11-1(tues) k歌之王

今個禮拜“東張西望”又返o黎喇…唔洗再睇o個個內容極其無謂o既法律節目“百法百眾”, 唔知會唔會換晒d主持呢? “娛樂直播”o個班新港姐主持之中, 都係陸詩韻做得比較好, 仲有o個個樣一d都唔靚但係做得幾好幾自然o既麥雅緻都唔錯…有d郭藹明feel, 不過醜樣好多囉! 上屆o既徐子珊就真係愈做愈差喇…講o野一舊舊, 仲要扮低b用埋d雞仔聲講o野…好難受!

另一樣好難受o既就係聽黎姿唱歌…今年套台慶劇“胭脂水粉”o既主題曲順理成章由佢主唱…嘩, 難聽到呀! 隻歌本身都唔多好聽, 但佢唱得更加係200個難聽…以前佢做歌星o既年代已經唱得難聽o架喇, 估唔到依家仲退步到咁…唱得仲衰過“白恤衫”…真係好可悲!

前幾日唱k終於有機會唱番好多90年代“紅極一時”跟住無幾耐就已經消聲匿跡o既歌星d歌, 好似某同學o既偶像…94年新秀冠軍海俊傑o既“永遠的偶像”啦, 鄒靜o既“我愛夏日長”啦, 曾航生o既“永遠幸福”啦…仲有由樂壇轉戰電視而人氣急升o既曹永廉首“情深款款”,“糊塗情感”同埋“長夜動人燦爛”, 仲有“棒球小子”鄭嘉穎o既“分分鐘記起”…當然唔少得草蜢o既一系列舊歌…呢期最hit係咩呀? 大家一定會答“草蜢”…網上search得最勁o既term係“草蜢我們演唱會”, 我發覺呢期有好多人都係search呢個項目而進入我呢度…亦發現網上真係有好多人寫關於呢個演唱會o既o野…仲要係一致激讚添!

亦發覺卡拉ok真係好鍾意定期抽起d歌, 以前有得唱o個d依家成日都搵唔番…好似我o地好喜歡o既“笑看風雲變”! 點解要抽起d歌呀? 你個database唔係細成咁呀? 好多舊歌都好值得人回味o架嘛!

呢期有隻新歌我覺得幾好聽, 係應昌佑同衛蘭o個隻“24”…佢兩個亦都唱得幾好, 只係應昌佑o係個mv度懶有節拍咁o係度擺動佢o既身驅就好難受囉…因為佢本身好無節拍!

我話俾獎門人聽我又睇多次“浪族闊少爺”…已經睇o左第30次咁滯, 真係每個情節由頭到尾再由尾到頭背一次都得…佢認真地恥笑我十分無聊! 好可憐呀我!

仲有, 根據愛妃講, 原來何婉盈同曾航生分手時曾經爆出佢俾男方毆打o既新聞…嘩! 我淨係以為佢o地分手係分得好核突o者, 點知原來佢俾人打…咁樣佢都仲肯走出o黎同佢合唱, 真係好“大方”喎…果然做到“再見亦是朋友”! 不過我覺得最大原因, 係佢真係好desperate想出o黎唱番隻歌囉!