3-14(wed) 反轉娛樂圈 + "greatly-ho-wrong-lovers-wife"

呢期d電視劇都算幾好睇…搞到個人忙上加忙! 一個weekend要追番十集"on call 36", 跟住有時又要睇吓"laughing哥", 再睇咗少少"東西宮略" (無我想像中咁差…無無聊聊都幾好笑…的確係啱d人一家大細食住飯睇)…仲有呢期好多我有興趣的電影上喎…之前的"love", "失戀33天", "iron lady", "桃姐", 仲有最期待的"春嬌與志明"…實在太多太多喇!



一路都想介紹吓呢個電視迷恩物-"反轉娛樂圈monopoly game"俾各位電視迷…因為除咗呢個blog, 無咩地方可以俾我介紹呢樣嘢…事關我相信我大部份朋友都唔會係電視迷囉…可以一睇張牌就o翕得出係講緊邊個藝人的…只得幾個! 我最估唔到係我有個同事仲勁過我, 居然連一d我唔知係代表咩的牌, 佢都即時o翕得出…好嘢! 原來呢個世界電視迷雖然唔多, 但也有卧虎藏龍囉!

呢副大富翁呢…其實係instead of平時買地, 變咗開拍電視劇...果然有諗頭! 同埋d劇名真係好得, like爆咗!

我相信呢個game一定係電視迷制作, 因為真係好有諗頭, 好有heart...係真心鍾意先可以做得到! 個遊戲玩法=劇本...ok喎!

不過坦白講, 個game玩落的確有d悶…同埋有唔少bugs…但絕對係誠意之作…所以芒姐都係會俾個like佢! 讚好!


其實呢個係今年年宵的最大收穫! 之前o係蘋果睇到佢介紹, 我係特登走去買的…落住雨都走去支持…可見我幾拱有心! 真係"我的字典裡沒有放棄~煙喂耳傻癲你~~~!

支持下本地創作…都應該o既! 個哥仔估唔到我連"男人心一字馬"都知道係咩...查實佢唔知道...我的真正身份是...hohoho!


呢張"撚太撚"我笑咗…真係唔好太抵死! hoho!


尋春記+指定偽人 = 撚太撚...你真係唔好太好笑啦…


仲有…方中sir!!!!!!!!


就係呢張"男人心一字馬"令攤位個哥仔驚覺原來我都係電視迷!


祖男幅圖超抵死!


搓哥哥…


四奶奶幅圖…又係啜核!


大三元=坎坷型...太到肉!


chok瘋幅圖又係抵死⋯


仲有呢張…


同埋呢張…


呢張初時我都唔知佢係想講邊個添…真係失禮…枉為電視精…


吹波波同三滴催眠法...救命! 又係笑咗! 果然係電視精!


慈善節目"變"癡線節目"...真係覷佢諗到...又ok喎!


呢個都真係諗左一陣先知佢講乜…


唔知依家市面上仲有無得買?! 但係作為電視迷, 我覺得大家都應該試玩吓…佢都真係算幾有heart o既…值得支持!

最後送給各電視迷…哈哈…原來佢個pat pat係有個搖控器的…製作很認真啊! 呵呵!



wah...呢單嘢真係愈o黎愈奇情...但更搞笑o既係...下面條link叫"greatly-ho-wrong-lovers-wife"...笑咗!

http://www.ihktv.com/greatly-ho-wrong-lovers-wife.html

混血新歡殺出個老公 李泳豪錯戀人妻

前港姐楊思琦近日在美國未婚產女，去年被她狠撇的舊愛李泳豪馬上暗示感情有着落，新歡被爆是中韓混血女模 Miki，失戀有新歡撫平傷口本來可喜可賀，但新歡 Miki卻被爆化名多多，身份複雜，最驚爆是她已為人妻，若然屬實，表錯情的豪仔又要傷心多一次。

楊思琦去年和李家鼎兒子李泳豪爆分手，女方劈腿戀上空心佬倌吳帥，未婚懷孕，近日在美國秘密產龍女 Krystal， B女爸爸冇影。思琦勇敢做未婚媽咪，有指她本月底返港為復出做準備。

豪仔眼見舊愛已為人母後，不甘示弱曖昧爆有新歡，女方是中韓混血女模 Miki，豪仔更直認有好感，暗示舊不如新，還斬纜表示無意翻撻思琦。可是 Miki剛曝光，卻被爆有老公，豪仔為向思琦示威，原來卻表錯情。

豪仔新歡 Miki樣貌曝光兼被大起底後，有自稱是女方丈夫的 Jerry Tsang在 facebook爆料指豪仔借其妻抽水，還認出部份照片是跟太太去愛琴海時拍下的， Jerry又護妻指不想被騷擾。根據 facebook資料顯示， Jerry的太太名字是 Jinling Huang，相簿中還有夫婦親暱結婚照。

Miki自被爆戀上豪仔後，即潛水避傳媒，不但刪走微博留言，連戶名都改為玫瑰 Kitty。到底 Miki、玫瑰 Kitty和 Jinling是人有相似，抑或 Jinling化名背夫偷食，耐人尋味。記者聯絡 Jerry問到可知太太是否認識豪仔？他答：「唔識，以前電視有睇過吓，家睇報紙先知佢叫乜名。」

Miki被爆認識 BOYZ成員張致恒（ Steven），記者把 Miki和 Jinling的相傳給他求證可是同一人， Steven昨日在電話中說：「係同一個人，朋友介紹我識，我識咗 Miki都三年，大家有聯絡，但唔知佢係單身定有另一半，佢其實唔係 model，佢只係一個文員。」

豪仔堅拒翻撻舊愛

豪仔昨日現身電視城，被問到有三個新歡，他說：「誤會嚟，係識咗好耐嘅同事。」談到可有被 Miki詐型，他說：「家呢的問題真係唔想回應，唔想影響人，我想集中工作。」可有與思琦聯絡，他則說：「冇呀，我都係睇雜誌先知佢幾時返。」

問到會否再考慮跟思琦修補關係？豪仔堅決說：「我唔係仲等緊，只係唔想再回應呢啲問題，成件事告一段落，同埋佢啱啱生完，唔想有太多聲音影響佢嘅情緒。如果我再拍拖真係會同大家講，而家實在太複雜。」

李家鼎表示未見過 Miki，可擔心豪仔癡心錯付，鼎爺昨日在電話中說：「佢咁大個仔，有自己主見，要 㩒都 㩒唔住，要尊重佢，如果啱嘅點都支持佢。」

張秀文否認主動追求豪仔

楊思琦日前在微博公告當了未婚媽媽，產下可愛囡囡，舊愛李泳豪當然感覺酸溜溜，他不甘寂寞，傳出落選港姐黃瑩、前年港姐亞軍張秀文和中韓混血女 Miki都爭相向他獻媚，令豪仔馬上變情聖兼筍盤。

張秀文日前否認主動追求，她表示自己感情上是被動的女生。其實不排除有人妒忌舊愛升呢做媽咪，可是 B女父親並非自己，內心不舒服，所以刻意放風自己回復單身及有異性緣，可惜緋聞女友不但聲稱唔過電，還有被爆已婚，男方這次比遭女撇更爆。