10-21(fri) 草蜢-我們的演唱會(中)

(續前篇)

上回講到我特登o係歐洲“趕”返o黎睇“十年難得一見”o既草蜢演唱會…發現果然係無返錯o黎, 事關個演唱會有200個精彩!

近年來同我去過睇演唱會o既朋友都會知道, 我對睇演唱會愈來愈“冷感”, 可能係“濫睇”o既後遺症, 近幾年睇演唱會都唔多投入, 齋坐o係度…但今次出乎大家意料之外, 我居然都會受到現場氣氛o既感染, 吹o左o個兩支棒棒去fing…真係十年唔逢一潤! 可以話係近幾年來唯一一個感染到我o既演唱會…亦都係現場氣氛最熱烈o既演唱會…所有人都好投入, 跟住和唱…好明顯大家都好似我咁餓o左好耐! 我們的黃金年代回來了!!!!!!!!!!!!!!!!!!!!!!!

呢個演唱會主力sell“大膽”同埋“妖”…其實我又唔覺得特別“大膽”, “妖”就ok啦…最唔該晒o個part我覺得係蔡一傑咀蘇志威囉…我戥蘇志威慘! 哈!

但係佢o地跳舞真係超正! 到o左依家年近四十, 都仲跳得咁好! o係佢地o個代o既“跳舞歌手”, 到依家仲跳得起o既就只有城城…許志安都已經唔多見佢真係跳喇, sammi都無跳好耐 (咁當然, 不能拿女性o既體力同男性比較)! 呀, 仲有個葉蒨文到o左四十幾歲都仲跳得幾好, 簡直係女中豪傑…唔知佢個“信自己”partner-“一代舞王”杜德偉仲跳唔跳得起呢?! 仲有張衛健, 林志穎…都好耐無見佢地跳舞! 或者張立基都仲得o既?! 我唔知…我只係見到草蜢仍然“有心有力”! 最抵死o既係仲要跳得鬼死咁齊呀嘛! 須知道跳得好已經好難, 仲要跳得齊喎…仲要係比佢o地年輕時跳得更齊…真係唔知講咩好?! 搞到我好有衝動摷番晒所有有佢o地演出o既錄影帶出o黎睇…睇番佢o地o既精彩舞蹈!

雖然正如佢o地自己所講, 大家提起草蜢都係諗起佢o地o既勁歌熱舞, 但其實佢o地d快歌都唔錯! 我認同o既…不過始終都係快歌煞食d!


(吹了氣的草蜢演唱會棒棒+我唯一擁有的草蜢cd)

“飛躍千個夢”啦, “失戀”啦, “ABC”啦, “忘情森巴舞”啦, “三分鐘放縱”啦, “紅唇的吻”啦…全部都好耳熟能詳! 仲要加埋d經典舞步…真係無得彈! 可惜o既係我最喜愛o既“失戀”只o係握手位唱o左半首…睇唔到我最鍾意睇o既舞步! 不過其他快歌都補番數! 另一首我都好喜愛o既快歌, 就係“飛躍千個夢”…好鍾意o個句:“共跳入高空…飛躍…飛縱…到半空…”跟住就響起好有節拍o既音樂…但係因為我o地遲o左入場, 入到去已經唱緊呢首開場歌, miss o左半首…但更抵死o既係, 佢o地o係encore位時, 居然話已經唱晒所有歌 (不過我都覺得係), 於是提議由頭再o黎多次個rundown…咁就由頭再唱多次“飛躍千個夢”…所以終於我o地一首歌都無miss到…好抵死! 上天真係待我o地不薄!

之前比較喜歡o既草蜢快歌係呢兩首, 但睇完呢個演唱會再睇番我d珍藏錄影帶, 發覺原來“忘情森巴舞”都真係幾好睇(聽)…難怪呢首歌當年咁hit! 演唱會去到中段, 我隔離位朋友不停咁嚷著要聽“忘情森巴舞”, 我話佢聽一定會唱o既, 因為呢首係佢o地最經典之作…點會唔唱喎?! 最終, 佢o地用o左o黎做壓軸歌…唔係應該唱演唱會主題曲“我們”咩? 不過其實無咩所謂o既!

