8-19(tues) 北京奧運之…你又大聲喇!
噢…不經不覺, 奧運已經去到接近尾聲…我比較鍾意睇o既體操同埋跳水都差唔到玩晒喇…後段主力o既田徑我又唔係太鍾意睇…反而依家最好睇依然係d現場蝦碌場面同埋d爛gag!
正所謂蝦碌年年有, 今年特別多…現場直播少不免會有d混亂o架喇…開幕禮o個日俾人大造文章o既蝦碌場面, 首推do姐之“你又大聲喇…”…講到好誇, 又話佢發火閙人…其實睇番又無咩o野o既, 只係大聲d, 可能正如佢所講現場環境真係好噪呢…同埋以do姐o既性格, 呢d所謂“鬧”我相信真係算好小兒科囉! 雖則係咁…呢段依然係幾好笑…仲有楊婉儀o個句: 哇哈哈…幾快番到o黎呀...! 跟住阿叻仲要廢到repeat一次…)
(do姐之你又大聲喇…)
睇完呢段do姐之“你又大聲喇…”, 唔知點解令我諗起呢段”流氓大亨大結局之so what...!"…wahahahahhahhahaha! 我記得do姐有一次訪問, 話呢場超過7分鐘的戲係萬子o既個人表演, 所以佢瞓瞓o下真係瞓著o左, 點知忽然聽到萬子大叫一聲“so what”就即刻醒o左, 但又唔敢郁喎...驚要萬子從頭拍過俾佢鬧死…超爆笑!
其實我覺得dodo姐俾萬子句“so what”嚇醒o左之後, 應該即刻彈起身大叫一句: "你又大聲喇..."呀嘛…wahahahaha! 又或者佢忍o左廿年, 依家終於忍唔到人咁大聲喇! :p
(流氓大亨大結局之"so what...!")
至於其他令人難忘的蝦碌, 當然要數上屆雅典奧運o既“方力申同葉璇互串”o個單o野, 過o左四年, 大家仲依然成日提起...不過其實上次已經講過, 睇番段片, 又好明顯係對緊下一part d稿喎…邊有人串人/俾人串仲要討論“跟住係你寸我嘛…”…不過咁樣播o左出街又係騎呢o既…!
(方力申與葉璇“互串”)
仲有, 要再次讚一讚劉璇真係做得好好呀…講o野好字正腔圓同埋個節奏捉得好好…好適合做主持! 尤其係搵佢做體操項目真係一絕…好有大師姐風範, 同埋佢好有face, 個個師弟妹都會俾面佢即刻第一個行埋佢度接受訪問…佢又會好大姐姐咁摸o下人o地個頭安慰o下或者鼓勵o下d師弟妹…問d問題又好appropriate, 講o野又好溫文, 態度恰到好處, 再加上佢有埋體操o既專業知識…又係得o既!
無綫搵到佢做主持真係今屆奧運唯一加分之處…但唔該無綫唔好再逼佢叫d體操選手們講: "我們就是奧運"啦...即刻肉酸晒, 搞到佢本人都肉酸埋...本來成件事攞滿分o架喇…依家要扣番! 希望佢o地餘下幾日唔好再o係度“我們就是奧運”喇!
其他o個d主持…真係不提也罷! 阿一級豬楊思琦小姐後期已經唔洗做主持, 只係被安排出去介紹o下北京d吃喝玩樂景點…但佢都可以講到口窒窒, 一句完整句子都講唔到…tvb都係安排番佢去做d有得NG o既項目啦…或者俾份稿佢背o左先得唔得?! 講到咁都可以出得街o既?!
至於d爛gag…詳情可以睇: 2008年奧運爛gag收集處!
posted by 芒姐 at 11:33 下午
9 Comments:
方力申同葉璇互串個段，我又唔覺係對稿wo講真 !!
