊妙晶），是一九九七年樹仁校花，做過模特兒，現在新城電台做主編及報導員。莊媽媽覺得女兒標緻可人，選擇多的是，犯不揀個老夫。原在九龍香格里拉訂好的酒席，也因女方家人極力反對告吹。「每次約會，電話停不了，她先是沉默，然後電話傳來嘩啦嘩啦的告誡聲：『佢做得你阿爸……將來你無幸福，就係拖住老伯睇醫生……』」

老夫少妻的結局，旁人忙不迭告之。但莊嬿藍堅持，九九年七月三十一日大婚，女方沒一個親戚出席，就連她的大家姐、二家姐跟細佬都杯葛這頭婚事。「佢（太太）輕輕一句：孫中山都係咁啦，就將愁雲吹走，我好appreciate（欣賞）。」年輕夫婦婚後可以玩幾年，再決定生不生孩子，莊嬿藍深知丈夫「時日無多」，今日不生孩子，明日他便沒機會看孩子長成。所以，她即時由愛美的少女，變成肚皮長滿妊娠紋的師奶。「佢係校花，好貪靚，成日怕坐得多patpat會大，飲茶等位等半個鐘，都堅持企，而佢明知懷孕會令身材變形，妊娠紋會伴佢一生，為我，佢寧願放棄靚多幾年，即刻做師奶，誕下了兒子。」兒子二十一歲，梁繼璋是六十七歲，預計有機會目睹他成年。

「但養兒育女，只令佢辛勞，彌補不了餘生孤寂。」像梁繼璋媽媽，老伴去後，連嗜好都沒了。老伴在生時，兩老會趁孩子睡覺後摸酒杯底，以白酒、啤酒送牛雜、叉燒，老伴走了，梁媽媽連消夜這習慣都沒了。「唔通叫仔女陪佢飲酒？我有一個姐姐，一個哥哥，仍然彌補不了母親喪伴的空虛。」「將來我太太，都會是這樣，仍對我不離不棄，不是愛，又是什麼？」哽咽將話說完，梁繼璋情不自已號哭起來，香港電台錄音室內，像空谷回響，振盪四十六歲男人的號哭聲，久久不散。

3-26(sat) 蔡楓華all 4 ken 2011演唱會

2011-03-26T00:42:00.004+08:00

終於等到"楓華再現"...超感動耶!!! 而重點係…我同楓華握到手囉, yeah! 而大家須知道, 芒姐個人平時被評為幾咁"冷漠", 我肯主動伸隻手出嚟同佢握, 其實係鼓起咗好大o既勇氣…:p

雖然我唔係佢fans(就算90年代迷上重播第n次的"IQ成熟時", 亦只係迷上珠仔鄧藹霖而唔係peter pan紅唇皇子), 亦唔屬於佢個年代, 佢o既金曲我亦只係識"倩影", "絕對空虛", "愛不是遊戲", "也許", "十年", "何必曾相識", "青春三重奏", "IQ成熟時"同埋首插曲"可知我心有淚"...數晒, 9隻咁大把! 不過正如我成日講, 雖然我生於一個"錯誤年代", miss咗香港樂壇最光輝的時候80年代初...但眾所周知, 我一向活o係大我十年八載的年代...所以楓華的事跡我都略知一二!

(白馬王子!!!)

連2000年的"楓華再現"演唱會我都有去睇...證明我真係幾咁支持佢! 後來連自己個site都name after佢添...hohoho!

同埋我相信有去得睇佢演唱會的人多半都有鋤強扶弱的心態(雖然楓華唔想大家同情佢, 咁其實我係支持佢啫!)...大家見到佢呢廿幾年生活得咁慘...雖然佢自己都要負上一定責任, 但傳媒o既一沉百踩都累死咗佢, 反而"剎那光輝"事件只係導火線而唔係令佢即刻跌落谷底的原因...見到當日o既白馬王子變成咁, 又真係好戥佢慘!

今次見佢d fans咁多年後都對佢不離不棄...仲有money姐的有情有義, 我都好感動囉! 所以舊年10月佢一上完勁歌, 我已經話過如果佢開演唱會我一定第一個支持!...結果楓華無令我哋失望呀, 至少佢今次真係有put effort去練歌+修身(依家直頭幾fit添)...值得支持! 大家又何苦一沉百踩呢?!

(第一代勁歌金曲主持...亦係85年第2季季選"剎那光輝"事件黃金組合...好有情有義o既money姐!!!)

好耐無試過去一個演唱會係覺得自己幾乎係全場最後生（除咗啲跟阿媽阿婆黎睇嘅小朋友）！雖然我唔係屬於呢個generation, 共鳴又真係少d…你話個演唱會好好好睇又講唔上…但真係睇得好感動! 完全感受到人間有情…d哥哥姐姐叔叔嬸嬸個個都跟住楓華一齊唱一齊拍和…真係好感人!

(呢張好"楓華"囉...其實佢真係瘦咗好多...嘩! keep fit真係好難o架嘛! 有put effort...抵讚!)

(嘩...經典的楓華chok mic stand甫士!!!)

(呢身打扮令我諗起佢o既fans...當年新秀選唱佢首"絕對空虛"o既金句王leon個happy 2000 look...hoho!)

(譚校長亦都算有情有義...2000喺伊館o既"楓華再現"演唱會佢有現身做嘉賓...11年後佢又再o黎...算係咁啦!)!

(嘩!!! d花籃多到呢...有我最喜愛o既"iq成熟時"珠仔...鄧藹霖!!!! 仲有劉華添...:p)

仲有”IQ成熟時”cd…

唔知當年楓華有幾紅o既朋友...應該去睇吓呢個國際歌迷網囉...:p

今日o係報攤見到…所以話, 呢個世界真係never say never!!! 之前陳茵媺仲話一定無可能…不過其實佢哋都ok襯呀!

3-23(wed) 方中sir

2011-03-23T01:19:00.003+08:00

大家知唔知呢個字點讀? Hahaha!

睇完前幾日o既“華麗明星賽”…見到benz雄…又諗起”方中sir”…真係笑死! 立刻要再post番呢段…真係活到老學到老喇…hohoho…:p

真係忍唔住要讚第十次…十年前o既郭羨妮真係好靚!! 雖然我一向都唔太buy佢, 但一睇呢套"駁命老公追老婆"見到佢真係驚為天人, 睇到我目不轉睛咁望住個電視...真係好耐都無試過! 難怪佢當年可以攞多料冠軍…仲係繼李嘉欣之後第二個港姐攞埋華姐冠軍…真係有道理囉!!! 同埋o個d雜誌o既用詞又真係不能再抵死…咩"殘妮回春", "幼齒唐寧"...不過又真係好準繩...hohoho!

同埋套劇又真係出奇地幾好睇, 好過黃金時段d劇好多添...唔怪得知都引起ok多迴響! 又可能因為放o係呢個時段播, 無黃金時段咁高expectation, 反而好有驚喜! 頭先仲見到"藍月亮"同埋"500飛虎隊"o既羅頌華哥哥添呀...oh!

下個禮拜做 “七號差館”, 都有d興趣睇吓…反而黃金時段套”女拳"同咩"洪武三十二"就真係呢…可以令我慳番好多時間喇...都好!

今個禮拜開始做o既“誰家灶頭無煙火”, 有d“天天天晴”feel…連一開始個“野餐”背景都一樣, 同埋個班底都有d似! Marco呀, 田蕊妮呀, 陳智燊呀! 睇落都係o個隻feel…不過感覺好過 “依家有喜”好多…呢套真係底線!!!

嘩! 睇番“博愛歡樂傳萬家”…娥姐一開聲真係…wow! 今次唱“後來”仲動聽過上次台慶的“聽海”囉…勁!!!

嘩! 又有新相...真係源源不絕..."奇拿"一樣! 今次啲封面相又真係激過上次嗰啲喎! 雖然其實不能稱為"激", 不過俾人出賣仲要個個禮拜係咁放新相又係灰o既...

3-19(sat) DEEP V.25周慧敏演唱會

2011-03-19T00:00:00.000+08:00

正所謂: “著deep v去睇deep v”…hohoho!

3月確係一個"來忘掉錯對~來懷念過去~~"o既月份...枕住去睇"懷舊"演唱會! 周慧敏雖然係我哋個年代的其中一個icon, 但芒姐又真係一次佢o既演唱會都未睇過! 今次呢個我哋名為"著deep v去睇deep v"演唱會…比我想像中仲要好睇...事關都係o個句: 回憶返埋o黎! 震撼的感覺就好似09年第一次去睇鄭伊健演唱會咁...真係好感動! 直頭係回到中學年代...又見番"少女芒姐"...簡直睇到想喊囉...hoho!

同埋佢真係好好好好好靚...keep得超好!!! 你話佢當年迷倒萬千少男時, 我又真係唔覺得佢特別靚, 事關當時o既佢有d厚粉 (which is我最怕o既嘢)! 同埋廿幾歲靚係應份架嘛(…:p), 但係佢依家四十幾歲仲可以keep得咁好, 簡直係我新偶像囉! 樣靚身材正(係真係好正...最多係瘦咗d啫!)不特止, 皮膚仲要又白又滑, 原來講嘢仲ok幽默添...同埋多咗一份成熟女人味同埋高貴氣質...呢d真係d後生女完全無得比! 雖然我從來都唔係玉女掌門人o既fans (當年我喜歡sammi o架嘛!), 但都要讚嘆佢真係超”索"! 我終於明白點解d男士會封佢做"女神"...我係女人, 都要封佢做"女神"囉! 真心索!!!!!!!

一定要以佢為榜樣...keep到自己樣靚身材正仲要又白又滑又高貴! hohoho! 同埋d衫年年都好靚…佢又carry得好好睇…嘩, 簡直目不暇給!!!

Vivian d歌又係好大部份都耳熟能詳…不過個演唱會個flow有d問題…就係一開場已經唱晒最hit嗰d歌咁滯 (“天荒愛未老”呀, “孤單的心痛”呀, “感情的分禮”, “自作多情”呀, “萬千寵愛在一身”呀, “流言”呀咁)…係帶起咗高潮, 但中段有d後勁不繼! 應該幾隻勁hit夾幾隻無咁hit咁樣會好d! 同埋其實佢仲有幾首hit歌好似”情未了”, “真愛在明天”, “可知我想他”(呢首有無唱呢?)可以唱…不過整體都算ok, 因為真係好帶到我哋返九十年代…一切又回到最美好的年代!

