2008年11月24日星期一

11-24(mon) “珠寶”

呢兩個禮拜“珠光寶氣”d劇情去得好快…其實成套劇整體都去得好快, 係比我想像中快好多, 依家廿幾集已經講o左咁多o野…邵美琪已經同o左林保怡一齊, 黎姿又已經同完關禮傑再同陳豪曖昧緊, 連蔡少芬都已經同o左岳華一齊…未免係快…咁樣點撐到八十集? 定係仲有好多人物未出又仲有好多twist?!

不過其實我一路都係飛o黎睇…因為有好多part都唔係太吸引到我! 三姊妹之中邵美琪/林保怡/黃德斌o個段已經係最吸引…o個日同朋友discuss開, 原來大家都係咁覺得! “Con氏藤”o個段真係攞我條命 (尤其日日影住佢去ifc間mabelle返工...救命! 雖然佢係贊助個劇, 但唔覺得有邊個睇完會想去mabelle買番d o野)…仲有岳華同蔡少芬…我又真係唔太buy!

其實我一路又唔覺得林保怡係鍾意邵美琪喎, 佢頂多個賞識佢o既工作能力, 欣賞佢夠寸, 覺得呢個女子幾有挑戰性…但一下子就講佢鍾意o左佢, 好似跳得太快…呢part其實可以寫多d呀! 同埋邵美琪又係無啦啦鍾意o左林保怡, 我以為佢係鍾意黃德斌添…點知原來係黃德斌暗戀佢…咁但係o個次邵美琪飲醉酒唔係反而黃德斌拒絕佢咩? 定係我fast forward得太多睇得唔夠仔細…? 總覺得呢段可以寫多d…!

同埋呢套劇個去廣告位居然係剪d定格o既相…好似求其o左d!

原來依家朝早六點又重播“我愛玫瑰園”…真係第n次重播! 不過我都曾經幾鍾意睇, 亦都曾經幾鍾意張兆輝同袁詠儀…雖然靚靚o個期d戲真係好屎…不過佢o個時又真係幾靚喎! 同埋唔知點解成日都覺得張兆輝同劇中做佢爺爺o既張英才好似樣…成個style都好似, 又係後生時已經肥肥o地好有福氣咁…所以成日睇粵語片見到張英才都會諗起張兆輝…哈哈!

仲有原來深夜又重播06年先首播o既“女人唔易做” …雖然真係好好睇, 但無幾耐之前先睇過, 我都係忍住唔睇喇…因為真係無時間!

早幾日睇雜誌, 有一篇係麥玲玲訪問楊思琦…講番佢o係拍“無名天使3D”時, 俾佘詩曼同郭羨妮兩位“阿姐”夾埋玩針對, 杯葛佢! 即使佢主動同佢o地打招呼, 人o地都當佢透明! 真係好慘…邊有人咁無禮貌o架 (雖然出o黎做o野之後, 真係發現原來幾無家教o既人都有…! 仲要係d手段係你估佢唔到o個隻!)?! 雖然我係好唔buy楊思琦的蠢, 但我更唔buy d人連基本禮貌都無. 恃住自己紅少少就睇唔起人, 同埋恃住人o地好hup就踩多兩腳…其實阿麥玲玲話佢之前聽到o既唔止呢d…但阿思琦姐又點敢講咁多呀…畢竟o個兩位阿姐都, o下…! 佢依家仲要對住兩位阿姐同佢o地扮friend但人o地繼續當佢透明…都幾慘o下!

14 Comments:

Anonymous shaw said...

So, you watch this "豬肝補氣” too.
Keep watching it. There is a big surprise about Sunny哥哥。

10:40 下午  
Anonymous 匿名 said...

邊本雜誌啊?

11:26 下午  
Blogger 電蟲 said...

芒姐,我諗好多人同你一樣,估錯晒喇!黃德斌唔係暗戀邵美琪,係暗戀林保怡囉,雜誌已經講左,星期一(今日)個集就講,睇完真係"o"左咀囉!基本上我已經罷睇呢個劇,睇《東山飄雨西山晴》好過,以後逢係戚其義d劇都唔駛預我,《歲月風雲》已經係雷聲大雨點少,點知呢套又係!show晒全台d大cast出黎有咩用,完全係糟蹋左佢地每一位,本來好想睇Ada...依家睇到佢個角色...唉,好懷念《洛神》o既Ada呀!記得舊年好期待節目巡禮中的《紅樓夢》,有Ada做王熙鳳...點知又係呃人o既...

同埋唔知大家有冇留意,巡禮中2009 d劇入面,完全冇左馬俊偉囉,有冇人知究竟咩事?有咩理由會冇佢架?恕我要得罪d die hard fans...我唔想再睇林峰喇,見到好多套都有佢,有d厭!

另外,見芒姐講開楊豬皮,其實唔知你有冇留意,台慶當晚完結祝酒的時候,阿佘係有主動同豬皮妹踫杯的,所以我諗佢地應該冇野喇掛!

順帶一題,我覺得《東山飄雨西山晴》入面,阿"雪雪雪"蕭正楠做得唔錯,幾搞笑!

11:26 下午  
Blogger 電蟲 said...

