1-31(thurs) 鍾保羅

早前o係youtube搵“歡樂今宵”d片段, 點知搵到呢幾段片段…好心o翕!!!


(1989年9月1日 - 無綫晚間新聞…鍾保羅逝世消息)

鍾保羅跳樓自殺呢單新聞…當年我係好深刻…
http://hejnom.blogspot.com/2007_03_14_archive.html

“話說o個時好鍾意睇佢做司儀, 點知睇完89年港姐決賽無耐, 到9月1日開學日放學返屋企睇新聞, 居然聽到話金牌司儀跳樓身亡…好驚, 好唔開心, 完全接受唔到…仲要o個時d報紙唔知點解可以登人o既遺容…無啦啦一揭開C1就睇到, 嚇到我呀…事前完全唔expect會有o架嘛! 同埋因為佢係跳樓, 個樣變晒, 腫o左, 直頭完全唔似…總之好鬼驚!”

…我都記得o個個學年第一日放學返屋企, 就睇到呢段新聞…實在太震驚! 尤其係因為o個期o岩o岩先勁睇完89港姐!

呢兩段我就已經唔記得, 可能我有睇過, 但係太細個, 我都唔知喇…但係依家睇番, 都睇到想喊…

1989年09月01日 - 歡樂今宵(懷念鍾保羅) (第一部份):


1989年09月01日 - 歡樂今宵(懷念鍾保羅) (第二部份):


佢當年做“激光旋律”, 台慶, 所有大show, 尤其係港姐司儀…我都好欣賞佢…不愧為金牌司儀接班人…點知咁後生就死o左! 仲有後來睇番佢主演o既 “iq成熟時” 同埋“喝采”…又係好buy佢! 哎…可惜!

睇番段片, 蔡楓華o個時講o野仲好有紋有路o架喎…原來佢係再後期先被逼到癲o左?!

又, 睇到一篇關於“歡樂今宵”o既文章…又係令人好感慨…

***************************

[大公報]　憶《歡樂今宵》點滴舊情

「集體回憶」已成為潮流用語，若加恰當修葺更添理性達悟，舊有的歷史遺骸，又如何衡量實際價值呢？

就如無線打著四十周年旗號舊片新播，說是懷舊緬昔，從實際角度，確是慳皮節流兼收凝聚效力。四十年前的鎮台之寶《歡樂今宵》又一次借屍還魂再度會眾！

翻算歷史，《歡樂今宵》由一九六七年十一月十九日首播，到一九九四年十月七日停播，這個跨年代的長壽節目共播映六千六百一十三次才停產，留下「陸陸一生」的回生密碼作隨時翻甦的註腳，在今年無線四十大壽更有除忌附旺的意味。 　本月七日，無線大搞一趟《歡樂今宵團圓夜》，是應合程式為現時播足五晚的《再會歡樂今宵》催谷宣傳，過去三周《再歡》的口碑與收視僅屬一般，俱是意料之內，但成本效益控制得宜，也是意料之內，舊料新炒也要視乎大廚功力及能否因應潮流，收起納悶的鬧劇，精心包裝星光燦爛的舊片更添睇頭。

正是「佳片不厭百回播」，當年劉德華余文詩深情合唱粵曲《劍合釵圓》、周星馳認真獻唱《叮噹》與《我是中國人》、謝賢拉姑恩愛演繹《請跟我來》，還有梁朝偉、劉德華濃情合演《鳳閣恩仇未了情》，都掙回不少分數，任白迷更期待重播籌款義唱版的《帝女花》與《去國歸降》以供回味。

《歡樂今宵》木人巷舊事更掀回憶，當年波叔的有味笑話就為編劇增添不少靈感，猶記他與盧大偉「說長論短」繪形繪聲，路過的葉德嫻也湊上打諢興致，有「色」人士鬥嘴妙相比EYT直播更逗人發笑。

尚處青春少艾的林建明、陳儀馨與溫柳媚，好姊妹碰面話題不離男友與扮靚。柳姐車禍傷眼中止銀色生涯，療傷期間何B關懷送暖，往後他周旋於小花叢更有「市政局花王」稱譽，匆匆又過二十餘載。

肥姐未有欣宜之前，最疼錫松鼠狗「飛仔」，嘆下午茶不離寵物為伴，已顯慈母風範，在秋官患肝炎養病期間，肥姐鮮有開心笑容，還要頻撲照顧情郎，愛在心內暖無須言表，凡此一切，俱往矣！

回到未紅時的阿叻，幕前表現不多，但他在木人巷講馬經煞是精采，不乏攞貼士的信眾，但在當紅女友黃杏秀面前，就回復溫馴的跟得男友崗位。

可記得鍾保羅、余綺霞與盧敏儀的三角戀史？還未知情歸何處，遠地傳來霞女、賈思樂與麥麗紅澳洲車禍的意外，鍾保羅偷赴澳洲慰問伊人，事隔一年這位被譽為「金牌司儀的接班人」因賭債纏身跳樓殞命，身損遇情傷的霞女最後亦難敵癌魔不治病逝。每有成員生離死別，《歡樂今宵》這個大家庭都籠罩哀愁，宛如真正失去了親人。

歡樂有時、悲傷有時，今宵年月度，今夕復何年，重聽陪伴一眾成長的安眠曲，即使不算悅耳，都依然親切和諧。

《歡樂今宵》這個古老牌匾，縱嫌過時，也不忍心要作撅碎，縱嫌不耐，喜作集體回憶的保育觀眾，看在四十年的情面，又是否樂意繼續包涵？

周沂