8-8(fri) 08.08.2008
嘩! 終於等到2008年8月8日!
好感動! 奧運終於o係中國人o既地方舉行…個開幕禮比起想像中做得更好, 真係好勁, 好grand, 好靚…名副其實o既中國人的驕傲! 張藝謀果然係d有計! 我覺得今年個開幕式係咁多屆之中最得o個屆…你話有無bias呀? 唔排除有o既…作為中國人, 唔係無呀?! o係fb見到好多人睇完奧運開幕禮話"proud of being a chinese"...其實點解要睇完開幕先認同自己o既身份呢? 我從來都話對於自己係中國人呢個身份感到驕傲...不過遲到都總好過無到o既!
好啦, o係呢度都係唔好討論呢d咁嚴肅o既問題…講番兩台o既奧運節目先!無可否認, 點都係主力睇無綫o既, 呢d又真係無公平o架喇, 無綫收個畫面唔知點解都收得清d…真係無得講! 雖然亞視重金禮聘到香港o既奧運第一金李麗珊做主持…牌面佢當然得d, 但係口才方面珊珊就真係…搵佢做主持確係對佢同對觀眾o黎講都有d難度! 其他好似肥谷, 阿lo o個d都ok…袁彩雲咁多年仍然係有d口窒窒, 可能佢d中文真係太唔得, 又或者佢真係唔係做主持o既材料…反而無綫同佢差唔多時候出道o既楊婉儀…真係睇住佢一屆一屆咁進歩…96年第一次見佢主持奧運時…窒到呢! 依家真係做得幾好…即使佢中文都係麻麻, 但係睇得出佢進步o左好多…同埋幾有大將之風!
亞視好在有兩台之中算係最有經驗o既奧運主持顧老闆…不過無綫都有阿wendy姐! wendy姐雖然有時 (or其實係大部份時間) 誇張d同埋鍾意認叻之外, 有佢做主持都幾好o既, 佢發問問題時好鍾意同d被訪者懶熟咁, 又話n年前唔知咩場合又訪問過佢, 幾富娛樂性呀! 同埋最緊要o個樣係…睇得出佢好有passion囉! 今次開幕式佢又有份同do姐+克勤o係主場館做直播, 上屆都係佢帶住兩個新丁方力申同葉璇做開幕禮!
今年無綫其實都出動好多人手去搞呢個奧運, 又阿叻又do姐…都真係好dum本! 仲有我好欣賞o既克勤呢…佢做主持的確係有一手, 尤其係世界盃同奧運呢d體育節目! 不過世界盃應該仲好d, 因為佢真係有呢方面o既expertise…奧運我諗佢未必瓣瓣識! 不過佢呢隻莊諧並重我承認我係好buy o既!
至於方力申, 搵佢同李啟淦旁述游水項目又的確係o岩晒! 不過今屆再見到方力申又覺得佢其實有d慘…咁又四年, 佢除o左每屆奧運有得出o下o黎, 其餘時間o係娛樂圈都有d半紅不黑o既感覺! 00年悉尼奧運佢仲係以一個運動員o既身份被採訪, 之後一年佢就加入o左娛樂圈…上一屆奧運都仲叫做新新地o既藝人, 今屆佢已經入行七年, 但係除o左幾年前hit過o下一兩首合唱歌就無啦…都有d灰! 所以話…娛樂圈都真係唔係咁好玩!
當然, 今次睇奧運最驚喜係見番我好buy o既潘宗明囉…佢點解會返o左o黎? 事前我好似無聽過o既?! 最鍾意就係98世界盃o既佢…笑爆嘴! 可惜今次奧運好似見佢只係做夜晚重播時段, 黃金時段即使有佢都無得發揮, 真係大材小用…同埋今次再見番佢真係少o左d光芒囉…好可惜!
仲有, 居然連蔡康年都有份做主持…佢口材係ok, 但係形象就真係呢…無綫都幾包容佢d藝員, 成日都俾機會佢o地…都幾好呀! 仲有上次講過消失o左幾年o既 “o雪 o雪 o雪”蕭正楠, 居然又出番o黎…無綫仲力捧佢同其他上位小生花旦林峰, 廖碧兒同鍾嘉欣做“奧運四星”…真係令人費解! 但更難受o既係佢o地四個要去迪士尼同o個個唔知咩蜜瓜博士同埋尖嘴介紹迪迪尼o既迎奧運新搞作, 然後扮到好興奮…仲要o係開幕禮o個日穿插咁播…真係戥佢o地難受!
