10-3(fri) 少年四大名捕
既然大家都叫我要睇o左呢套先, 咁我都順應民意睇o左“少四”先再追番”與敵同行”! 即係咁, 雖然我一向唔buy古裝, 但呢套睇落都幾ok, 可能因為d人我都ok buy…“少四”o個“四少”ok呀, 係d女主角弱o左少少, 不過我都好落力咁去接受! 要再講一次, 阿嘉美徐子珊其實真係比起幾年前靚o左好多, 尤其呢套無咩其他靚女同佢比較, 咁樣會好d! 佢做呢d溫婉o既角色係有d唔配合, 不過演繹都算可以接受…但佢咬字真係好有問題, 應該改善下, 同埋我都係覺得佢同馬明襯d…可能因為佢o地成日都情侶檔! 不過今次咁配搭都有d新鮮感!
李詩韻其實做戲算係ok o既…前幾年作為新人仲好d添 (當然, 因為佢已經做o左幾年戲, 對佢o既要求亦相應地提高), 不過佢d廣東話真係…亦都需要訓練o下發音! 頭一兩年都可以接受, 但5年都仲係咁就有點兒…!
至於四個男主角…上o左位之後罕有地擺埋o係一套戲, 都有d吸引力! 尤其呢套係有少少古袋兄弟情o個隻…至於d金田七式查案…我就一般啦, 有時fast forward睇會開心d!
林峰的確係古裝扮相英過時裝…佢文質彬彬咁, 係更適合古裝…難怪當年我呢d唔鍾意睇古裝劇o既人, 睇完“再生緣”之後都好buy佢做o既皇甫少華! 同埋其實佢o係第一套做第二男主角o既古裝劇“尋秦記”個look都唔錯, 作為新人o黎講演技亦算係十分ok添! 其實如果要俾個視帝獎佢, 我寧願俾呢套好過管家仔…管家仔個角色婆婆媽媽咁, 其實真係唔係咁討好!
陳鍵鋒做呢d懶皮角色, d人覺得唔適合, 我又覺得算ok喎, 加上佢口才了得, 嘴jel jel咁, 都幾o岩! 佢同林峰o既角色, 就好似o岩o岩同佢o地o係“律政新人王”裡面o既角色性格相反…大家對調o左!
至於馬明, 都係一貫水準…角色都算討好, 所以都唔錯! 阿唱k又真係唔知由幾時開始跌o左落谷底, 完全爬唔番起身, 無晒神彩…雖則話佢o係呢套戲係要演最cool o個個…但真係同以前個勢好唔同…好似變成“少四”裡面排第四o個個…不過無綫都待佢不薄, 仍然俾佢憑呢套劇提名台慶“我最喜愛男主角”, 反而陳鍵鋒都無份!
睇到呢套劇o既“叔叔”林嘉華, 深夜再睇番“新變色龍”o既“o靚仔”林嘉華, 真係卅年人事幾番新…兩套戲同期播o既感覺真係幾得意! 仲有, 居然連譚小環都無啦啦做o左auntie級…真係歲月趨人!
商天娥o係“與敵同行”又再次要做同佢差幾年o既男藝員o既阿媽…真係可憐! 今次o既鄭嘉穎都後生過郭晉安少少o既, 至少郭晉安係我小學年代已經睇佢, 鄭生都係中學年代先出道, 不過兩個拍埋又真係差唔多大…男人真係kum老好多…仲要老o左反而仲有型! 都話男女從來都無“平等”o架啦!
同埋, 真係有咩可能搵“天幕下”個大家姐何綺雲做鄭嘉穎個妹? 佢又真係無忽似喎…個樣好似大佢好多咁!
嘩! 睇台慶宣傳o個套大製作"珠光寶氣”, 好似真係幾勁咁! 卡士好掂喎, 不過有一大半係同“家好月圓”o既cast overlap…我好似又見到阿凌B同于素秋…你千萬唔好話我聽佢o地又係做一對…唔該唔好再延續佢o地o既”朱元璋之戀”呀~!
