6-23(mon) 變色龍
嘩…呢排每晚都好唔夠瞓…因為每晚睇完“衝上雲霄”之後, 居然直落轉台睇埋“變色龍”…真係癲o左!
其實“變色龍”重播過無數次, 但係每次睇少少都吸引唔到我再追落去…但係今之放o係呢個時段, 居然出奇地令我唔想瞓係咁睇, 連平時如果o個個時段未瞓會睇o下o既“娛樂直播”, 都好耐無睇過…都話呢個時段o既重播電視劇真係有一定魔力! 仲要一晚做兩集…搞到三點幾…每晚都唔洗瞓!
真係完全估唔到自己會追呢套劇...不過睇睇o下, 老套得o黎又真係ok好睇, 都幾有戲味! 我鍾意睇潘志文同馬敏兒o個段, 佢o地o個段其實仲有張之珏同魏秋華添…d對白真係老套得好交關, 幾攞命o下…但又真係吸引到我睇, 好矛盾!
我依家睇睇o下, 覺得馬敏兒除o左個感覺有d似陳慧琳之外, 其實個樣係最似黎萱…真係幾似, 不過佢後生d o者! 而蔡瓊輝, 就有d似關之琳…唔怪得知“再見狂牛”會安排佢o地做兩姊妹!
愈聽愈覺得首主題曲好好聽添…
變色龍 - 片頭主題曲
(變色龍 - 片頭主題曲)
仲有呢個“變色龍(片頭及第一至第二場景)”…可以睇番好多70年代香港o既景物…真係“光影流情”一樣!
“變色龍”@wiki
禮拜五仲直落睇埋之後o個套“鱷魚淚”…嘩, 亞視d戲真係睇一套已經可以認識晒全台演員…兩套劇o既班底幾乎完全一樣, 係多o左王偉同林嘉華等…不過”變色龍”好睇d! 但兩套擺埋一齊播搞到有d混亂!
(“鱷魚淚”主題曲…呢首又係經典!)
“鱷魚淚”@wiki
仲有, 我想講話原來吳唱k同馬德鐘o係 “衝上雲霄”個角色真係算幾討好…唔怪得知佢o地拍完呢套劇紅o左咁多…可惜依家兩個都人氣插水! 其實o個時阿唱k作為新人, 真係算做得幾好…難怪佢一炮而紅…但係之後…真係別怪他喇…!
posted by 芒姐 at 1:39 下午
29 Comments:
希望亞視播完"變色龍"之後，可以繼續播埋"新變色龍"同埋"97變色龍"，咁就Very Good啦!
(i-Joel 轉貼apple daily 14/6)
不要讓我在周末死去：變色龍
這篇稿是來遲了。近來亞視為了紀念劉志榮，在深夜播放麗的電視劇《變色龍》，每晚連播兩集；在此稿見街時，已播放超過20集了，現在才想起該寫寫此劇，這個溫馨提示，是來遲了。
撰文：卓韻芝
變色龍之龍
嘩！真是經典。甚麼是經典呢？話說我阿婆某夜下床夜尿，見我在看電視，不出五秒，就認出那是《變色龍》，隨即說：「唉，鄺志立根本係鍾意硯梅又……」——潘志文飾演鄺志立，硯梅則是魏秋樺——她直呼角色名字而非演員的名字，簡直成為本周城市驚喜；你得明白她70多歲人了，連開電視也不太懂，而這電視劇播放至今相隔30年了。結果她坐下來，把兩集全看畢。我笑問第二天同樣時間是否需要叫醒她看電視，她一聲：「不用了！」
變色龍, 我而家晚晚睇! 一晚播兩集, 正!
最正除咗好似妳講可以睇番以前嘅老香港, 我就最 enjoy 可以回憶番自己嘅童年往事.
