11-13(sun) 賤男鏢鈀

前兩日又見到朱慧敏做“娛樂直播”訪問 (我諗都係“偷情事件”爆光前錄o既), 今次一連兩集訪問歐瑞強…真係做得ok喎! 無線雪佢其實真係o徙o左…不過可能又係宣傳招數o者! 同埋其實諗諗o下佢都蝕唔晒…起碼無啦啦有得上幾期封面! 由本來寂寂無名, 到依家全香港有邊個唔識佢呀…大家呢期講朱慧敏仲多過周慧敏呀!

梁榮忠都無蝕底呀, keep住上封面上頭條…連佢個十年無上過報紙o既女友鍾麗淇都托佢鴻福上o左幾次頭條…真係o係娛樂圈撈o左十年都未試過! 最抵死係見到3週刊今期送梁榮忠o既 “賤男鏢鈀”…真係好搞笑! 之前有一期就送欣宜鏢鈀都已經好賤o架啦!



(三週刊!)

不過都唔夠個梁榮忠cheap…今日睇報紙話鍾麗淇返港, 梁榮忠扮晒好男人o係屋企等佢, 仲o係官方網頁度懺侮…但係居然有段係話:“我預計往後仲會有好多關於我o既不利報導, 令我明白人言可畏, 更令我明白邊d係真朋友”…之後o個句就最騎呢喇, 佢話:“呢件事令我諗起911恐怖襲擊…第一架飛機襲擊我, 令我受傷, 當我漸漸康復, 點知就有第二架飛機o黎襲擊我, 令我體無完膚…”嘩! 大佬! 咁o既比喻你都o翕得出o既?! 你自己做錯o野話人屆你都算喇, 仲比喻為恐怖襲擊…你都好lai?折曲, 簡直係“賊喊捉賊”! 咩人o黎o架你? 最irrelevant都係你囉!

呢d一連串o既“核突”事情真係令我覺得佢好核突! 就算睇“刑事偵”…我都唔想睇個咁o既義仔呀! 簡直破壞晒成套戲!

最搞笑係前幾日“東張西望”有一part係講台慶三線劇集, 個主時叫大家千祈唔好忘記睇埋深夜重播o既“刑事偵緝檔案”, 仲話比較喜歡當年忠仔演o既正直警察, 起碼唔會行差踏錯…哈哈! 雖然係稿, 但我認為寫得唔錯囉…幾抵死!

仲有一樣抵死o野係報紙訪問傅明憲關於梁榮忠呢單o野…佢居然話o係呢件事上, 本來站o係女性角度應該講d o野, 但係如果個主角係梁榮忠, 佢就唔回應喇! 哈…唔知點解我覺得佢咁講好好笑!