呢期報紙除o左kelly婚禮, 捕蛇行動, 江若琳day day喊之外, 就係台慶頒獎禮…雖然係人都知呢d頒獎禮係一場遊戲一場show. 但作為一年一度o既盛事, 當然大家循例都要討論o下...但又唔洗睇得太認真! 我唯一唔明o既係…楊怡點會仲有份角逐“飛躍進步女藝員”?! 佢都已經唔係o個個level, 佢都話佢自己差唔多十年前已經提名呢個獎, 仲要03年已經攞過同一個獎…點會到依家都仲提名呢個獎o架…無綫d機制都亂晒籠咁o既…!
posted by 芒姐 at 11:03 下午
41 Comments:
佢o地真係要做一對
仲係鍾家欣追宗澤
四大名捕, 其實個劇情真係一般般...不過四小生點都值得睇下既, 而且佢地都做得ok.
林峰係做得好, 不過個人覺得無咩驚喜, 無大突破, 不過都叫做好過"家好"架啦.
馬國明就最穩陣, 個角色老老實實同佢本人一樣, 做足本份, 不過就真係有點兒悶.
陳鍵鋒個角色應該係四個之中最搶架啦, d輕鬆位落哂佢度, 戲路算係有突破, 唔再做斯文小生, 不過聽聞戲份cut左好多.
吳唱k睇落佢d戲份好似仲少過陳鍵鋒, 另外我覺得佢個樣好似滄桑左(成熟左??)...佢個角色做左十集都唔知有無十句對白...不過放逐左一排, 對眼無以前咁死魚, 都叫做有d進步啦.
呢套劇我諗做得最好係選角方面啦...
林峰做呢d公子真係幾入型入格, 可能佢本身都係一個公子啦, 哈哈.
馬國明根本做緊自己, 平平淡淡, 與世無爭, 雖討好但唔突出, 同林峰"管家仔"一樣.
陳鍵鋒又估唔到佢都做得幾生鬼, 同平時既角色都幾大分別.
吳卓羲今次低低調調反而仲討好過平時, 個角色夠哂簡單, 淨係用對眼講野, 呢個角色我諗對佢既演技都幾大幫助, 好過成鬼日都做一d吃力不討好既衝動死o靚仔啦, 見到都憎!
徐子珊俾我既感覺就係完全無古裝feel, 不過呢套女角就只不過係四位主角既陪襯品者, 唔多講啦.
呢排見黎見去都係家好堆人咁, 四大名捕有嘉美管家仔, 珠光寶氣又有凌b于素秋荷媽, 雖然唔係對佢地太反感(除左豬腳薑), 但係都唔洗見到咁密掛?
不說角色，我反而疑惑的是那首主題曲：
是四人合唱嗎？
我在網上找過歌詞，但聽來好像只有林峰唱，其實其餘三人有沒有唱？
re: 其實其餘三人有沒有唱？
有呀, 你聽真d就聽到架喇.
少四我覺得又真係唔錯wor...
林峰呢套好過家好...我唯一唔多鍾意就係佢成日壓低自己把聲講野...
馬明.,,最多戲份,,,但發揮唔多,,
陳sam苗...幾好笑..最搶..但誇左少少.
ron ng...我覺得佢今次已經有好大進步..起碼識得用眼神做戲..又真係做到幾型咁,,cool cool地..
總體黎講..我鍾意少四多過與敵..
"少年四大"真係好好睇.林峰個公子look好鬼靚.幾乎全無肢體語言只用眼神做戲.其實佢不嬲唔適合演群體戲(家好之類),佢嗌交唔夠人大聲又唔聶位搶戲.
佢最拿手係自己一個人演嘅內心戲(溏心1呀媽死&自己死)"少四"啱晒佢.人小小,雲南山明水秀,古裝慢幾拍等佢慢慢只用對眼做戲.比"管家仔"出色多多聲.可惜"少四"呢類劇唔會令佢攞到獎.
