2009年1月11日星期日

1-11(sun) 星星同學會

雖然套咩“click入黃金屋”已經做完成個禮拜, 但我真係想講好耐都唔記得講, 佢個劇情, 尤其係結局篇真係差到呢…仲求其過d粵語長片…真係浪費晒d好戲之人! 咁o既劇都俾佢出街, tvb可能真係諗住個聖誔檔期無咩人睇電視求其塞套劇落去?!

至於終於做o左大半o既“重頭劇”“珠光寶氣”, 收視係咁跌…其實都預料到, 因為呢d所謂大製作大家一向都唔太buy, 遠o既唔講, 你睇o下上年套“歲月風雲”就知! (“溏心”一開始基本上唔算係太大製作, 係“真情”o個類…係播到中段大受歡迎先力谷宣傳…至於“家好”, 好明顯d人係因為buy “溏心”而繼續追落去)!

“珠寶”我都係勁飛o黎睇, 淨係睇大妹o個段…二妹同三妹o個段我真係唔多想睇, 尤其係黎姿同陳豪o個段…真係攞我條命! 我超頂唔順黎姿個角色…同埋sorry都要講句, 佢d演技真係生硬o左好多 (not that我覺得佢以前好好, 不過佢後生時做d刁蠻角色, 如“龍的天空”o個種又真係幾好, 同埋佢o個時真係幾可愛同埋幾靚, 好演活o個種角色囉!)…仲要佢講對白好似甩cut o左好多…未背熟咁! 到上字幕時sell珠寶知識的片段更加趣緻, 照稿讀都唔緊要, 但好似講得好辛苦兼無表情無停頓咁…真係佢講得辛苦, 大家又聽得辛苦…唔通佢真係無心戀戰成咁? 但都可以交少少功課o卦?!

仲有, 陳豪劇中的突兀懶係中英夾雜演出亦都係笑爆嘴! 就算要表示佢係上等人或者外國回來, 都唔洗用呢個咁特別o既方法o卦?!

另外, 上星期日開始由吳君如主持o既“星星同學會”幾好睇呀…一向都幾鍾意睇吳君如主持o既節目…佢真係幾抵死幾好笑o下! 今集訪問佢d老死曾華倩, 商天娥都好正…官恩娜都ok抵死, 係楊思琦呆呆滯滯咁坐o係度我真係唔知佢想點…?! 呢d清談節目真係可唔可以唔好搵佢, 完全無contribution無o野講咁真係好難受!

哈哈哈哈哈…收到今年的tvb官方月曆喇! 個人認為2008年o個個係呢幾年之中最靚o既…不過每年能擁有一個tvb大月曆, 我已經感到萬分高興喇!


(2009)



(2008)


(2007)

16 Comments:

Anonymous christy said...

珠光:
嘩我都覺呀。無錯真係影得黎姿好靚好靚,但佢真係讀對白咁濟...要講得快既對白佢會lur左,慢慢講既佢都窒... 金枝果個黎姿去左邊?
哈哈哈雖然我幾喜歡陳豪,但佢d對白過份中英夾雜又真係好好笑哈哈!
成套我鍾意睇蔡少芬嘿嘿。邵美琪林保怡都鍾意!:)

星星同學會:
好鍾意睇吳君如哈哈佢好搞笑。不過有時略嫌佢同錢嘉樂個火花唔太大.. 希望黎緊會重好笑d啦哈哈!其實你講果集.. 我覺得達明都徙左少少呀... 明明佢係好好笑架嘛,點知呢集個focus去左女明星度。阿官恩娜講果個...果個擺明係唱k啦下嘛?:p

p.s.: 你就好啦又有tvb月曆!!

6:17 下午  
Anonymous 匿名 said...

re: tvb月曆

heehee, 我都有一個.

re: 吳君如

但我覺得佢係又笑唔係又笑, 成日失晒控咁自己一個笑, 我冇睇第2集, 但第1集, 有好多個shots明顯見到克勤、老孫同王伊文等只有一臉無奈咁睇住佢笑完全答唔同咀, 做主持做到咁, 任憑你本身個人幾鬼馬幾高轉數都冇用啦.

re: 黎姿

其實兩年前的"寫意人生", 佢已經有呢個問題, 當時個角色又係D楚楚可憐角色, 相信未必係佢無心戀戰, 可能只係佢handle唔到呢類角色.

10:27 下午  
Anonymous tfil said...

