7-11(fri) 港台兒童劇
7-11(fri) 港台兒童劇
因為要research o下關於港台d兒童劇o既資料, 愈搵愈多精彩o野…一定要同大家分享o下!
港台最經典o既兒童劇…當然係王書麒同路家敏套“小時候”啦!!!! 三十年來拍o左n個version…但最好睇o既依然係七十年代o個套! 可惜當年我未出世, 不過後來重拍“小時候”, 都好似曾經有播番幾集, 或者係d經典片段啦…我都唔記得清楚喇! 除o左王書麒同路家敏, 當然唔少得佢o地個叔叔…即係依家深夜力追緊o既“變色龍”裡面o既鄺志立…潘志文!!!!!
(嘩, 依然忍唔住要講多次…“變色龍”真係好好睇, 雖然劇情係真係好老套, 但o個個年代係咁o架啦…睇戲又可以睇景, 仲有最緊要係有晒“歷史背景”…七十年代發生過o既大事都差不多有提到…我一向最鍾意睇documentary, 所以呢類型有埋“歷史背景”o既劇集我最buy…搞到我每晚捱更抵夜都係值得o既! 依家潘志文同o左余安安一齊…真係激死人! 馬敏兒o係呢套劇都ok慘…鍾意o左鄺志立咁耐, 但對方都唔知有無鍾意過佢一下?!)
Oh, 講番港台兒童劇先…八十年代中期o既“陽光下的孩子”, 大家有無睇過?! 首歌好有印象, 但套劇又真係好似無咩睇過…點解呢? 反而好記得“晴天雨天孩子天”喎!
晴天雨天孩子天 第9集 我的老師再見, 同學再見
嘩…原來呢個係張繼聰…真係唔認得佢…個樣都唔係好似o既?! 仲要把聲都唔同晒 (呢個當然!)…男仔變聲真係成把聲都完全唔同晒 (sorry, 呢句都係廢話)!
不過呢個節目幾好, 一開始打晒d小朋友o既名出o黎, 我認得叫溫子聰, 黎海量, 同埋何靈靈o個幾個小朋友個樣喎…原來”雀巢牛牛”個廣告都係佢o地拍
主要演員及角色：
張繼聰 - 芫莤蔥
溫子聰 - 洋蔥
劉國昌 - 爹哋
盧業媚 - 媽咪
李佩蕙 - 花花公主
林鵬鳴 - 班長大王
李亦平 - 小白菜(蔡如娟)
梁海量 - 穿梭機(麥樹基)
陸錦華 - 大牛龜(黎牛)
梁家怡 - ABC
何靈靈 - 蕃茄
區綺琴 - Miss朱(P.3C班主任)
譚天南 - 傻瓜恐龍(校工)
俥保羅 - 李志大(校車司機)
“親親孩子天”…呢個我記得!
o個時仲幾鍾意睇呢套o架…因為有好得意好得意o既小柏林, 仲有o係“今生無悔”做黎明個仔子洋o既英麒…兩個都超級可愛! oh...差d唔記得...仲有o個時仲係歌星身份o既林保怡做柏林仔o既爸爸...
主要演員及角色：
鄭柏林 - 陳柏林
陳思雅 - 家姐陳思慧
劉明傑 – 堂哥陳英傑
許英麒 – 堂弟陳英奇
林保怡 - 爸B陳大力
劉芊蒂 - 媽咪Candy
趙潤勤 - 大伯
胡美儀 - 大伯娘
譚倩紅 - 嫲嫲
黃翠華 - 姑姐
夏春秋 - 公公
謝月美 - 婆婆
d劇情好寫實, d小朋友又真係好得意…柏林仔真係超精靈, 仲有佢o個時o個把招牌沙聲, 不過其實我更鍾意英麒!
仲有呢首“柏林週記”o既歌仔…唔知點解我到依家都好記得?!
posted by 芒姐 at 11:12 下午
17 Comments:
到而家都好記柏林把沙聲, 家陣變咗鄭SIR lu.....
Mon姐有冇睇過新小時候呢? 黃書麒係對兄妹嘅爸爸
剛剛睇有線肥媽個"吃出傳奇"節目訪問黃翊(重播時看,但都是今個星期),見到他的樣子就立即想起mon姐早前才說起他,講他的大排檔,仲有個幾歲大的仔仔添,不過長頭髮成個女人咁 =_="
芒姐,吳震宇10/7上903吳君如節目個集好聽呀~佢講起當年拍衝上雲蕉既樹...不如你都聽下丫~
芒姐, 真多謝你令我又可以回想起小時候的事, 我超喜歡看這些香港電台的晴天雨天孩子天之類的...以前星期六日必追, 好正...因為D小朋友好可愛, 好得意..
泰美,
係呀, d小朋友真係超可愛...同埋以前即使d小演員都有童真d, 唔似得依家o個d咁老積, 反而無咁討好!
匿名,
我唔係netvigator用戶...無得聽啊!
笑哈哈,
係呀, 有好多朋友都話俾我聽我一講完黃翊, 點知就o係肥媽個節目度見到佢...真係邪! 可惜我又係睇唔到!
Vince,
鄭sir細個真係好可愛...o個集"小朋友早晨"都好好笑!
有呀, 大約9年前倒o既新小時候嘛...好似就係呢套成日剪番舊o個套o既片段所以成日有得睇番...不過新小時候相比起舊o個套係差好遠...係好遠好遠o個隻...