同埋d嘉賓都真係唔錯…一開始有o係寶麗金年代同佢合作無間, 當年成日傳佢o地係一對o既李克勤…嘩! 聽番佢哋合唱“萬千寵愛在一身”又係吸引!!! 仲有張敬軒都有驚喜…同埋佢唱歌真係好好聽!

至於柏原芳惠呢…雖然佢係一個好難得o既嘉賓…但佢唱o既日文歌又真係唔多覺有太多人識, 嗰段時間個個變咗o係度玩iphone…keep唔到個高潮位! 同埋原來佢同vivian差唔多大…咁阿deep v又真係keep得超超超好囉! 一拍埋我以為佢係大周慧敏一代o既歌手添!

不過成個演唱會略為慳皮…舞台設計無咩, 連pong pong棒都無派…係d dior衫好靚囉!

um…特登要點番呢個tbb版”感情的分禮”mv…事關原來呢首歌大家(包括我)最記得係件宮廷裝, 而唔係首歌點唱 (因為去卡拉ok唱不停咁甩)…同埋卡拉ok版完全唔係咁…不過有另一位視帝陳豪做男主角囉…hoho!

嘩! 不過唔睇番都唔知道原來件衫真係咁噴血…細個唔識睇, 唔知點為之身材好…嘩...依家睇番…真係難怪迷倒萬千少男…呢d真係天使面孔魔鬼身材…無得講!!!

我諗諗吓我細個其實都有一期鍾意過周慧敏o既…係90年佢做“烏金血劍”時…嗰時好buy劉錫明添o架!

3-17(thurs) 搶購食鹽抗輻射~~~

2011-03-17T00:16:00.003+08:00

香港人應該真係癲咗…搶購食鹽抗輻射?!?!??! 係咪低能o架?! 令人諗起8年前的沙士…又係發生於三/四月…恐懼真係會令人失去理智, 亂咁黎…呢d真係真心癲o既表現!!! 我覺得tbb應該乘機重播“碧血鹽梟”囉…反正d人都咁鬼無知…教吓佢哋關於鹽o既知識, 睇吓可唔可以抗輻射都好呀…

呢篇好抵死o既”食屎抗幅射”真係諷刺得好…

跟住呢段有線新聞我頭先睇到差d"joke"親…成段都好好笑...不過搶鹽嗰part都唔夠頂癮, 最抵死係1:20開始嗰段買生抽對話...

記者: 鹽都算, 但生抽呢?
被訪者: 生抽都買, 驚佢用鹽做呀嘛...無鹽點做生抽呢? (記者偷笑)
疑似記者: 生抽唔係用黃豆做o架咩?
被訪者: 用鹽做o架嘛...鹹o架嘛!!!

我笑咗...我見到個記者都笑咗...:p 個叔叔仲要超理直氣壯...勇氣可加! 我唔知佢以後點出去見人?!

仲有呢個”yahoo! 拍賣特惠牌食鹽粗鹽”又係想點?! 繼上次"紙紥相機"之後又一力作! d對話無聊到呢 (不過其實幾有sense of humour)…不過我仲無聊, 睇咗一大半…呢個世界真係咩人都有…:p

另, “Only you”呢兩個禮拜好睇咗…蒙嘉慧做得幾入型入格! Oh, 仲有官恩娜添…佢真係幾得!

今個禮拜終於做完嗰套“依家有喜”…真係好, 做咗幾個月都唔知佢搞咩…雖然之後嗰套“誰家灶頭無煙火”都唔知咩嚟, 但見到有田蕊妮同陳智燊喎…上次“天天天晴”幾鍾意睇佢哋!

同埋我想講真係套套戲都有黃浩然…不過佢的確係唔錯!

仲有…“駁命老公追老婆”睇睇吓真係幾好睇…晚晚都追!

3-13(sun) 濃情蜜蜜燒豬髀, 情比金堅鹹牛脷~~~

2011-03-13T00:04:00.000+08:00

“華麗明星賽”真係幾好笑…不過其實最重要係睇o個日請d咩嘉賓…上個禮拜big four上去真係笑死…佢哋四個本身真係上咩節目都笑死你!

真係忍唔住又要讚吓…蘋果d動新聞真係好得...呢段sammi安仔太平館”斷正”片整得好盞鬼...d旁白亦都好抵死! 仲要將老鼠安飲茶嗰part repeat十次, 然後整埋d心心o係sammi度飛過去...笑咗!!! 仲有佢哋有日作的"濃情蜜蜜燒豬髀, 情比金堅鹹牛脷"又係笑咗….真係唔夠蘋果o黎...:p

哈哈…係時候要重溫番經典o既“廚房宣言”喇…

依家深夜做o個套陳年舊劇"駁命老公追老婆"睇睇吓其實ok好睇喎...點解當年會成為倉底貨? 同埋郭羨妮o個時真係幾靚!!! 塊面飽滿d反而好過依家瘦咗囉! 仲有唐寧o個時都好標緻! 同埋點解2001/2002有咁多套戲都係陳豪+郭羨妮呢個班底?!

依家朝早仲首播林峯套“布衣神相”…點解忽然間播番咁多陳年劇o既? 錄咗少少, larp咗少少…其實應該幾好睇…不過暫時未有時間睇!

“Only you”就真係ok悶, 田蕊妮做得比較好! 真係幾鍾意大塊田…做戲同做主持都做得咁好, 講嘢仲幾鬼馬添…有前途!

仲有套“女拳”…嘗試睇咗少少, 不過真係唔係我杯茶…放棄咗!

3-7(mon) 鄭伊健 Beautiful Day 2011 演唱會 + sammi安仔"豬肶+鹹牛舌宣言"

2011-03-07T01:33:00.002+08:00

"來忘掉錯對~來懷念過去~~~"

無錯...我的確係一年零三個月裡面第三次去睇鄭伊健演唱會...雖然今次無09年第一次睇佢演唱會咁震撼我的心靈…因為上次真係零expectation, 同埋第一次永遠係最好睇o架啦, 仲要o個次係佢11年後第一個演唱會…一定感覺唔同d! 雖然今次無咗上次的新鮮感..但佢啲歌的確係陪伴我哋嗰代成長…一聽就已經回憶返埋o黎, 入心入肉入肺 (雖然嚴格o黎講我真係唔算係佢fans), 當年hit到你唔信...話佢係九十年代o既icon, 真係當之無愧...首首歌都可以萬人大合唱世界key...你都咪話唔勁~~~

而正如上兩次所講, 鄭伊健最煞食係佢十幾年不變的感覺…quote番我上次所講: “佢真係好似"冰封"o左咁…無論樣貌, 歌藝, 事業(sorry..:p)…成個感覺都好停留o係九十年代…一切就好似無發生過一樣! 佢一開口唱, 大家一邊拍和…我直頭以為自己返番九十年代…見番少女芒姐! 雖然我從來都唔算係佢fans, 但佢90% o既歌我就算o翕唔出名都一定識跟住唱囉…實在太有共鳴啦! 聽番呢d咁耳熟能詳o既歌, 真係差d聽到想喊!”…今次的感覺依然一樣, 雖然震撼程度減少咗d…但佢d歌依然螢繞住我…情意結呢啲嘢無得講, 前奏一響已經回憶返晒埋嚟…!!!

由09年俾小部份孤陋寡聞的人取笑我連鄭伊健演唱會都去睇, 到今次啲人買唔到飛呻笨, 可見”食老本”才是王道! 同埋佢真係男女通“殺”o架喎…現場所見, 有好多男仔都好熱烈支持佢, 應該係拜“古惑仔”所賜啦! 女仔就當然唔駛多講啦…:p

梁詠琪撞啱上個禮拜分析過, gigi o係o個件事上形象插水最主要其實唔係因為佢係第三者 (因為感情呢d嘢從來外人都無得好講, 同埋事實佢哋之後各方都澄清過根本係鄭/邵分手後佢哋先一齊), 而係因為佢人緣唔好, 同傳媒關係差, 你一有起負面新聞咪一沉百踩, 將件事放大囉…所以芒姐成日都話, 人緣好重要過一切, 做咩都會事半功倍! (sorry, 又掛住講題外話…:p)

賣飛佛經典中的經典"一生愛你一個"...我以為encore點都會再唱多次添...點知無, 唱咗兩隻我唔太熟的…"一生愛你一個"聽一次真係唔夠喉o架嘛!!! 另一首賣飛佛"感激我遇見"...點解林姍姍o係度都唔開吓金口出嚟讀白呀?! 太可惜!!!

嘩! 終於有人upload呢隻歌"愛難留"…其實當年鍾意呢首歌更甚於"一生愛你一個"! 明明係同一隻碟”on stage”的第一plug, 點解呢首反而hit唔到o架?! 好好聽喎!!!

要post一post啲歌詞先得…
“愛情似萊茵河互纏　不竭息時間衝不斷　當年情卻不可挽住　仍有冰封雪掩再沿那萊茵河步前　想探出曾愛深的臉　當時情卻匆匆已逝　剩了是回憶一片

像那風難停　風難留　匆匆而來　匆匆而完　但思憶仍在觸痛我　又似是飄不遠像那水難停　水難留　匆匆而來　匆匆而完　但思憶仍未肯妥協　願再共你相見

在這蘆葦裡親過你　跟風同行　跟風同眠　但今天河畔只有我　令美麗都改變像那水難停　水難留　匆匆而來　匆匆而完　在清清河畔憶記你　願你　願你與我又相見”

延伸閱讀:
2009-12-19(sat) 鄭伊健友情歲月09演唱會
2010-6-5(sat) 鄭伊健友情歲月演唱會澳門站

嘩…今日呢單勁爆消息真係不能不講啦! sammi同安仔真的復合了...雖然感情係好私人o既事, 但作為fans...又真係幾高興喎! yeah! 無辦法...又係情意結...真係忍唔住要唱番句: "其實心裡~有沒有我~~~"…估唔到我哋一年前的"願望", 今年真係實現咗...:p

sammi的聲明...實在不能不like!!! 真係上帝早已預備~~~太令人感動喇!!! 童年情意結…無得講…大家見到呢個結果都好開心! 同埋sammi文采真係好風流, 仲要寫得好有sense of humour添…:p

我哋講笑話太平館依家仲可以乘機整個"太平復合套餐", 又或者整埋個"太平復合旅行團"順道參觀埋佢個廚房, 直擊豬肶+鹹牛舌製作過程...發表”廚房豬肶+鹹牛舌宣言”, 跟住再整埋sammi安仔一比一人型紙版公仔, 等大家可以同呢對金童玉女合照...真係商機無限...hohoho…諗起都高興…真係未出發先興奮!