翌夜，我深夜2時才回家（本沒那麼早的，為的正是要追看《變色龍》），甫進家門，竟見她在看電視！我大叫：「條城市驚喜仲唔訓！」你知不知道她怎樣回答？「嘩我正話幾驚呀，以為開唔到個電視」，哈哈超級黐筋。再之後一夜，她竟然在午夜12時就下床出廳等《變色龍》！哈哈你條死靚妹。結果她邊看邊釣魚，我命她立即就寢，至多我錄電視啦！她聽了點點頭，神情呆滯，形體動作卻依依不捨。
龍嘛，不死傳說。甚麼是經典呢？這就是經典了。能讓人為它捱夜，能讓人畢生銘記，作為一位創作人，筆下能出一套經典，無論往後際遇如何，不枉此生了。
開始時，我被《變色龍》所吸引，是因為它的畫面，真是靚到不得了。當中的每件家具，每項陳設，每套服飾，都經過精心設計，那堆傢俬，全是這年代的我們公認的經典，圓錐腳沙發、vintage 牆紙、一張過無接合位的圓 bar 高凳、鮮綠鍋釘真皮沙發……，最容易理解的形容，是「像在看 Aluminum 的 catalogue 」。那個年代沒有假 designer chair ，看見的，就是真身。張瑛的三件頭西裝、潘志文的鮮紫針織上衣和高腰西裝褲、劉志榮的大企領襯喇叭褲，馬敏兒的腰間綁布法， Carrie Bradshaw 可以參考一下，統統是經典。我不能夠想像，自己身處那個隨手都是 classic 的年代，感覺是怎樣的。鄧碧雲的服裝由萬邦（四海）贊助，我決意到四海做一套套裝，有聞老店仍在，位置是尖沙嘴警署對面。
變色龍之色
有日我若再回頭 笑望著人寰轉變
《變色龍》主題曲．曲：黎小田 詞：盧國沾 唱：關正傑
最有趣的，是那個年代對於顏色的敏感度。那時剛有彩色電視，拍攝人員銳意用畫面表現色彩，鄺志立家中的陳設，簡直彩到爆炸，美指在暗紅的神下，放了一部啡色的收音機（那木製收音機當然是另一經典，我看著自己電視架上的 Roberts Radio Revival，有點心有不甘），然後，你猜美指在收音機上面放了甚麼呢？哈！是一個鮮黃色的頭盔！（鄺家老父是地盤判頭，吳回飾演），頭盔旁邊，還擺放艷紅色的花呢！你想像一個鏡頭之內，暗紅．撞鮮黃．撞啡色．再撞艷紅，簡直是一鏡之內不見五種顏色誓不罷休。
此劇播放時我還未出世，惟有苦苦追問身邊前輩：那時山寨廠時期已過，製衣業起飛，也是經濟起飛前哨戰（《變色龍》一劇名，正正意指那個充滿機遇的劇變年代），「摩登」的概念入侵香港，就在時裝、家品、消費模式中，建立了西化概念的雛形。
那是一個色彩鮮艷的年代，當時香港人心中充滿希望……然後，我漸漸明白，我對這劇的嚮往，不只是畫面前的東西，也是鏡頭背後的香港動力；在未完全變遷之前，城市在震盪，到處都是 happenings ——這種時期的都市，往往最漂亮。正如人說一位導演最好的作品，通常是未完全 established 卻最有火的一齣。
變色龍之變
不過我最感覺詫異的，是人際關係的面目全非。劇中的人物關係定必反映當時社會，才能引起共鳴，及至成為經典。劇情中，街坊朋友會主動借錢給人（我阿婆也因此被騙過），朋友都是從小便認識，結婚就是一世，劇中對白是「只要未收到你結婚的消息，我一直等你」，現在的我們，會在MSN分手，也沒有街坊朋友。潮流、時裝、對美學的認知，30年萬千轉變，但人際關係，就只30年，就變到這個地步，這真是難以想像。人們時常拍攝科幻片，愛想像未來的科技，最難幻想的，其實是未來的人際關係將變成甚麼模樣。
《變色龍》還未播放的後段，劇情將進展至好人變奸人，朋友變仇人，現在才開始看的話，沒看上部只看下部，看不到香港社會美麗的段落。對不起，這篇稿，是來遲了。
(轉貼完畢)
1978年出版的麗的《電視周刊》
http://i58.photobucket.com/albums/g270/emilemily2003/14ed9p9new.jpg
芒姐,
Didn't I say before that "變色龍" is just GREAT? Enjoy it!