Oh, 差d唔記得o左上屆港姐冠軍張嘉兒…佢都有份去北京做主持, 我以為無綫已經無簽佢添!其實作為一個新人佢o既表現都不過不失o既…同埋佢上年俾人鬧到咁, 少不免都有d同情佢, 睇睇o下都覺得其實佢好樣o左好多…當然, 佢唔應該當選港姐冠軍仍然係不爭o既事實…不過人o地女仔人家, 又唔洗用d咁尖酸刻薄o既詞語去鬧人o地o既…我覺得由始至終佢attitude都幾好, 呢樣我欣賞!
今年無綫無咩好似前幾屆咁o係奧運之前整d介紹運動員o既特輯, 上次雅典奧運反而好似仲落力d! 同埋今次個口號咩“我o地就係奧運!”…未免囂張o左少少囉!
好, 睇多d再講!
posted by 芒姐 at 11:41 下午
27 Comments:
點解會欣賞李克勤做主持架?佢講既野空洞無內容,成日都話:真係好開心/佢地跳得好好/佢地真係跳得好靚等等呢d係人都知既野,一d客觀性informative d 既資料都無.又扮晒攪笑(註:係扮)人地問佢:克勤你點睇呀?佢話:我岩岩想叫你唔好問我點睇。
同埋佢好似睇比賽睇得過份投入, 經常忘記自己作為主持人嘅身份, 下下要人提佢佢先記得要講野!
張嘉兒has a bit of a hunchback when she sits down - not something I expect from a former Miss HK loh.
潛左水咁耐，出黎傾幾句先。開幕禮真的勁呀，睇到我流左幾次淚，一d都無誇張。太surprise，同埋無左d好娘既金色，好順腆，特別欣賞煙花，太正喇。身為傳媒工作者的我，無得去，都有d 可惜。同埋，芒姐你有無發覺，點解果開幕禮無吉祥物架呢???
至於主持，我都係覺無記好d，可能係先入為主的感覺卦，我覺得anna同keyman做得唔錯呀，特別係keyman好正。仲有，我d同事話方力申麻麻，但我覺佢拍住李啟鑒，其實做得唔錯，仲有搵劉璇訪問中國體操隊，很好呀，d 小妹妹見到劉璇雙眼放光，好好笑。
我覺得句口號「我地就係奧運」唔知點解好奇怪，總之就唔係幾鍾意呢。
我都覺得方力申OK呀唔錯，可能佢多講游水啦，咁游水Ｄ野佢熟，咁自自然就冇咁易出錯／講廢野。
我都OK克勤，雖然佢做前線都重係未夠搏命，但我自己對佢既表現都OK滿意 :)
哈哈其實叻哥都成日講爛GAG(都真係幾爛)，不過有時夜晚睇到累可以笑下都OK既:P
BTW. 張嘉兒我都估唔到佢會有份去北京做奧運!! 不過以佢第一次黎講都算係咁。反而比較下我覺得思琦妹比我想像中做得冇咁好，有時會覺得佢未PREPARE好就想訪問人呢。
i don't like 潘宗明囉… he doesn't look like he's well prepared.... all the time either mispronounces the athletes' names or says the wrong events... =_="
據估計今次奧運用左超過600億美金,多過一年軍費,係一年中國GDP既13%,比上屆開支多5倍.
咁奢侈既opening都應該有翻咁上下呱!
剩講opening網上讚ATV徐嘉諾讚飛起,一個打TVB九個都贏晒,特別係運動員進場個part, 完全表現到徐嘉諾作為體育字典既功力,見到運動員個樣就即刻講到佢既資料,背後故事,仲講埋佢的八掛花邊新聞,完全唔係背書讀資料既TVB可比.仲厲害既係連的政治野都搭到咀(例如講美國旗手故意搵左個剛入籍既蘇丹人,個運動員背後故事及政治含義係抗議中國等)
另外係運動員出身既港姐李思雅,係網上就比人插到飛起. 佢都做左體育世界一排,都仲咁差咩??
潘宗明 is there to train people like Yeung Sze Kei, Cheung Kai Yee...etc. He migrated to Toronto many years ago. He works (DJ) at Fairchild radio. www.AM1430.COM
He has a show from 3:30 pm to 5 pm, M - F. I think his show is one of the most popular ones in the Toronto chinese community. When you listen to his show, you can tell the audience like him a lot.
Daphne
看開幕典禮，運動員入場的時候，亞洲電視在左下角把每個國家的人口，地理位置，得獎牌數目都清楚的展示出來。然後就開始聽徐嘉樂開始8，從那一國出過那些個著名運動員，那個國家在運動方面的現狀，持旗手是誰，為什麼某國要選某些人做持旗手，8到人家的緋聞，還有那個運動員新換了什麼髮型，真是聽得我大開耳界。而且此人認運動員是一絕，只要曾經有一點點名氣的，不管是哪個個項目，此人都能認出來，還能8上一點資料。算是不錯~~
潘宗明好似03年,第一個在多市中文傳媒講多倫多有SARS,搞到多倫多死城咁,好多華人都多得佢唔少.