吳唱k呢次的確進步咗.不過佢"少四"裡面明顯排第四.見佢老友掛第一.唔知會唔會 hard feeling
溫哥華匿名人
呢套唔計造型靚仔我buy陳鍵鋒，算叫有ｄ突破唔係冷靜斯人角色，唔知點解形住佢本人其實都係果個幾ACTIVE同埋轉數都幾快有小聰明既人。
反而唱ｋ我唔太feel到佢個進步.. 同埋唔知關唔關佢個造型事呢!? 成個人好似漲左同埋好殘樣咁。如果係造型既問題咁今次都幾成功因為望住佢唔會記起佢果ｄ衝動角色同埋果股學警年輕衝勁。但，佢真係似四個中排第四囉..遲d會唔會有返多d對白?
btw. 呢套野雖然女角係陪襯.. 但點解會真係搵d完全連名都醒唔起既女仔做既（除徐子珊＆李詩韻）... 真係陪襯feel得好緊要喎 -_-"
原來珠光唔止有荷媽凌B同于素秋
重有亞卡添（重有冇其他?）
哈哈家好再續未了緣呀
其實"與敵同人"幾好睇, 個人覺得好睇過"少四", 至少"少四"如果miss左一兩集, 我唔會bother上網睇番, 但"與敵"我就一定要追番。同埋完全唔關d男主角事, 純粹因為"少四"較悶, 無乜追看性, "與敵"就相對幾緊張, 又有少少懸疑。
sorry, 係"與敵同行".
少年四大名捕好好睇呀！尤其選角正確！佢地都做得好好！
林峰首先古裝扮相一流啦！無情公子好英好型好靚！無情d性格我都好鍾意！林峰眼神運用得好好，好鍾意睇佢d眼神！
鐡手我都鍾意啊！正直不阿，寬厚待人。馬明都做得好！
陳鍵鋒真人真係"幾ACTIVE同埋轉數都幾快有小聰明既人"，所以我覺得佢好啱追名。而且以前都冇見過佢做呢d調皮角色，幾新鮮！追名好得意好搞笑，我鍾意！
冷血對白不多，反而對ron有利。佢之前跌晒都皆因捧得太勁但演戲跟唔上，今次見佢用眼神做戲，覺得進步咗好多！其實將佢冷卻一段時間再慢慢升溫過，係正確既做法！
徐子珊呢套戲古裝扮相好靚！而且演技都唔錯！我之前睇家好時已經覺得佢做嘉美做得唔錯，今次做醫師仲覺得討好添！有好大進步！我由以前討厭佢，變到依家接受佢！相反鍾嘉欣由始至終我都勁唔buy！好討厭常在心同于素秋！
李詩韻我都ok架！開頭我都係唔鍾意佢既，不過睇完"布衣神相"，覺得佢演得唔錯，角色都幾討好，所以對佢有好感喇。
另外兩個女仔係新人，雖然我到依家都依然唔記得佢地叫咩名，不過起碼認得個樣，已經算開咗個好頭了。女仔少先容易記得嘛！
唔唱k比人放逐左排! 仲唔醒定d咩! tvb對佢都算係咁架啦, 咁耐都未放棄佢...我都覺得佢今次轉行低調路線反而討好過以前...個角色擺到明係度身訂做俾佢, 一味扮cool, 而佢做得都ok, 起碼唔會明顯地比其他幾位比下去先.
可能係因為佢成年都無出現過同埋早排重播衝上雲霄, 依家對佢又真係無咁反感!早幾年佢成日出現, 仲要唱埋歌真係對佢無好感到極點阿!!
但幾個月黎不停見到林峰，我開始對佢有點兒fed up 喇，仲有點解佢咁有錢，但係平時著衫著得咁怪咁嘅？好似上次勁歌果次，件衫好騎呢！
鍾嘉欣本來幾討好，但經過"家好"日喊夜喊之後，我實在怕左佢！
徐子珊就... 我以前從來都唔覺林峰同馬明好戲，不過一拍埋徐子珊度，我先猛然發現原來佢地做戲做得咁好！如果徐子珊都叫做戲掂的話，咁隨街都係出色戲子！其實點解佢唔轉去舞蹈組？
造型問題?年紀大咗?演技好咗?