衝上雲霄
今時今日，我和朋友們都會一開再開來看！
最近，去了意大利旅行，還特地搵＜衝上雲霄＞的景點！足以令我們興奮了整個旅程！
次次睇衝上雲霄都好想去旅行..!!
真係正呀～
講真呢套野都幾真係可以正面sell航空業.
SAM哥好型呀!(忍唔住要講講)
幾年前鱷魚淚重播都睇咗少少，當時覺得馬敏兒個角色都幾瘋狂，尤其係講佢仲係學生就同個DJ...仲要好冇所謂咁，七十年代做呢d劇情都算好開放下。
今次重播先知原來唱鱷魚淚主題曲o個位袁麗嫦都有份做，宜家追睇多少都為咗睇佢，因為佢真係好少幕前出現，真係好似迷一樣的人物，佢演馬敏兒同學林嘉華女友，初初都唔認得佢，因為當年佢雖然唔算好靚，但都幾青春可人，宜家o既佢雖然唔係話好老(去年佢出黎唱麗的亞視演唱會)，但同當年後生個樣有d唔同囉!
仲有呀!下星期一早上重播哥哥做o既"對對糊"呀!我都未睇過，我估套劇都幾cute掛。又追變色龍同鱷魚淚，就快又追對對糊，真係好唔得閑。
Not just 吳唱K and Joe Ma, 葉璇is also popular after that, very fresh, good English and comfortable look.. but now she just reminds me of 鄭裕彤掃背 incident and she looks so 老練, can't imagine we are the same age!!
衝上雲霄成部戲都好紅，角色紅，個公仔紅，仲有好多人因此投考航空業...不過我冇點睇，哈哈～
當年大家都正值青春啊！幾乎都是力捧新星。胡杏兒個角色仲超級完美好人(?)，最後仲超越陳慧姍同吳鎮宇一齊，應該係當年風頭躉。不過近年人氣亦都插水，好似係從肥田開始...佢有時喜劇浮誇過咗頭，有時又苦情戲八字眉得滯，我覺得佢應該做返d正常人角色，多d内心戲，如果唔係，視后有排先到喇！
btw，我想睇少年四大名捕啊！當年S4冇咗Bosco，加入林峰，正！！難得可以集齊咁多當紅靚仔小生，好期待啊！特別係睇到林峰既白衣翩翩造型！不過女角方面就比較遜色lu～不過點解徐子珊靚咗咁多既？
朝早10點半套人魚公主終於做完,今日見到佢做聊齋1,係我一直都幾想睇返既一套~
係早期港,台合作拍既一套劇,記得0個時收視都唔錯!!
匿名,
同意"聊齋"係幾好睇, 連我呢D唔BUY古裝片O既人都覺得OK, 尤其係"聊齋2"O既"鬼母痴兒"單元我最深刻!
++,
係呀, 當年"衝上雲霄"真係成套劇所有人/事都好紅...不過胡杏兒反而無因為呢套劇已走紅, 因為佢個角色係善良, 但係煩爆, 同埋某程度上都係因為ZOE而令到陳慧珊同吳鎮宇唔可以O係埋一齊...其實佢最討好都係做D爽朗角色, 做民初苦情戲係完全唔O岩佢!
我都期待睇"少年四大名捕"
徐子珊其實選港姐時都靚, 係之後唔知點解醜O左好多, 跟住佢瘦番又靚O左...
fiona,
哈哈...當年葉璇真係幾紅, 無綫力捧嘛...一離開無綫真係人氣跌O左好多...難怪無綫可以對D藝員咁苛刻, 畢竟佢係藝人最入屋的渠道...
Kitty,
太多套...實在睇唔晒!
依家都係一個禮拜睇到一集"鱷魚淚"...但係D演員同"變色龍"OVERLAP得太勁, 仲要接住咁播...有D混亂!