而我本來一直以為“飛躍千個夢”係佢o地第一首歌…仲要歌詞?面都特登要有“草蜢”兩隻字咁點題…點知佢o地居然話第一首歌係由蔡一傑排舞o既, 仲即席跳一次…但並唔係“飛躍千個夢”喎! d歌詞仲好騎呢, 咩“代客泊車”又“挑戰者”…後來我check到喇, 原來呢首歌叫“兒童不宜”…真係聽都未聽過! 跟住仲一邊唱/跳一邊播番以前mv o既片段作一個對比…睇番以前d舊片段, 勾起好多與草蜢共同o既回憶!

仲有一首國語快歌係我幾喜愛o既, 不停咁“bilibala…gilijala”…叫“愛不怕”!

至於慢歌, 我o既心水係“心中的歌”…記得當年呢首歌plug o既時候應該係小學4, 5年級…成日o係校車都會聽到電台播呢隻歌, 尤其係淑梅姐o既“晨光第一線”節目…當時已經覺得好好聽…依家聽番仍然咁好聽…連草蜢自己都話如果演唱會唔唱呢首歌好似有d美中不足!

另一首我喜愛o既草蜢慢歌係“歲月燃燒”… 睇完“我本善良”之後好鍾意呢隻歌 (好似係第23集講浩男出獄後有月蝕睇, 佢同伊明互相諗起對方時播晒成首o既!)! 其實以前都覺得呢首歌幾ok, 但唔覺得咁好, 依家覺得直頭好聽過原裝英文版“slip and slide”添! 但係又係好可惜, 只o係medley唱o左半隻! 仲有一隻唔快唔慢o既“半點心”, 我都ok buy o架! 反而曾經大hit o既“lonely”,“永遠愛著你”等, 當年又真係唔係特別鍾意…依家覺得都幾好聽好可能係因為“懷舊情意結”! 至於蔡一傑首“失樂園”, 係就係好聽, 但多年來已經聽到膩!

仲有一首慢歌叫“夜了”, 係1991年o既作品…點解我咁記得? 因為91年學校TQ又好威咁請o左當時已經好紅o既草蜢o黎做表演嘉賓…仲剛o岩係我o地表演之前…點知佢o地就不停咁o係度“夜了…夜了…”阻住晒…我就不停咁同隔離o個位朋友講:“真係夜了喇…點解佢o地唔早d走呀? 好眼?呀!”係我當時唔識欣賞…仲要係最當紅時期o既草蜢, 有幾多間學校會請到 (或批准請) 呢d明星o黎呀…仲勁過F.6年代o既古巨基啦, 我連相都無影張…真係o徙晒! 仲叫人o地“夜了”快d走…我真係無taste! 我記得當時好多師姐+同學仔都為佢o地瘋狂o架!

(待續)

(小插曲: 我打打o下呢篇o野時忽然feel到好似有d o野 “lan”我隻腳…我初時以為係d蒼蠅, 咁就撥開佢啦…點知撥唔開…大睇之下原來係大“?由(唔識打)”…嚇到我三魂唔見七魄…你知我最驚呢d昆虫o架嘛! o係情急之下大叫o左一聲, 之後對佢大喝一句: “黐線o架?!” 但我唔記得o左原來佢唔識聽…o係魂不附體之下, 走去搵o左?報紙出o黎扑濕佢…我諗佢暈o左…但我唔知…亦唔得閒睇…再搵o左個碗形物體蓋住佢…依家我雙手仲震緊, 隻腳仲feel到俾o野liu o下liu o下…實在有200個核突…救命呀! 我諗我真係要實行我o既執屋大計…成日空口講白話, 終於自食其果!)