"少四"個冷血,絕對同"衝上雲霄"個 Issac,簡直完全兩個人
溫哥華匿名人
無情張輪輪椅好屈機
題外話
ron冇比人放逐到,,係去左內地拍劇...呢套劇係ron拍少四個陣已經搵左佢..仲特登等埋ron拍完少四先開套劇...個套劇既班底係好強..未拍..已經比中國各個電視台買哂播影權..咁好既機會..點算係放逐呢??^^
套戲係生死諜戀,,,ron係進步左超多...連我呢d都唔係好信個個係ron...
有興趣既朋友可以去土豆到搵黎睇睇...
ron fans
好期待珠光寶氣啊，更期待芒姐到時嘅comment！！！不過我想講哩，其實珠光寶氣同妙手仁心overlap得仲勁啊，不過係1 2 3加埋。有henry林寶怡啦，anson邵美琪啦，jackie ADA CHOI啦,francis 黎姿啦，仲有黃德斌啊，佢好似做過黃紀瑩嘅老公咖。尋晚TVB嘅special，咪有“珠寶”主角小生花旦行catwalk嘅？8個入邊就有5個重複啦，未免太巧合喇！
少年四大名捕我冇睇啊。因為我不嬲都唔鐘意古裝，節奏太慢，但林峯個look真係掂啊！超靚仔！其實大家有冇對比過佢而家同初出道（namely 尋秦記，流金歲月嗰時）個樣啊？唔同咗好多咖。大家覺唔覺？
BTW,都係唔buy 徐子珊，就算偶像芒姐贊佢靚都係buy 唔落。Sorry!
nilly,
林峰整過容已經係一個公開的秘密, 不過做娛樂圈的, 整容也是無可厚非, 不是什麼大新聞吧。
我也不buy徐子珊, 真的正如你所說, "就算偶像芒姐贊佢靚都係buy 唔落。Sorry!", 亦正如anti-徐子珊所說, 寧願她轉到舞蹈組發展。
嘩! 估唔到大家對"少四"咁熱情...反應咁熱烈!
一下子咁多COMMENTS唔知點RE...
首先, 大家太客氣...千萬唔好稱我為"偶像"...愧不敢當!
即係咁, 我覺得徐子珊係靚O左[好多], 但作為當家花旦絕對唔算靚...個人觀感! 同樣地, 我認同大家講, 佢演技係進步O左好多, 但我依然唔明點解佢可以攞咁多獎...同樣地, 個人愚見! 不過整體觀感比之前好O左...但佢依然係久缺觀眾緣!
nilly,
除O左"珠光"VS"妙1,2,3", 我仲想講其實呢個班底令我諗起92年O既"龍的天空"(因為有荷媽, 黎姿同埋邵美琪), 同埋93年O既"天倫" (因為有比較耐無劇出O既關禮傑, 蔡少芬同埋黎姿)...wahaha!
林峰個樣比起初出道的確係唔同O左...咁呢樣佢個人喜好啦...轉捩點應該大約係04年"天涯俠醫"O個套...坦白講, 我覺得佢真係無需要整, 本身都好OK, 我PREFER佢以前個樣, ESP. "律政新人王"&"再生緣"個樣多D添...依家個鼻太高, 同埋塊面好似細得滯...以前黑黑實實幾討好...當然依家仍然好靚仔 (尤其認同大家講佢個樣好公子)...
NILLY
亞卡陳豪好似都係妙手架係咪呀?
嘩. 真係勁overlap XD
"少四"主題曲係"四少"合唱...不過其實我唔係太聽得出邊句係邊個唱...:P
D女角又真係太陪襯FEEL...除O左徐子珊同李詩韻外, 另外邊個算係女主角我都分唔清...有一個好似係美少女廚神喎...但我都係搞到亂晒, 名都未分得清...
其實劇情-WISE係"與敵"精彩過"少四", 不過有時略嫌太HEAVY, 睇得人好辛苦, 但劇情同演繹真係"與敵"再精彩D...呢個禮拜睇番好幾集...幾吸引...下次再講!
RE: "珠光"VS"妙手"...
仲有陳鴻烈添...
因為監製係戚其義...他的既定班底嘛...
其實珠光寶氣O既班底，基本上係《火舞黃沙》+《金枝慾孽》~~O個晚睇台慶開幕，佢地行CATWALK，林BOWIE無喇喇攞個電話出黎扮聽o個下，笑爆咀~~
AND...始終唔明點解有人堅持唔BUY徐子珊，不過呢D個人喜好啦，正如馬明之前我覺得佢唔多掂，而家覺得佢進步左好多~~有D野，要放長雙眼睇o既...
