2008年9月26日星期五

9-26(fri) 尖子攻略

嘩! 原來上個禮拜連 “尖子攻略”都大結局埋…我一路以為只係“家好月圓”大結局添, 原來呢套都話咁快完o左, 由佢開始做到做完, 我都好似未睇過咁 (不過錄o左), 跟住無啦啦已經做完o左喇! weekend睇番頭六/七集, 其實都ok, 又無d人講到咁差…咪好似“青出於藍”o個類學生劇咁囉…不過“青出於藍”有校園劇色彩d, 我會buy多 d…呢套又夾雜少少有線套“補習天后”咁, 諷刺o下時下o既補習歪風, 但o個套又拍得到肉d…呢套係“青出於藍”同“補習天后”o既混合體…整體o黎講都ok, 同埋歐陽波比+鄧萃雯我都buy, 所以都可以接受!

至於“基謹三寶”, 三個都算做得ok, 不過我會覺得梁烈唯做得比較好…但我真係唔明點會搵阿“o靚妹”李綺雯做o個個中五o靚妹角色, 佢雖然係叫“o靚妹”, 但佢個樣都真係一d都唔o靚妹囉…同埋真係無忽似勤力學生!

今個禮拜新上o個兩套“少年四大名捕”同埋“與敵同行”, 反而後者我散裝睇o左一兩集, 但原來呢套係唔可以散裝咁睇o既, 佢仲要跳來跳去講o下以前又講o下依家, 睇到我一頭霧水…我決定要weekend追番先, 好似都幾緊湊咁!

至於"少四", 我未睇呀...不過大家一向都知我唔多好古裝片…所以未必如大家咁期待…雖然o個四個名捕我都ok, d女主角我就真係一般喇...仲要呢排d劇o既主角重疊得好交關…無綫唔知點排陣?!

仲有, 套“搜神傳”點解好似播極都未播完咁?

Oh, 終於有朋友post o左成集家好月圓@JSG上網...推介臨尾阿慶帶領全體“家好月圓”主角做手語唱“分分鐘需要你”o既片段…阿fala唱得幾好…比我想像中更好! 仲有PART B一開始祥仔唱"男人最痛"都好得...不過其實佢唱歌不嬲都得, 唔係今日o既事...


(勁歌金曲-溏心風暴之家好月圓夜-A)


(勁歌金曲-溏心風暴之家好月圓夜-B)

11 Comments:

Anonymous 匿名 said...

哎呀,芒姐,我睇左勁歌個"家好月圓夜"喇。我覺得搵eason上去好怪啊,無啦啦要佢同套師奶劇既一眾演員jam歌,佢肯定心裡爆哂粗。我覺得呢d場合搵阿契仔李克勤會開心好多囉!

講多樣無聊野,上youtube睇埋part B,臨尾果1分鐘,胡蓓蔚同成班家好演員一齊唱歌。佢個one-length頭同動作,驟眼睇有d似嘉美,哈哈哈。

10:48 下午  
Anonymous 匿名 said...

其實梁烈唯今年都29歲架啦,仲大過林峰吳卓羲幾個月, 幾年前青出於藍又係學生哥, 依家尖子仲係做緊學生哥!
佢d戲又幾生鬼既, 我都幾鍾意, 不過我覺得佢無咩主角相, 又係嗰類有觀眾緣既綠葉囉.

11:24 下午  
Anonymous 匿名 said...

我上youtube見到有呢個,係呀fala唱果首tlak with me~佢唱英文歌都okay喎~

http://www.youtube.com/watch?v=-l-E8pIZaRE

12:15 上午  
Anonymous 匿名 said...

http://forum.8cyber.com/thread-14520903-1-1.html
there's one hour version for jsg

12:16 上午  
Anonymous 匿名 said...

米雪真係一開口就走音, 睇"家好"時聽佢唱"漫步人生路"已經覺得佢唱得好難聽, 點知原來佢唱咩歌都係咁, 以前以為料千fa, stephy姐走音走得勁, 原來紅姨仲得人驚!

12:25 下午  
Blogger 芒姐 said...

匿名,

米雪唱歌係麻麻, 但又唔可以咁比o既, 畢竟佢主打演戲, 又唔係做歌星...

2:00 上午  
Blogger 芒姐 said...

匿名,

thanks for the full version of jsg!

同埋阿法拉唱歌真係唔錯...好似好過阿嘉欣!

2:01 上午  
Blogger 芒姐 said...

匿名,

係呀, 梁烈唯都好似睇O左佢好多年, 唔知佢好彩定唔好彩喇, 個樣好似長唔大咁...不過佢真係無主角相, 無法!

2:05 上午  
Blogger 芒姐 said...

紙巾,

係啦, EASON的出現有少少九唔搭八, 其實O個集淨係"家好"演員都夠啦...反正每人都唱唔到一首歌 (半個鐘的翡翠台版本)...

2:07 上午  
Blogger Nilly said...

FALA嘅手語真係做得幾好喎,好soft好elegant. 唱歌都算ok,係啲尾音部分仲有少少鄉音囉。我之前miss咗JSG啊,喺呢度先睇番。

9:56 上午  
Blogger 芒姐 said...

Nilly,

agree, 睇得出佢下過一番苦功...今次真係"洗到底"...

6:18 下午  

發佈留言

<< Home