4-18(sat) gary+icy
激死~~~!!!
之前已經講過, 覺得o係成套“畢打自己人”入面, 最好睇o個段係gary+icy之戀, 但呢個幾月都無咩講gary同icy, 到前幾日睇預告發現終於有佢o地…點知係一個十分出人意表o既結果…兩個字: 吹漲!
唔係呢兩集o既奇怪劇情, 都唔知道原來身邊有咁多朋友都有睇“畢打自己人”, 亦都同樣係大鬧呢段劇情, 仲要網上都有好多人鍾意睇佢o地呢一段喎, 又係同樣大鬧…雖然未至於laughing個效應, 但都真係原來有唔少人鍾意睇…tvb畢打自己人討論區/其他網上討論區/連fb都有個咩“將陸冰冰由北京帶回畢打街,給蘇同和一個機會！” …fb真係咩都有...呢個group都可算騎呢...我鍾意! 所以我join o左! 哈哈!
上次話paula原來係女警o個part都已經夠騎呢o架喇, 點知今次呢個安排仲囧…我唔明點解要咁安排囉, 今次真係完全估你唔到! 期待o左咁耐先有佢o地o個段睇, 點知卻整個咁出乎意料之外o既結果....我同大家一樣咁憤怒!!!
icy可以一見鍾情, 可以俾david吸引到, 但明明佢o個刻佢係好冧阿gary o架嘛, 點會話忽然就鍾意o左第二個, 仲要被佢影響到要辭職去北京…如果你話無gary呢個人, 佢被david吸引都合理d呀... 同埋阿gary又未免係偉大得滯! 依家咁無啦啦要icy佢走, 真係好突兀, 咩劇情o黎o架?! 玩o野呀?! 咁我寧願佢一路唔講呢段, 好過依家咁樣o既騎呢安排喇…!
Icy同gary呢段開得咁好居然搞成咁...為要阿o靚妹走而走...好夾硬囉! 上次"同事"就話關詠荷要辭演去湊女, 搞到黃家嵐被逼要走, o個個劇情已經令人好無癮o架喇, 但今次點解要咁安排呢? 忽然要cut走阿o靚妹, 唔係tbb想裁佢呀?!
就算之後tbb真係順從民意俾icy入番”畢打”, 佢走完去北京咩改變自己, 實話佢變o左第二個人咁, “脫胎換骨”咁啦…但我覺得有d刁蠻任性o既陸冰冰反而吸引d喎, 同埋佢同gary鬥氣都幾好睇呀! 無o左呢條line, 基本上都無咩邊條線係需要睇o架喇...哎, 真係咩劇情o黎o架?
跟住“桌球天王”又見到阿niki玩“刑偵”“車匙”o個段”我真係咩都唔記得”…大佬…d劇情可唔可以好少少…少少咁多啦…唔該!
posted by 芒姐 at 2:15 上午
13 Comments:
係呀mon 姐, 我自己又係最鍾意睇gary同icy鬥氣, 又溫馨又好笑, 而家無左呢條線, 都無乜好睇喇! 本來堅姐同包公都幾好睇, 而家又係無左! 無線d 編劇真係唔知想點, 乜佢地認為咁樣就可以整多d talking points, 咁樣就可以吸引觀眾睇落去?
Amazing
此留言已被作者移除。
话说我成个星期冇睇毕打了，连之后的两线剧都冇睇，无线系咪令人咁失望啊？
不过我最近睇咗海发的《碧血盐枭》，就系杨怡果部呢，虽然我知道芒姐唔buy古装，呢套戏剧情亦有好多硬伤，但真系不得不说里面的二少正到无伦！黄浩然真的做得好好啊，沦陷~~~
无线D眼光真系嘛嘛，捧既人播既戏，都唔睇得既，反而个咁好既角色竟然海发，无线就玩完架啦！
——国内可人儿
什麼是海發?
海外發行
国内可人儿,
你講呢套《碧血盐枭》邊個係男主角呀? 就係黃浩然?
christy,
如果佢真係用「我真係咩都唔記得」呢條橋...我真係會罷睇!
其實我到依家都唔明點解無啦啦會有咁o既安排...正如你所講, 就算真係想阿o靚妹走，都唔駛搵個咁怪既理由！
金像獎平時我不太感興趣, 但今年個賽果真係出奇的稱心囉!
christy,
如果佢真係用「我真係咩都唔記得」呢條橋...我真係會罷睇!
其實我到依家都唔明點解無啦啦會有咁o既安排...正如你所講, 就算真係想阿o靚妹走，都唔駛搵個咁怪既理由！
金像獎平時我不太感興趣, 但今年個賽果真係出奇的稱心囉!
Amazing,
今次呢個安排真係令人徹底失望...仲要係又怪又突兀!
芒姐：
《碧血盐枭》系马仔做男主角，但睇过既人都普遍认为浩然的戏份比马仔多，角色同表演都好出彩，锋头盖过男主角咯（以事论事，马仔FANS唔好拍我）
金像奖我都有睇，赛果都好合我心水，不过主持安排我觉得OK闷咯，仲有无线CUT到唔知剩返D乜，俾人闹得我好心凉^-^
PS：邓萃雯同黎耀祥的新剧都记值得期待喔。叫《巾帼枭雄》？好多枭啊，难怪无线咁“嚣”~~~~
——国内可人儿
"盐"的繁體字是什麼?
繁體——碧血鹽梟
——國內可人兒
畢打自己人-陸冰冰&蘇同和
support:
冰和戀!!
http://www.xanga.com/groups/group.aspx?a=1&id=2564506
Join this:
將陸冰冰由北京帶回畢打街,給蘇同和一個機會！
http://www.facebook.com/group.php?gid=69016596297
photos:
http://blog.163.com/ekika_rl/album/edit/#p1
發佈留言
<< Home