反而我想講下田蕊妮，不嬲都覺得佢做戲ok，以前睇亞記的《美麗傳說》，覺得佢好正架~~點解無線要佢同林嘉華做一pair架？
另外做《少四》入面凌小刀的叫龔茜彤，又係o個d咩千金小姐o個咋啦，佢d戲唔多掂，成日諗「呢個角色如果係唐寧做，唔知會點呢？」其實阿「江麗娜」唐寧係咪冇o係TVB喇?
最後想講台慶，睇雜誌話可能會俾戈師奶阿姐攞，千祈唔好囉！反而最有興趣想知邊個攞飛躍~~
Re：徐子珊
唔buy咪唔buy囉，冇乜點解，學你同芒姐話齋，個人喜好jeh，天王天后都一樣有人buy有人唔buy啦，無須太執著，可能徐子珊自己都睇得好開呢~
聽說妳是壹位出名的評論人，那麽我至少覺得妳應該不是盲從和跟風的那類人。妳是憑什麽肯定林峰有整容呢？因爲妳覺得他有不壹樣，那麽他就壹定有整容過？他哪裏來的時間去整？妳知道他有多忙嗎？八卦雜志的東西壹向不可信這點妳應該很清楚。妳開了博客，給所有人看，那麽妳就應該清楚妳的話會誤導大衆！請妳對林峰和大衆都公平點！收回妳沒有證據的話！謝謝！
To 匿名人 in the 30th comment:
說"林峰整過容已經係一個公開的秘密"是我, 不關芒姐事, 芒姐好像沒有說過林先生整過呀!
如我的言論令你不安, 對唔住, 我收番, 無謂搞到芒姐丫。的確, 根據普通法精神, 舉證責任不在被指控的一方, 如果我地無真憑實據證明到林峰整過容, 咁林峰事實上又真係無必要證明佢整過容嘅。都係果句啦, 我無證據證明佢整過, 有與無, 只有佢自己知。為此, 我收番晒之前有關佢整容嘅言論, 並鄭重咁向你同林峰先生道歉, 對唔住, sorry晒!
To 芒姐:
搞到你添, 真係唔好意思!
芒姐一向buy林峰，都話佢整過容！
哈, 又係噃, 冇證據證明佢做過不等於佢冇做過. 不過其實有與冇都唔係咁緊要啦, 反正都係靚仔一名, 同埋整容又唔係咩傷天害理的事, 至少作為峰迷的我唔介意先啦, 係唔係?
but we're not in the court, and no evidence is needed for this sake. we believe our eyes. our eyes are the strongest source of evidence.
林峰真係惹火人物。 我想呢個話題有咩咁值得講足咁多年，唔厭架咩？ 不過人地係都鍾意拎呢個話題出黎講，未由得佢地講囉。
觀眾同大部份林峰fan都唔係盲嘅，林峰fans理應比普通觀眾更清楚佢有冇整過。 觀眾緣同實力唔係話你整靚個樣就有，總之唔好因為偏見去抹殺一個藝人嘅實力同努力，講完！
hihi! 大家冷靜D先...take it easy, man...relax!
呢排比較忙, 無咩時間逐個留言回, 但見到大家咁"激動", 一次過回一個, 講完一次唔會再講, 否則沒完沒了...