真係結尾都可以再o黎一句: "來忘掉錯對~來懷念過去~~~"都係applicable…首尾呼應一個添呀…:p

3-2(wed) 楓華真的再現了~~~

2011-03-02T23:51:00.000+08:00

2010年10月11日…芒姐講過: 如果ken choi真係開演唱會, 我第一個買飛支持佢囉!…估唔到, 不出5個月, 我的願望真的成真!!! 你真係唔好睇少從前的紅唇王子囉…人哋一開個唱, 居然一場賣晒, 加開第二場都賣晒…依家加到三場囉…等d人仲笑人哋! 你都唔知人哋八十年代幾咁紅!

雖然我都不得不承認, 最初我都低估咗楓華的吸引力…我估到佢會有唔少支持者, 除咗佢八十年代的一班妹妹仔fans, 仲有一眾本身熱愛八十年代的fans, 又或者懷舊的朋友, 但我真係估唔到會好賣成咁…開賣後一日倒, 我去到tom lee, 諗住買最平飛啦 (我諗住實有啦啩, 連chi lam都未賣晒)...點知, 一去到個姐姐已經話hk$180同hk$280都賣晒, 得番hk$380...我忍唔住o係個counter笑咗出嚟大叫: "唔係呀化? 咁好賣?!"...sorry, 真係失禮晒...楓華, 我低估咗你!!!

好彩今次的主辦單位係有情有義的money姐…咁既然買唔到最平, 就買最貴飛支持吓楓華啦…畢竟佢d舊歌真係幾好聽….even佢2000年o既"楓華再現演唱會"我都有買飛去睇…可知我幾咁支持!!! (眾所周知, 又或者可能你唔知…芒姐由diaryland搬過o黎blogspot幫呢個site改名時, 係inspired by楓華呢個演唱會名囉…wahahaha…:p)

好期待呢…三月仲有好多八/九十年代歌星的“懷舊演唱會”…鄭伊健, 周慧敏, chi lam, 仲有楓華, 差不多個個禮拜都要去紅館走一趟囉…不過好興奮呢…事關大家都知芒姐除咗係電視精, 仲係一個演唱會精…:p

節錄吓呢段蘋果報導支持吓楓華哥哥先…

娛圈 360：蔡楓華風華再現

51歲的蔡楓華 3.26重踏舞台舉行演唱會，日前他出席個唱記招，黑超透出一點傲氣地說：「我係搵食，唔係乞食，記住我呢句話。」 80年代初，紅唇王子蔡楓華紅爆，橫行歌影視播四棲，跟張國榮和陳百強三分天下雄霸偶像界； 85年蔡楓華在《勁歌》季選中以「一剎那光輝唔代表永恒」形容張國榮，自此光環消失，歷盡 26載浮沉起跌才終極回歸樂壇。燶華已過，《絕對空虛》勢必風華再現。　撰文：夏琴

船長起錨

港台《香蕉船》是全港首個直播兒童節目， 70年代末第一代的《香蕉船》由蔡楓華掌舵，他披帥氣船長制服，以船長哥哥身份亮相，香蕉姐姐是靚 DJ鄧藹霖，兩人在假船上唱兒歌玩遊戲細路，節目大受歡迎。主題曲「香蕉變出香蕉船，船上面有一排歡笑臉……人人話那彩虹香蕉變。」如今再聽百般滋味在心頭。
青春偶像

80年代楓華霸氣初現，多得麗的經典劇《IQ成熟時》帶挈，與鍾保羅、鄧藹霖和莊靜而齊齊升呢香港第一代偶像劇元祖。蔡楓華劇掂歌更掂，「每次我寫新詩，費盡勞力心思……」講盡當年少男少女靠情信示愛的真實面。

又係時候再重溫吓喇…

Oh…12點幾tbb無啦啦重播套陳年舊劇“駁命老公追老婆”!!! 呢套應該未o係翡翠台播過…謝天華+郭羨妮+方中信真係全部呢期都啱啱有劇o係黃金時段上過…咁啱得咁橋…大收宣傳之效! 郭羨妮o個期肥d飽滿d (雖然個嘴畫得怪咗d)真係靚好多…原來好多時真係唔係瘦先好睇! 唐寧o個時都好靚囉! 個劇情雖然又係o個d胡鬧嘢, 但好似仲好睇過黃金時段o個d劇…:p

頭先睇睇吓仲有馬國明做”茄喱啡”, 又係做d類似”律政1”的衰人角色…馬明依家真係好樣咗好多…人紅自然靚真係一個不變的定律!!!

2-27(sun) 魚躍在花見

2011-02-27T23:16:00.001+08:00

睇咗第一集“華麗明星賽”, 都ok喎…呢期星期日d節目都算唔錯, 10:00個“心有靈犀”就更加好笑, 尤其頭幾集, 姑勿論d artists係做戲定博出位定點, 大部份都做得幾感人…尤其白姐姐o個part真係幾好睇! 同埋睇得出佢o係阿paul面前真係幾慘囉!

至於星期一至五d劇集, “隔離七日情”其實我真係ok o架喎, 郭羨妮雖然老咗好多, 但o係呢套好似靚番d, 同埋成個感覺討好咗! 馬浚偉做呢d角色都唔錯! 但最進步真係欣宜, 比起o係“畢打自己人”自然咗好多, 同埋瘦咗好多…真係有志者事竟成囉!

今個禮拜上o個套“Only You 只有您” 暫時真係略悶…我初時仲以為係好似以前o個d “loving you我愛你”咁…點知完全係兩回事!

“魚躍在花見”呢…d食物同d景係幾吸引…劇情呢…就只能用“唔該晒”o黎形容! 要一班三四十歲o既藝人演繹d小子呀/可愛少女o既角色想點呢? Chi lam個樣的確係好娃娃臉 (同埋好靚仔…:p), 但個角色真係略見低能, 胡杏兒就直頭係tbb又想玩佢啦, 基本上佢依家做咩角色d人都不滿佢o架喇…但仲要佢做埋呢d白痴千金小姐角色, 當然更乞人憎! 阿laughing哥原來只可以做laughing哥類型角色, 佢做呢d深情角色加埋個chok樣的確令人有點吃不消! 仲有佢個角色小器得好無謂, 個細佬對佢咁好仲要妒忌成咁, 又要害佢…說服力唔夠大, 令人覺得佢奸得嚴重無聊!

嘩! 雜誌話葉翠翠整到個樣成個莊思敏咁…睇“香港有運行”又真係有幾分似, 仲有d似丘凱敏添 (當然氣質完全有別)…個樣真係又變咗好多, 但的確係靚過佢選港姐時好多!

蘋果o既“2011十大最期待無綫劇集” …我最想睇o既係…“點解阿 Sir係阿 Sir”囉!!!

至於呢期最爆o既娛聞 (or even係港聞囉唔知點解)可能係isabella同小小超分手…但其實我又覺得一d都唔驚訝, 絕對係大家foresee到o既結果…各取所需…頂多係驚訝在散得快咗d啫…:p

仲有呢隻"小明上廣州"英文版都好趣怪...查實我都真係好欣賞李家仁醫生...因為佢真係對唱歌有"pair唇"囉~~~:p

《小明 Visiting Guangzhou》　

小明 to Guangzhou; Rise to train fast so fast; Mama wants to buy; For our best friends uncle and aunt; 小明 to Guangzhou; See the town up and down; Turning left and right; Guangzhou Guangzhou round and round; Cantonese oh Cantonese; It's so wonderful; Cantonese becomes so fun; I can eat a bowl; 煲個冬瓜猛咁𡁻; Tell me what it is; Cantonese or Putonghua; Oh no oh my god!

2-3(thurs)"虎盡甘來, 兔氣揚眉"!!!

2011-02-03T23:56:00.001+08:00

終於過咗認真麻麻的虎年喇...芒姐先恭祝大家"虎盡甘來, 兔氣揚眉"!!! 仲要借用成日醒我金句一籮籮o既"李阿婆夫人"舊年送我的最有用金句, 就係: "年年唔輸陣，日日真心癲"!!! 呢句真係超警世囉!!! 做人為咩...最緊要都係開心啫! 所以新一年, 芒姐送埋最簡單但最受用的一句祝福俾大家...就係永遠開開心心!!!

新年當然要睇吓d賀歲片...舊年就淨係睇咗"72家租客", 仲要破例睇咗兩次...今年兩套都有睇! tbb仝人o既"我愛香港"講六/七十年代屋村生活, 係幾有香港精神, 但我覺得有d祝到鹿唔識脫角...個theme係好有意思, 但個故事勁單簿 (幾乎係無咁滯, 上年套"72家"個故事都好過佢), 浪費咗咁多個好演員! 仲要今年無舊年咁"tbb星光熠熠", 無得好似舊年咁入戲院齋數星星...:p

至於另一套"喜事"系列o既"最強喜事", 反而比想像中好喎! 已經好幾年無入戲院睇"喜事"系列...前幾年d人睇完話勁爛呀嘛...今年我覺得ok喎, 即係唔係話好好睇, 但一貫賀歲劇水準囉(你明我講咩啦~)...嘻嘻哈哈, 熱熱鬧鬧, 個story都唔算太無聊 (係杜汶澤無啦啦扮女人o個part好為做而做囉)...整體都ok啦!

電視劇方面, "仁心解碼"其實ok, 不過我唔係集集睇...講精神病其實幾新鮮又幾有意思! "隔離七日情"講豬流感...如果上年即拍即播食住個勢會更好! 不過佢居然一播又撞正豬流感翻發, 真係咪話唔邪! 呢套雖然無無聊聊, 但我本人又幾鍾意睇喎! 同埋我真係想講, 欣宜進步咗好多, 起碼比起佢做"畢打自己人"減少咗
造作!

嘩! 我哋呢期個個都好buy風趣幽默o既丁生, 唱k當然都要支持吓佢啦! 可惜第一次去o既RED MR.居然連"寒冰掌"都無(仲要大部份歌都無), 太jar喇...!

