2009年1月1日星期四

1-1(thurs) 2008叱咤樂壇流行榜頒獎典禮

2009年做o既第一件事, 居然係晨吉咁早(當然係以芒姐的standard o黎講, 仲要係以放假的芒姐的standard o黎講...).走o左去無雷公咁遠o既博覽館睇叱咤頒獎禮…雖然我o地已經過o左睇叱咜或者聽903的年齡好耐, 佢d dj講咩, 我基本上係完全零共鳴…但係難得有飛去睇, 我又唔介意睇o下喎…反正以前細個成日想去又無得去, 到大個就死撲爛撲…終於99年俾我上903idclub投票抽獎第一次攞到飛去睇…開心o左一陣子 (雖然o個時已經開始脫離o左903 o既洗腦式教育…但有得睇依然好高興!

今次再去現場睇叱咜, 年齡又增長o左一截…雖然佢o地講o既o野你未必再會認同, 但係無可否認佢真係一個比較搞到氣氛同埋煽動到d歌手情緒o既show…至於原因, 我之前幾年已經講過無數次, 基本上我都係想講番我之前幾年講o既o野, 費事再repeat啦…無睇過o既朋友, 可以睇番呢度先…


2008-1-1(tues) 2007叱咤樂壇流行榜頒獎典禮



2007-1-9(tues) 06叱咤



2006-1-1(sun) 2005叱咤樂壇



2005-1-29(sat) 2004頒獎禮



2004-1-3(sat) 叱咤風雲




至於賽果…公唔公平一向都係見仁見智, 年年都係咁講, 好“叱咜”囉….即係如果你buy 903, 你咪會覺得好好好公平公正公開咁囉…如果你唔係903粉絲, 應該如每年一樣會覺得有點另類…咁先牽動到o個批被捧到上神枱, 但o係第二d頒獎禮又未必會見到蹤影o既歌手o既情緒o架嘛…所以其實年年個logic都係咁上下, 你睇多幾年之後, 就會發現其實叱咤頒獎禮o既特色係不平凡中見平凡!

同埋佢最醒o個樣依然係95年度開始揀o左o係每年1月1日搞, 咁樣人人都會記得…同埋大部份人都放假, 咁就算去到博覽館都無咁慘! 同埋佢今年改o係下午三點做都係一個good move, 因為場館太遠, 如果八點先開show仲要d人又口水多過茶, 咁出到市區都零晨1點喇! 我最鍾意睇o個屆叱咤, 正正又係o係下午3點開show做到夜晚天黑, 仲要係o係大球場做戶外show o既96年度叱咤頒獎禮, 由朝睇到晚, 個感覺幾正…想當年, 我都好“叱咤”o架…哈哈哈哈哈!

今年去現場睇, 去o左o既朋友 (至少係我o地個年齡層o個d) 都覺得ok悶, 除o左因為叱咤對於我o地呢年紀o既人吸引力已經無咩之外, 個show本身真係太長…d得獎人 (仲要係好多連樣都未見過o既) 講o野未免太長氣冗氣, overrun你又唔cut…搞到悶位太多…所以tvb o係凌晨00:10播o既剪輯版本cut o左d口水多過茶o既內容應該已經叫做好睇d!


(今年口號係"自己鬥自己”喎…)

要講多次, G.E.M.真係唱得幾好…同埋估唔到商台會頒獎俾胡杏兒, 其實佢真係算唱得唔差, 不過近期觀眾緣差o個度慘…其實我o係現場都有少少驚佢會俾人噓, 好彩都無! 嘩, 陳總無端端o係電視螢光幕戴cap帽出現o個part都好神秘啊…估佢唔到…:p

其他結果…“囍帖街”眾望所歸, 無對手啦! 方大同首歌攞第二位…都好903 o既! 仲有咩“ABC”, “舉高隻手”, “我o地大家”…呢d賽果全部都好903…我唔覺得太surprise…都可以接受呀! 如果個show唔係咁冗長, “短小精悍”d相信會好睇d囉!



2008 年 度 叱 咤 樂 壇 流 行 榜 頒 獎 典 禮 賽 果

叱 咤 樂 壇 男 歌 手
金 獎 : 方 大 同   銀 獎 : 古 巨 基   銅 獎 : 陳 奕 迅

叱 咤 樂 壇 女 歌 手
金 獎 : 容 祖 兒   銀 獎 : 謝 安 琪   銅 獎 : 王 菀 之

叱 咤 樂 壇 組 合
金 獎 : 農 夫   銀 獎 : at17   銅 獎 : HotCha

叱 咤 樂 壇 生 力 軍 男 歌 手
金 獎 : 陳 偉 霆   銀 獎 : 狄 易 達   銅 獎 : 徐 浩

叱 咤 樂 壇 生 力 軍 女 歌 手
金 獎 : G.E.M.   銀 獎 : 胡 杏 兒   銅 獎 : 方 珈 悠

叱 咤 樂 壇 生 力 軍 組 合
金 獎 : RubberBand   銀 獎 : Mr.   銅 獎 : 廿 四 味

叱 咤 樂 壇 唱 作 人
金 獎 : 方 大 同   銀 獎 : 王 菀 之   銅 獎 : 林 海 峰

叱 咤 樂 壇 至 尊 唱 片 大 獎 : 《 Binary 》 謝 安 琪

叱 咤 樂 壇 我 最 喜 愛 的 男 歌 手 : 陳 奕 迅

叱 咤 樂 壇 我 最 喜 愛 的 女 歌 手 : 謝 安 琪

叱 咤 樂 壇 我 最 喜 愛 的 組 合 : 農 夫

叱 咤 樂 壇 我 最 喜 愛 的 歌 曲 大 獎 : 《 囍 帖 街 》 謝 安 琪

叱 咤 樂 壇 作 曲 人 大 獎 : 方 大 同

叱 咤 樂 壇 填 詞 人 大 獎 : 林 夕

叱 咤 樂 壇 監 製 大 獎 : 雷 頌 德

叱 咤 樂 壇 編 曲 人 大 獎 : 王 雙 駿

2008 四 台 聯 頒 音 樂 大 獎 ─ ─ 歌 曲 獎 《 囍 帖 街 》 謝 安 琪

專 業 推 介 、 叱 咤 十 大
叱 咤 樂 壇 至 尊 歌 曲 大 獎 : 《 囍 帖 街 》 謝 安 琪
第 二 位 : 《 Love Song 》 方 大 同
第 三 位 : 《 下 次 再 見 》 古 巨 基
第 四 位 : 《 跑 步 機 上 》 容 祖 兒
第 五 位 : 《 櫻 花 樹 下 》 張 敬 軒
第 六 位 : 《 ABC 》 歐 陽 靖
第 七 位 : 《 路 … … 一 直 都 在 》 陳 奕 迅
第 八 位 : 《 舉 高 隻 手 》 農 夫
第 九 位 : 《 撈 月 亮 的 人 》 楊 千 嬅
第 十 位 : 《 我 o地 大 家 》 林 海 峰

3 Comments:

Anonymous christy said...

芒姐
亞記真係重選亞姐呀!!
(SORRY, 我又離題了:P)

5:15 下午  
Blogger 芒姐 said...

christy,

咁騎呢? 真係好似新城咁亂咁o黎...我連原先o個個亞姐決賽錄o左都未得閒睇, 佢就已經要重選? 真係世事無奇不有呀!

11:41 上午  
Anonymous 匿名 said...

thanks!

3:07 下午  

發佈留言

Links to this post:

建立連結

<< Home