8-2(tues) Kelly and Kellyjackie

前晚“勁歌金曲”終於聽到full version o既“他約我去迪士尼”, o個個妹妹仔kellyjackie真係愈o黎愈勁喎, 連勁歌都有得上…似乎真係擺明想做明星! 迪士尼開幕又有得去唱, 確係勁! 但係我想聽佢自己唱o既version, rather than佢同kelly合唱o既version囉!

睇真d其實佢同佢偶像真係有d似樣, d gestures同咬字方法都有d似 (定係因為佢太鍾意kelly所以刻意學習呢?!), 但就矮o左成呎…變成一個肥矮版o既kelly! 平時就咁睇佢自己一個係ok o架喎, 都幾靚女o下…所以話, o係咩情況之下都千祈唔好企o係kelly隔離, 簡直自討沒趣, 仲會變成小矮人咁…妹妹…你太大膽喇! 你仲要夠膽著平底鞋…係夠薑! (唔怪得知d人見我成日著平底鞋都覺得好奇怪咁…但我唔洗企o係kelly隔離嘛!) 不過呢個偶像又係o既, 明知自己高, 同個矮佢成呎o既fans一齊就唔好再著高跟鞋啦…玩o野咩?! 佢兩個都唔知有無夾過o既? 你唔諗自己都諗o下個camera man呀…好難就位o架嘛!

以前一d都唔覺得kelly唱歌好, 但比起佢個fans kellyjackie (supposedly應該係好實力派…網絡歌手唔係唔賣實力呀?!), 好似把聲響好多…但kellyjackie把聲就mellow d, 同埋一到高音就上得好過佢偶像好多, 把聲圓渾d (好似講緊個籮咁), kelly把聲太尖喇, 同埋唱歌略嫌唔夠感情…唔係差, 但很悶 (須知道悶某程度上係比差更大罪) !

之後再睇埋隊krusty現場唱佢o地首不停咁o係度”紙醉金迷”o既新歌…“吉絲蒂的衣櫃”…見到張詠恩o係度亂咁跳, 就諗起佢細佬steven, 同埋兩年前初出度o既boyz o係度跳佢o地首騎呢歌“la la世界”o既搞笑舞步!

頭先又睇o左張玉珊o個個纖體節目, 佢真係有一手, 搞呢d節目搞得咁有聲有色, 連纖體頒獎禮都俾佢諗到, 真係o係纖體界佢敢認第二, 都無人敢認第一喇!

個個參賽者得獎都o係度多謝“張小姐”, 直頭仲紅過paco呀, mani呀咁…佢真係掂! 最掂就係佢居然o係短短幾年由一個初出茅廬o既o靚妹, 變成一個上市公司主席! 我記得十年前, o係深夜o既音樂節目“翡翠音樂幹線”見到一個新進玉女歌手接受訪問, 跟住就播佢第一首歌“剪”…咩“他使我執起了剪刀…” (大約係咁啦, 都唔係太記得, 因為卡拉ok已經無呢隻歌唱)…佢o個時仲係好似d咩isabella咁跳跳o下, 得意少女o個隻…跟住到95年播青春劇“總有出頭天”, 我反而鍾意睇佢同吳家樂呢一pair多過主角古巨基+鄺文珣o個pair! 但最估唔到係, 佢不出幾年就變o左一個事業型女強人, 仲將生意搞得有聲有色…你真係估佢唔到!

當年有朋友生日去k, 加州紅仲送o左隻張玉珊cd做禮物 (好明顯因為滯銷), 但我o地10幾個人都無人肯要…依家諗番起真係呻笨, 如果我當年?o左呢隻“絕版cd”, 今時今日可能可以拎住去換一個十萬蚊療程…橫掂佢依家都唔志在啦!

佢個“修身堂”就以減磅減得勁見稱, 禮拜四o個個唔知”皇室”定”瑪花”定whatever就走溫情路線, 搵一生完個bb 就夭折o左o既劉美娟做主角, 又同佢老公張崇德合唱“愛是沒保留”…我初時直頭以為睇緊傳教節目! 不過咁都好o既, 大家都搵到佢o地o既selling point, 家家有求嘛!

最頂癮係佢個特別嘉賓呀欣宜…係就係瘦o左好多, 係就係靚o左, 係就係一個奇蹟…但見佢唱歌跳舞真係有200個作狀…再加埋佢拋o既媚眼…我只可以同佢講: “唔該晒”!

同埋佢個食煙封面相真係十級樣衰…原來食煙真係唔只危害健康, 仲真係幾核突o下…最諷刺係佢當年成日o係廣大觀眾面前力勸呀肥姐戒煙, 而呀肥姐又好似真係因為欣宜多年來o既苦勸, 真係食少o左煙…點知依家居然係佢自己段正俾人影到街頭煲煙相…真係好諷刺! 又難怪肥姐咁hurt o既!