不過佢有"嗶嗶嗶"唱囉...真係一首好奇特的歌曲...呵呵! 仲有呢首詹瑞文o既"嘟嘟嘟-嫁入豪門版"又係一絕!!!

喂! 呢段"荃加福祿壽玩轉台慶"之"李思捷惡搞摘星之旅林峯"雖然做咗好耐, 但真係好笑...點都要推一推...:p

1-15(sat) 2010年度十大勁歌金曲頒獎典禮

2011-01-15T00:58:00.001+08:00

雖然好忙好忙...但勁歌總選呢d兒時o既年度盛事 (依家慘成年度笑話...:p)又無理由唔寫o既! 四大(今年變五大)唱片公司依舊缺席tvb勁歌總選...無左大半人, 都唔知仲可以點頒獎...大家係咁你杯葛我, 我又杯葛你...最終只會兩敗俱傷! 希望下年唔好再咁啦...搞到人今年完全無興趣睇任何頒獎禮...我居然連最易記o既叱咜頒獎禮過咗都唔多記得...其他就直頭無留意添啦!

舊年我寫道: "今年o既勁歌總選, 係芒姐 (亦都相信係大家) 睇過最令人尷尬o既十大勁歌金曲頒獎典禮! 個cast弱過d咩"禁毒滅罪耀北區"之類的細show…真係前所未有! 以前細個勁歌總選係一年一度最期待的大show中的大show, 感覺勁grand, 直頭要推晒所有約會捕o係屋企睇! 一到宣佈最受歡迎男/女歌星, 直情要企o係電視機旁一邊叫囂…個心仔差d跳埋出o黎咁滯!"...今年o既感覺依然差唔多, 不過有舊年的"經驗"打低, 今年預咗個show係咁上下啦! 個show本身好鬼求其, 似公司春茗多d...但係福祿壽臨時拉夫做主持其實係交足100%o架喇我覺得!

至於個賽果...最受歡迎男女歌手+亞太區男女歌手其實大家完全估到啦...無咩驚喜...初時o係街收到d朋友send咩"恭喜芒姐"sms俾我, 幾驚tbb真係玩到咁大頒埋個男歌手獎俾林峰...咁就真係玩死佢喇...好彩tbb都仲顧念佢個親生仔! 仲有...容祖兒終於真係破咗梅姐紀錄, 第6次攞女歌手獎...不過o係咁o既大勢之下都無得唔破啦...! 哎! 呢幾年勁歌總選搞成咁...真係呢...!

其他嘢就一貫悶局啦...十首金曲有好多首無咩點聽過添...哈哈! 同埋真係唔多好聽囉! 而阿古巨基以"義海豪情"主題曲攞金曲獎會唔會有d搞笑呢?! 但當然最估佢唔到係janice+jw首"男人信什麼"攞金曲金獎! 首歌係ok好聽o既...但係攞金中金又真係...唔好玩啦! 每份報紙o既形容都係"全場鴉雀無聲"! 不過我諗老黎都計算過...預咗係會俾人噓...但可能覺得有聲音總好過無聲音o既...反正呢兩年的勁歌總選都係一個笑話啫...:p

不過話實, 雖然leon唱歌真係...而且今次仲嚴重地中年發福...但係見到佢出場唱番96年金曲金獎"情深說話未曾講", 的確係全晚悶爆的勁歌總選最精彩一part...唔知點解見番佢出嚟唱歌心頭即刻湧起咗一股感動...因為佢的確係我哋個年代的icon!

仲有佢嗰d牛頭唔撘馬嘴亦係經典...4:00祥仔問你印象最深最難忘o既回憶係咩...佢答.......我笑咗...:p

我真係真心欣賞老黎o既你有你問, 佢有佢講, "睬你都有味"o既真性格...型! 反而比起佢以前個型仔look更...型!!!! 佢呢d根本自己心裡有一套既定答案, 你問佢咩佢照答自己諗咗嗰set答案...理得你死! 好鍾意佢呢種態度...hohoho! 金句王真係笨非浪得虛名!

哈哈...仲要多謝賞門人提供的"笑料"...tbb真係真心hea!!! 阿丁生又真係真心愛丁太喎...咁都留意到...:p

同埋我哋一致認為丁生原來幾funny...經過呢一年睇佢d訪問同對答技巧, 對佢改晒觀...IQ同EQ都拍得住"千嬋"...真係襯得起丁太! 原來佢哋真係天生一對...之前大家都睇錯晒!

o個次睇佢哋兩個上"big 4 大四喜"同埋佢o地婚禮o既"東張西望"訪問...丁生o既對答成熟大方之中又不失funny, 同埋睇得出佢真係好愛千嬅...同佢之前o係vrf年代或之後俾人o既玩世不恭形象完全唔同...真係失敬晒! 至於我o既前偶像丁太一向講嘢都好得o架啦...呢樣我真心欣賞佢! 搞到笑得o黎又唔會真係得罪到人! 我每次都一定會睇佢訪問...學到好多嘢!

同埋我覺得丁生丁太同王祖藍+李亞男o個pair一樣...o係世俗眼光愈唔襯反而愈排除萬難一齊, 可能咁先係最真愛...我真係衷心祝福佢哋囉!

又係要cap番個賽果...否則下年一定唔記得...

2010年度十大勁歌金曲獎項名單
金曲金獎：《男人信什麼》衞蘭、 JW
最受歡迎男歌星：古巨基
最受歡迎女歌星：容祖兒
亞太區最受歡迎香港男歌星：林峯
亞太區最受歡迎香港女歌星：楊千嬅
新人薦場飆星獎：許廷鏗

─最受歡迎新人獎─
金： JW　銀：朱紫嬈　銅：吳若希

─最受歡迎合唱歌曲獎─
金：《初見》林峯、楊千嬅
銀：《一直都在》林峯、蔡卓妍
銅：《愛得起》鍾嘉欣、鄭融

─ 2010年度傑出表現獎─
金：陳偉霆
銀： G.E.M.
銅：超級巨聲

─最受歡迎組合獎─
金： RubberBand
銀： HotCha
銅： Benji and Lesley

─最受歡迎唱作歌星─
金：陳奐仁、 MC Jin
銀：張繼聰
銅：王梓軒

─最受歡迎華語歌曲獎─
金：《信今生愛過》容祖兒
銀：《以前，以後》 A-Lin
銅：《我最愛糖》糖兄妹

最受歡迎改編歌曲獎：《從新出發》關心妍
最受歡迎廣告歌曲獎：《綠野仙踪》容祖兒

─幕後大獎─
作曲：陳奐仁《男人信什麼》
填詞：陳詩慧《義海豪情》
編曲：梁至音《周星呢》
歌曲監製：雷頌德《無限大》

─十大勁歌金曲獎─
《開籠雀》王菀之
《破相》容祖兒
《義海豪情》古巨基
《金鐘罩》許志安
《愛的習慣》側田
《斗零踭》楊千嬅
《直到你不找我》林峯
《 K歌之后》鄭融
《男人信什麼》衞蘭、 JW
《放得低》蔡卓妍

當然都要重溫吓以前係年度盛事的勁歌金曲@芒姐再現:

2010-1-16(sat) 2009年度十大勁歌金曲頒獎典禮

2009-1-13(mon) 2008年度十大勁歌金曲頒獎典禮

2008-1-14(mon) 2007年度十大勁歌金曲頒獎典禮

2007-1-13(sat) 2006年度勁歌金曲頒獎典禮

2006-1-18(wed) 2005十大勁歌金曲頒獎禮 (下)

2006-1-17(tues) 2005十大勁歌金曲頒獎禮 (上)

2005-1-29(sat) 2004頒獎禮

2004-1-16(fri) 大迷信, 大迷信, 大迷信1993/2003?!

2004-1-11(sun) 勁歌後記

2004-1-10(sat) 2003勁歌總選

2003-1-5(sun) 2002年度勁歌總選review

2003-1-4(sat) 勁歌總選前奏

2006- 3-26(sun) 時光倒流12年...1993樂壇頒獎禮回顧

12-22(wed) 2010年尾二一周娛聞回顧…:p

2010-12-22T23:56:00.001+08:00

嘩…呢期d娛聞又係幾好睇…幾爆吓!

首先係黎劉兩大天王o黎個廿年來的世紀擁抱…真係睇得我哋呢d四大天王年代成長的小朋友好感動吓…真的! 嗰日睇“娛樂頭條”已經覺得好感動喇!

天王抱抱 20年一閏

前晚首場紅館演唱會，劉德華專程請來由 90年代四大天王時期爭獎爭崩頭的宿敵黎明做嘉賓，掀起整晚高潮，全場叫聲震天，當黎明未出場時，華仔語重心長說：「以往因為有呢個嘉賓，所以令到你哋更錫我，更支持我，當我搵佢做嘉賓時，佢都有少少懷疑，但我話我嘅 fans唔只支持我，仲係支持每一個人。」

之後黎明出場，兩人甫見面先來個深情擁抱，全場起哄，黎明說：「恭喜晒，好開心。我喺台下面見到一啲平時冇機會見嘅人，又透過耳機聽到華仔同你哋嘅對話，接觸到你哋，呢個經歷令我好溫暖好開心。」隨即兩人合唱一曲《明星》，黎明甫開腔唱歌，觀眾拍掌附和，但華仔和黎明卻表現有點生疏。當華仔唱至最後一句：「求你在心中記住我。」黎明即說：「我會。」多年是非可謂一朝化解。接着黎明獨唱一曲《忘情水》，全程他只企在台中，未有行近觀眾席。

訪問時華仔表示三、四個月前親自致電請黎明，他說：「喺過去嘅 30年，佢的確擔當一個重要角色。」但提到黎明似不敢行近觀眾，華仔笑說：「有幾驚，冇嘢喎！」

跟住係千嬅同丁子高o既婚宴, 又係睇得人幾感動喎…

千嬅嫁丁子高自比終身成就獎

千嬅與丁子高不斷在台上多謝今次幫手搞婚禮的好朋友時，她突然大笑道：「點解咁似叱咤頒獎禮…哈哈，好似講緊得獎感受咁，哈哈，今晚我得到呢個終身成就獎，比任何一個獎更加令我開心感動及快樂，多謝老爺奶奶，送咗個咁好老公畀我，令我搵番自己。爹哋、媽咪，我結婚你哋唔係冇咗個女，係多咗個仔。希望細佬都快啲結婚。」