你睇佢地又互指又剩，最重要係方力申個表情 !! 幾咁"懢介"!! 尤其佢好專登又浮誇咁揮晒手，好明顯係掩飾緊佢既措手不及~~
劉璇做得幾好呀,佢係運動員出身,本身係過來人知道邊d問題先係中point到肉
又唔會好似其他主持咁亂up廿四又用埋d只有香港人先明既"普通話"問埋d廢問題,搞到d運動員O哂咀.....
其實上屆葉璇做得都唔錯O架,除左流利既英文同普通話夠流利之外,應變能力同轉數好好過C琦妹,張嘉兒果D好多班
頭先睇到鄭裕玲同楊威,李小鵬佢地做訪問,DODO姐D國語都係唔算好喎,估唔到以佢既國語可以做到台灣金馬獎司儀....
連我老公都話睇奧運都係睇亞視好過
方力申講完"跟住你串我丫嘛"之後(帶點不屑/不忿的表情), 葉璇嘅口型似在說(有點茫然加無辜的表情): 我有串你咩?
兩人跟住仲指手劃腳咁...
所以我都唔覺佢地係對稿!
睇到依篇又要再讚下徐生!
咩叫成功無僥倖!
所謂專業‧奧運評述人徐嘉樂
【明報專訊】本地報章雜誌的體育版淪為賭盤，關注體育明星的緋聞甚於其技藝，運動的純粹性在娛樂化後，沾上令人目盲的五色，流弊在高度要求專業的奧運盛 前，表露無遺：開幕幾天，本地兩主要電視台已接數十宗對節目主持言論的投訴，埋怨搞氣氛的「金句」與賽事內容無關。但處收視弱勢的亞洲電視，評述人徐嘉樂的表現卻非常突出，不但評述多項運動排球、籃球、舉重、網球以至冷門如激流划艇，都評說得頭頭是道，快速閃現的身影中認人又快又準，更能細數家珍般講出運動員的身世、特長，惹得網上論壇一片讚賞之聲——也許是他跟隨運動選手同刻苦備賽逾四年的最好回報了。
自一九八九在亞視全職任評體育節目評述，徐嘉樂已有近廿年經驗，加上一九八○年進葛亮洪教育學院，至畢業要領六張不同項目的證書，當時已是香港籃球及排球代表隊隊長的他，本也不願再學，但後來也取了田徑、羽毛球等項目的教學資格。他加入亞視，仍以籃球與排球為專，至今評述賽事，接觸了三十多年主力也是男籃、女排，最新與最古老的戰術名稱可隨口說出。
又舊又髒的奧運天書
他向專而廣的轉捩點在上屆雅典奧運。他事後分析，雖只是評述現場表現，自己綽綽有餘，覺得大有進步可能，便向全職供職的Now體育台、ESPN提出，決心用了四年時間，跟賽事追蹤評述籃球、排球、足球等奧運三大球，凡舉辦格林披治大獎賽、NBA、CBA、世界女排大獎賽都參與，笑言這四年評述無數比賽，「做到殘晒」。他還要求節目邀請國家級的嘉賓，譬如體操，便由國家代表跟他一起評述，從旁偷師，講到專業名詞便摘寫下來，因此，當奧運出現如陳一冰、鄒凱等新臉孔，徐嘉樂也已很熟悉，至於原籍斯洛伐克的德國體操選手三十多歲仍然參賽只因兒子生病的辛酸史，也能娓娓道來，因為從他們出道至今徐嘉樂已經跟了三年。
多年評述，他去屆奧運便預知舉重賽事將被重視，因為每一舉時段短，才四分鐘，方便導演經常插播，也是今屆要保五爭七的國家「爭金項目」，更為觀眾留意。可是，此卻是沒人評述的真空地帶。因此，雅典奧運時徐家樂便特意到新華社，聯絡國家代表隊的米姓全國冠軍，隨他觀看集訓，請教如何觀察舉重、計分方法，以至選手出場時的步法、小動作的意思。他的奧運天書用了多年，又舊又髒，符號只有自己認得，寫滿「手腕翻握」、「上秤」等等專業名詞，然做節目時只放一旁，不用特意翻看，只以防突然失憶。他自言評述來很有信心，「因為內容是專家之言，通過我的口說出來」。
