3-10(tues) 你索了什麼

嘩, 依家d網友真係ok creative…呢首“你索了什麼”唱作都做得唔錯…

你索了什麼

如果隊草太多　爽過
為何做錯　報章裡各路圍剿我
何必東京某街　搜到毒貨
倫伯話要打我　面相黑得不妥

明知應該說不　不過
明知出錯　阿詩卻話繼續再隊過
原是扮作乖　如沒有大麻我怎過
Woo oh 娛樂界極多 Woo oo

我今天索了甚麼　腦筍未埋口的我
毒品品種很多　隊得高歌
人日本出了錯
fans失去這後果　一衰踩得多
明星功過
看藝人做錯 多到嚇窒我

衛妹這總算好　不過
唔隊點過　痛苦跌地似葫蘆滾過
來吧快整支　迷幻裡盡情刺激過
Woo oh 人就似病魔 Woo oo

我今天索了甚麼　腦筍未埋口的我
索左開心得多　隊得高歌
人異邦出了錯
這圈子個案極多　都相當坎坷
誰猜到你　渺視來話我
衰格到甚麼

k貨　如入到新貨要盡量閃躲
k貨　索了口一切似是望幻覺
很想回頭　但誰叫我
沉迷下去　放不低　繼續惹禍

我今天索了甚麼　腦筍未埋口的我
罵聲很多　體恤不多　各位討厭我
這生不再有什麼　真的很想講
其實拆家眾多　愚弄我

近期最好睇一定係“學警狙擊”…laughing同海味o個段幾好睇! 但大家話ok buy o個段阿文同悠悠我又真係唔係太得囉…恕我無taste喇! 咩小公主同幸運王子…睇到我打冷震, 仲恐怖過“沒有常在心的日子”, 亦唔太切合阿文o既character…同埋寫blog就寫blog啦, 可唔可以唔好太娘? 仲要用個blog o黎同阿幸運王子溝通, 真係擺我條命...噢, 你殺o左我罷啦…!

同埋laughing哥o個段玩無間道都ok, 唱k o個段又無間道, 會唔會太多無間道呀? 而且阿江世孝明知佢係警察, 仲要係好警察o個隻警察, 又點會信佢忽然俾人踢o左出o黎就肯改正歸邪…成個flow安排佢去做卧底太明顯...黑社會大佬無理由咁易信人o架? 仲要係咁識玩手段o既江世孝喎? 有d牽強!

另外套“畢打自己人”, 原來不經不覺已經做o左成100集咁滯…依家我覺得最好睇o個段居然唔係毛舜筠同歐錦棠/徐榮/黎耀祥o既感情線 (雖然幾buy毛舜筠, 但對於佢o係劇中有咁多人傾慕佢都覺得有少少匪夷所思…同埋我仍然希望武紀勇會同文丞君一齊…嘩哈哈!), 而係阿gary同 icy囉…佢o地o個段出奇地幾好睇喎! 可唔可以講多d佢兩個?!

同埋…查實8點半o個套“大冬瓜”係咩o黎o架? “十兄弟”d friend o黎o架?! 我o係網上仲要睇到話係抄比卡招…又一匪夷所思…!!!