丁子高則表示以前一生最愛婆婆、媽咪和姐姐，現在多了兩個，他說：「家開始，我生命中多咗兩個最愛嘅女人，一個係我老婆，一個係千嬅媽咪，媽咪我會好好咁照顧千嬅，亦都一定會全心全意照顧你同爹哋（外父外母）。」

婚宴上丁子高預備了驚喜給老婆，拍了一條片，講自己在產房等老婆生仔，然後穿肉色緊身衫，在錄音室裏面扮初生嬰兒着肉色緊身衫同一班兄弟載歌載舞，令台下千嬅捧腹大笑，賓客拍爛手掌。

丁子高之後上台說：「條片裏面嘅我雖然好儍好搞笑，做呢啲嘢都係得一個原因，因為我好鍾意見到老婆笑。可以有機會見到我最鍾意嘅女人笑，係我終身幸福。千嬅，你係冇嫁錯老公嘅！」

講真, 舊年爆出千嬅同丁子高o既婚訊時, 真係接受唔到囉…但經過呢一年睇佢哋接受訪問同埋人前人後o既表現, 又覺得佢真係無嫁錯喎! 同“藍男戀”個case一樣, 好多時表面上條件無咁“相襯”o既, 反而先係最真愛…原來皇子公主o個d“金童玉女”形式o既愛情故事, 真係童話故事先會發生! 以前夠覺得陳豪同廖碧兒好鬼襯…點知! 不過話實, 無論今次個“故事”有幾多成真, 廖碧兒都成為大輸家…因為佢“放棄”o既係唔單止全台女藝員, 而係全香港女人都認為係絕世筍盤o既陳豪…高大威猛靚仔人品好風趣幽默人緣極佳連記者筆下都係極好男人(下刪一百字)…仲要係為咗個有錢仔飛起佢 (如果個story係真啦吓)…佢今次真係一舖清袋…形象比姣蛇更差!

依家d雜誌標題真係幾得吓…至少行過報攤都真係會俾佢吸引望多兩望...:p

12-13(mon) 萬千星輝頒獎典禮2010後記 + 歡樂滿東華2010

2010-12-13T23:57:00.001+08:00

嘩…呢幾個禮拜忙到甩轆, 唔單止無得即時睇台慶頒獎禮, 仲要遲咗成個禮拜先有時間睇番…真係從來都未試過慢成咁! 本來想逃避唔聽個賽果住…但原來呢樣嘢根本係無可能, 你去到邊d人都要講…所以雖然我未睇, 但個賽果已經即時知道晒…睇番錄影帶的確無咁過癮!

正如吳君如所講, tvb嗰d嘢有幾難估呀…基本上都係搞吓gimmick, 驚喜中亦有pattern可循…不過今年真係前所未有地估中晒咁滯…除咗飛躍女又真係無諗過係唐詩詠囉! 麥包哥哥攞獎o個度最感動…我哋真係好細個就開始睇佢o架啦!

嘩…仲有, 原來一開場已經有我兩個飛佛同場出現…hohoho!

至於d藝員o既飲衫, 今年又無咩特別…男仔就當然係一般啦, 女仔都無咩大驚喜!

又要貼番個賽果先…如果唔係又會唔記得…

萬千星輝頒獎典禮得獎名單:

最佳男主角：黎耀祥《義海豪情》
最佳女主角：鄧萃雯《義海豪情》
最佳男配角：麥長青《義海豪情》
最佳女配角：陳法拉《義海豪情》
我最喜愛的電視男角色：景博（林峯）《談情說案》
我最喜愛的電視女角色：昭陽公主（佘詩曼）《公主嫁到》
飛躍進步男藝員：黃浩然《公主嫁到》、《義海豪情》、《情越雙白線》
飛躍進步女藝員：唐詩詠《鐵馬尋橋》、《翻叮一族》
最佳節目主持：汪明荃、李思捷、王祖藍、阮兆祥《荃加福祿壽》
最佳劇集：《公主嫁到》
最佳綜藝資訊節目：《超級巨聲 2》
tvb.com人氣大獎：林峯
萬千光輝演藝人大獎：李司棋
最佳表現大獎：陳豪
最具欣賞價值綜藝節目大獎：《香港築跡》

tvb台慶@芒姐再現:

2010:

http://hejnom.blogspot.com/2010_11_19_archive.html

http://hejnom.blogspot.com/2010_12_03_archive.html

http://hejnom.blogspot.com/2010_12_13_archive.html

2009:

http://hejnom.blogspot.com/2009_11_19_archive.html

http://hejnom.blogspot.com/2009_12_03_archive.html

http://hejnom.blogspot.com/2009_12_05_archive.html

2008:

http://hejnom.blogspot.com/2008_11_14_archive.html

http://hejnom.blogspot.com/2008_11_17_archive.html

http://hejnom.blogspot.com/2008_11_19_archive.html

2007:

http://hejnom.blogspot.com/2007_11_17_archive.html

http://hejnom.blogspot.com/2007_11_19_archive.html

2006:

http://hejnom.blogspot.com/2006_11_09_archive.html

http://hejnom.blogspot.com/2006_11_13_archive.html

http://hejnom.blogspot.com/2006_11_19_archive.html

2005:

http://hejnom.blogspot.com/2005_11_19_archive.html

http://hejnom.blogspot.com/2005_11_20_archive.html

http://hejnom.blogspot.com/2005_11_21_archive.html

2004:

http://hejnom3.blogspot.com/2004_11_19_archive.html

http://hejnom3.blogspot.com/2004_11_23_archive.html

2003:

http://hejnom3.blogspot.com/2003_11_17_archive.html

http://hejnom3.blogspot.com/2003_11_19_archive.html

2002:

http://hejnom3.blogspot.com/2002_11_19_archive.html

http://hejnom3.blogspot.com/2002_11_20_archive.html

嘩哈哈! 林公子呢幅鬼咗一個馬喎…

至於前兩晚o既“歡樂滿東華”…我o係呢兩個禮拜攰到死o既情況之下, 硬撐到2:30a.m.居然瞓~著~咗~~~...miss咗全年最期待的"卡拉之星"環節...雖然呢幾年係比之前遜色咗好多…但都想睇o架嘛…激死! 好彩依家上網有得睇番!

家燕媽媽無咗“十字步”, 改跳“nobody”, 不過依然係咁多個人之中比較精彩的一個…

同埋我依然想問…究竟梅小惠仲係唔係tvb員工?! 點解全年都唔見佢, 但每到東華佢總會出番o黎咁神奇o既?!

“歡樂滿東華”@芒姐再現…

2009-12-12(sat) 歡樂滿東華2009

2008-12-13(sat) 歡樂滿東華2008

2007-12-8(sat) 歡樂滿東華2007

2006-12-8(fri) 記住睇歡樂滿東華之全台藝員卡拉之星大唱遊呀呀呀呀呀…!!!!!!

2006-12-9(sat) 歡樂滿東華2006 (上)

2006-12-13(wed) 全台藝員騎呢之星大唱遊2006(下)+ happy250000…五白金!!!

2006-12-16(sat) 歡樂滿東華卡拉之星經典再回顧

2005-12-11(sun) 歡樂滿東華2005

2005-12-12(mon) 歡樂滿東華2005之“全台藝員卡拉之星大唱遊”

2004-12-11(sat) 歡樂滿東華2004 (上)

2004-12-13(mon) 歡樂滿東華2004 (下)

2003-12-13(sat) 歡樂滿東華 2003

2002-12-14(sat) 歡樂滿東華2002

12-3(fri) 萬千星輝頒獎典禮2010

2010-12-03T23:07:00.000+08:00

Oh, 今年“台慶頒獎禮”無啦啦改期, 之前一路話係今晚o架嘛, 無啦啦又調咗去星期日晚, 搞到人陣腳大亂, 無得即時知道賽果添…激死! 希望各位即場睇頒獎禮o既朋友記得千萬唔好sms同我講個賽果點點點…多謝合作! hehe!

今年其實我都無咩緊密地follow個頒獎禮, 不過照往年慣例, 都要循例預測吓o既…

萬千星輝頒獎禮入圍名單

奬項:最佳男主角

候選者: 吳卓羲《巴不得爸爸》、郭晉安《五味人生》、鄭嘉穎《鐵馬尋橋》、馬德鐘《搜下留情》、林峯《談情說案》、馬浚偉《蒲松齡》、鄭則士《情越雙白線》、歐陽震華《施公奇案 II》、劉松仁《摘星之旅》、黃宗澤《摘星之旅》、陳豪《公主嫁到》、林保怡《讀心神探》、黎耀祥《義海豪情》、黃日華《刑警》、苗僑偉《刑警》

芒: 黎耀祥《義海豪情》同埋陳豪《公主嫁到》之爭…其實我個人係鍾意陳豪多d…但《義海》啱啱播完, 個勢又好似勁d…可能真係會冧一個庄喎!

奬項:最佳女主角

候選者: 胡杏兒《巴不得爸爸》、徐子珊《美麗高解像》、邵美琪《老友狗狗》、米雪《五味人生》、汪明荃《女王辦公室》、蔡少芬《飛女正傳》、楊怡《談情說案》、鍾嘉欣《蒲松齡》、陳法拉《蒲松齡》、李司棋《天天天晴》、毛舜筠《天天天晴》、宣萱《施公奇案 II》、張可頤《女人最痛》、佘詩曼《公主嫁到》、鄧萃雯《義海豪情》

芒: 又係《義海》同《公主》之爭…今年我想估男女主角都冧庄! 鄧萃雯啦~!

奬項:最佳男配角

候選者: 姜大偉《巴不得爸爸》、郭政鴻《五味人生》、謝天華《老公萬歲》、吳卓羲《女王辦公室》、林嘉華《鐵馬尋橋》、黃德斌《飛女正傳》、曹永廉《飛女正傳》、陳山聰《掌上明珠》、馬國明《談情說案》、李思捷《施公奇案 II》、阮兆祥《公主嫁到》、黃浩然《義海豪情》、敖嘉年《義海豪情》、麥長青《義海豪情》、王浩信《刑警》

芒: 其實我個人覺得吳唱k喺《女王辦公室》做得幾好…王浩信喺《刑警》o既表現都比我想像中好! 仲有《鐵馬尋橋》林嘉華都好得! 但如果要我估, 我會估未攞過奬o既麥包哥哥《義海豪情》或者會大機會過上年飛躍男敖嘉年少少添喎!

