10-11(sat) 梅姐
原來尋日係梅姐生忌, 唔係睇到深夜o既“無間音樂”有“梅艷芳之夜”都唔知道…好彩無miss到…好好睇! 亦都原來梅姐不經不覺已經離開o左我o地將近5年…但佢o既地位真係無人可以代替! 睇番佢d mv…香港真係無一個女歌手可以有佢o個種壓台感同攝人o既魅力!
oh why why tell me why…同場加映少女年代江欣燕, 陳雅倫, 羅明珠&戴蘊慧…好經典啊………
仲有o個d大shoulder pad…真係八十年代的一大特色…
不過我最鍾意都係呢首…
o係煤氣燈街拍o既"煤~氣~燈~不禁影照街裡一對蚯蚓…”
成個mv都好型 (其實係個個mv都好型)…d動作係每一個成長於八十年代o既小朋友都會識做o既…經典到呢!!!
呢首都係我好喜愛o既…
慢歌呢, 我就最鍾意呢隻…睇埋劇中畫面仲正…
posted by 芒姐 at 10:00 下午
9 Comments:
其實系生忌……死忌是年底……
好難可以忘記梅姐, 果種才華、器度、風範同壓台魅力, 由佢出現、離開直到今天, 都再搵唔到第二個, 佢係永遠嘅樂壇天后。
對, 死忌是年底, 2003年12月30日, 那一年, 天王巨星好似排隊一樣咁走下又一個, 走下又一個……
"Heung Sing Long Ji" is one of my favourite when I was small...
Leng Mui Ting
oops, sorry! 我連copy自己facebook都可以copy錯, 真係老朦O左添...仲要前後矛盾, O岩O岩話係"死忌", 跟住又話"離開o左我o地將近5年"...真係亂晒籠, 唔好意思!
我都記得梅姐死忌係12月30日, 好記得係一個禮拜二, 係我O岩O岩做TRAINEE O個年...O個日返到工大家聽到個消息無晒心機, 但又好多O野做, 因為要趕起1月1日放假前清O左某D O野, 所以好深刻!
2003年有好多夥巨星殞落, 尤其係八十年代歌壇巨星...
http://hejnom3.blogspot.com/2004_01_16_archive.html
O個時話..."o個日睇勁歌, 一開始o個part例牌又有o個d回顧過去一年去世歌星o既環節…我同阿媽講, 2003年真係好邪, 有咁多人死…跟住我諗o下諗o下, 記得o係十年前o既1993年度頒獎禮上, 亦都係有好大part o既時間用o左o黎做呢d懷緬節目…跟住諗起原來家駒同埋陳百強都係o個年死o既…好恐怖呀!
原來邪o既唔只係2003年, 而係有3字尾o既年…好…邪…呀…! 對唔住, 我知我唔應該o係呢度導人迷信o既…但我的確覺得好邪囉!"
leng nui ting...你做咩變O左"O靚妹婷"?! 哈哈!
芒姐覺唔覺得"與敵同行"裡的kelly好似紅太陽劉彩玉姐姐? 之前睇"法證2"已經覺得佢似, 估唔到呢套個look仲似, 直情兩姐妹咁!
匿名,
你係指女生宿舍個macy? 係有d似, 但佢靚d, 不過我又會buy劉彩玉姐姐多d...哈!
發佈留言
<< Home