其實只係好小事, 大家的觀點與角度問題...大家亦唔需要咁激動...其實我同大家一樣都有發覺每次有關林峰的ENTRY都會特別多回應, 無論讚佢或彈佢咩都好都有人不滿...當然我有我O既觀點, 亦唔會容易受人影響 (認識我的人, 都知我真人是寸得可以, 無人可以影響到我...呢度O既我, 已經係最mellow O既我...haha!), 即使係我好喜歡O既藝人, 亦唔會係咩都好晒O既…而且個人喜好觀點與角度從來都係主觀, 有咩可能話做到完全中肯呢? 盡量balance啦…你鍾意我唔鍾意, 你覺得有我覺得無, 呢D無O野好拗, 我唔需要游說你, 你亦唔需要游說我去接納你的觀點, 大家禮貌地發表意見咪算囉…
亦因為每次寫完關於林峰的題目, 呢度都忽然變成一般的偶像討論區引發小形"罵戰” (可能真係因為佢紅, 同埋可能因為有朋友將呢度轉貼O左去佢O既fans site…然後有d die hard fans又會走入O黎鬧呢樣O個樣…所以請各位有心fans下次都係唔好轉貼喇…:P), 所以雖然我幾buy林峰, 但我依家每次O係呢度想寫關於佢O既O野, 都會有一定的hesitation, 因為彷彿寫咩都唔O岩 (當然其實我又唔係太care, 但係費事每次大家都引起”罵戰”然後我又要回應一輪…真係無咁好心機, 寧願寫少d瞓多d)…呢度已經唔會可以好似以前咁暢所欲言, 所以寧願私下同某D”志同道合”的朋友討論免卻麻煩…
至於有無整容…真係咁重要咩? 點解大家take it that negative? 同箍牙拉面皮無咩太大分別, 我唔會做但你做我又唔會反對…又唔係咩傷天害理的事, 自己對自己容貌有要求, 尤其係藝人, 你應該欣賞佢O既勇氣添啦, 你估唔痛O架? 成都話呢個世界無醜O既人, 只有懶O既人…當然, 有同無我覺得又真係無需要去認或唔認…正如藝人有無拍拖係咪玩地下情, 做咩要向大家交代?! 但你隨便猜度又無妨…唔係佢O地邊有新聞價值?!
至於我O既意見就只係我O既意見, that’s it…當然唔會100%肯定…我係覺得佢個樣唔同O左, 你係覺得無唔同喎…so be it! 除O左當事人有邊個可以100%肯定? 又唔係辯論, 唔需要正反雙方去舉出雙方例證…我諗當事人都唔覺得係咩一回事…香港人…輕鬆D啦!
好! 一次過回應完喇…要去瞓覺! everyone, have a good nite! Sweet dreams:)!
(題外話)
本身都OK鍾嘉欣, 但係真係唔係咁頂得順佢不停出場既洗腦模式!珠光好似係今年第4套有佢啦...唉, 有靚樣都死啦
睇左四大名捕....
講真d劇情真麻麻
小學生既智慧,低能到死
不過睇四位靚仔都ok
我本身最buy馬明
四個中佢最正路
不過今次馬明角色太普通......
我諗如果佢做追命會好好多
好似MK sun咁,其實馬明handle得好好
陳鍵鋒做追命都唔錯,不過有少少誇張
唔太自然,同埋佢個feel太斯文,有d格格不入
林峰做無情最正係個造型,白衣look好型
而且佢都做得唔錯,成套戲最搶係張輪椅
我d朋友睇完少四對張輪椅最大興趣....
oh no...please don't stop expressing your comment on raymond lam fung. it's none of our business whether facial surgery has been done or not. we must value our hk artists who can perform well.....
真係應該道歉嗰個係我。因為係我先講“峯個樣唔同咗”呢個話題。不過講真我真係冇評論佢咁樣做啱定唔啱嘅本意！就如同之前我問芒姐無線係咪真係要捧佢咖，次次擔正嘅角色都出唔度嘅？？？只不過有疑而問啫。
睇度芒姐寫“呢度已經唔會可以好似以前咁暢所欲言”真係有啲心酸。希望大家化啲，嗰啲係公眾人物，唔係你阿爸阿媽，唔使咁肉緊，ok？
TO 芒姐：
有冇睇atv“選美風雲”？我睇度呢個theme好驚喜啊！我會集集追！不過第一集嘅嘉賓同內容好似有啲行貨，唔夠震撼喎！
Nilly,
“選美風雲50年”larp o左少少...錄o左未睇番! 又係我最鍾意睇o既節目類型, 所以一定會睇...我睇o左少少莫可欣訪問...都幾ok呀, 至少佢會揀一d無綫好少訪問的嘉賓! (當然, 其實係因為大部份都仲同tbb有約)
發佈留言
<< Home