11-30(wed) 真情

上期講開兩輯“刑偵”同“真情”o既演員勁overlap…不過咁又無可厚非o既, 呢兩套“大製作”幾乎動用晒全台藝員, 又係差唔多時間拍, 咁實會有大量overlap o既…但係又重複得勁o左d! “刑偵”o既兩個女主角郭可盈同蘇玉華, o係“真情”分別飾演叉燒炳個女大孖同埋新抱阿琴 (最唔明係點解套套戲蘇玉華都要中段就死…“刑偵”係咁, “真情”又係咁…死得好無謂! “刑偵”時就話因為臨尾加十集佢要趕住去拍“真情”o者(雖然理由都好牽強), 咁“真情”好明顯係為煽情而煽情!

其實當年點解我一開始就睇“真情”(後來無論佢收視幾咁谷底, 即使係調o左去11點做, 我都依然俾面有追…我記得我o地f.5時每個禮拜5去北角AinA補A.maths之前去食飯, 成日都會討論“真情”, 仲自己安排埋d角色俾d同學做…黨員, 唔知你仲記唔記得北角“沙嗲王”呢?!), 都係為o左睇郭可盈, 因為播“真情”o既時候, 就係o岩o岩播完“刑偵1”…當時我已經好buy高婕 (雖然同“刑偵2”時所掀起o既熱潮仲相差好遠!)…仲覺得佢個名好鬼死型添! 加上佢個倔強性格, 又牙尖嘴利, 仲要做女記者喎…型上加型啦! 我發覺我都係buy呢類有性格角色, 尤其係做記者o個d…好似“我本善良”o既石伊明咁…好明顯我係對呢個職業情有獨鍾 (但我唔會返去做記者o架喇)!

愈睇“刑事偵”愈搵得多“真情”o既演員…叉燒炳又有份, 阿福又有份 (蔣志光), 連阿家(黎宣), 彩瑤(張慧儀), 阿海 (王智賢), 林漪娸, 樓南光, 文潔雲, 梁雪湄都有, 原來even陳美琪同李國麟都有份做, 仲有“蝦醬襯家”(一個茄喱啡…大家記得佢嗎?! 我都唔知佢叫咩名, 但好記得“蝦醬襯家”呢個人, 因為個名好搞笑但又好切合佢喎)…數都數唔晒!

後來郭可盈拍o左“真情”無耐, 又要開拍“刑偵2”, 所以佢留o係“真情”都唔係好耐時間…之後o既“真情”, 已經逐步人面全非…差不多全台藝員都有做過!“彩瑤vs雙雙”,“立生+阿雪+阿靜”(尤其呢段當時勁鍾意睇, 初時rebecca+立生+阿雪搞到跌晒落樓o個段, 咁o岩係f.6時, 學校搞70周年open day, 我記得我錄起o左幾集, 深夜兩點一邊剪紙一邊睇…好有感情! 跟住等o左好耐到第二年立生同阿雪先再出番o黎…點知又搞埋d最討厭o既失憶橋段, 跟住立生最終居然同o左阿靜一齊…離晒大譜! o個時o岩o岩興上網無耐, 我嬲到send o左幾封email去tvb投訴…不過都改變唔到個劇情! 不過諗諗o下呢個劇情都o岩o既…?掂現實生活中盧慶輝同滕麗名都好似本來曾經有路跟住又反o左目! 但就無劉愷威同鄺文珣搞到咁核突! 仲有戲假情真搞到差d婚變o既劉少君+郭少芸!) 都曾掀起熱潮…我都有好落力咁打去“匯應窿”投票o架! 仲有我唔多鍾意睇o既“may may+子浩”, 同埋曾經好鍾意聽o既“傳聞”(歸亞萊同低b?o既訂情歌)…當然再到後期, 我o既興趣都減退埋…不過都仍偶然會支持o下! 畢竟“真情”都由我f.4陪伴到我year2…幾咁重要呀!

其實“真情”都捧紅過好多人, 不過除o左好姨之外, 大部份都係起過兩o下就跌番落o黎, 好似阿海, 立生, 越南 (黃德斌), 阿南 (郭耀明)…全部o個期都hit過o下, 點知依家一係就消失o左, 一係就跌番落o黎做3線配角…真係慘! 仲有個劉愷威…由新人做到舊人, 都係一d起色都無! 佢初時作為一個o岩o岩出道o既新人, 有得入“真情”做其中一個要角以為執到啦…點知, 做o左5年都係咁, 好似仲愈做愈霉…都咪話唔心o翕!

講起“真情”, 有好多疑團, 暫時列出三個:

1) 郭可盈一開始個情人係咪馬德鐘做?! 我o地記得好似係佢, 但又唔肯定! 之後佢就應該係同o左陳錦鴻一對.

2) 吳美珩飾演o既羅生肖一家 (仲有謝天華飾演o既羅生門同埋梁佩盈飾演o既羅生津), 無啦啦點link o左入叉燒炳一家?!

3) 記唔記得林漪娸係咪o係呢套戲做曾江 (漂冷漢) 個女? 如果係都幾得意…佢o係“我本善良”明明係做曾江情婦o架嘛!

最後, 好想睇番o個d “真情”?面o既細路依家變成咩樣? 十年喇…都應該牛高馬大!



除o左討論 “真情”, 我同獎門人仲不停咁o係度研究劇中o既“非主角”或者二打六叫咩名…至少我o地記得麥翠嫻o係第一輯?面個名叫“王謝婉婷”, 同埋樓南光叫“丁守禮”! 我不停咁o係度講凌祖詩, 掌門人話我好似同人好熟咁…跟住我又不停咁思考飾演凌祖詩o既鍾潔怡究意除o左 “刑偵2”仲拍過咩戲呢? 但我又真係一套都諗唔到喎…無線無理由簽o左佢又唔俾戲佢拍咁浪費o架?! 我諗呢套絕對可以講係佢o既代表作, 事關我當年已經好記得佢演呢個角色…一日到晚都用佢o個“ku”緊牙mui下mui下咁o既口o係度叫囂: “Rachel Lam, 你係殺人兇手! 唔好以為改o左個名就無人知!”…當時已令我好深刻!


原來“刑偵2”除o左起用大批同車匙同屆o既93年港姐, 仲有一大班94年o既落選港姐, 好似鍾潔怡, 陳芷菁, 康華同埋黃[金己]瑩!