2006年10月20日星期五

10-20(fri) 2006台慶亮燈儀式

哈哈…o係網上睇到一篇講台慶亮燈儀式排位o既評論…幾中point, 又幾好笑o下! 例如我好唔喜愛o既楊思琦小姐跌o左落第二行又係估佢唔到o既…我唔喜愛o者, 無線一向喜愛o架嘛! 不過蘇玉華跳o左上o黎第一行係一個good move…我都幾buy佢!

但係sorry…許志安雖然係“重金禮聘”o既外援男主角…但感覺真係依然娘+[火羅]到爆…自從舊年“傑青”事件之後…真係將佢成個谷底王o既形象推向高峰…真係sorry呀, 安仔! 曾經我都覺得你好型, 又超鍾意聽你d歌o架…但係, 自從你人氣插水…咁都唔緊要…係插水之下你仲要不停搵d緋聞或者同sammi o既舊情o黎做宣傳…男人之家做到咁, 真係好令人反感!

“眼前一亮排行榜

廣東話“曬冷”的意思,是對人強馬壯的炫耀。今日娛樂版頭條是無綫台慶亮燈全台藝人大合照。今年與往年最不同處,是少了沈殿霞,多了行政主席邵逸夫爵士,剛巧形成有趣的對比:瘦的代替了肥的。偏偏今年最受矚目的台慶劇叫《肥田喜事》,要不是胡杏兒瘦身成功,只須和身邊的余詩曼換個位站到鄭裕玲的右手邊,她便是肥姐的最佳替身。

前一晚才剛談到吳美珩———自從沒有參演鎮台劇集如《火舞黃沙》與《金枝欲孽》,她便好像退下火綫,但在台慶合照看來,距離中間位置———邵佘和阿姐汪明荃———只有蔡少芬的一身之隔,可是預示她將再受器重?而這,又可是由於宣萱已成部頭演員,“時代女性”的角色將難有人跟她爭長短? 吳的旁邊是鄧萃雯,鄧的旁邊是昵稱阿Sa(洋名露薏莎)的蘇玉華,她雖不至於貼身威脅吳美珩,但觀眾緣一嚮絕佳,堪稱“宜家宜室”。倒是吳美珩每多扮演怨女和第三者———電視劇固然不能欠缺破壞別人幸福的角色,只不過“必須”是一回事,“喜愛”跟它卻有着這麼近和那麼遠的微妙關系,以致使人有以下聯想:若說站頭排者是好事近,吳的牌面好看,但贏面似大不過這一邊的蘇玉華和那一邊的蒙嘉慧。

小生陣容反而近乎“五十年不變”。從上世紀末到今年仍舊是林保怡穩扎穩打。郭晉安屬福將,陳豪是“師奶的誘惑”,馬浚偉是古裝人。唯一新星是不那麼新鮮的鄭嘉穎。許志安站在他旁邊稍覺被無綫“待慢”——到底是客席演員,即便不能占大堂中座,其實可以與鄭嘉穎換位。至於往另一邊側排過去的林峰、黃宗澤、曹永廉、黃德斌可算合情何理。我只是沒想到劉松仁要站到第四排和鐘景輝做鄰居。另一意外是楊思琦的“半隱居”———我曾誤會她與胡杏兒是同起同坐,以及馬德鐘的人間蒸發。

大合照的歷史意義自不言喻,但它也是某種警鐘。資深女演員只有商天娥、盧婉茵撐住。不是說李司棋與黃淑儀已不約而同回巢了嗎?不拍大合照,是不是怕昔日與汪明荃同級的二人,在今天的這七級樓梯中不易安放?”



無啦啦又o係youtube睇到一個“創新高峰星光會聚35年”o既環節, 應該係2002年o個d pre-台慶show…因為o個年唔o係香港, 咁o岩無睇過! 好精彩啊…係克勤o係TVB35周年台慶亮燈儀式上帶領一眾歌手演出o既片段…居然仲俾我發現有“我本善良”o既得獎片段添! Hohoho!

哈哈…頭先睇廣告仲見到話下個禮拜開始又做番“15/16”…不過今次應該係為台慶而設o既“電視迷大挑戰”特別版! 嘩! 開正我o個瓣…係咪淨係for藝人玩o架咋?! 無啦啦cut左個“遊戲天王”, 係咪因為大家劣評如潮? 定係做完呢個“15/16特別版”之後又會有番“遊戲天王”呢? 不過呢個節目又的確係愈睇愈悶!

仲有, 好鍾意呢段片…個標題…哈哈哈!


最後, o係呢度要特別多謝一位讀者寄o係俾我o既佢自稱為“遲來的生日禮物”…至於點解佢會有我o既地址…或者係我o地之間一種緣份啦! 哈哈, 真係好多謝你…呢份係我第一份收到讀者o既生日禮物…感覺好特別! 真係好感激你呢一份心意!