11-7(sat) 2009翡翠歌星賀台慶

今年“翡翠歌星賀台慶”懶勁咁去o左澳門搞, 仲好似懶係好多歌星人材濟濟咁…以為今年可以keep住舊年令人驚喜不絕o既感覺…點知…又係去番前幾年悶爆o既水準!

一邊睇, 一邊覺得好悶, 係咁fast forward…一開場好似好多人咁, 點知好多個都係o翕唔出名o既, 無咩大牌歌星…我明白係要俾機會新人, 但需知道無咩大牌歌星的確係令每個環節都好唔吸引…舊年每一part都有一兩個出名o既歌星lead住, 但係今年d 2.5-3.5線o既歌手都可以一人擔幾part!

泳兒/鍾舒漫全部都好鬼忙, 一人要做幾part…但鍾sherman一開口就唔記得o左歌詞…咁難得o既機會都唔做足準備, 真係令人失望! 至於泳兒...自從"超級巨聲"之後對佢印象真係麻麻…同埋佢o既感覺真係異常地yim悶!

最忙o既當然係張繼聰…其實佢唔係唔好, 但洗唔洗忽然間力捧得佢咁誇張? 企第一行不特止, 仲要幾part都有佢份…又跳舞又唱! 跟住呢個禮拜其他節目好似“勁歌”同“超級巨聲”又有佢…又係犯o左tbb最鍾意犯o既錯…overdose!!! 同埋雖然張繼聰有時講o野都ok搞笑, 但係呢幾排佢係變得“過份搞笑”囉…差不多每一句都要夾雜一d爛gag又或者懶係窒人但又唔好笑咁…弄巧反拙! 佢又係唔識見好就收囉!

仲有阿古sir, 你真係無論主持“係咪小兒科”定係“歌星賀台慶”都咁過份亢奮…你洗唔洗再浮誇d呀?! 以前o既“娛樂新聞眼”甚至“第二最愛”年代的可愛古巨基去o左邊呀呀呀呀呀~~~?!

同埋d台詞都真係好難受o下…尤其係do姐同千fa+joey o個part…超突兀咁o係度夾硬講埋d奇怪台詞去tag d歌! 佢o地記又記得辛苦, 講出o黎又講得甩cut, 最慘係唔好笑…真係吃力不討好囉!

至於阿bosco同埋鍾嘉欣…雖然係tbb親生仔女, 有機會唱o下solo…但又再一次係愛你變成害你…等佢o地自暴其短! 仲有阿屎塔肥...佢同方力申合唱“好心好報”好似唱得仲衰過當年…一路聽一路戥佢危…真係可憐! 可能佢真係對唱歌無晒自信, 我覺得佢直頭係唱得比cookies年代仲差囉!

又o黎翡翠歌星賀台慶回顧…


2008-11-1(sat) 2008翡翠歌星賀台慶


2007-11-4(sun) 2007翡翠歌星賀台慶


2006-11-17(fri) 2006翡翠歌星賀台慶+回顧


2006-11-15(wed) 2006翡翠歌星賀台慶前傳…


2006-2-7(tues)2005翡翠歌星賀台慶

另外, 分別有幾個朋友都有send呢段新聞俾我睇…就係我舊年睇番“變色龍”重播時好鍾意o既馬敏兒忽然出o左家! 都真係幾震驚o下…事關之前完全無聽過!



米雪支持馬敏兒出家

於 70年代竄紅、曾拍攝麗的劇集《鱷魚淚》和《天蠶變》的馬敏兒， 85年息影移居加拿大，其後結婚並育有兩名子女，昨日卻驚爆她今年 9月 26日已在印度剃頭出家的消息。據知現年 49歲的馬敏兒早年已離婚，兒子 Barney和女兒 Bernice分別 19歲和 18歲，仔女漸大，令馬敏兒可全心皈依佛教。

報道指已成為藏傳佛教女出家人的馬敏兒，披上紅色袈裟，她並不眷戀昔日做藝人的日子，她指在娛圈工作 7年，卻像做了 70年般疲累。米雪昨日獲悉好友馬敏兒出家時說：「我精神上支持佢，佢有呢份善心，祝福佢。」魏秋樺昨也說：「好意外，先前一啲迹象都冇，其實佢可以帶髮修行，咁嘅決定太投入，我會 sms支持佢。」