5-10(sat) 原來愛上賊
前幾日終於睇睇o左一集“原來愛上賊”, 其實個故事都ok喎, 雖然係估到佢下一步想點o個隻, 但係都算幾緊湊, 都埋d人都做得ok好…不過如果大家係為o左再次一睹陳玉蓮o既小龍女風采而睇呢套劇, 相信會幾失望o下! 年紀大o左個人老o左係好正常不過o既事, 只係大家無諗過佢會走樣走得咁交關 (雖然又無忽周話: “如果過兒見到佢依家變成咁, 會寧願揀鵰兄”咁誇張…不過呢個comment mean得o黎好搞笑, 勁抵死!)…尤其係唔明佢點解把聲會“拆”晒?!
好彩我唔係姑姑/神鵰fans, 否則可能會同其他人一樣有d失望! 其實如果姑姑唔出番o黎, 留低一個美好回憶俾大家咪仲好! 不過唔知點解, 我覺得姑姑o係呢套劇個感覺有d似馮寶寶, 除o左把聲沉沉o地, 仲係做一d有d神經質o既角色! 同埋其實齋講演技, 佢都做得唔錯o既! 仲有, 劉松仁真係幾型…依家tvb都係d年過四十o既中生先殺晒!
呢期tvb係咪捧“認字特警”李天翔哥哥呀? 套套劇都有佢o既? 真係literally每套都有…雖然佢都做得唔錯, 尤其係做壞人 (前兩日仲無意中睇到“銀樓金粉”佢同胡定欣o個段…佢做呢d帶點輕佻又賤格的角色, 做得幾好喎)! 仲有陳茵媺呢? 又係忽然間咁多套戲都有佢o既! 我反而覺得同佢同屆o既季軍“謎女郎”呂慧儀做得ok喎!
跟住仲睇埋抄外國節目o既遊戲節目“亮相”…其實ok悶, 同埋我真係唔明佢o地點會估到邊個係做邊樣職業?! 定係個節目中間cut o左好多對話無播呢?! 就咁睇真係好似一味靠估咁喎! 不過個節目最醒係搵到阿葛o黎做主持, 又真係令到成個節目生鬼好多 (雖然佢都唔係太多發揮)…仲有何b師傅做第一集嘉賓都幾吸引呀!
原來做完”賭場風雲”會做“全院滿座”, 而唔係“風雲三部曲”之中最唔掂o既”歲月風雲”…好彩o者! Tvb果然係最愛關詠荷, 黃金時段”同事三分親”無o左佢, 都驚d fans會唔習慣, 俾套舊戲大家吊住癮先…都好!
posted by 芒姐 at 1:33 下午
17 Comments:
姑姑o係呢套劇有d似雪妮做戲, 有少少作状! 同埋劉松仁扮飛仔.... OMG
"認特"真係唔講得笑....娛樂直播又有佢....連"亮相"都唔放過
其實播"全院滿座"係因為套劇個監製蕭顯輝先生剛剛過左身...所以播呢套劇紀念佢~~
認字特警天翔哥哥真係好正呀由細睇到佢大嫁哈哈
不過佢真係做得幾好呀
《銀樓金粉》拋媚眼勾引胡定欣做得好好！
其實成個故事都 OK
唯一受不了的便是 姑姑的那把聲
好似走晒音
另外我覺得 BT 不錯啊
不知有冇人覺得 fala 做好人沒什麼說服力呢？
芒姐：
不如講下"真情"啦,"真情"已經播到第一個高潮,雙雙同阿海發生左關系,之後雙雙退出三角戀,返左大陸.好姨應該好快就出現啦.
我當年讀緊小一,媽咪吾比我太夜訓,所以我只睇左好少,我記得有一集既預告係講,好姨來左香港,係度按門鐘,善姨全家都好鬼死驚.
雙雙同好姨當年應該好紅,連當年既十大中文金曲頒獎典禮(無打錯,係十大中文金曲頒獎典禮,唔系十大勁歌金曲頒獎典禮)都搵佢地兩個做頒獎嘉賓!
我仲有一個問題:阿海同其他人幾時至知彩瑤既仔其實係雙雙既仔?
agree with cecer.
johnson lee (lee see chit) as BT is really attractive in this series. always found him a hilarious guy. see him here and there in different shows over the years. but maybe now he's older, more mature - find him with a bit more 男人味 - on top of his natural sense of humor... what do you think 芒姐?
hope he gets more outstanding roles in the future. he's had so much potential waiting for tvb to discover and make use of for so long!
原來愛上賊真係幾好睇,不過我都係鐘意原名盜亦有道多d,型勁多囉唔該!點解要改名呀...
唔知芒姐你有無睇過呢篇報導?樂小姐會將d愛將簽比不同唱片公司幫佢地出碟。咁多個之中我覺得淨係杏兒可以唱得有歌手水準...