港姐三煞-李思x,葉翠x,張嘉x有幾大破壞力,大家真係嘆為觀止.芒姐favourite陸詩x搽到塊面一見發財咁,唔掂喎!
1996年Atlanta那屆,顧老闆同徐師傅互相單打餘五分鐘,唔知有冇人睇過?有link就好啦!
主持, 要 X 嘅主角絕對係嗰個陳百祥!
呢兜友以 okay 嘅, 而家越嚟越自我膨脹扮 Q 晒叉燒! 正一走火入魔! 佢辯駁話攪氣氛, 但我唔覺係噃!
另一個係林曉峰, 成個小丑大花面, 掙嘢講但鳩噏!
我同意咁多個主持中，徐嘉諾係最好一個，又熟書，又多瓣數，記性又好。阿叻就超唔掂，今日報紙寫佢講錯晒啲料，成日要人哋糾正佢，佢竟然同報紙話自己係特登錯，咁樣先莊諧並重，又話最緊要睇收視，收視好就得。咁都得？
其實我今年就真係主要睇亞視的轉播－－雖然梗係唔明點解呢台的畫面質素係差少少。
開幕式剛開始時都係睇無記,但係真係實在頂唔順主持人死背爛背的稿,以及講左等於無講的"旁述"。評述呢個實在係專業，唔係描述我都見到的畫面咁簡單，而係能夠tell me something I don't know，呢一方面，亞視（尤其實徐嘉諾）實在值得一讚！
兩台的主持都有講廢話，發呆，或者口窒窒，但係呢個情況似乎無記嚴重些少囉......
今次真係要睇亞視啦
徐嘉樂一個頂無線幾個百痴主持
自己專業的,自然水到渠成
不算專業的,不會認叻,與其它專業嘉賓一齊研究及探討
TVB果度,專業評判幾乎係無用武之地咁滯
無得傾,e排徐嘉諾(樂? 舊時係諾嫁! e+變左樂既?)紅到爆燈,人人都讚緊佢!
仲有楊豬皮,港姐四煞,問你點頂!
咩叫做紅?
兩個徐嘉樂 wiki entry都係新加既:
http://zh.wikipedia.org/w/index.php?title=%E5%BE%90%E5%98%89%E6%A8%82&variant=zh-hk
http://evchk.wikia.com/wiki/%E5%BE%90%E5%98%89%E8%AB%BE
依家連佢拍萬家燈火的片段都比人講翻!
同張藝謀以往的作品一樣, 今次奧運開幕禮真喺氣勢磅礴, 仲多咗一份清雅, 一份浪漫.
不過無線嘅的旁述真喺好吵, 除咗背稿之外就基本上冇乜實質資料. 而且, 睇完美國NBC嘅版本之後, 發覺人地美國人對中國文化的認識居然仲深刻過佢地…
體育活字典鎮京奧
男人斟：徐嘉諾26年鑽研最掂評述員
http://appledaily.atnext.com/template/apple/art_main.cfm?iss_id=20080817&sec_id=462&subsec_id=830&art_id=11486392
re: 徐嘉樂
嘩徐嘉樂呢期真係好紅喎...份份報紙都有佢, 討論區又激讚佢...原來佢有拍過"萬家燈火"咩? 真係唔講唔知!
re: 奧運開幕禮
真係好精彩...美中不足係後來揭發o左d假o野...尤其係傷害o左兩個小妹妹的幕後代唱事件...
re: 奧運開幕禮
真係好精彩...美中不足係後來揭發o左d假o野...尤其係傷害o左兩個小妹妹的幕後代唱事件...
re: 阿叻
其實佢咁多年o係奧運o既存在價值係近乎零, 唔知點解多年來無綫仍然要重金禮聘佢做主持...
re: 潘宗明
哎...阿潘今年奧運失去晒光芒, 又無咩發揮...真係令人失望! 九十年代o既佢都係tvb金牌台柱司儀之一...真係做到莊諧並重!
re: 潘宗明
哎...阿潘今年奧運失去晒光芒, 又無咩發揮...真係令人失望! 九十年代o既佢都係tvb金牌台柱司儀之一...真係做到莊諧並重!
re: 李啟淦/方力申/劉璇...
呢三位無綫主持+前運動員做得幾好...當然當中以劉璇最淡定同埋最恰到好處, 同埋真係因為佢o既face令tvb可以訪問到好多國家體操隊o既運動員!
re: 李克勤
我真係覺得佢主持得好喎...咁當然, 呢d又係甲之熊掌, 乙之砒霜啦...
發佈留言
<< Home