奬項:最佳女配角

候選者: 陳法拉《義海豪情》、何韻詩《女王辦公室》、李詩韻《鐵馬尋橋》、唐詩詠《鐵馬尋橋》、惠英紅《鐵馬尋橋》、朱慧敏《飛女正傳》、商天娥《掌上明珠》、陳茵媺《天天天晴》、苑瓊丹《情越雙白線》、姚子羚《情越雙白線》、江美儀《女人最痛》、梁靖琪《摘星之旅》、關菊英《公主嫁到》、陳敏之《美麗高解像》、胡定欣《刑警》

芒: 如果齋講我鍾意…我會揀angelaauntie江美儀《女人最痛》仲有何韻詩《女王辦公室》…但睇個勢可能會係陳法拉《義海豪情》!

奬項:我最喜愛的電視男角色

候選者: 巴不得爸爸-楚帆(陳錦鴻)、老友狗狗-周用恭(馬浚偉)、情人眼裏高一D-恭因銅(王祖藍)、女王辦公室-施拾壹(杜汶澤)、鐵馬尋橋-顧汝棠(馬國明)、搜下留情-吳仲康(羅仲謙)、談情說案-景博(林峯)、天天天晴-郭偉龍(徐榮)、情越雙白線-何球(鄭則士)、情越雙白線-何加寶(黃浩然)、施公奇案II-施世綸(歐陽震華)、施公奇案II-枕仙(李思捷)、公主嫁到-金多祿(陳豪)、公主嫁到-金多福(阮兆祥)、義海豪情-劉醒(黎耀祥)

芒: 我估professor king有機會o架喎! 不過如果真係劉醒攞男主角, 可能男角色會俾金多祿都唔定…都ok呀!

奬項:我最喜愛的電視女角色

候選者: 巴不得爸爸-蘇鳳妮(胡杏兒)、美麗高解像-姜展鳳(伍詠薇)、情人眼裏高一D-荊止高(阮小儀)、女王辦公室-雷小鳳(汪明荃)、飛女正傳-梁巧芝(蔡少芬)、談情說案-徐小麗(楊怡)、天天天晴-明心安(李司棋)、天天天晴-井喬(毛舜筠)、女人最痛-余漫悠(滕麗名)、公主嫁到-昭陽公主(佘詩曼)、公主嫁到-司徒銀屏(陳法拉)、公主嫁到-吳四德(鍾嘉欣)、公主嫁到-丁來喜(關菊英)、公主嫁到-金太夫人(李香琴)、義海豪情-鄭九妹(鄧萃雯)

芒: 都係公主同“妹九鄭”之爭啦啩?

奬項:飛躍進步男藝員

候選者: 林子善、金剛、陳山聰、黃浩然、羅仲謙

芒: 應該都係黃浩然喇啩? 再睇埋呢期捧得佢咁勁, 應該無走雞啦!

奬項:飛躍進步女藝員

候選者: 李詩韻、姚子羚、唐詩詠、陳倩揚、羅敏莊

芒: 嘩…今年無咩邊個特別出眾喎…李詩韻其實整體係高一線, 但又唔覺得佢對比之前有飛躍喎…所以我想估羅敏莊囉!

奬項:最佳節目主持

芒: 應該都係“荃加福祿壽”-汪明荃、阮兆祥、李思捷、王祖藍啦啩?

奬項:最佳劇集

芒: “義海豪情”應該無走雞?! 雖然我個人鍾意睇“公主”呢隻劇種多d…:p

奬項:最佳綜藝資訊節目

候選者: 係咪小兒科,星星同學會,品味咖啡,霎時感動,鐵甲無敵獎門人,美女廚房,香港獨家,超級巨星,由1967開始,活著

芒: 我想揀埋“荃加福祿壽”得唔得?!

奬項:TVB.COM人氣大獎

芒: 唔識點揀? 會唔會都係林峯呢?

好…又到歷年台慶回顧時間:

2010:

http://hejnom.blogspot.com/2010_11_19_archive.html

2009:

http://hejnom.blogspot.com/2009_11_19_archive.html

http://hejnom.blogspot.com/2009_12_03_archive.html

http://hejnom.blogspot.com/2009_12_05_archive.html

2008:

http://hejnom.blogspot.com/2008_11_14_archive.html

http://hejnom.blogspot.com/2008_11_17_archive.html

http://hejnom.blogspot.com/2008_11_19_archive.html

2007:

http://hejnom.blogspot.com/2007_11_17_archive.html

http://hejnom.blogspot.com/2007_11_19_archive.html

2006:

http://hejnom.blogspot.com/2006_11_09_archive.html

http://hejnom.blogspot.com/2006_11_13_archive.html

http://hejnom.blogspot.com/2006_11_19_archive.html

2005:

http://hejnom.blogspot.com/2005_11_19_archive.html

http://hejnom.blogspot.com/2005_11_20_archive.html

http://hejnom.blogspot.com/2005_11_21_archive.html

2004:

http://hejnom3.blogspot.com/2004_11_19_archive.html

http://hejnom3.blogspot.com/2004_11_23_archive.html

2003:

http://hejnom3.blogspot.com/2003_11_17_archive.html

http://hejnom3.blogspot.com/2003_11_19_archive.html

2002:

http://hejnom3.blogspot.com/2002_11_19_archive.html

http://hejnom3.blogspot.com/2002_11_20_archive.html

嘩, 仲有前幾日幾篇…又係”我們的老友記”, 值得加許啊…

耕耘 14年終獲李添勝賞識宮崎隊長：想標眼淚

《義海豪情》前晚圓滿落幕，教人感動的不只是結局情節，還有監製李添勝在台上向一班觀眾完全記不起名字的小角色致敬；包括劇中一場戲共有 9句對白的楊證樺，為演好日本軍官角色，他不惜花 3日時間學習日文，其專業及敬業精神和態度令人折服，就如周星馳在《喜劇之王》中所講：「臨時演員都係演員。」

無綫前晚為《巾幗梟雄之義海豪情》和《天天天晴》兩劇大結局，在電視城舉行《天晴豪情熱滿城》派對，兩劇主要演員均有列席。節目尾聲時，《義》劇監製李添勝上台致辭，除大讚各主要演員演技出色，更特別向一班默默付出努力的小角色致敬。

搵朋友學足3日

談到《義海》的小角色，添哥說：「每位演員都演得非常出色，但演得出色又何止佢哋？戲中好多小角色、臨時演員，佢哋都全情投入，呢方面令人眼前一亮。有場戲，楊證樺飾演宮崎隊長，帶班日本兵上劉醒屋企搞人口普查，呢場戲我睇完之後個心寒晒，因為佢演得太好，啲日文流利到不得了。」

添哥指不懂日文的楊證樺為演好他在戲中僅有的一場戲，不惜向朋友求教學足 3日日文：「我打電話多謝佢，仲有好多二、三線演員好似戴耀明、李嘉同日伽等，仲有無數我遺漏咗，我趁呢個機會向 TVB全體二、三線演員講多謝，我要向你哋致敬，有咁出色嘅演員同綠葉， TVB先有好作品！」說罷全體演員拍掌，場面感人。

獲添哥點名嘉許的楊證樺現年 35歲，美國出生香港長大， 96年在美國紐約的全球華人新秀歌唱大賽中，取得當地冠軍（總冠軍為何韻詩），同年加入無綫做合約演員。對於獲添哥賞識，楊證樺昨受訪時坦言受寵若驚：「聽到有小小想標眼淚！我接每個角色都會盡心做。雖然得 9句對白，但要對得住自己，求其做會俾人笑！」

問楊證樺會否想可以上到二線甚至一線角色？他說：「做演員梗係希望有出頭天，但我心態冇分一線二線，拍劇唔係一個人力量，缺一不可，有戲做咪得囉！」楊證樺更感謝添哥對他們一班不起眼的演員如此重視：「好欣賞添哥咁有吉士，講咗我哋嘅心底話！」

仲有仲有…

《義海》小角夠搶

電影《喜劇之王》中的尹天仇曾說：「臨時演員都係演員。」《義海》中不乏名不見經傳的出色演員，雖然對白寥寥可數，但他們會演好每一幕戲。
採訪：葉雪

戴耀明（ 38歲）
角色：飾演日本軍人向山達也，在戲中癡戀晴晴但慘遭冷落，他憑劇中名言「我當你係女神但你當我係乜？」成為新一代毒男代言人。
背景：本為亞視演員，轉投無綫已十多年。多擔演丑角，憑誇張演技及豐富喜劇感偶爾贏得觀眾讚賞。

莫偉文（ 49歲）
角色：飾演投靠向山鐵也做繙譯的銘叔，其演技不溫不火，兼說得一口流利日語。
背景：舞台劇演員出身，曾到日本發展遊戲機生意，其間拍過日劇。回港後做特約演員，曾在《少林足球》中演四哥的跟班。

日伽（ 28歲）
角色：飾演日文老師梁老師，在集中營教九妹日文。每當日軍派糧食，她與其他營友搶食的一副可憐相，演得入型入格。
背景：原名傅韻如，是 06年落選港姐，之後簽約無綫做過「千金小姐」。
由於她精通日語，故獲安排為卡通片及日劇繙譯，也有教《義海》演員日語。

李嘉（ 28歲）
角色：飾演黑木少佐，日軍的殘暴不仁全刻在其猙獰面孔上，被九妹三槍轟斃後大快人心。
背景：曾是全國武術冠軍， 99年加入無綫做龍虎武師，由於普通話了得，後獲安排在 TVB8頻道任主持，《義海豪情》是他首齣劇集。

11-27(sat) 的士陳+聽媽

2010-11-27T23:34:00.000+08:00

呢個禮拜網上熱爆的mv…當然係李思捷o既“的士陳”同埋王祖藍隻"聽媽"啦…d詞真係...好正!!!

隻“的士陳”惡搞william同阿sa…d歌詞究竟係咪佢哋自己填o既呢? 咩"結過婚我最冧我有樣佢有金襯到爆人都走哂音周身都會痕", "My Angel Baby 日日令我很無面無哂Face", "Sa Sa係Honey Sa Sa係得意 Sa Sa係Cutie 慳啲啦 Baby"...d咁o既詞都夠膽填...真係好大膽...讚好!!!!

