8-10(wed) 會考

今日“東張西望”講會考, 訪問應屆再會考生kellyjackie, 呀kellyjackie姐似乎然家真係好威咁, 會考放榜要開press con宣佈自己幾多分, 大佬! 得18分佢居然話要大肆慶祝…真係樂天喇佢! 而入o左“莊啟程”o既小朋友更加應該大肆慶祝o下…因為將會同大明星做同學! 更加騎呢o既係, 佢話今年無親自返學校?成績單, 只係由家人代勞…因為費事阻礙其他同學搵學校喎! 我以為我聽錯, rewind再睇多次…呢個咩logic o黎o架?! 恕我蠢…我完全get唔到…係咪佢覺得自己紅到d同學仔會掛住搵佢簽名而放棄去搵學校定點呢!?!

仲有, 房祖明勉勵d考生話就算考得唔好都唔緊要…因為好多考得唔好o既人都對社會有好大貢獻…好似…佢老豆喎!!!!!!!!!!!!!!!!!! 嘩! 大佬! 你講你自已都仲好d呀…成虫?! 唔該晒!

剛剛又睇o左張玉珊個節目, 真係不得不睇一次讚一次…佢係有腦o架喎! 繼上次頒獎禮之後, 今次佢同欣宜拍套短片都夠膽死…真係諗到都唔敢做啦! 仲可以自已客串番一個, 過o下戲癮…但佢d戲又真係好過晒其他人…包括kenny同埋照舊有200個造作o既鄭欣宜…某程度上我寧願睇鄭希怡好過鄭欣宜!!! 欣宜, 你實在有太多小動作…就算你變得幾靚都無用…何況…! 同埋好明顯無論大小明星, 個個都忌佢幾分…講親咩都要讚佢! 仲有, 佢即使瘦o左, 個樣仍然好似肥姐!



呀! 仲要多謝alison前幾日幫我capture o左”29100”個萍果o既時刻!