4-2(wed) happy650000…十三白金+傳說
尋晚一睇之下原來已經踏入o左十三白金, 今次我都cap到第650133個蘋果…
芒姐十三白金全紀錄:
2008-2-7(thurs) happy600000…十二白金+鼠鼠生威
2007-10-26(fri) happy500000…十白金+超級電視迷大挑戰
2007-8-24(fri) happy450000…九白金+“唱而優則演-TVB歌星演員crossover”
2007-6-17(sun) happy400000…八白金+楊怡vs楊娜
2007-4-18(wed) happy350000…七白金+再見狂牛
2007-2-14(wed) happy300000…六白金+紅衣手記!!!
2006-12-13(wed) 全台藝員騎呢之星大唱遊2006(下)+ happy250000…五白金!!!
2006-10-21(sat) happy200000…四白金+地球大合唱
2006-8-19(sat) happy 150000…三白金喇!!!
2006-4-23(sun) happy100000...雙白金!!!
2006-3-10(fri) happy77777+fing下fing下
2006-1-29(sun) 合皮猜列時扭耳+合皮60000
2005-12-25(sun) Happy 50000之白金唱片 + 2005芒姐十大
2005-11-4(fri) happy40000+商天娥
2005-8-13(sat) happy 30000
2005-7-13(wed) 金唱片
2005-6-24(fri) 20000
2004-11-4(thurs) 成千上萬
2004-8-28(sat) HAPPY 8000
2004-5-13(thurs) Happy 5000
又收到santa claus的無私饋贈…復活節都有聖誕老人送的禮物真係好! 今次係tvb同atv印製用o黎向客戶宣傳今年新節目的刊物…即係好似我幾年前話o係英國有個朋友話o係唐人街見到幫我攞o左本, 因而知道“律政新人王”原本個名叫 “暴走律師”o個本刊物呢…哈哈…有晒今年的大劇介紹!
仲有tvb星河頻道…
經典舊劇一大堆…
aTV個“創意領先”都幾趣怪呀…
另, 其實呢首歌之前已經介紹過好多次…但係咁o岩又o係youtube見到個mv版, 所以忍唔住都係要再post多次, 公諸同好…
(Raidas - 傳說 MV)
嘩…呢個mv o既女主角居然係diana江欣燕…當年o既佢真係好kawaii呢!
首歌真係好正…無論係歌詞定係旋律定係編曲! 仲有, 其實都真係幾難唱o下…所以始終都係八十年代o既歌星同歌曲令人懷念同愛戴 (係呀, 我係好懷舊o架!)
呢個係2005年“名曲滿天星”版…”陳德彰x周啟生@名曲滿天星 - 傳說, 別人的歌, 傾心”…不過佢今次明顯唱得比首歌原本個beat慢o左好多…
posted by 芒姐 at 10:12 下午
25 Comments:
個2008新劇晒冷好鬼正.
見到少年四大名捕.我睇今年唔會播啦.太多馬明.而且今年要谷行兩個大劇(家好&珠光).
播出之時,會唔會係林少爺响tvb最後一個劇呢? 佢明年就約滿.如佢一路所講,30歲佢就會諗諗自己跟住嘅路要點行.我直覺佢唔會續約.可能做fulltime歌手,可能返內地拍劇.無論如何想出去闖闖.照tvb一灌劇情推斷,佢最後會乖乖地返廈門幫老豆起樓.(流金歲月- oscar)
溫哥華匿名人
我反而想睇郭晉安同鄭嘉穎套last one standing (我睇唔到個中文名與咩同行呀哈哈哈)
嘩, 原來都幾多鍾嘉欣既戲, 不過其實我麻麻佢d演技....emmm。
其實tvb可唔可以唔好撞人撞得咁緊要？好似用黎用去都係果幾個人咁既。
p.s. :
to 溫哥華匿名人
林大少以前就好sure咁話會返去幫老豆手, 但到近呢一兩年, 佢既態度已經冇咁sure重話同左老豆有共識唔一定返去幫手都得。
如果要我估, 佢唔拍戲多會去唱歌, 個人覺得佢好似幾enjoy做歌手同埋想O係果方面有多d發展 (同埋佢而家又簽埋唱片公司呢) :P
tvb劇情嚟估,唯一原因逼呢個出咗去"追尋夢想"嘅大仔返去接手屋企盤生意,就係佢老豆...大吉利是
溫哥華匿名人
溫哥華匿名人：林大少有個響劍橋大學讀緊建築嘅細佬， 所以佢仲可以繼續追夢 ，哈哈， 除非真係做到意興闌珊...
我諗四大名捕今年會出,因為呢部係吳唱k今年唯一一部拍好左既劇,無理由全年無吳唱k既劇出掛.
近來都有睇過下金石良緣,睇得鐘嘉欣好努力扮mk妹,但太刻意非常唔自然,個樣太純,穿龍抱唔似太子囉.佢d喊戲新人黎講幾好,佢罵人個種斥眉斥眼我就睇到笑.
唔講唔覺林峰就黎約滿,即係話佢爭視帝又多左個籌碼:績約換獎.如果我係林峰,要走都拎埋視帝先風光地走啦.
鍾嘉欣幾好, 靚女, 勤力, 又腳踏實地, 做戲非常唔錯, 唱歌又唱得幾好, 係個好得人鍾意的女仔, 唔怪得林峰都力追佢, 我覺得佢好有前途!
re: 穿龍抱唔似太子囉
係咪應該掉番轉話佢著左乞兒裝都唔似叫化呀?
"傳說"......我都係近排先知係Raidas嘅歌.....唔知係唔係又係夕爺寫詞
我記得當年"西港城"個廣告係改咗呢首歌
鍾嘉欣話自己冇正式拍過拖冇kiss過.咁,佢(熒幕)first kiss 係同邊個?