李思捷 - 的士陳

"聽媽"d詞其實填得好過"的士陳"添, 不過"的士陳"就惡搞d, 抵死d! "聽媽"就有深度d...同埋祖藍個樣同d表情真係救命! 救命…兩段都笑爆嘴! 福祿壽真係掂囉!

王祖藍 - 聽媽

oh...仲有, 我一路以為台慶頒獎禮係12月3日o架...點解無端端變咗12月5日o既…?! 打亂晒我d計劃囉….

11-19(fri) 萬千星輝賀台慶2010

2010-11-19T23:47:00.000+08:00

今年台慶遇啱星期五, 當然要出街一邊食飯一邊睇盡興吓啦! 特登揀間有電視o既…一邊打邊爐, 一邊睇"萬千星輝賀台慶"...正!

印象中無咩見過陳芷菁做台慶司儀, 今年有佢做都幾好呀! 佢個位以前應該係顧老闆或者丘凱敏做啦…咁芷菁都做得好好! 仲有巴斯光年鄧梓峰都唔! 同埋無咗amigo加陳敏之或者應屆港姐冠軍之類反而ok!

今年成個節目最好睇依舊係一班甘草演員唱歌跳舞o個part...其實呢幾年個trend都係! 最經典係舊年謝雪心+程可為+雪妮幾位auntie crossover鍾嘉欣+楊思琦+陳茵媺o個part…十個驚喜! 仲好好笑添…到一年後的今天仲好記得! 今年雖然無咁爆…但幾位甘草一齊扮lady gaga都係抵死! 點解陳安瑩同馬蹄露都已經列入甘草行列o架? oh, 不過心姐真係依舊咁迷人! keep得好好囉佢! 直頭可以用“索”o黎形容! mary姐就真係依舊勁力十足…dancer一樣!!!

男甘草方面就個個都好落力…石修依舊獨有的浮誇表情, 但幾有戲劇效果! 夏雨都好落力, 秦煌又好cute...仲有艾威都跳得幾好添呀! 呢part真係值得推介!

跟住個flow其實每年都大同小異…d後生仔女o個part “let’s get wet”舞蹈…又係睇得出有put effort o既, 不過跳得有d亂…laughing哥+王君馨+胡定欣的確係跳得比較好! 但係呢d舞蹈環節無咗徐子珊又真係失色不少! 佢每年都係一到呢d台慶performance我就覺得佢最掂, 出過佢做戲好多添!

今年“福祿壽”由表演變咗以棟篤笑形式做o既“頒獎典禮”, 都唔錯o既…因為o個d表演做咗幾年, 第一年係驚喜, 第二年都keep到, 第三年真係有d悶…舊年已經提議佢見好就收…今年轉咗形式的確係好咗!

最後當然係要講壓軸“超級巨聲”o個part啦…d巨聲又真係睇到有d膩喇, 連我呢d“支持者”見到個個節目都係佢哋都覺得好悶…同埋太過力捧阿mag…佢唱好爆o個d歌 (好似a.i.n.y)係好掂, 但係一要唱d要深情d細聲d o既歌又唔算太突出!

而今次一定講o既就當然係商天娥o既靚聲演出啦!!! 雖然n年前睇佢o係亞視做"我和春天有個約會"度自己演繹番d歌, 仲出埋原聲大碟已經知佢幾唱得...但今次係live performance有咁o既水準對一個藝員o黎講真係一大驚喜! 當然佢o既合唱對手…我呢期好buy o既胡鴻鈞亦都唔錯, 唱女仔key可以唱成咁都算係咁啦!

又當然不能不看youtube d comments啦…有一個係話: “311位喜歡是因為娥姐令人驚嘆的歌聲, 6 位不喜歡是因為娥姐點解唔唱A.I.N.Y”…又係抵死!

(胡鴻鈞+商天娥-聽海@萬千星輝賀台慶2010)

其實整體都算唔錯o既…不過都係舊年好睇d (主要係心姐+程可為auntie o個part令人至今難忘…hoho)! 仲有, 唔睇番之前d blog entries都無留意到今年無咗“翡翠歌星賀台慶”…咁又係, 同四大唱片公司搞咗成年都搞唔掂, 無理由又係一班“超級巨聲”做晒o架嘛…因為咁樣基本上同其他大show完全無分別…!

最後, 當然係…tbb台慶@芒姐再現:

2009:

http://hejnom.blogspot.com/2009_11_07_archive.html

http://hejnom.blogspot.com/2009_11_19_archive.html

2008:

http://hejnom.blogspot.com/2008_11_14_archive.html

http://hejnom.blogspot.com/2008_11_17_archive.html

http://hejnom.blogspot.com/2008_11_19_archive.html

2007:

http://hejnom.blogspot.com/2007_11_17_archive.html

http://hejnom.blogspot.com/2007_11_19_archive.html

2006:

http://hejnom.blogspot.com/2006_11_09_archive.html

http://hejnom.blogspot.com/2006_11_13_archive.html

http://hejnom.blogspot.com/2006_11_19_archive.html

2005:

http://hejnom.blogspot.com/2005_11_19_archive.html

http://hejnom.blogspot.com/2005_11_20_archive.html

http://hejnom.blogspot.com/2005_11_21_archive.html

2004:

http://hejnom3.blogspot.com/2004_11_19_archive.html

http://hejnom3.blogspot.com/2004_11_23_archive.html

2003:

http://hejnom3.blogspot.com/2003_11_17_archive.html

http://hejnom3.blogspot.com/2003_11_19_archive.html

2002:

http://hejnom3.blogspot.com/2002_11_19_archive.html

http://hejnom3.blogspot.com/2002_11_20_archive.html

另外, 呢段娛聞真係不得不提…wahahaha! 尋日好多人同我講…笑爆嘴! 差d唔記得咗黃日華當年o係化妝間打爆玻璃事件…真係同80年代靖哥哥個形象大相脛庭! 不過佢講嘢真係夠guts, 又抵死…我欣賞囉…尤其係“tvb= totally very bad”…好有創意…笑咗!

仲有蘋果幅圖又係笑爆嘴…救命!

黃日華昨日在微博開火轟無綫重《義海》輕《刑警》，令《刑警》在台慶夜銷聲匿迹，還發揮「噴火華」本色，寸無綫 totally very bad。

大前日黃日華還是靚靚心情在微博恭賀無綫生日說：「娘，今日是您 43歲生日， HAPPY BIRTHDAY。離家多年，去年回家短聚數月，仍感『親情』存在。祝愿您生產的『節目』叫好、所有『仔女』都成材。離家出外的黃華……敬賀！」

豈料昨日華仔態度卻 180度轉變，他中午時分忽然在微博開火說：「有人話：一部叫好叫座的劇集，不獲重視、缺宣傳（靠演員自己去做）、屢遭打壓、台慶劇在台慶夜被迫隱形。被……何來公平、公理、公正！我黃華好想問是那間公司？（憤怒、噴火）。」之後華仔繼續在微博發火說：「結果有人告訴我是這間公司： totally very bad。我頂！」（ totally very bad英文簡寫為 TVB）

11-12(fri) 藍男戀

2010-11-12T23:08:00.000+08:00

嘩...呢兩日最”爆"o既娛聞當然係王祖藍同李亞男o既”藍男戀”啦! 但我又唔覺得咁驚訝咋喎...因為一向"金童玉女"只會出現o係童話故事, 口才好一向都比靚仔更lum到女o架啦! 同埋o係一般人眼裡條件差一截 (雖然其實我覺得祖藍幾得o架) 都選擇一齊o既, 反而應該係真愛!!! 太登對嗰d又反而好快玩完…通常愈可以排除世俗眼光嗰d又反而愈work…所以我覺得佢o地呢對得!

同埋祖藍真係有d料到...尋日睇"東張西望"話呢首"矮仔多情"主題曲係佢寫俾李亞男o既主題曲...係幾得喎! lum女的確大一手...:p

“矮仔多情”主題曲”跌落凡間的天使”…

之前仲去咗睇舞台劇”GREASE”...居然只得7成滿…其實都ok好睇o既…事關我鍾意睇歌舞片, 同埋d歌的確係耳熟能詳…”summer night”呀, “hopelessly devoted to you”咁呀…幾乎個個tvb大細show都會唱吓, 尤其係當年的“翡翠歌星賀台慶”!

11-8(mon) 抱抱俏佳人

2010-11-08T15:53:00.003+08:00

終於睇咗"抱抱俏佳人"…真心得喎! 個故事同情節寫得唔錯, 溫馨寫實得嚟又要有好多笑位 (有d真係幾好笑吓)…即使"pit"開三個主角我都好buy呢個元素, 套戲本身都真係得囉...鄭丹瑞同黃真真係有d計! 咁當然, 林峯+楊千嬅+周秀娜三個我都buy又真係令套戲再加多咗好多分o既!

同埋我有d唔多buy林峯o既朋友, 睇完都話覺得佢ok cute囉...選角稱職應記一功! 佢同千fa呢對姊弟戀又真係睇得人好舒服…同埋, 可能呢期真係興姊弟戀…早多十年睇可能個接受程度又無咁大o既! 依家可能“兄妹戀”反而怪咗添…hoho! 而周秀娜o既演技作為新人o黎講我覺得都算幾ok! 仲有, 麥玲玲師傅都做得出奇的好...係一大驚喜! 至於其他綠葉, 好似千fa身邊的四位知己阿毛姐, 徐子珊, 廖碧兒等都做得恰如其分…坦白講, 呢套真係得…嗰套什麼“翡翠明珠”根本無得比, 完全唔係o個回事…攞佢o黎同“抱抱”比簡直係侮辱咗“抱抱”囉…hehe!

呢排去睇咗好多舞台劇…上個禮拜又去咗牛池灣文娛中心睇朱茵同何偉龍嗰套"瘋狂夜宴搞偷情"...都算唔錯! 香港舞台劇應該支持吓o既! 朱茵真人比上鏡靚好多…我平時對佢印象只係一般….但今次見到真人真係幾索! 反而同場見到作為現場觀眾o既廖碧兒, 比起我前幾年成日喺中環撞到佢o既年代真係跌咗watt, 不過真人反而好瘦...完全唔係平時俾人講到佢咁"大隻仔"囉…可想而知郭可盈o既真人應該會瘦過火柴人! 咁都係有d肉地好睇好多!