同意! 初時睇係完全唔知O個個係袁麗嫦...後來再睇埋WIKI先CONFIRM係佢! 幾新鮮!
christy,
SAM哥係幾型 (尤其唔講英文的時候...SORRY, 我都忍唔住要講)...哈哈!
係啦, "衝上雲霄"D景真係拍得異常的靚, 再加埋D劇情, 好PERFECT!
b.,
哈哈...好似我上次去英國周圍搵番"我本善良"的景點咁...:)
Marky,
yes, it's really great...i enjoy it very much...but i become very tired every morning!
i-Joel,
嘩, 多謝分享...咁經典O既1978年《電視周刊》你都有...好勁!
i-Joel,
好同意阿芝所講, 除O左睇我最鍾意O既七十年代香港景色, 街道, 屋苑ETC的轉變, 仲有當時D人O既講O野口脗, 想法...對我O黎講都好"新鮮"...好似頭先O個集講蔡琼輝同劉緯民要搬開, 鄧碧雲好感觸...好似搬O左永遠唔會番屋企咁...
睇到呢三十年來O既轉變, 係呢套劇另一"開心大發現"...
梁巔巔,
真係好精彩...好多景物我都未見過...每集都大開眼界! 之前睇無留意到呢D, 唔識欣賞, 真係O徙晒!
不過一晚播兩集, 仲要咁夜播, 真係追得好辛苦!
Al佛,
係啦, 我好似未睇過"新變色龍"...唔知有無重播過呢? 同埋唔知個故事係咪"變色龍"O既延續定係新故事呢?
衝上雲霄頭中段真係唔錯,鎮宇同Joe Ma角色好討好,陳慧姍,葉璇,阿蘇,s4表現都恰如其分的到位,可惜後段被胡小姐呢位事事關心,成日好心做壞事既"大好人"反客為主咁破壞哂..
胡小姐做呢類"大好人"角色勁唔討好,偏偏佢又一而再再而三打後做過n次同類角色,表現絲毫無吋進,婆婆媽媽神憎鬼厭....
其實我對胡小姐也不是完全反感的
有一部舊作"律政新人王"我覺得佢演得不錯
比較自然唔做作,個人覺得仲討好過上位作"流金歲月"中的智障妹
張c奶,
二百個同意...我都係睇完"律政新人王"好欣賞胡杏兒...俾人話我一日到晚都講"律政新人王"講到煩...但佢真係做呢D爽朗+口齒伶俐角色最出色...O個D"善良"又婆婆媽媽或者喊苦喊忽戲簡直係玩緊佢! 無綫應該俾番佢做呢D聰明伶俐專業人士角色...開正佢O個瓣, 因為我見佢真人幾醒!
你同我一樣, 無端端變左夜鬼走去追套戲, 我都吾相信自己.
記得呢套劇做時我仲讀緊小學, 淨係聽過首歌, 套劇完全冇睇過, 今次吾覺意睇係因為可以見番好多好多舊時香港景. 例如, 全中環當時最高係康樂大廈(而家叫怡和中心), 舊的獅子銀行. 跟住追追下竟然入左戲, 覺得幾好睇.
一套30年前既戲, 冇手機, 冇SMS, 冇電郵, 冇電腦, 電話用攪盤, 同現在生活模式係好吾同. 而且, 當時主流響係以無線為主, 麗的在冇錢又冇卡士的情況下可以拍到咁既質素劇集, 真係好難得.
匿名,
係, 真係中晒毒咁! 因為太唔夠瞓, 仲搞到病埋...好心一晚做一集算啦...做兩集搞到成3點真係太夜! 但又真係太好睇, 不能不睇!
有個"網路兼職"機會替自己加薪，增加存款！
給自己一個機會深入瞭解吧！
免費索取在家網路兼職資料 。
http://joe80411.weebly.com/
祝~天天都是有美好的一天˙快樂與您同在
PS:謝謝您的閱讀。如果您不感興趣，很抱歉打擾您!!
發佈留言
<< Home