2005年12月23日星期五

12-23(fri) 情陷夜中環2

呢期無啦啦身邊多o左好多人話有追睇我最喜愛o既“情陷夜中環”…講真, 我覺得踏入中段反而無咁好睇, 我都係鍾意頭o個十集多d! 睇o左大半套之後, 都係時候再講講呢套都自引起幾大迴響同埋亞視o黎講收視都唔錯o既“情陷夜中環”…

真係估唔到依家d亞視劇節奏咁明快…可能因為係王晶o既劇, 所以同一般亞視劇唔同! 我發覺原來王晶d電視劇直頭係有“過於明快”之嫌…上次“美麗傳說之星願”已經係咁, 今次就仲快…miss o左一集就完全好似過o左幾年咁, 同依家無線d電視劇剛剛相反, 無睇10集好似仲係講緊o個樣o野…點解兩台好似調轉o左…大家拉番暈得唔得?!

快就真係快得滯, follow得好辛苦囉…但“情陷夜中環”又確係幾好睇, 同埋好有戲味…我有好多friend都話有力追緊…雖然仍然有一堆係誓死唔睇亞視! 唔緊要…我唔係想遊說大家睇!


Image hosted by Photobucket.com


原來全劇得三十集, 但有咁多枝節要交待…我相信如果擺o係無線, 會係一套60集長劇! 其實劇情雖然都係d咩同父異母+爭產+勾心鬥角等老老套套o野, 但拍得幾有戲味…簡直係劇力萬鈞!

仲要好騎呢地, 呢套劇本來又係無主題曲o架嘛…點知忽然到o左第11集無啦啦多o左隻主題曲…仲要由一個不知名o既人唱…我本來以為係谷祖琳唱o既添! 仲有, 谷祖琳真係好鬼醜樣 (雖然身材幾好); 反而葉璇個時裝look都幾靚, 同埋好fit囉! 平心而論, 我真係覺得佢做得幾好…其實o係“本草藥王”都唔差o既, 但係無咁大發揮…連佢自己都話, 呢套戲有好多parts都好似佢自己o既寫照 (哈哈! 唔知係咪包括呢期o既封面故事呢?), 所以做得特別投入…同埋, 呢套o野擺明係為佢度身訂造, 等佢出位o既! 佢一個人幾乎擔晒成套戲…最有發揮都係今次!

反而黃浩然暫時都唔見有咩發揮…如果佢係一個奸角, 真係奸得好唔出面…定係佢做得太差呢? 事關佢個角色, 一路都十分討好, 真係好似個傻仔咁…係到呢幾集先懶係奸少少, 但都做得好無說服力!

同埋做有錢佬o個個黃子雄都做得好好…反而林韋辰, 真係無論o係無線定亞視時我都咁唔buy佢…好克人憎! 不過o係無線佢做埋d三線角色就算啦…呢度居然俾男主角佢做, 仲要話佢係葉璇o既“夢中情人”, 又話為o左佢跳樓…真係唔該晒! 佢o係無線時, 幾時輪到佢拍葉璇呀? 葉璇緊係拍林峰o架嘛…林韋辰頂多都係做“主角的情敵的哥哥”, 連陳啟泰/鄧梓峰做開o既“主角的情敵”都不是! 所以話, 佢返番亞視, 真係有得發圍!

搵袁文杰扮少年謝老四其實都幾似…有一集臨尾係講由袁文杰漸漸轉到謝賢個樣, 好似劉德華o係 “童夢奇緣”變老咁樣, 呢part整得好好…好有趣! 但係扮少女鮑起靜o個個女子, 就做得超級差!


Image hosted by Photobucket.com


近期真係好鍾意聽“豈有此理”隻主題曲, 好眾志成城, 好輕鬆, 好開心, 好好笑…d人好落力…尤其樓南光, 唔知卡拉ok又有無得唱呢首歌呢?! 而套劇本身都好騎呢, 好好笑…最好笑係d演員個個都做得好吃力, 因為要即日寫稿即日拍, 個個都好明顯好辛苦咁背d台詞出o黎…好生硬, 好突兀, 但好好笑!