上個禮拜開始播o既“刑警”, 我睇咗幾集啦…因為有80年代五虎之中o既兩虎聚頭已經夠吸引, 一見到三哥同華黃日華一齊, 成個80年代的感覺返埋o黎, 仲要加埋陳秀珠, 李國麟咁…真係好有親切感! 至於劇情, 暫時睇都ok…要之後睇落去先可以再作評論!

至於“巾幗”, 我知道個個都話好睇…但我同小部份朋友就覺得太過“劇力萬鈞”, 太heavy…加上個劇種都唔係我杯茶…所以我真係無咩點睇! sorry, 恕我taste怪, 同大眾唔同…hehe!

仲有…尋晚坤哥o係“金曲擂台”扮哥哥o個段…幾好笑吓! 雖然論歌藝好似胡渭康好d…但坤哥o個part真係笑咗囉! 仲要係全家一齊笑…sorry! 的確係有娛樂性呀吓!

10-30(sat) 2010草蜢廿五周年演唱會

2010-10-30T23:07:00.001+08:00

嘩! 草蜢25周年演唱會…你唔係無睇呀?! 經過我呢幾年o既熱烈推介之後, 我身邊有一部份比較喜歡扮細+比較孤陋寡聞的朋友 (嘩哈哈…:p) 已經由話: “嘩, 你唔係連呢d老餅演唱會都啱呀?” 到呢兩年個個都話: “你就好啦, 我又想去睇呀!”…哈哈! 可見草蜢呢幾年o既入屋程度又再提升咗…今次我身邊係無論20頭到40頭o既朋友都有去睇…仲同樣係high爆囉! 而我o係現場所見, 有無數我阿爸阿媽年紀o既朋友都有企起身跳得好興奮, 亦有好幾個係我阿爺阿嫲年紀o既朋友雖然企唔到, 但坐o係到揮動pong pong都揮得好投入…嘩! 真係無見過演唱會氣氛可以好成咁!

嗱! 都係o個句, 如果之前無睇過芒姐關於草蜢演唱會o既評論, 可以去睇d background information先…最主要係, 芒姐作為一個non-草蜢fans…都覺得草蜢演唱會的確係我睇過最好睇o既演唱會!!!

2005-10-20(thurs) 草蜢-我們的演唱會(上)

2005-10-21(fri) 草蜢-我們的演唱會(中)

2005-10-22(sat) 草蜢-我們的演唱會(下)

2006-9-5(tues) 草蜢2006演唱會

2007-2-3(sat) 草蜢forever grasshopper in concert (part 2)

2009-4-4(sat) happy950000…十九白金+草蜢忘我演唱會2009

咁當然, 如果你要我rank, 最好睇嗰次依然係2005年, 因為係"孤陋寡聞"的我咁大個人第一次去睇草蜢演唱會 (真失禮...明明佢哋係屬於我個年代, 但我居然細個無去過睇佢哋咁精彩o既演唱會)...完全無expect會咁好睇之下...一大大驚喜囉!

今次雖然唱好多"別人的歌", 預咗會無咁咁咁好睇...因為"食老本"呢家嘢, 精粹係在於"一成不變"呀嘛...所以佢o地始終都係唱番自己d歌令大家最high...不過好彩佢哋揀o既"別人的歌"大部份都好啱我心水! 真係帶番我返我最喜愛的80年代…"深愛著妳", "馬路天使", "歲月無聲", "每天愛妳多一些", "難得有情人"等...全部都好正!!! 同埋氣氛依然係咁好, 全場無坐低過...攰到呢! 真係high到我夜晚返到屋企雖然個身軀極疲累, 但居然3點幾都瞓唔著, 個腦不停咁o係度轉, d歌仲不停螢繞住我...心情到第二日都平復唔到…實在太好睇啦!

所以作為一個平均三個星期睇一次演唱會的"演唱會精", 芒姐依然認為草蜢演唱會係我so far睇過最好睇的演唱會 (bearing in mind我唔係草蜢fan屎, 我細個係比較鍾意beyond的...:p), 氣氛真係好到無人能及...即使5年內去睇第5次, 都依然咁好睇...連"內斂"的芒姐都受現場氣氛感染...由開場跳到散場...幾乎無坐低過! 唯獨草蜢演唱會, 可以令平時睇其他演唱會時比喻為一尊佛的芒姐, 變成一粒跳豆…hohoho! 同過我睇其他演唱會的朋友都感到十分難以置信囉!

挑剔的芒姐今次唔止要俾佢100分...直頭要私人醒多5分...105分!!! yeah!!!!!!

真係實不相瞞, 我“瘋狂”到去咗睇第二次添呀! 因為又想睇尾場呀嘛! 估唔到去睇第二次依然咁好睇! 我兩場坐唔同位, 第一次坐好前, 氣氛超好...由一開場跳到散場...第二場就坐$250, o係“半山”又係另一番景像, 因為第一場其實唔係太睇到個台同埋舞台設計...第二場終於睇到成個production! 當然, 論氣氛就梗係前面好好多啦!

嘩…我睇睇吓有一吓 (尤其係“永遠愛著你”玩人浪o個part)直頭覺得睇草蜢演唱會猶如參加邪教集會囉…wahahaaha! 萬幾人好齊咁一邊叫囂一邊揮動棒棒, 由開場唔停咁做到散場…好似中咗降咁…hohoho! 我相信所有睇完草蜢o既朋友, 都同我一樣停唔到! 真係好似中咗降咁, 係咁repeat佢哋d歌...一d都無誇張...至少我身邊有十九幾個朋友都有同樣徵狀, 仲要係男男女女咩年齡層都有...好詭異!!!

我去睇o個兩晚嘉賓係明哥同古天樂…即係雖然古仔係好靚仔…但都有d九唔撘八...如果係軟硬/big4/古惑仔就更好啦...點解我去睇兩場都撞唔中是但一group o架?! 不過話時話, 古仔唱哥哥o既”想妳”出奇地唱得比平時好好多, 差d唔認得係佢...但我依然懷念"今期流行"同"男朋友"年代五音不全o既佢多d…

嘩…又係唔睇番都唔記得…佢哋今次又係無encore, 連尾場你諗住實會encore好耐啦, 點知都只係唱咗“abc”同埋”飛躍千個夢”, 之後大家狂叫10分鐘佢哋都誓死唔出o黎…真係好忍心囉! 頭先睇番之前d日記先記得原來呢個係佢o地一貫的practice, 07同09年都係咁…oh, 如果我睇咗先去, 有心理準備之下就唔會失望啦…:p

(傑仔又係幾靚仔o既...)

10-23(sat) 讀心神探

2010-10-23T23:34:00.000+08:00

終於有d時間睇番已經播到一半o既“讀心神探”…睇咗頭幾集…又幾好睇喎! d人話佢係抄外國戲, 我完全相信有其事, 不過抄都有抄得好睇同唔好睇之分…咁呢套我就咁睇都覺得幾ok! (雖然我身邊d人意見好唔一致, 有一jar覺得好好睇, 有一jar又鬧爆…不過是但啦, 好唔好睇呢d嘢一向好主觀…我就覺得ok)! 頭幾集講咩“記憶宮殿”, 仲有d心理學研究o既小動作+反應…都幾得意呀! 有幾真我就唔知, 但佢成日講o個句“見微知著”, 我一向都覺得好o岩! 每個單元d故事亦都幾ok呀, d演員都做得唔錯! 尤其呢期幾鍾意阿田…

其實當年佢o係亞視我已經ok buy佢…94年佢唱亞視世界盃主題曲咩“熱燙的宇宙”已經覺得呢個“o靚妹”(其實係姐姐啦)幾過癮! 之後最buy佢其實係99年“縱橫四海”做明智傑個老婆…呢套佢做得幾好, 同埋靚咗好多…仲好似有唱插曲添?!

跟住去到無綫, 戲路又好似變咗d…我諗佢真人應該係幾大顛大肺, 轉數快, 寸寸貢o個d (呢樣o係超級巨聲已經睇到啦!)…亦係我最buy的元素…但佢o係d戲度做溫婉嫻淑又做得好神似喎…舊年“宮心計”我o地已經讚過啦…仲有“蔡諤與小鳯仙”都好似係呢d俾人hup到好慘的角色, 但又出奇地神似喎…真係掂! 仲有佢做“超級巨聲2”主持又真係ok稱職喎, 口才同急才都得…仲要反應快!

佢o係“超級巨聲2畢業演唱會”終於有得唱番自己當年參加比賽首參賽歌“一首獨唱的歌”…雖然我覺得佢以前唱得好d, 但依家無唱咁耐都算係咁o既…至少好過黑暗小公主好多! 同埋點解會有咁多人唔知佢係唱歌出身o架? 亞視”未來偶像爭霸戰冠軍”嘛…搞到佢太肉緊要show俾大家知佢唱得, 令到有d位走走o地…否則真係幾唔錯吓…

(超級巨聲2畢業演唱會…田蕊妮+吳筠怡+梁皓婷 - 一首獨唱的歌)

Oh, 講開大塊田, 忍唔住要click埋去睇番”縱橫四海”主題曲”烽火情天”mv…

又…講開“超級巨聲2”…呢期因為幾buy胡鴻鈞, 走去睇番佢比賽d片段…佢唱呢首”西關大少”主題曲真係幾得喎…我記得當日都有睇呢集, 都記得有個參賽者唱完呢首歌我都覺得幾好聽, 但無留意到原來係佢…係到依家睇番先知! 某程度上我覺得唱得好過chilam添 (chilam fans唔好打我...我都好鍾意chilam…但對於呢首歌我真係咁覺得嘛, 可能我buy佢以呢個腔口去演繹呢首歌啦...:p)...搞到我翻聽咗不下數十次!

(胡鴻鈞 - 相愛無夢)

仲有慧敏哥o既“歲月的童話”, 雖然佢o既唱功有待改進, 但演繹呢首歌個mood又真係值得一讚, 好聽過羅嘉良版好多, 真係唱出o個個感覺…令我忽然覺得首歌好好聽…當年睇“流金歲月”都無覺得咁好聽!

(陳慧敏 - 歲月的童話)