11-9(wed) 3虎@tvb週刊

哎…上期壹週刊個“TVB台慶巨獎獻禮”贏唔到獎, 同學仔話俾人快佢一步…o徙晒! 枉我仲特登摷番d台慶錄影帶出o黎confirm答案! 你話答錯o左都無咁嬲呀, 答o岩o左但俾人快一步…真係激死! 不過呢期又真係幾好玩o既…齋玩都幾高興! 今期玩湯盈盈…完全提唔起興趣去research…所以呢二千蚊, 都係費事去賺喇!



(今期我特登買o既tvb週刊, 有三虎做封面, 仲有tvb毛巾仔送添! 我o個條黃色o架…係咪靚先?!)

哈哈! 好耐無買過tvb週刊…以前我期期買o架…不過近年o黎已經無o左呢個習慣, 因為都無咩劇我要追, 同埋愈o黎愈無o野睇…所以通常只係台慶o個期先會買…因為會有一本好靚好大o既特刊! 但今期破例啦…事關有我最喜愛o既 “八十年代的電視傳奇-TVB五虎將” ?o既三虎做封面嘛! 哈哈! 其實唔知佢o地幾時變o左“我最喜愛”囉…是但啦, 就算唔係“最”都係ok“喜愛”o既! 仲有條有“tvb weekly”字樣o既毛巾仔…係咪抵死先?! 你話係咪“愛不釋手”先?! 哈! 簡直唔捨得用呀!

跟住返到屋企睇“娛樂直播”, 又居然有湯鎮業訪問…雖然無吳君如“再睇星期五”o個次訪問咁正…畢竟崔建邦功力又點夠吳君如呀? 但都算唔錯!

開始明白amigo點解咁多主持機會…“娛樂直播”又有佢,“東張西望”又有佢,“勁歌金曲”又有佢, 連大show如“台慶”或“東華”都有佢…全無線最紅都一定係佢喇! 佢又唔係高, 又唔靚仔, 口才係ok, 但未至於好成咁…但佢最掂o個樣係好識tum人囉! 訪問郭可盈, 佢又識話自己有日o係某電台canteen見到個不施脂粉o既靚女, 望真d原來係郭可盈喎…咁識講o野, 咩女人都buy啦…尤其係d 30歲過外o既姐仔! 訪問sammi, 佢又話因為知道要訪問sammi, 特登去睇o左“長恨歌”, 又特登“炮”o左本超靚o既場刊, 又呢樣又o個樣…唔怪知得?得掂佢個女友唐詩詠!

跟住今次訪問湯鎮業, 一o黎佢就懶尊重咁問我可唔可以叫你一聲“湯sir”? 跟住佢就話雖然佢係超級劉華fans, 但係都覺得湯鎮業係五虎中最靚仔 (呢個我認同, 正如我之前已經講過好多次…湯小生後生時係真係幾“靚”, 不過靚又唔係等如型o既! 男人有型會優勝過靚囉! 同埋五虎自己每次互選, 都係話覺得湯鎮業最靚仔!)…而佢o地呢個訪問講五虎o既內容, 基本上都係同tvb週刊內容差唔多…又係話劉華超勤力; 苗僑偉最有大哥feel, 人緣超好, 最叻搞佢o地d聯誼活動同埋同其他人social; 黃日華就無咩機心, 又無咩計劃, 比較易滿足; 偉仔就超自閉, 永遠都自己坐埋一二角, 好少參與佢o地d活動; 而湯鎮業花名就叫“油條”, 因為佢咩都最lai lai閒, 淨係識練精學懶 (死啦, 點解咁鬼死似我…但點解會係似湯鎮業o架?!)

跟住今日播第二集o既訪問…居然有講翁美玲事件! Amigo話自己一向好尊重嘉賓, 事先問過湯鎮業有咩唔問得, 佢話無, even呢件事都可以講! 佢話原來發生翁美玲自殺事件前佢o地已經分o左手 (真係唔知喎!)…跟住佢話其實覺得d人真係好長情, 廿年o黎都keep住有人問關於呢件事o既問題, 尤其係內地o既朋友, 問題更加尖銳! 佢話內地有d 18,19歲o既朋友, 根本發生呢件事時都未出世, 係從d報導知道呢件事 (應該係一知半解添啦)…但都有好多關於呢件事o既o野要問!

然後Amigo對湯鎮業講o左一句o野, 我真係好同意 (應該套用當年考英文oral o既金句: “I agree with you”囉!)…佢話:“我覺得咁多年來, 呢件事所帶o黎o既最大傷害唔係對觀眾, 唔係對任何人, 而係對你!…所有o野都係你一個人承受晒!”講真, 未寫o個兩篇“八十年代的電視傳奇+美麗傳說”前, 我真係對呢件事一知半解…但research多o左, 睇多o左d報導之後…我真係衷心覺得呢件事絕對唔係湯鎮業錯晒…同埋佢係幾無辜添! 我唔知我咁講會唔會得罪好多翁美玲fans…但即使湯當時真係有錯, 都一定唔會係佢錯晒囉! 而且佢發夢都估唔到, 哎o下交佢女友會走去自殺! 跟住廿年來, 佢都要背負住“殺人兇手”呢個罪名…本來有o既o野, 一夜間都無晒…仲要背負呢個包袱一世…我覺得佢真係幾可憐! 算啦, 其實呢個話題我都講o左幾次…只係覺得原來我同大部份人一樣, 廿幾年o黎都有d錯怪o左湯鎮業o者!

最後amigo問佢, 如果無o左呢件事, 佢覺得佢一生會唔會從此改寫? 湯鎮業話都無o既, 所有o野都係整定, 既然個天咁安排, 咪接受囉…好豁達, 我欣賞! 跟住amigo叫佢用一句總結呢段經歷, 佢話:“刻骨銘心”! amigo係問得幾好同幾識tum嘉賓o既…終於明白點解佢受力捧喇!



(湯鎮業@娛樂直播…有興趣去睇o下! 但好似無足本睇o架!)