蒙雞髀獎感召
他的評述，其實由於運動員經驗幫助很大。
他自認為並非自小愛好體育，不過中一時進了排球校隊，得了一九七三年全港青少年冠軍，還得了「雞髀獎」，即最佳運動員。其實此獎不止頒予一個「最佳」，而是有十幾二十名得獎者，每人派一隻雞髀，「可是我們不知道的，你說我是最好，我就自覺好勁囉」。他的興趣便由此而生，一直沉迷，每天練習五六小時，倒也沒有影響學業，會考一優三良。
他後來加入香港兩個代表隊，從七五年至八三年的八年排球香港隊大槌位置、七九至八九年為香港籃球隊控球後衛，老資格令他成為兩隊隊長，參加了兩三屆亞運會、五六屆亞洲錦標賽。
然至今從沒產生過職業運動員的香港，當年代表隊成員只得每年三萬元津貼，平均一場比賽才四百元。他曾在小學教書，即使後來加入電視台，因為只是兼職，酬金也不豐厚，「就這樣十多年，也不知怎樣捱過。」
但他對體育專業的熱情，竟支持他不獨以專長的籃球、排球作愛好，為了評述賽事，其他的運動如網球、羽毛球，他是學校孩子的教練，美式足球也曾學打兩個月，連跳水也自己嘗試，直言十米高台「不行」，教練鼓勵他多跳，他不肯，「只樁兩次，人都驚」，彈板卻是可以做出前空翻動作的。「這讓我掌握什麼叫有眼動作、無眼動作，沒做過」。他練過體操，後空翻完成時，地乃雙眼看地面放腳，印象很深；可是跳水剛相反，做好前空翻，則望波光插入池中，才叫做有眼動作。「若只看書，很容易混淆了。」但親自體驗便分得清楚明晰。
他如今雖是以口部運動為主的專業評述員，但心底所持的，是運動員的意志。
文／鄭依依
本人不太喜歡徐嘉樂，但相比起無綫的Wendy，他又的確是超班。 Wendy 已經入行多年，她好像88年漢城奧運已經在報道奧運，但一點也沒有進步，還要問選手一些9不答8的問題，真是頂她不順！希望她沒有跟外國選手說自己是香港的記者啦，真掉臉！希望無綫不要再跟她續約啦！
Moo,
但係阿WENDY姐都幾好笑, 同埋佢有PASSSION, 最重要夠厚面皮嘛, 呢樣係做奧運主持的先決條件...成日肯"WEAR"爛塊面捉住D選手同埋扮同人熟嘛...哈哈!
匿名,
呢排真係有好多篇關於徐生O既報導喎...
匿名s,
我依然係覺得唔係真串...我唔排除佢O地平時會互"DAI"甚至互鄙, 但係我又唔覺得方力申作為一個男人會肉酸到如果真係俾人寸完仲要BOTHER去DISCUSS跟住係你串我定我串你定點...佢未必係好有風度, 但應該又未至於無聊成咁O卦?! 個人愚見啦O下...
張c奶,
今屆真係劉璇做得最好...無綫搵到佢真係得!
我同意上屆葉璇係做得好O架...可能大家覺得我BIAS, 但係OBJECTIVELY我都會咁覺得! 至少佢基本條件適合, 英文同普通話都得, 加上佢性格夠AGGRESSIVE, 同埋佢同WENDY一樣夠厚面皮, 又LUM到D選手...係做奧運主持最重要O既條件...同埋佢係聰明同轉數快O個批, 上屆無綫又係揀得好...可惜佢負面新聞多, 觀眾緣唔夠...D人可以唔鍾意佢, 但無可否認佢做奧運主持係做得好過好多人...
發佈留言
<< Home