2012年12月24日星期一

12-24(mon) 絕對是個夢

weekend睇咗"湯寶如20年零一夜狂歡演唱會"...um, 你話好好睇又唔係, 因為湯記真係唔算多hit歌...但作為九十年代之友, 點都要支持下...因為我恐防係可一不可再! 同埋其實我估唔到有生之年有機會睇到湯記演唱會...幾感動吓! 成件事好九十年代...直頭係回憶返埋嚟...一聴到"絕對是個夢"嘅前奏響起...真係幾感動喎! 湯記咁多首hit歌...其實我最鍾意呢隻...估唔到呢?!



而更感動係見到"寶麗金三小花"再次同台演出...仲有草蜢! 但我唔明點解既然阿蘇太劉小慧都o黎咗唱"初戀情人"...無理由唔一齊唱+跳埋佢本身有份o既"熱力節拍woubomba"?! 如果有埋佢同關淑怡就perfect喇!



仲有可以廿年後睇番黎瑞恩現場唱經典名曲"一人一有一孖臘腸"...又係感動...好似回到"少女芒"年代! 令我諗起當年的"碟聖"...好想攞番出嚟唱囉! 同埋小恩子唱歌依然好好聽, 形象又真係幾討好...如果佢再開演唱會, 我一定會去支持囉! 其實佢哋應該三小花一齊開一個演唱會...或者夾埋當年寶記的玉女掌門人周慧敏, 關淑怡, 王馨平就更好!



蘇太廿年後唱番"初戀情人", 雖然形象不再學生情人, 但歌藝出奇地進步咗!



最後, 就等我哋重溫吓九十年代的寶記盛世...唔係英皇盛世..."為全世界歌唱@寶麗金25周年演唱會"...



上個禮拜上的兩線劇"法網狙擊"同""幸福摩天輪"...我比較like法網狙擊"! 雖然都係一貫的律師+警察劇, 十分千篇一律! 森美依舊好chok, 成日mui住個嘴, 見到佢我就想笑...佢做咩都似拍笑片多d...佢都係適合做主持多好多! 而黃智雯做雙非孕婦又做得幾好喎!

同埋我想講楊怡做律政署間房都唔駛大成咁呀? 仲要按摩椅添...太誇!



至於"幸福摩天輪", 係咪又係"老友狗狗", "金石良緣", “當旺爸爸”d friend? 又係鍾嘉欣, 又係懶溫馨嗰隻...但呢套好似悶過之前o個幾套, 同埋有d煩! 而鍾嘉欣居然做輕輕鬆鬆鄧梓峰個女? 好似誇咗少少! 同埋巴斯光年拍呂珊, 又係唔多襯!

oh, 明年1月1日重播"天與地"...正! 雖然已經錄起晒, 但成日都講, 同大眾一齊同步睇一齊討論, 感覺完全唔同!

最後, 芒姐o係呢度祝大家有個快樂聖誕! Merry x’mas!!!