鍾嘉欣玉女形象闖樂壇 (東方日報)
無 線 最 近 一 口 氣 把 鍾 嘉 欣 、 徐 子 珊 、 胡 杏 兒 、 黃宗 澤 、 吳 卓 羲 等 多 位 藝 人 簽 給 不 同 唱 片 公 司 ， 包 括 鍾 嘉 欣 簽 星 娛 樂 ， 胡 杏 兒 簽 Neway ， 徐 子 珊 、 吳 卓 羲 加 盟 恆 藝 亞 洲 ， 而 鍾 嘉 欣 將 被 打 造 為 玉 女 偶 像 進 軍 樂 壇 。
無 線 製 作 資 源 總 監 樂 易 玲 表 示 一 切 在 洽 談 中 ， 至 於 會 否 擔 心 被 指 搶 飯 碗 時 ， 她表 示 只 是 幫 藝 人 拓 展 不 同 的 潛 質 與 市 場 。 被 問 到 無 線 藝 人 會 否 在 獎 項 上 有 優 勢 時 ，樂 小 姐 認 為 所 有 人 都 要 憑 實 力 爭 獎 ， 與 其 他 歌 手 一 起 競 爭 。
星 娛 樂 行 政 總 裁何 哲 圖 表 示 ， 準 備 打 造 鍾 嘉 欣 成 為 偶 像 玉 女 ， 因 為 目 前 樂 壇 正 欠 缺 這 類 型 。 他 又 大讚 鍾 嘉 欣 唱 功 不 錯 ， 工 作 很 用 心 ， 可 以 栽 培 。 而 Neway 市 務 總 監 黃 祖 貽 承 認 簽 了 胡杏 兒 的 唱 片 約 ， 會 於 下 半 年 為 她 推 出 唱 片 ： 「 咁 多 個 花 旦 之 中 ， 她 算 唱 得 比 較 好 啲， 可 塑 性 大 。 」 對 於 簽 無 線 藝 人 會 否 攞 獎 有 利 時 ， 他 強 調 ： 「 要 憑 實 力 ， 胡 杏 兒 同樂 小 姐 都 係 諗 住 打 開 唔 同 市 場 。 」 而 恆 藝 亞 洲 的 Director 張 德 貴 表 示 ： 「 啲 嘢 仲傾 緊 ， 未 sure ， 有 消 息 會 公 布 。 」
同意fernseher呀。咁多個花旦我都只覺得杏兒唱功比較好,係比較可以進軍樂壇既一個。不過我又覺得，佢地d花旦小生咁忙，簽左唱片公司等於冇簽咁濟，顧得拍劇又唱唔到歌，重話要拍電影，點呀... 想唱歌先定拍電影先？佢地平時訓都係訓得果少少, 不如俾多d時間佢地休息等佢地某一方面有好d既表現先再開拓其他市場啦! (雖然我明白$$$$$都好重要:P)
我都好鍾意睇原來愛上賊呀 (btw原名盜亦有道確實係型d同貼切d)! 最鍾意睇jack哥果邊, 即係賊果邊哈哈。不過成套野真係最難頂係姑姑! sorry, 我真係最唔想睇佢, 點解佢把聲成日都咁沙既? 我初初重以為佢唔舒服tim -_-" 重有佢d演技都係....可能太耐冇拍戲吧!
fernseher,
胡杏兒D歌掂就多數人都會同意。我個人覺得鐘嘉欣都唔錯。但係點解講得最耐亦係最正既廖碧兒竟然冇晒聲氣？
re: TVB藝員做歌星...
個人認為胡杏兒唱得OK (作為藝員水準), 但係做歌星要再練O下! 廖碧兒的表現頗fluctuate, 幾年前第一次聽佢唱"實情", 以為係BOBO唱添, 都幾驚O下...但係後尾有D LIVE PERFORMANCE又OK! 鍾嘉欣係有驚喜O既 (雖然SUBJECTIVELY, 我會BUY前兩者多D), 上年聽佢唱"溏心"插曲"心領"LIVE, 出奇地幾得喎...不過做歌星又係認需努力...藝員做歌星未必係好事, 睇O下吳唱K做O左歌星之後搞成點就知...
RE 李思捷...
同意...一向都幾欣賞佢! 亦同意佢愈來愈有男人味...
minako,
OH, "真情"我已經無睇喇...追唔到咁多劇...你條問題我解答唔到添, 太耐喇已經唔記得O左...睇O下有無其他朋友可以幫到手? 到立生同阿雪O個段話我聽啦, 我都想睇番!
RE: 李天翔哥哥...
真係每一個(LITERALLY每一個)近期的劇集都有佢...呢期最紅係佢喇...
carin,
原來係咁, 我都睇O左報紙見到蕭顯輝先生過左身...真係可惜, 佢監製D劇質素唔錯啊! 咁後生就去了...
fiona,
居然似...雪...妮...?! 你咁講會嚇親鵰兄...
發佈留言
<< Home