2006年9月4日星期一

9-4(mon) CIB刑事情報科

呢套劇不經不覺已經到o左結局篇, 但係我上個weekend先有機會一連睇番頭10集…實在太可憐了!

記得今年三月先講過話o係街度撞到佢o地拍緊呢套戲: “上個禮拜o係中環分別見到陳豪同朱慧珊...陳豪o係starbucks迎面咁行過o黎, 係幾有型o既! 朱小姐呢個年紀都keep得非常唔錯, 我覺得俾上鏡靚好多添! 跟住夜晚o係擺花街附近又撞見無線隊crew o係度拍戲, 但撞正落雨, 大家[足否]晒o係度等...可惜唔見有任何主角, 只有大家可能見到都o翕唔出名o既彭冠中, 戴耀明同黃德斌(呢個應該o翕得出名o既)! 後來睇報紙, 見到話邵美琪o係擺花街拍"CIB刑事情報科"...oh, 點解咁o架? 點解我只係見到一眾男茄喱啡, 而見唔到我偶像邵美琪o架?! why...??!??!??!??!??!??!??!”…估唔到咁快就上o左! 而呢個場口o係頭十集“查阿man同樂壇天后nana “o個段劇情己經出埋添!



基本上呢套戲有d似上年套“奪命真夫”…又係有林保怡同伍詠薇, 加上四個主角都有番咁上下年紀! Tvb好少會成套劇都係由中年主角擔正…不過睇落都幾ok呀, 仲要有我偶像邵美琪主演添…今年佢都有好多戲上喎! Tvb亦都好少會咁俾機會佢, 不過一睇監製係邊個, 大家就會明白喇! 原來真係戚其義, 佢都算好有情有義…開親咩戲都預埋佢舊愛邵美琪! 仲要個班底都幾乎次次都係o個d人, 無論係古裝定時裝…林保怡, 邵美琪, 黃德斌都必定走唔甩! 真係要學萬子聲嘶力竭地送番句: “有情有義有情有義有情有義”俾佢!

林保怡同伍姑娘居然有個十五歲o既仔, 搞到好似好老咁…雖然佢o地又確係生得出o既! 依家伍姑娘做親咩戲都要做人阿媽…點解咁呀? 同佢同屆亞姐o既萬二蚊, 都仲係走緊“少女”路線…雖然o係“殭屍3”裡面佢都有個女, 但係劇情係講個女係o係未來走番o黎搵佢, 咁又唔同咁計法!



王喜就咁多年次次做咩角色都係一樣, 跟本是但搵十年前一套戲o既王喜同今日呢個王喜比一比…都未必分得到有咩分別囉!

邵美琪呢個鬈毛頭都唔多好, 唔明點解佢咁多年來次次拍劇都要疏個怪髮型? 當年 “我本善良”個“俄羅斯屋頂頭”, 仲有“今生無悔”個頭盔頭…全部都好趣緻! 佢疏d咁o既髮型係咪為o左想人focus on佢o既演技多d呢?! 其實本來佢可以靚好多, 次次都因為個搞笑髮型搞到怪晒, 而且佢o係呢套劇個look仲有d水腫添!



至於劇情, 都尚算精彩o既…不過兩個女角o係雜誌社大鬥法就好睇過兩個男人o係差館查案o既戲好多…同埋同一單case裡面有雜誌社狗仔隊同警隊CIB crossover o既場口都幾有諗頭, 幾好睇!

仲有唔知大家有無睇到其中一part? 係講邵美琪發覺伍姑娘同劉曉彤係舊同學…而間學校居然叫”聖法蘭亞根遜德聖會中學” (好明顯係抄當年亞視o既“點解阿sir係隻鬼”…但又唔敢抄足…哈哈哈!)…oh, 好令人懷念的: “聖法蘭…亞根遜…馬可孛羅得勝會…亞洲至善堂…司馬昭昭博士夫人第一紀念中學…" 真係好經典啊!