1-26(mon) 牛年行大運
恭喜恭喜! 恭祝大家牛年都有喜…事! 無咩特別o野想講, 但見咁耐無update, 又適逄新年, 一定要o係度祝賀o下所有讀者朋友都開開心心, 心想事成, 最緊要身體健康! 所有o野睇開d, 自然心情都靚d, 所以最要祝大家新一年EQ再高d!
我自己都有一個無聊的心願…就係希望新一年可以早瞓d…因為o係過去廿年, 我都真係比一般人夜瞓太多…所以可以早瞓少少, 個人健康d, 皮膚再靚d, 個樣再醒神d咁就好喇!
年…又過年…緊係要送首新年歌俾大家…twins聽o左7年…係時候聽o下”新歌”…
新年假睇番上個禮拜林敏驄做嘉賓o個集“係咪小兒科”…真係笑死我! 佢果然係funny, 一向都欣賞佢, 但估唔到佢上呢隻”益智”節目都可以咁搞笑, 但搞笑得o黎又言之有物…個節目本身ok好睇 (好睇在d以為好淺o既題目原來我真係一d唔識)…再加埋佢o個d抵死說話…咩“眼睛不能沒眼淚, 個口不能沒口水~”, 同埋即時改“愛得太遲”o個d歌詞, 都好抵死! 佢轉數真係好快…最欣賞呢d人!
(林敏驄@“係咪小兒科”)
仲有, 睇番第三集“星星同學會”, 係搵d商台dj上o黎講o下d趣事…呢集亦都幾好笑! 雖然依然係第二集最好睇!
posted by 芒姐 at 11:22 下午
9 Comments:
芒姐~祝你年年有如牛壯健 歲歲平安樂安居 心想事成成大業 如意吉祥運氣來!
昨晚聽嘩嘩打到黎superman既嘉賓係甄子丹呀!我覺得好得意,幾好聽呀!如果你有時間去聽下丫!推介呀!
果首十四年前O既「新」年歌好正! 估唔到十四年前同十四年後O既鄭先生普通話發音都係咁嚇人! 哈!
Amazing
Mon姐,牛年健康! 08年其中一間最大發現,就係呢個blog/website.
題外話,唔知你有冇睇台灣偶像劇?我suddenly在North Point買咗套"命中",一個CNY煲晒,老實講,橋同韓國仔D冇咩分別,但頭12集真係節奏明快,男女主角又做得好,竟然我有幾part睇到眼中有淚.唉,對上一次睇港劇romance可以咁感動,真係唔記得那部.陳喬恩同我地嘅胡幸兒或阿蛇,level都實在差太遠了, 唯一較接近可以話係楊怡,不過仍未有代表作.
如果講港片,就係咭在NOW Ch.139重播的"X當變幻時",香港人,是否已不懂浪漫呢?
芒姐
祝你牛年行大運!
溫哥華匿名人
仲有,台劇sound track成隻咁做,有時劇情唔得都俾隻歌帶住走.TTB劇除咗隻"鑽禧",聽阿Linda姐那D所謂歌,真係把鬼!
Clement,
多謝晒! 大家咁話啦!
哈...我又真係無咩睇台灣偶像劇啊...雖然成日都有朋友推介, 但我真係提唔起興趣...有機會會睇o下o既...
溫哥華匿名人,
我都祝你牛年樣樣都得意!
Amazing,
鄭生真係無論唱歌定咬字咁多年都亂咁o黎, 但佢當年又真係好紅喎, 同埋佢d歌 (係指d歌本身)又真係幾好聽, 我仲幾鍾意睇佢做戲添...噢!
匿名,
哈哈...甄子丹...佢呢期好紅呀, 我好多本來唔多buy佢o既朋友睇完葉問都話好鍾意佢!
我唔係netvigator用戶...無辦法聽番喎...
發佈留言
<< Home