12-12(sat) 歡樂滿東華2009

今年“歡樂滿東華”cast好似係弱中之弱…上半部我只係o係街睇o左少少…下半部一邊睇一邊上網, 悶到抽筋! 本來等o左好耐以為無o左o既“卡拉之星”環節…原來仲有, 但係放到成3點半先做, 仲要由本來十幾個變到得番三個…又要無o左好姨, “卡拉三寶”又只係得番手語人…其實呢個環節已經名存實亡!

手語人同第二位o既李鴻杰都尚算落力…有晒dancers伴舞咁, 不過李鴻杰o既表演就比較精彩! 手語人王維德玩o左咁多年都無咩驚喜喇, 有d江郎才盡…同埋今年連佢家姐王敏明都唔見埋…更加失色多兩錢!

而籌得最多錢o個位卡拉之星王若琪…其實佢知唔知個遊戲點玩o架? 卡拉之星係鬥搞鬼+騎呢o架嘛…正正經經咁唱歌, 駛咩玩卡拉之星呀? 仲有佢明明係新進歌手, 應該學銀姐姐話齋調番上之前個奀星時段度唱呀嘛…佢咁樣"nga"o左個位就算籌到幾多錢, 都係會令人對佢反感囉~

真係每年東華都會見梅小惠出現番…明明全年都無見佢o係tbb節目出現…點解一到東華又會見番佢o既…?! 同埋另一個主持宋芝齡真係同佢有d似樣囉! 至於阿張美妮姐姐, 真係每一次出現都比上一次浮誇…點解佢會變成咁?! 仲有, 估唔到阿阿蘇晉廷都“升呢”有得做東華主持…其實我覺得佢之前主持“東張西望”都唔會比崔建邦遜色呀...加上佢o地講o野個tone有d似, 我有時唔望個電視齋聽聲都會撈亂佢兩個!

“歡樂滿東華”@芒姐再現…


2008-12-13(sat) 歡樂滿東華2008


2007-12-8(sat) 歡樂滿東華2007


2006-12-8(fri) 記住睇歡樂滿東華之全台藝員卡拉之星大唱遊呀呀呀呀呀…!!!!!!


2006-12-9(sat) 歡樂滿東華2006 (上)


2006-12-13(wed) 全台藝員騎呢之星大唱遊2006(下)+ happy250000…五白金!!!


2006-12-16(sat) 歡樂滿東華卡拉之星經典再回顧


2005-12-11(sun) 歡樂滿東華2005


2005-12-12(mon) 歡樂滿東華2005之“全台藝員卡拉之星大唱遊”


2004-12-11(sat) 歡樂滿東華2004 (上)


2004-12-13(mon) 歡樂滿東華2004 (下)


2003-12-13(sat) 歡樂滿東華 2003


2002-12-14(sat) 歡樂滿東華2002


(泰文版“流星雨”)

呢段帶銀公主推介o既泰文版“流星雨”…真係笑爆嘴...扮仔仔o個個真係想點呀~?! d人搞笑,但係d廣東話字幕更加搞笑...簡直可以媲美當年鄭嘉穎同黃宗澤o個隻係咁"低b仔~can cool仔"o既"強劍"泰文版囉~~~wahahahaha~~~

可惜click番條link已經俾youtube [手產]走晒…最終要去土豆先搵到…再重溫多次, 依然好好笑! 當年聽到直頭去唱k都識跟住唱埋泰文版添呀! 但係可惜搵唔番mk wong同鄭視帝當年上“勁歌金曲”現場唱o既版本…當年真係笑到標眼水…睇完一次又一次!


(泰文版“強劍”)