1-22(sun) 勁歌推介…傳說

其實呢篇應該出o左好耐, 因為一開始寫其實係幾個月前, 但寫寫o下又有第二d o野寫, 所以一路都未寫完…事關睇開呢度o既朋友都會記得我幾個月前推介過一隻歌叫“傳說”, 話覺得好特別呢! o個時我話細個時已經覺得raidas呢隻歌好有型, 好與別不同, 但一路都唔知隻歌叫咩名…只係一路記o係腦海入面! 廿年o黎都成日有d show會聽到其他歌手唱呢隻歌, 但一路都無去追尋隻歌叫咩名…直至幾個月前o係“名曲滿天星”見到陳德彰再唱番呢隻歌, 先搵到個答案!

跟住一連幾次去唱k都有推介俾唔同o既朋友, 仲大獲好評…所以我一定要o係呢度再隆重推介多次, 因為實在太精彩…尤其去k親身唱時會帶俾你“無限歡樂”! 我覺得呢首係raidas比較“另類”o既hit歌 (不過其實可能佢o地大部份歌都係咁, 只係hit o個d唔係呢款), 同佢o地o既hit歌“別人的歌”同埋“傾心”好唔同; even同佢o地另一首比較快板o既歌“吸煙的女人”都好唔同style (我覺得“吸煙的女人”比較似“太極”o既feel)!

呢隻歌…一個字: 型! 無論旋律定歌詞都咁型! 聽得人好興奮, 亦唱得人好亢奮…美中不足係k o既歌詞出得太慢…連一向自以為最耍家一輪咀讀歌詞的我, 都甩o左嘴! 其實佢d歌詞唔算話好密, 仲有透氣位添…至少一定無“victory”o個d“若善用潛力一分一刻一招一式一揮一擊一百倍威力”咁一輪嘴…不過, 個mv 的歌詞真係出得唔o岩beat!

搵到“傳說”o既歌詞, 原來係用o左《帝女花》，《紫釵記》，《梁祝》三個典故寫成…真係好特別喎…以現代音樂節奏結合古典字詞, 好有style:


林夕用的三個典故：《傳說》

《傳說》 曲：黃耀光 詞：林夕 唱：Raidas

俗世的愛侶誰可永相戀，談情遊戲我早厭倦
若果這?那，時空隨著我的書本扭轉
那痛快故事必定償素願

小玉典珠釵，鉛華求長埋，祝君把新歡，乘龍投豪門
我要是變心有誰?我盡情罵？！
小玉休相迫，檀郎無忘情，三載失釵鳳，瑤台求重逢
我叫天搶地誰過問？！

實際景況已無可再更改，雷同情節永不似期待
自古書?說，梁祝寧願化蝶飛出苦痛，我也要化蝶躲入傳說內

庵中孤清清，長平難逃情，江山悲災損，流離仍重圓
我偶然與她見面亦覺甚疲倦；
花燭映窺妝，難?郎情長，交杯飲砒霜，泉台諧盟鸞
我散心解悶誰作伴。

重合劍釵，修補破鏡，只有寄情戲曲與文字
盟誓永守，地老天荒，以身盼待早已變成絕世傳奇事”
　　　　　　　
仲搵到一篇好詳盡o既介紹:

香港流行樂壇80祭--Raidas!


o係neway間k房入面, 居然有raidas呢隻“傳說”大碟…仲有年青時代o既杜麗莎…幾有趣!