2008年10月14日星期二

10-14(tues) happy800000…十六白金+選美風雲50年

都係o個句…for my own record…芒姐十六白金全紀錄! 原來上面細o個黃色格仔已經跳過o左100萬, 我又miss o左添:


2008-8-22(fri) happy750000…十五白金+我們就是奧運



2008-6-11(wed) happy700000…十四白金+三世人



2008-4-2(wed) happy650000…十三白金+傳說



2008-2-7(thurs) happy600000…十二白金+鼠鼠生威



2007-10-26(fri) happy500000…十白金+超級電視迷大挑戰



2007-8-24(fri) happy450000…九白金+“唱而優則演-TVB歌星演員crossover”



2007-6-17(sun) happy400000…八白金+楊怡vs楊娜



2007-4-18(wed) happy350000…七白金+再見狂牛



2007-2-14(wed) happy300000…六白金+紅衣手記!!!



2006-12-13(wed) 全台藝員騎呢之星大唱遊2006(下)+ happy250000…五白金!!!



2006-10-21(sat) happy200000…四白金+地球大合唱



2006-8-19(sat) happy 150000…三白金喇!!!



2006-4-23(sun) happy100000...雙白金!!!



2006-3-10(fri) happy77777+fing下fing下



2006-1-29(sun) 合皮猜列時扭耳+合皮60000



2005-12-25(sun) Happy 50000之白金唱片 + 2005芒姐十大



2005-11-4(fri) happy40000+商天娥



2005-8-13(sat) happy 30000



2005-7-13(wed) 金唱片



2005-6-24(fri) 20000



2004-11-4(thurs) 成千上萬



2004-8-28(sat) HAPPY 8000



2004-5-13(thurs) Happy 5000




終於睇o左“選美風雲50年”, 呢一種回顧形式o既節目我最鍾意…之前o既“電視風雲50年”超正, 後來o既“樂壇風雲50年”都唔錯…呢輯“選美風雲”都係開正我鍾意睇o個辮, 仲要係講晒兩台+其他o既選美節目, 都幾包羅萬有…好精彩啊!

第一集請到港姐/亞姐/沙姐/視姐/環姐 (香港代表) 冠軍各一上o黎做嘉賓! d選擇都幾新鮮…至少tvb如果要揀一個港姐o黎訪問, 一定唔會揀莫可欣 (除o左前年有一次娛樂直播居然請o左佢o地o個屆o既三甲上去訪問, 叫人報名參加港姐!!!)…但就係因為比較少訪問佢, 所以都幾特別…亦都令我開始有少少明白點解當年佢會得到冠軍 (係少少o者…)! 雖然佢o個時真係好唔靚 (依家其實都順眼o左好多o架喇), 但談吐幾大方得體…同埋正如佢所講, 港姐係選乖乖女, 其他靚d演藝潛質高d o既…留番o黎拍劇! 所以當年同屆o既第4, 5名郭可盈同陳妙瑛 (排名不分先後)…一選完即刻開o左套“catwalk俏佳人”俾佢o地擔正…仲有選o個時爆出負面新聞o既麥家琪, 都係主角之一…反而得獎o個幾個就…客串o下都好似有o既!

同埋我幾欣賞佢今次問同答都好坦蕩蕩, 問佢當選後成日俾人話唔靚/爆冷有咩感覺…仲要係第一個港姐冠軍入唔同華姐三甲, 又有咩感覺…仲有話傳聞6叔不滿佢太醜, 有一個event寧願拖9唔搭8o既曹眾出o黎都唔要佢陪, 問佢點睇…佢全部都答得ok得體!

呢集請o既嘉賓比起第二集有代表性好多…但又ok另類喎, 因為無綫d節目又未必會搵佢o地!
..


第二節係訪問亞姐代表羅霖…嘩! 佢真係得, 談吐真係好大方, 又儀態萬千, 尤其係among亞姐更難得! 佢反而40幾歲仲靚過17年前選亞姐o個時添...好神奇!

呢節仲講o左港姐/亞姐主題音樂o既由來…又係有所得著!

訪問大姐明o個段亦都ok, 佢都係答得幾坦蕩蕩!



最後o個part最特别, 但youtube居然搵唔到成段…係訪問“電視小姐”同“環球小姐香港區選拔賽”o既冠軍王綺琴同埋鍾淑慧! 嘩…真係好耐無見過佢兩個, 以前亦都好似無咩見過d節目訪問佢o地! 由佢o地講番兩個比賽o既由來呢個安排都幾好, 因為根本都無咩人知道個來龍去脈, 仲要其實係好多人都唔記得有過呢d比賽添!

王綺琴真係好耐無見過…個樣又真係無咩點變喎! 可能佢以前個樣比較老d, 反而呢d係最 “kum老”o既, 我個人認為佢同“今生無悔”, or even廿年前“大運河”紅拂女年代都無咩大變化…反而仲好樣o左d添 (對比起同佢同年紀o既女性)! 講開大“大運河”, 我反而最記得“電視小姐”亞軍o既鄭艷鳳囉!

