H-E-J-N-O-M <=> 芒姐再現: 2008年2月18日

2008年2月18日星期一

2-18(mon) 雪中送暖

尋晚無綫個振災節目, 卡士真係比想像中再弱多十倍…係得twins演出製造到d話題, 另外o既幾乎都係三/四線歌手…點解無綫會變得咁無號召力? 當年華東水災都搞得好有聲有色o架 (咁當然不能同全個演藝界一齊搞o既 “忘我大匯演” 比)…點解今次搞到咁求其? 雖然好似話3月1日會有全個演藝界o既籌款活動, 但係今次無綫個show真係…變o左旗下藝人演出o既節目巡禮多d!

成個節目, 我覺得最好睇o既已經係能夠聽番劉美君唱“愛是無涯”囉…仲有, 阿叻可唔可以唔好唱太多歌? 仲要唱“望月”…oh! 雖然係為籌款, 出於善心…但真係…唱半首咪算囉!

仲有, 個熱線係完全打唔到o既…我都有嘗試打去捐錢, 點知打o左個幾兩個鐘都打唔通, 60條線未免太少, 平時東華都有100條啦…!

o個首由“朋友”改編而成o既振災歌, 唔知點解有d怪…同之前d振災歌差好遠! 其實“朋友”本身係ok好聽又“kum”聽o既一隻歌, 但係呢個version唔太得!

都係聽番之前咁多次d振災歌回顧o下o個種眾志成城o既感覺先…

1991年華東水災o既“滔滔千里心”mv…好經典啊! 連呢個版本o既mv都可以o係youtube搵到, 真係好感動…又係好多回憶返埋o黎!

睇呢d mv可以睇番o個期邊個紅…o個時真係好鍾意呢隻歌, 可能最主要都係鍾意個眾志成城o既感覺, 覺得仲好過原曲“bridge over troubled water”!

2003年sars一役的“心連心”mv …又係好感動啊! sars呢單o野相信無香港人能夠忘記…當年我好“慶幸”o係 sars o岩o岩爆發時由英國返o左香港過復活節, 我真係衷心慶幸o架喎…否則無經歷過呢段日子, 好似唔算係香港人咁…可惜後段時期返o左英國, 無得經歷晒成件事!

記得4月1日愚人節, 淘大花園d住客要搬去camp隔離, 同人哥哥仲要自殺…o個日o既新聞全部都係你發夢都估佢唔到o個d, 仲要全部一日發生晒! 我4月尾飛返英國時, 第一次試過搭飛機有一半係吉o既, 我可以擺晒d o野o係隔離個位, 坐得出奇的舒服! 呢段全民皆口罩o既特別日子, 相信所有香港人呢世都唔可以忘記!