《3周刊》講的~~

11:35 下午  
Anonymous christy said...

哈哈電蟲講中左我想講既野呀:)
1) 係喎冇哂馬俊偉我都想問點解。但佢個款又唔似會得罪高層喎...
2) 我都唔想睇林峰咁多喇好悶呀成日睇,但我更加唔想睇佘C曼。我見巡禮套套大野都有佢.......-_-
3) 我都見到台慶果晚思琦妹同郭羨妮兩個有微笑好似關係都OK咁(但其實佘同郭覺唔覺自己怪呢一時又唔SHOW人一時又冇野,唔通真係所謂既「冇永遠既敵人」? 其實點解佢地2個拍3D果時咁憎楊思琦?)
4) 我都覺得蕭正楠做得唔錯呀

珠光寶氣我又OK喎
一向冇乜特別BUY鍾嘉欣既我覺得今次鍾幾岩個角色呀唔知點解..做得都算唔錯。
不過我最鍾意睇果個係陳豪,哈哈 XD

12:30 上午  
Anonymous 小憂 said...

電蟲講岩左
黃德斌係鐘意林保怡唔係邵美琪
其實去到星期五o個集已經估到
不過到係O哂嘴- -
唔知一齊睇戲ge家長會點同d小朋友解釋究竟係咩一回事

雖則林保怡,黃德斌同邵美琪同樣係最吸引我
不過我又唔覺ada o個段係咁差喎
其實ada角色做ge野根本係好多時下hk女生所做ge行為
只係ada ge角色做到係人都知有d白痴咁解je
(洛神ge ada連我d個女仔都會覺得係夢中情人,懷念中)

反而珠光寶氣中最煩人ge一段係黎姿同關禮傑o個段
(題外話,關禮傑做得好正呀!!!)
講真宜家仲有無女仔會咁白痴呢?
真係好o哂嘴囉,定係有代溝?.?
我剩係知我咁ge年紀ge女生除左某一些特別溫室ge女仔會咁白痴之外無女仔會咁傻囉
每次都睇到我火到黎

東山西關我反而唔係咁buy
可以我唔太buy個年代掛
不過阿雪雪雪就真係做好得過癮下
其實好想知消失左幾年點解會突然返黎tvb仲做到咁ge角色呢?
都算係唔話得架喇!
反而係馬德鐘就真係有點"R"頭
之前仲係好好的一個純真青年,點解會突然變左用陰謀詭計ge人?
定係我快過ge時候睇少左d野?.?

1:48 上午  
Anonymous christy said...

珠光關禮傑其實應該做得幾好
因為我而家一響電視見到佢就好憎佢覺得佢好煩
:P

2:56 上午  
Blogger 芒姐 said...

re: "黃德斌暗戀o既唔係邵美琪,而係林林林林保怡..........................."

oh! 實在太震撼喇...我真係無諗過! 雖則你咁講完回想番d細節都可以係...但真係太大surprise喇...oh!!!!!!!!!!!!!!!!!!!!!! 我要思想調節o下先!

4:14 下午  
Blogger 芒姐 said...

re: 關禮傑...

其實我都覺得佢做呢個爛daat daat o既角色做得幾好...雖然唔係我buy的角色...不過佢同二妹o個段真係ok煩...二妹係好人, 但唔討好...

4:15 下午  
Blogger 芒姐 said...

re: "東山" 其實係ok o架...劇情吸引過"珠寶"添...有人唔覺意larp到一集其實都ok, 只係我個人唔太鍾意睇呢隻劇種o者!

4:16 下午  
Blogger 芒姐 said...

re: "雪雪雪"

tvb唔知點解簽o左一jar佢o個個年代 (即4-6)年前的歌手做藝員, 佢又係咁, 陳美詩又係咁...但本來已為蕭生已經消失o係呢個娛圈, 原來係去o左大陸! 但係佢又真係無咩點老到喎, keep得ok, 同埋佢o個日台慶跳舞都跳得比我想像中好...因為我印象中佢係完全唔識跳舞o架嘛!

4:29 下午  
Blogger 芒姐 said...

re: 楊佘郭

其實好多人鏡頭前後都係兩個人, 唔好講話明星, even身邊d同事, 都好多係老細面前同背後係兩個人...有d人真係以為自己好掂, 你同佢打招呼都唔睬你o架喎 (莫講話我同你平起平坐, 就算我係秘書茶水阿姐messenger你都應該對人有禮貌呀嘛...同埋笑o下其實無蝕o架...)...真奇怪!

4:33 下午  
Anonymous 匿名 said...

You know I felt sorry for楊思琦 most of the time, yeah, I know she's not exactly the brightest girl in the world, but for what it's worth, at least she's a nice girl with self-respect, unlike most of the TVB actresses sleeping with the producers and boss, or trying to marry some millionaire, or just general whoreishness. She's seems down to earth and genuine to me.

5:43 下午  
Blogger 芒姐 said...

匿名,

in fact i totally agree w/ your comment re 楊思琦...although sometimes i really can't stand her ...i do appreciate her sincerity and courtesy shown most of the time...far better than many of the celebrities...perhaps she's just not suitable for the showbiz...

7:00 下午  

發佈留言

<< Home