2-25(wed) 忍著淚說Goodbye
“小虎隊”…今次講緊o既係由林利+胡渭康+孫明光組成, o係八十年代初紅遍香港o既小虎隊, 而唔係由杮籠+蘇有朋+陳志朋組成o既八十年代尾/九十年代走紅o既台灣小虎隊…
“忍著淚說Goodbye”咁經典…大家點會唔記得呀? 雖然我o個時只係讀緊幼稚園, 但又點會無聽過呢首歌呢? 連當年”八十代代紅極一時”o既孖仔童星李泳豪+李泳漢上“歡樂今宵”, 都要選唱佢o地首“sa~yo~na~~~ra~~~”o黎天才表演一番 (我都係前年睇番“再會歡樂今宵”先見到)…當然, 更經典o既係佢o地主唱o既杰佬/fit佬/高佬泉/好姐主演o既“新紥師兄”第一輯主題曲啦…”拿jar不怕海龍皇”…3歲到80歲到識唱…無論你係咩年代!!! 咁"黃金戰士"又係咪佢o地唱o既呢?
呢期因為天哥o既出現, 大家又記起林利, 又記起小虎隊…雖然, 有好多朋友居然話俾我聽佢o地唔認得林利…oh, 咁未免令我太失望喇!
天哥仲好配合佢o地首代表作o既歌詞…出o左一個禮拜就“sa~yo~na~~ra~~”o左…咁我o地唯有”忍著淚”同佢"說一聲goodbye"啦…
呢首歌咁經典…下次去k一定要唱…”sa~yo~na~ra~”…真係好鬼得...我好鍾意佢o地一人一句咁"不得不講~不得不說~心中苦痛望著你講一句Goodbye~"...同另一首我好鍾意o既草蜢"飛躍千個夢"o既"共跳入高空~飛躍~飛縱~到半空~"有異曲同功之妙...yeah!
經典重溫 : 小虎隊 忍著淚說Goodbye MV 1984…正! 真係多謝天哥, 令我o地回憶返埋o黎…一齊回到八十年代…去歌…
經典重溫 : 小虎隊 伴我啟航…呢首真係經典中的經典, 佢o地個個o個時都好後生, 令人諗番起美好的八十年代, 一聽到呢首歌, 即刻諗起超好睇的“新紥師兄”…又係一拍拍三部曲…好明顯依家“學警”都係想學佢咁…
小虎隊 伴我啟航…仲有現場演繹添...坦白講, 我都未睇過...o個時d shoulder pad同hair spray都好鬼勁...真係好有八十年代o既特色...遲出世o既小朋友們…可能未領教過…:p
經典回憶-1985小虎隊攪蔡楓華…仲有呢段都幾趣緻! 佢o地當年真係好年青, 好細個…直頭想叫一聲…小~朋~友~!!!
經典重溫 : 老虎隊 忍著淚說Goodbye (盧海鵬 羅浩楷 廖偉雄) 1984…哈哈…又可以睇o下呢個搞笑版本喎...
posted by 芒姐 at 11:14 下午
11 Comments:
好記得林利, 當年佢參加笫一届新秀大賽, 仲有果時佢同松松姐姐拍的"月兒彎彎照九州"
no la, "黃金戰士"係胡渭康獨唱, "黃金戰士"0係香港首播時, 孫明光仲未出現, it was not until 1984 easter that 小虎隊 came into existence.
老虎隊好正, d舞步跟得好足, 笑死我!
匿名,
八十年代o既"歡樂今宵", 真係成日都有佳作!
匿名,
嘩, 胡渭康獨唱咁威? 咁孫明光其實o係邊度走出o黎o既呢?
carman,
嘩..."月兒彎彎照九州"你都記得佢...勁!
孫明光參加第2屆新秀得亞軍, 當年係1983年7月, 小虎隊係之後(1984年初)先慢慢成形, 到1984年3月/4月左右, 三人正式以小虎隊名義參加東京音樂節, 仲得到個爛鬼豬肉獎(唔知咩台風獎), 同年日本代表有吉川晃司, 獻唱歌曲就係哥哥大紅之作"monica"。
睇緊韜韜套日日有食神，忍唔住要係呢度講下，阿張美妮小姐Ｄ戲好假好假又好姣，頂佢唔順。
茵
張美妮小姐仲要唔識字, 成日讀錯晒D音, 直情好似文盲一樣!
匿名:
RE 孫明光...啊, 原來係咁! thanks!
re張美妮:
係, 我都覺得美妮姐姐愈o黎愈唔掂...佢n年前做兒童節目都算青春活潑...但佢一調出兒童組之後個形象就變成一個八婆...同埋成日都好吵耳!
發佈留言
<< Home