2008年11月19日星期三

11-19(wed) 萬千星輝賀台慶2008

嘩…估唔到今年個台慶show做得咁好...超讚呀! 連同之前翡翠歌星賀台慶同埋萬千星輝頒獎典禮…今年整體台慶都好有驚喜, 直頭可以話係近十年做得最好o既一年…我同我d電視精朋友都激讚! tvb終於有番d進步!

個show整體都好好, 幾grand添…係最尾o個幾part悶d (包括青春偶像載歌載舞o個part…雖然個個我都ok buy都係咁話…客觀o黎講呢part係比其他parts悶; 台慶趣劇就年年都係悶o架喇…又浪費食物…其實唔洗掟旦糕都可以有同樣效果…不過今年已經唔係最差o個年, 之前有d咩 “金枝玉孳台慶版”仲悶! 對上一次比較好睇o既已經係96年! 跟住抽獎o個d就default係悶o架啦…好彩仲有我最鍾意o既利孝和夫人以獨有沙聲宣佈台慶密碼同埋切蛋糕…wahaha!)…如果無o左呢幾part…今次呢個show我直頭要俾100分! 目不暇給, 完全無冷場…忙到我連send sms或者去廁所都幾乎唔得閒…仲要今年d廣告唔知點解又出奇地短…唔通金融海嘯真係令到d廣告少得咁交關?!

我發覺原來我身邊仲有好多朋友真係會趕返屋企睇台慶, 同個個朋友講都差唔多話有睇…可能真係物以類聚!



嘩, 一開始段歌舞都ok, 好有80年代或90年代初的影子, 今年d舞都算排得幾好o架喇! 嘩, 欣宜排頭位…真係力捧喎…但點解佢好似肥番咁多?

陳敏之今年又有份做司儀…舊年彈過佢, 今年要讚…真係進步o左好多, 懶音少o左, 咬字亦都清晰o左同埋都ok流暢…值得鼓勵! 八大司儀都有佢份…真係上o左位!



首先阿姐跳hip hop o個part好得…雖然有好多朋友唔多buy阿姐, 但佢跳舞真係ok喎, 仲要60歲人…真係算係咁! 同埋成個環節+構圖都好吸引…佢o地成班唔係話跳得十分齊, 但呢part真係幾好睇! 後尾仲要落水跳…幾型!



咁多個之中, 唔知點解反而係徐子珊最吸引…論樣佢一定無法拉o個d咁靚 (直頭係among o個幾個年青花旦之中樣貌最遜色o個個添啦), 但唔知點解跳起舞o黎佢係最有charisma…可能動作得, 表情亦配合得幾好! 仲要其實個個都係跳得之人, 佢又著得最普通, 但唔知點解真係佢最吸引囉…掂! 其實下一季“舞動奇跡”應該派佢代表tvb! 反而舞蹈藝員出身o既吳唱K又係再次跳得好一般…咁hea唔得o架喎小朋友…已經跌o左落谷底俾其他s4過晒頭, 如果再唔落力d我真係好戥佢擔心!



之後o個part亦都係好吸引…之前睇“東張西望”已經好期待…之唔係歷代螢幕情侶o個part…其實加o左佘佘同鄭嘉穎落去反而係破壞o左…雖然可以拎佢o地o既緋聞做宣傳, 但係佢o地呢排形象負面居多, 仲要佢o地o既組合代表性係近乎零 (if not負), 你話鄭嘉穎同周麗淇呢對都話hit過o下…tvb咁樣安排真係靠害o左佢o地!

同埋點解80/90年代係完全無代表呢? 其實阿do姐同發哥/溫兆倫+邵美琪/ekin+松松/陶大宇+郭可盈/羅嘉良+宣萱etc.都有好多對可以請呀, 雖然人o地未必肯o黎…但總會撞中一兩對o卦, 好過真空o左佢! 同埋近幾年o個d都可以搵到多幾對…由70年代一跳就跳到佘佘同鄭嘉穎就真係唔得o左…(題外話: o岩o岩睇節目表原來朝早重播緊“天幕下的戀人”…真係攞景定贈興?!)…好似求其搵對夾硬加落去咁!

不過算啦…世事無完美o既…另外o個幾對包括石修加李琳琳同埋伍小生加呂有慧都幾經典…仲要播番佢o地30幾年前o既片段, 跟住就跳去依家…咁o既對比都幾有趣!

當然, 最令人感動o既係見番粵語片年代o既修哥同埋君麗姐姐啦…好青春逼人啊! 仲有“青青河邊草”o既片段…好cutie! 42年前後對比真係好有意思, 好令人感動…佢兩位仲keep得好好…君麗姐身材仲好好添! 大家都知我鍾意懷舊, 40年前的片段睇得人好開心, 我見現場d嘉賓亦都個個都好興奮! 仲有o個兩個沙鎚都好可愛…總之成個scene都好cutie啦…同埋依家我睇"畢打自己人"最主力都係要睇君麗姐姐...佢真係好可愛...估唔到佢無論講o野語氣/節奏/用字都仍然可以keep到粵語片年代個style…依家好難搵到, 所以特別cutie! 我真係好鍾意睇佢…簡直係新偶像呀!


(超可愛的沙鎚...)

而當然, 全晚最精彩o個part唔洗我講啦…當然 同上年一樣係“扮o野三寶”, 佢o地真係好得…舊年激讚完今年都忍唔住要再讚多次! 咩“you and me, 我和你…we love tvb…!!!”…而我個人就更鍾意佢o地扮“家好”荷媽sa姨o個part...咩"唔洗驚唔洗驚, 荷媽o係大廳…我好驚我好驚, 夏雨好大聲..."...笑死我! 連呢幾日o既新聞咩“阿姐講o野無人聽”…”郭羨妮個deep v令我發晒狂…”o個d都加埋落去…d詞真係寫得好抵死, 仲要係好update添, 唔知係咪佢o地自己度o既呢? 簡直係拍案叫絕…我成日俾人話我cool, 好少人真係可以引到我笑…但呢一part我係literally笑o左出o黎囉…芒姐重點推介:「扮野天王福祿壽」@台慶2008…



仲有, 睇完阿姐同班後生仔女跳舞, 唔知點解又想再重溫番94年台慶佢同n個猛男一齊跳熱咖啡的場面…



台慶@芒姐再現:

2008:

http://hejnom.blogspot.com/2008_11_14_archive.html


http://hejnom.blogspot.com/2008_11_17_archive.html


http://hejnom.blogspot.com/2008_11_19_archive.html


2007:

http://hejnom.blogspot.com/2007_11_17_archive.html


http://hejnom.blogspot.com/2007_11_19_archive.html


2006:

http://hejnom.blogspot.com/2006_11_09_archive.html


http://hejnom.blogspot.com/2006_11_13_archive.html


http://hejnom.blogspot.com/2006_11_19_archive.html


2005:

http://hejnom.blogspot.com/2005_11_19_archive.html


http://hejnom.blogspot.com/2005_11_20_archive.html


http://hejnom.blogspot.com/2005_11_21_archive.html


2004:

http://hejnom3.blogspot.com/2004_11_19_archive.html


http://hejnom3.blogspot.com/2004_11_23_archive.html


2003:

http://hejnom3.blogspot.com/2003_11_17_archive.html


http://hejnom3.blogspot.com/2003_11_19_archive.html


2002:

http://hejnom3.blogspot.com/2002_11_19_archive.html


http://hejnom3.blogspot.com/2002_11_20_archive.html