12-30(tues) “click入黃金屋”+黎明金句

嘩, 不經不覺呢套“click入黃金屋”又播到完咁滯, 但我都好似講都無講過佢, 其實係睇都無點睇過…可見呢套劇對我o黎講有幾咁吸引!

上個禮拜以極速fast forward睇o左十集…普普通通, ok悶o個隻…食飯無o野做可以睇o下! 你話好差又唔係, 好又未輪到佢, 總之就係唔特別吸引囉…佢應該係走“甜孫爺爺”或“心花放”o個隻家庭式溫馨和諧輕鬆小品路線, 但之前o個兩套又做得出色過佢好多! 同埋我終於都“游說”到自已覺得楊思琦都算幾靚, 但佢d戲真係十分一般! 呢套劇好快就會做完…都好!

講開呢d老老套套劇, 我前幾日深夜唔覺意睇o左套陳年粵語長片”含淚的玫瑰”…人o地係老套呀, 但又勝在又幾吸引喎…好睇過套“黃金屋”好多…居然吸引o左我深宵o係度睇粵語…嘩哈哈! 不過睇到最尾居然頂唔住太眼瞓瞓著o左…睇唔到結局…太可惜! 雖然我相信佢久不久都會再重播…而我亦都相信我今次都唔係第一次睇呢套片, 因為個名同埋個故事都好熟口熟面, 只係我唔記得o左d細節o者!

大家都知道我最鍾意睇呢d“老香港”影片, 所以粵語長片我好buy, 但一定要係時裝, 因為可以睇番o個時香港d人o既生活同埋仲有街景睇添…好得意!

個故事就當然係老老套套o個d啦, 但咁先趣緻嘛! 仲有, 南紅後生真係幾靚, 仲好elegant添…修哥同四哥都好型仔…我仲無聊到走去search o下呢套片o既資料…原來係1963年o既作品, 仲有劇情簡介添…

畫家黃秋白成名返港, 心上人江子萍音信杳然. 白想起五年前, 萍為負擔妹妹子青的留學費用而婉拒了他的愛意, 激動暈倒, 因而遇上當謢士的青. 原來萍下嫁潦倒畫家凌漢, 三年後難產而死, 臨終託青照顧姊夫, 漢則終日酗酒.
白為圓萍的遺願, 用盡方法激發漢的鬥志. 白先透過畫廊把漢的畫買下, 令他回復信心, 更甘願退出畫展, 令漢為萍所畫的素像「含淚的玫瑰」得到冠軍, 一舉成名. 白見青照顧漢的責任已完, 便向青求婚, 青答允. 漢不知青已答應白的婚事, 逕自向她示愛, 青怕漢再受打擊而一敢拒絕. 此時漢得知白的苦心, 決意退出, 隻身到意大利發展.

謝賢 (飾黃秋白), 南紅 (分飾江子萍, 江子青), 胡楓 (飾凌漢), 周吉 (飾錢為士), 萬靈 (飾廚師), 湯劍廷 (飾花王), 良鳴 (飾主席), 楊業宏 (飾委員), 林少波 (飾訪員), 尤奇 (飾司馬光), 陳立品 (飾病人), 大聲婆, 黎雯

嘩哈哈…有internet真係好! 連45年前d戲o既資料都搵到!

另…臨近除夕, post埋之前咁o岩o係網上睇到o既“黎明金句”同大家分享o下 (自從leon變o左金句王之後, 我真係愈來愈欣賞佢…)…祝大家新年快樂!

“黎明金句”:

1. 我朝早唔會空肚食早餐!
2. 坎坷過後有艇搭!
3. 左手又係肉, 手掌又係肉, 獎就只係得一個, 得冠軍同季軍, 唔知點決定~
4. 核心o既外圍係核心o既內圍
5. 有無機會拍拖同見鬼一樣都係要講緣分o既
6. 衞蘭肥過部電單車
7. 原則會取締默契，默契會產生更多議題……
8. 「當華仔同你講我愛你，你會好開心，當佢唔記得講我愛你，你會好傷心，但記得飲一杯《忘情水》。」
9. 「勇氣呢，就係做一d平時唔習慣做o既o野，但一定要挑戰，挑戰產生樂趣。」
10. 「一時又話我金句王，一時又話黎先知，唔知答邊樣好。」記者笑他今日未有金句時，Leon即笑言：「今日用先知取代金句。」
11. 作了這張專輯，付了很多錢，可是，唱了這些歌，我還沒有聽到錢的聲音。
12. 當一個藝人覺得自己很有魅力的時候,他的魅力已經消失了
13. 每個人都應該珍惜機會,如果唔係,就會《絕對空虛》!
14. 借錢如送禮,還錢如乞米.
15. 明人不做暗事 暗處有狗咬腳
16. 戀愛就好似打遊戲機咁, 每個人都會過關, 打爆機,明白個遊戲點玩,但係到你爆機時, 你已經魂歸天國!
17. 生存在世,最幸福的是可以尋求到解决難題的方法;最遺憾的是用盡了方法都解决不了問題,所以我每天生活在幸福與遺憾中!
18. 結了就婚（分），注了就冊（撤），喝了就酒（走）。 ——黎明談對婚姻看法
19. 每個人的生活方式不同，好似在一個武林一樣。有捕頭緝拿壞人歸案，亦有捕頭與壞人同流合污。 ——黎明評價娛樂圈

黎明一向被譽為娛樂圈中的金句王，經常發表一些令人拍案叫絕的言論，繼「唔可以空肚食早餐」同埋「左手係肉，手背又係肉」之後，今次連佢嘅新歌都玩埋一份，歌名叫做： 夏天的味道(秋天版)

早前黎明出席光良的音樂會時，所坐的椅子搖晃不定，於是光良主動跟Leon調換椅子，但Leon竟說：「唔使，命運安排屬於邊個就邊個。」

早年他在拉闊演唱會中又表示：「你（Fans）唔好叫住好唔好？畀多少少時間我講嘢，鬼叫支咪喺我手。知唔知Leon點解突然跳起舞上嚟呢？一係我食咗感冒藥、二係我一直想坐低、三係自然。」

之後又話「女仔喊有一半係假，只要存在呢個諗法就唔會產生不必要的同情，唔會做錯事，總之我識分。咁易被嗲到的男人就係耳仔軟，男仔耳仔軟有一半都係假的！」