5-30(fri) 四川移動城堡

嘩哈哈哈哈哈…首先要推介o左呢個先…呢集“四川移動城堡”又係笑爆嘴! 其實每次有“四川移動城堡”同埋“david mo”o既出現, 已經係笑爆咀的先兆…wahahahhahahaha!


(同事三分親之二百萬傾城一舞)

“師奶股神”睇o左一集…個人o黎講興趣不太大, 雖然不嬲都ok buy商天娥! 佢今次個look同陳秀雯o係“再見亦是老婆”個肥師奶look都幾似! 套劇扮明係上年“師奶兵團”o既變奏版, 但上年o個套又好睇d, 當然, 前年同一系列o既“女人唔易做”又再精彩好多!

至於“法證先鋒2”…大cast大製作…可惜我又係唔係太大興趣, 得閒可以睇o下, miss o左亦無壞! 不過佢頭一個禮拜學亞視禮拜六日深夜重播晒頭四集又係幾醒, 都話深夜係最易追劇o家嘛!

反而呢排又真係睇多o左亞視, 上個禮拜開始深夜重播劉翁o既“變色龍”同埋“鱷魚淚”…我淨係睇o左少少 “變色龍”, 因為未免太夜喇! 其實之前重播都斷斷續續睇過好多次…尤其係小學年代…呢套劇又見到有蔡瓊輝...七十年代尾八十年代初o既麗的劇真係好多套都有佢喎! 其實我幾buy佢, 不過好快就唔見o左! 仲有另一個當年o既麗的當家花旦馬敏兒…又係幾有格…同埋唔知點解, 咁多年o黎我都覺得佢有d似陳慧琳 (?!)…不過佢就再有style d!

同埋我想講, 今年d香港小姐質素真係忽然高o左好多喎...之前幾年都每況愈下得好交關, 今年o個d算係幾靚 (姑勿論佢o地個樣係整出o黎定點先啦…)!

Oh, 仲有“光影流情”真係好好睇…最鍾意就o係o個d古今對比環節…影60年代d片出o黎見d主角行緊o個條街, 跟住叫你估番係依家o既邊一度…好得意…雖然大部份時間都估唔到, 因為香港真係變得太多!

仲有呢集裡面講o個個麥記急口令, o係限定時間裡面講得完就有獎狀同埋唔記得係咪有細薯條送添…細個時我最鍾意玩呢個遊戲, 到依家o個段“雙層牛肉巨無霸”急口令仍然深深印o係我腦海之中…而o個幾張獎狀到依家我仲有keep住…珍而重之…分分鐘緊要過張大學畢業證書 (哈哈…講笑o者! 兩樣都咁緊要…:p)!


(光影流情 II - 01 伍詠薇帶你食盡香港地[3/3])