估唔到佢咁耐無出o黎, 對答都好如流, 仲幾風趣添...佢同鍾淑慧都好似係幾爽朗o個批…難怪會friend到! 聽聞係因為佢同鍾淑慧friend, 所以先搵到佢出o黎訪問! 原來佢仲有o係內地做電視添…真係唔講唔知…!

8 Comments:

Blogger Nilly said...

終於等度芒姐講“選美風雲五十年”喇!你講嘅我agree曬。不如大家講下跟住落嚟最想佢訪問邊個嘉賓?我嘅答案係:李綺虹啊!我好想知,佢嗰晚嘅爆嘴係真係率真表現定係有如芒姐之前講,佢夾過度過?佢同無線冇約,請佢應該唔難掛?同埋97年冠亞軍翁嘉穗李明慧是但一位啦,講講佢哋後嚟嘅古仔啦,都有戲劇性咖。亞視仲應該好心涼添!

4:00 下午  
Anonymous 匿名 said...

李綺紅好似e家幫無線同黃子華拍緊劇@@"

BTW 與敵真係好好睇
郭晉安真係奸到想打佢

但係我覺得姚子羚真係做得唔錯呀
跪郭晉安個場真係好慘

9:07 下午  
Anonymous 匿名 said...

姚子羚比酒店風雲時進步左好多!

10:42 下午  
Anonymous Al佛 said...

本來對選美秘聞都有D興趣, 不過見到“選美風雲五十年”呢個名就唔想睇, 又係乜乜乜乜"五十年”, 而家亞視都五十一周年啦, 又唔搞台慶, 都唔知點解.

見匿名響呢度講"與敵同行", 咁我又講下, 希望芒姐唔好介意.

初時唔睇好"與敵同行", 不過睇落又幾好睇, 無線終於整番部無爛GAG、冇無聊劇情既戲啦. 不過真係全靠郭晉安一人帶起晒成部戲, 估唔到佢演變態佬都得, 殺人放火禁錮乜都做齊, 最心寒既係睇住佢抱住靚媽既時候, 突然放開手, 靚媽"砰"一聲倒地, 呢一幕一個鏡頭直落, 拍到好真, 一個人連養母都咁對待, 你都咪話唔驚. 仲有佢用電子狗帶勒住蒙嘉慧, 如果蒙嘉慧一大叫就會電親自己, 呢招都好絕, 唔知有冇人投訴話怕有人有樣學樣呢?

而家無線可能唔識得拍武俠劇啦, "少年四大名捕"完全冇武俠劇既味道, 武打一般, 對白乏味, 有雲南靚景都補唔返, 所以收視差過"與敵同行"都應該既.

p.s. 泰林執左, 第一時間諗起"賣飛佛"吳卓羲, 估唔到泰林既運勢仲衰過吳卓羲既星運!

12:22 下午  
Blogger 芒姐 said...

Al佛,

個"五十年"o既名係有d刻意同埋食住條水死都唔放...但亞視無辦法啦, 佢無人睇唯有靠一d有少量口碑的節目食住條水!

當然唔介意你o係呢個post度講"與敵同行"啦...郭晉安演得好好唔做視帝真係o徙晒! 劇情都有d牽強位, 但都算係咁o架喇, 不能要求太高!

"少四"的劇情愈睇愈麻麻, 我唯有飛快咁睇, 見到想睇的人先stop o黎睇o下!

係啦, 真係估唔到連泰林都執埋...雖然你唔提起我都不能即時醒起"賣飛佛"的出處就係泰林..."估唔到泰林既運勢仲衰過吳卓羲既星運"...哈哈, 呢句超抵死但又超中point!

10:59 上午  
Blogger 芒姐 said...

匿名,

"姚子羚比酒店風雲時進步左好多!"...我都認同, 仲好似靚o左好多添...

10:59 上午  
Blogger 芒姐 said...

匿名,

係啦...估唔到李綺虹居然出返o黎拍劇...有d期待!

郭晉安真係扮咩似咩...雖然個角色又真係奸得滯 (即係我覺得無必要咁喪盡天良...通常d奸人有d位又會ok好o架嘛, 例如對家人好好, 或者唔忍心殺死自己心愛的人o個隻...)

11:02 上午  
Blogger 芒姐 said...

Nilly,

今集好似訪問d是非精如袁彌明o個隻就真係無咩興趣睇, 以佢呢幾年俾人o既印象, 就算佢爆d料係講真話, 大家都會覺得佢係為爆料而爆料, 興趣不大..

上一集o個d唔係好紅o既嘉賓但反而ok呀, 唔洗佢爆咩料但講番d趣聞都好! 翁嘉穗李明慧應該唔會肯做呢d o野啦...其實大部份出名o既港姐應該仲同無綫有約或關係良好, 唔會為o左上呢個節目而冒呢個險囉...

11:06 上午  

發佈留言

Links to this post:

建立連結

<< Home