我個friend話黎姿應該取代胡杏兒叫黎囧, 其實佢都做過"古惑仔"果d, 點解依家成日懶純情咁?
星星同學會其實係咪想學台灣果d康熙來了? 咁香港又真係呀吳君如有咁既人面/口才去主持呢d節目...

11:00 下午  
Anonymous 匿名 said...

黎姿拍珠光時,,好似正正係佢細佬出事個間呀!!前幾集見到佢化好厚妝都"姐"唔到個大眼袋(似係喊腫左)!!

12:02 上午  
Anonymous 匿名 said...

其實黎姿不嬲都有大眼袋...

12:29 上午  
Anonymous 紙巾 said...

我都覺得陳豪係咪都中英夾雜好突兀啊! 我記得好耐之前有集佢曾經講過:
"今次我個satellite phone冇壞到,你可以anytime call你媽咪,anytime go back都得啊。"

"anytime go back都得啊"果句真係笑死我!!!

同埋之前我見陳豪幫過longman既英文會話cd錄音,雖然我唔知佢有冇份示範讀幾句簡單英文,定只係做中文旁白。但因為咁,我以前一直以為佢英文應該唔錯。但早排睇珠光寶氣,聽到佢好似黎諾懿咁把"james"讀成"jam-s",實在有d令我失望。

2:03 下午  
Anonymous 匿名 said...

re: "聽到佢好似黎諾懿咁把"james"讀成"jam-s",實在有d令我失望"

唔係o卦? 佢好似11/12歲已經左去澳洲, 唔係咁恐怖下嘛? 請問係邊集? 我一直都冇睇珠光, 你記唔記得係邊集? 等我搵番果集睇下先.

2:10 下午  
Anonymous 紙巾 said...

http://hk.youtube.com/watch?v=BULuZCflWjw

我今日在公司食lunch時睇到條片,去到1:58聽到佢讀james,但好似唔係好正。不過我岩岩再聽埋2:23佢讀james,又ok的。

大家有興趣或者可以聽下啊:)

9:33 下午  
Anonymous christy said...

anytime go back果個都笑死我!
我睇果時心諗.. 人地ABC係咪真係會咁講呀..好似怪怪地喎 :P

BTW
點先會有TVB月曆? 客戶?

11:02 下午  
Blogger 芒姐 said...

christy,

我諗客戶可能都會有, 我o個個就係靠朋友啦...同埋又可以叫"合作伙伴"啦, 而我o既合作伙伴, 又係tbb o既合作伙伴咁囉...哈哈!

5:43 下午  
Anonymous 匿名 said...

因為我個同事同陳豪喺同一間中學,佢應該幾大個先去澳洲。

5:51 下午  
Blogger 芒姐 said...

紙巾,

原來你都有同感...我以為淨係我一個覺得陳豪的英文有d令人失望...唔係話差, 而係我一向以為佢會好d, 因為佢d英文會好d...我第一次係睇有一段佢叫埋黎姿一齊上大陸唔知邊度接受訪問, 講咩 "that's what we called clicked"...類似d咁o既o野, 發音有少少怪, 同埋好甩cut...我先開始發覺佢d特登中英夾雜台詞超突兀!

再加上佢平時講中文都好似有d唔正咁, 我仲以為佢係英文人添...

5:59 下午  
Blogger 芒姐 said...

tfil,

係啦, 我都覺得吳君如未必係主持得最好, 但o係香港有咁既人面/口才去主持呢d節目都真係得佢...

6:01 下午  
Blogger 芒姐 said...

christy,

係啦, 阿官恩娜講果個擺明係唱k...

同埋"星星同學會"第二集好睇過第一集好多...可能曾華倩同商天娥o個d都同吳君如熟d嘛, 後生o個批官恩娜講o野都ok好笑, 好過第一集d嘉賓!

6:03 下午  
Anonymous 匿名 said...

係啦,我睇黎姿個角色真係睇到mung,唔想再睇落去。好煩~
我鍾意睇林保怡、李詩琪、蔡少芬果D, 阿鍾嘉欣都做得好好,真係幾乞人憎,終於唔係剩係做乖乖女~

星星同學會...我覺得第一集D嘉賓都唔夠放,所以我睇完都有D失望。第二集反而好笑D,起碼有曾華倩同商天娥係度~

11:02 上午  
Blogger 芒姐 said...

茵,

"珠光"真係應該快d完...依家有d拖泥帶水!

第二集"星星同學會"幾好睇...第一集d嘉賓同主持完全無火花...

4:08 下午  

發佈留言

<< Home