我都有留意下港台的兒童劇,其實都係留意d 主題曲多d,
以下的資料或者幫到你, 不過長氣左d, 希望唔好怪我班門弄斧:
參考資料:
當然有youtube,圖書館網站,
港台經典頻道:http://www.rthk.org.hk/classicschannel/main_tv_drama.htm
港台節目資料庫:http://www.rthk.org.hk/channel/tv/tvarchivecatalog/
其實去圖書館同港台都可以睇返好多港台節目.
特別推介:
經典情未了. 相識在童年
2003
在本集節目中，主持張堅庭和林超榮將與觀眾回顧多部港台精彩的兒童劇片段，並會走訪多位童星。77年《小時候》的路家敏、王書麒
，90年代的《柏林周記》的柏林仔固然是大家耳熟能詳的經典人物，另外80年代《好時光》、《陽光下的孩子》、《晴天雨天孩子天》
的眾多天真活潑小孩，當中又有幾多是你喜愛的角色？而幕後創作精英更會暢談拍攝兒童劇的箇中苦樂。除了兒童劇，港台多年來亦製
作了一系列有趣的兒童節目，如79年的《快活谷》就破天荒以兒童''做live''，主持現場直播電視節目。本集主持更會走訪曾主持《點
蟲蟲》和《小荳芽》系列等兒童節目超過十年的Harry哥哥，又請教應付細路仔的必勝攻略。
(可以去港台, 或者有多媒體工作站的圖書館睇)
下面係我記得/搵到的個別節目, 應該仲有其他:
小時候 (44集)
1977-78
港台的皇牌及經典兒童劇
http://www.rthk.org.hk/classicschannel/70s_tv_0004_13.htm
圖書館有其中43集,唔知無左邊集.
而家亦有一套5隻的dvd賣,但得39集:
http://www.hmv.com.hk/ch/product/dvd.asp?sku=33980
主題曲:小時候
電視版主唱:黃大仙兒童合唱團
另一個流行的版本由路家敏主唱
好時光
81-82
主題曲:好時光
唱:曾路得
陽光下的孩子
84-85
主題曲:陽光下的孩子
唱:麥潔文 亦有份演出,做主角的媽媽
93年陳松齡翻唱呢首兒歌,上兒歌榜同做兒禮候選歌,
可能芒姐聽過呢的係呢個翻唱版.
其實當年陳松齡咁多首兒歌,真係唔明點解無線要安排佢翻唱. (雖然當年好流行咁做)
晴天雨天孩子天
86-87
主題曲:晴天雨天孩子天
唱:張學友
親親孩子天
89
鄭柏林出道
主題曲:親親孩子天
唱:林保怡 , 亦有份演出,做主角的爸爸
我們是這樣長大的
90
主題曲:親親小手 (無線有拍兒歌MTV)
唱:鍾鎮濤
柏林週記
90-93
港台兒童劇另一代表作
電視播的主題曲:柏林週記
唱:關正傑,鄭柏林
另一首主題曲:問到尾
未見電視播過,只係O係唱片度搵到,主唱者都係關正傑,鄭柏林
CYC家族
大約93 (不肯定)
梁家仁演三女之單親爸爸,其中一個女係唐寧(江麗娜), 亦有鄭柏林
主題曲:萬個夢兒
唱:周慧敏,鄭柏林
乖乖不得了
96-97
單元劇
小時候
99
舊一輯的王書麒同路家敏O係呢一輯已經長大成人, 劇中王書麒係新一對兄妹的爸爸,
而路家敏就自然係姑姐,最後一集亦有潘志文出場.
另一特點係劇中加播舊版小時候的片段.
主題曲:小時候(99年版)
唱:陳慧琳,熊熊兒童合唱團
天地孩子
03
屬於戲劇創作外判計劃,係單元劇.
主題曲:孩子
唱:黃貫中
小時候
05
77年的復刻版,但故事同人物都係全新,同前兩輯無關連.
主題曲:小時候
主唱:好似係兒童合唱團
小時候 - 小小亞細亞
06
人物同故事源自上一輯05年版.
以下呢個MV真係幾得意的，芒姐你有什麼意見？
http://www.youtube.com/watch?v=bW86-rM1Sik
老孩子,
嘩! 好多謝你o既寶貴資料呀, 好詳盡! 你個兒歌網我有睇呀...極度精彩! 激讚!
匿名,
哈哈...其實首歌ok好聽喎, 不過個mv真係唔知想點...同埋阿鄧生真係一瞬即逝囉!
係呢，鄧生唱左咁耐都未比扎花人，我覺得右邊個女仔好無奈。
查實佢而家去左邊？？？
唔使客氣,希望可以有機會欣賞你的研究結果,若果到時o係邊份報紙或雜誌出,記得通知聲,唔該晒!
另外,多謝對我網站的讚賞,個網成日搬,其實係因為怕俾人捉,所以一直只申請用免費的空位,但就耐唔耐就俾人剷.應該係因為侵權被投訴,得罪網友或者流量太大(以前有歌下載時).
匿名s,
鄧生同佢個mv都係謎一樣...
老孩子,
即使你搬去邊度, 大家要search兒歌時都總會search到你個site o既...資料真係好詳盡! 多謝你為兒歌o既頁獻!
發佈留言
<< Home