2009年2月6日星期五

2-6(fri) bowbook

嘩…前兩日蘋果呢幅設計圖片真係笑死我…好精彩! 蘋果真係偶有佳作...呢幅疑似facebook附圖真係笑爆嘴...個設計者真係好熟fb o的functions同埋applications, 仲可以好抵死地運用…咩"發叔送了一支下籤糸給煲呔", “煲呔同汪阿姐做番朋友”, “煲呔加入了家鬼group”, 同埋個status update係"煲呔視籤文如浮雲"...真係超抵死! 同舊年"閃卡事件"d超detailed o既table有得揮!


(bowbook)

“隔 牆 有 耳 : 煲 呔 忽 然 喪 多 朋 友”

另外, 蘋果話自從今個禮拜無綫晚間新聞提早o左做, 收視大升, 又話…

“呢 幾 日 網 民 都 熱 烈 討 論 晚 間 新 聞 結 束 後 個 天 氣 報 告 , 好 多 人 大 讚 天 氣 女 郎 笑 容 甜 美 , 報 道 天 氣 時 身 體 語 言 豐 富 , 跳 跳 紮 青 春 氣 息 令 人 眼 前 一 亮 , 隨 時 冧 到 天 氣 先 生 都 暈 晒 大 浪 。

呢 個 新 面 孔 天 氣 女 郎 叫 黃 婉 曼 , 中 大 畢 業 , 去 年 攞 過 人 權 新 聞 獎 , 係 時 事 節 目 《 星 期 二 檔 案 》 記 者 , 據 講 由 於 佢 年 輕 有 活 力 , 所 以 獲 高 層 欽 點 兼 任 天 氣 女 郎 。 黃 婉 曼 別 具 一 格 o既 報 道 天 氣 方 式 , 知 情 人 士 話 正 式 出 街 前 經 多 番 試 鏡 , 覺 得 效 果 幾 得 意 所 以 一 試 , 事 實 上 出 街 後 獲 得 唔 少 好 評 , 好 多 網 民 都 話 kawaii , 講 完 香 港 天 氣 , 報 道 環 球 天 氣 前 跳 一 跳 講 o個 句 「 跟 住 我 o地 跳 出 香 港 」 , 更 加 令 人 驚 喜 , 可 惜 新 聞 部 有 人 睇 完 後 O o左 嘴 , 所 以 之 後 兩 晚 即 刻 收 斂 , 冇 咁 跳 脫 。

晚 間 新 聞 越 夜 越 精 采 , 「 魔 童 」 王 維 基 噚 日 去 《 志 雲 飯 局 》 時 , 亦 大 讚 TVB 改 革 新 聞 娛 樂 化 「 好 正 」 , 內 容 深 入 得 o黎 又 夠 平 民 化 , 而 且 主 播 樣 靚 化 妝 靚 , 「 好 似 一 個 藝 員 咁 」 , 佢 又 點 名 指 記 者 方 東 昇 表 現 略 為 生 硬 , 建 議 佢 進 修 演 技 。 魔 童 又 話 , TVB 搞 改 革 好 多 橋 其 實 係 抄 襲 佢 意 念 , 應 該 畀 顧 問 費 佢 , 魔 童 咁 講 即 係 讚 番 自 己 o者。 佢 身 為 ATV 顧 問 , 對 亞 視 新 聞 又 有 乜 意 見 呢 ? 講 到 自 己 台 , 佢 即 刻 封 嘴 , 免 得 講 多 錯 多 又 得 罪 人 。”

有人大讚, 亦有人唔buy…我本人係後者! 第一日睇到個天氣報告真係嚇o左一跳…首先個姐姐唔係十幾歲, 佢o既演繹方式未免太跳脫, 同埋夜晚十一點幾其實係唔洗太活潑o架喇…仲有, 天氣報告我都係prefer正經少少...個人見解啦o下!

同埋阿王維基 (我成日想問佢英文名係咪叫wiki wong?) 話覺得阿方東昇表現略為生硬…唔係呀嘛? 我覺得咁多個記者之中佢表現算最好, 莊諧並重…上次“神七升空 x 家好月圓”, 仲有o個個“混亂油煎的混雜的菜”都係笑爆嘴! 我覺得佢做新聞報導係做得比較好o既一個! 嘩, 不過無綫依家改革版o既晚間新聞好似有d長, 但長得o黎又唔夠料做…有d夾硬拖長+拖慢o黎做o既感覺…o個d什麼冷智識題材有少少九唔搭八囉! 今朝晨早新聞仲要連志雲大師o係志雲焗飯度訪問wiki wong都放o係新聞裡面, 就有點兒…

新o個個遊戲節目“耳分高下”做o左差唔多一個禮拜…um, 一般啦, 其實個節目內容係超短, 夾硬剪埋剪埋分兩集播其實好零碎, 不過10點幾得閒睇o下又無壞o既…但係, 點解同上次 “味分高下”一樣, 都可以搵到一班個樣咁唔得o既“Sing之天使”呢? 我相信o係旺角街頭求其搵幾個妹妹仔都靚過佢o地! 無記咁多靚女, 可唔可以搵幾個好樣少少o架?