溫哥華匿名人
林大少個細佬響劍橋大學讀緊建築.嘩,好型=)
我鍾意d男仔讀建築,好"artistic"咁.令我諗起"今生無悔"個高天俊...
其實林大少自己係響南加洲大學讀建築.間大學ok勁.不過佢響美國"逃走"咗返香港,話唔讀書要出嚟做嘢搵錢同追尋夢想喎. d人話佢其實係讀唔上所以先返香港.我諗唔係嘅.first year 之嗎,最多咪repeat,唔洗立即走人嘅
溫哥華匿名人
好似係吳唱K
酒店風雲預告片
(仲要唔係正式劇集)
我望過下段片
鍾嘉欣一見唱K嘴落黎
缩都缩唔切, 好搞笑
to vince:
吓?! 你近排先知"傳說"係Raidas嘅歌呀? 你係咪80年代尾/90年代初出世?
"傳說"係林夕填架, 當年佢幫Raidas填過好多歌。
to monjeh:
我越來越覺得自己老喇, 真係想唔認老都唔得喇!
to 溫哥華匿名人:
http://www.ronng.org/news/1004news/news1310.html
想不到她的螢幕初吻是拍巡禮片段而失去的，
重要最終酒店風雲是沒有鍾嘉欣的份兒.. -_-
估唔到鍾嘉欣嘅螢幕/人生初吻給了吳唱k
林大少力追緊鍾嘉欣?
...咦?
溫哥華匿名人
你唔係唔知呀? 不過Linda並唔係一個物質主義嘅女仔, 睇男仔唔會著眼對方家底, 反而睇重對方有幾真心同專一, 相信冇咁易俾林生追到, 你暫時仲可以放心!
咁我本身都幾欣賞鐘嘉欣,一個女仔中文字唔識多隻...隻身黎香港做野係唔容易既.佢做戲進步左好多,真係好勤力,不過仍有好多野要改善.
緋聞既野睇完笑下咪算囉:> 一時話鐘嘉欣力追林峰,一時又話林峰力追佢.點解無記編劇越黎越唔得,可能有料既都走去做記者...係雜誌作乜都有讀者會信,唔似無記劇會比觀眾罵劇情不合理,感覺良好好多bor:>
美國大學第一年都係讀通識課多,分分鐘major堂都未駛上,如果咁都讀唔上真係好離奇
"咁我本身都幾欣賞鐘嘉欣,一個女仔中文字唔識多隻...隻身黎香港做野係唔容易既.佢做戲進步左好多,真係好勤力,不過仍有好多野要改善."
我好同意呢段
鍾嘉欣話自己04年剛黎香港時
好多字都要揾茶水/道具阿哥阿姐幫手教佢讀
每次入廠都好似考試咁
到前年拍溏心風暴時
林峰話過佢好驚訝
鍾嘉欣竟然可以唔駛再用拼音讀劇本
可見佢真係好勤力, 而且進步好快
今次佢扮wet妹唔多次
最主要係佢把聲太雞仔
同埋MK妹唔會咁孝順lor(角色問題)
不過語氣同動作都ok
點都好,我睇好佢
只要佢肯繼續努力,不自滿
改善自己把聲同演技
捱多幾年
TVB仲唔俾佢玩哂咩
當家花旦個位實走唔甩啦
有,我有聽過林大少力追緊鍾嘉欣.我個"咦?"係話鍾嘉欣個初吻同咗佢老友喎.
咁,我都信林大少會鍾意鍾嘉欣嘅.鍾嘉欣的確係好女仔,又好純.不過鍾嘉欣響好多訪問都話好憎香港d男仔用錢嚟追佢.又話自己唔恨嫁入豪門.唔,好似有骨噃
溫哥華匿名人
林大少個底花嘛,唔好以為上左位就無人記得
係佢D fans先覺得佢完美
所以鍾嘉欣仲唔走遠D咩
今年好多馬明呀,有D厭
唔鍾意佢,成日個表情懶緊張咁,好誇
仲有徐子珊今年唔係有好多劇上架咩(仲要三套都做第一女主角)? 點解到依家都仲未有劇出? 堆哂係下半年?
re: 鍾嘉欣
鍾嘉欣的attitude我幾欣賞, 好努力同埋低調(同埋好似話d高層都好buy佢, 因為聽教聽話), 但演技仲有待進步, 尤其扮惡o既戲 (同埋呢套扮mk雖然睇得出佢好努力, 但係未係太得, 可能佢本身真係太乖)...新一代o既花旦演技係楊怡比較好.
至於佢同林峰o既緋聞, 似宣傳多d, 相都無張, 當年同法拉 (係咪法拉?)去唱k都好似影到d相, 楊怡同林峰都好似熟d...佢兩個外型都算襯, 但又唔似會一齊o個隻...不過anyway, 佢同邊個一齊其實無咩所謂...
re: 30歲返屋企打理家族生意...
之前睇報紙好似話擱置o左...不過唔肯定...
re: "林大少個細佬響劍橋大學讀緊建築"
嘩哈哈哈哈...我都係諗起高天俊...原來好多人都曾經被高天俊迷倒 (但我係buy程朗o既!)
其實入o左大學又好少聽話畢唔到業, 雞雞o地都可以o係低線"碌"過呀? 仲要first year都讀唔上未免太誇...
re: "傳說"
係呀, 係林夕填...仲要係一首非常高質素o既作品...
re: "tvb可唔可以唔好撞人撞得咁緊要"
係啦...呢期好嚴重...尤其d二/三線...兩套劇都成日見到黃長興...連主角都好多戲撞囉...
發佈留言
<< Home