2008年10月9日星期四

10-9(thurs) 與敵同行

好…被同學仔李阿婆夫人aka雙面伊人投訴我太少update呢度, 咁又up少少啦…事關放完幾日公眾假期又忙o左好多, 趕到裙甩褲甩咁!

不過呢個公眾假期我都煲番好多劇, 包括做完大半年的”金石良緣”! 係, 我終於飛快咁睇完, 仲有煲淨幾十集的“同事三分親”…終於一氣過睇晒! “同事”真係幾好睇, d”同事”真係個個都好抵死…希望新o個套原班人馬”畢打自己人”會keep到一半水準啦! 唔知點解睇個宣傳短片…遠鏡的何b師傅有d似詹瑞文, 我成日以為係佢…! 仲有, 點解阿君麗auntie會出番o黎拍劇? 有佢又點可以無佢o既最佳拍檔修哥o架? 應該合唱番首”青青河邊草”嘛!

今次我想講o既係”與敵同行”…喂! 呢套其實幾好睇, d劇情幾吸引, 雖然你都可以話係好易估到, 但都算係咁啦…幾刺激o下! o個兩個主角互相猜度玩心理戰, 都做得ok好睇! 不過有時劇情又係太heavy, 睇得唔係太舒服…畢竟我都係prefer輕輕鬆鬆鄧梓峰o個隻劇多d!

嘩, 我覺得鄭嘉穎o係呢套劇o既演技有好大improvement…d眼神好兇好狠好猙獰, 真係做到o個種好憤世嫉俗o既感覺! 但係佢一諗起蒙嘉慧時o個個"思春"樣又真係做得幾sweet幾怕羞, 好大contrast...得呀! 其實佢呢套先應該攞視帝嘛…咁就唔唔洗俾人鬧得咁交關! 齋論演技好過o係"天幕下"好多...不過"天幕下"係成個package賣得好!

至於郭晉安就唔洗講啦…d戲真係好好! 做到o個種奸在骨子裡, 好陰沉o既感覺…呢d先係視帝中o既視帝, 奸又得, 做阿旺o個隻傻又得! 郭晉安真係咁多年都咁得…不枉我80年代已經好buy佢…因為佢o個時個健康形象又真係幾討好…小朋友最鍾意! 最神奇係佢廿年o黎個樣真係可以keep到無咩點變!

至於蒙嘉慧…佢講o野真係太口齒不清, 樣就跌o左好多watt, 但都ok啦, 都可以接受…不過佢做呢d爽朗角色又係幾適合o既, feel到佢真人都係幾爽朗o個隻! 同埋o個日無意中又睇到佢o係”娛樂直播”o既訪問…我都幾鍾意睇佢o既訪問, 因為佢個人感覺好率真…呢隻style我鍾意!

至於其他角色, 俾人鬧爆o個個成日叫鄭嘉穎做”哥哥”o既妹妹何綺雲…我其實好懷疑阿監製係咪特登設計個咁可怕o既角色俾佢? 一日係咁”哥哥”…”哥哥”…預o左會俾人鬧爆啦…15歲o靚妹咩? 定係特登設計o架?

同埋其實我唔明阿嫲嫲點解會咁有先見之明…都無講阿言做過d咩惡行 (我睇到上個禮拜一o個集咋, 之後有無交代我就唔知), 淨係話佢細個時發現佢太擦鞋, 個人好假, 但又唔知佢真係具體做過d咩o野領嫲嫲咁憎佢, 更加無理由會憎到遊說佢女友唔好嫁俾佢自己個孫 (雖然唔係親生)…反而成日幫住唔係佢個孫o既鄭嘉穎 (who’s supposed to be a 殺人犯…)!

唔知點解呢套劇個setting加埋個班底, 令我諗起上年套"通天幹探"…!

仲有, 差d唔記得講, 睇完“金石良緣”, 我終於明白點解d人話鍾嘉欣o係呢套劇進步o左好多…我都覺得係! 阿法拉又係做壞人…真係同“家好月圓”的啞女好大contrast…仲有”美女廚房”粥粉面飯o既阿粉黃卓慧…o係”同事三分親”又有佢, “金石良緣”又有佢…”金石”仲要算係幾主角添! 平時睇佢做綜藝節目或者劇集茄喱啡時都幾靚, 但原來近鏡或者演埋戲又真係跌o左好多watt…難怪佢o係”金石”之後會後勁不繼!