8-15(wed) 鑽石王老五

禮拜日下午無意中睇到電視直播“世界女排大賞賽”…但係首先係明星版, 係香港一jar三/四線女星 (包括袁彌明, 謎女郎呂慧儀, 鄧穎芝, 李詩雅, 裕美等)vs中國女排…嘩, 睇o左少少, 但勁好笑! 當然你不能expect班女星可以同中國女排比…其實佢o地都打得唔係太差, 但因為實力真係懸殊, 同埋太多蝦碌搞笑場面…搞到個個都陰陰嘴笑! 好搞笑!

跟住又睇到一段好搞笑的報導…笑死我!

*******************************************************

關 仁 隱 事 ： 癲 尼 姐 奄 尖 激 對 手

圈 中 好 多 前 輩 級 o既 演 員 係 好 有 演 員 道 德 ， 所 以 拍 攝 期 間 ， 佢 o地 o既要 求 特 別 高 。 關 仁 聽 講 「 癲 尼 姐 」 係 表 表 者 ， 話 說 佢 早 排 幫 「 毛 冷 台 」 拍 劇 ， 佢 就 要 求 多 多 ， 除 o左 成 日 要 改 劇 本 改 對 白 外 ， 有 一 次 同 o岩 o岩 過 檔 毛 冷 台 o既 姐 仔 「 二 索 琪 」 做 對 手 戲 ， 其 實 二 索 琪 份 人 一 樣 奄 尖 腥 悶 ， 麻 麻 煩 煩 ， 話 說 o個 場 戲 講 佢 o地 飲 湯 ， 好 簡 單 o既 一 場 戲 順 利 拍 完 ， 二 索 琪 拍 完 就 拿 拿 臨 換 衫 收 工 ， 點 知 癲 尼 姐 事 後 諗 到 碗 湯 放 少 o左 幾 粒 南 北 杏 ， 竟 然 要 求 重 拍 ， 立 即 搵 劇 組 o的 人 急 召 二 索 琪 返 o黎， 為 o左 咁 小 問 題 ， 二 索 琪 梗 係 唔 制 ， 自 此 兩 女 就 開 始 唔 妥 。 關 仁 聽 到 都 覺 得 問 題 唔 大 ， 癲 尼 姐o既 要 求 似 乎 就 吹 毛 求 疵 o左 o的， 都 唔 知 佢 係 為 o左 部 劇 ， 定 係 為 o左 啖 氣 囉 。

*******************************************************


(yoyo+bibi)

另外, 之前睇報紙見到話光頭仔王嘉明結婚, 嘩! 佢肥o左好多, 而佢老婆居然係姚詠雯yoyo…真係完全唔知佢兩個有啦間! Yoyo即係以前做model, 同佢家姐bibi (雖然幾似樣, 但係我覺得個妹靚好多...其實佢o地先最應該組成twins)+陳敏芝+zoie譚凱琪 (原來佢家姐陽光檸檬茶廣告個譚凱欣嫁o左風火海個朱永棠喎...真係唔講唔知)+celina雪蓮, 係同期o既小室徒弟!

可惜佢o地幾個都紅唔起…跟住各散東西! 小室捧咁多個, 真係無一個可以紅到…係咪佢眼光有問題, 定係佢捧人方法有問題呢?

其實佢兩姊妹樣幾靚, 但係唱歌就完全唔得, 反而光頭仔唱歌其實幾好聽, 佢首快歌"公告天下"當年我o地都激節讚賞…佢跳兩下都ok o架喎!

係報紙睇到yoyo個樣好似無以前咁靚…原來有o左, 唔怪得知個人好似腫o左d咁啦!



前兩篇講開馬德鐘o係"餐餐有宋家”個吳啟華醫生角色, 諗起真實o既吳啟華…佢o既起跌比起馬德鐘仲勁…一出道有d劇拍, 跟住o係“流氓大亨”做奸人出位, 一直被標簽為奸人中o既奸人, 跟住去到亞視都仲係做奸人, 後來唔知點解去o左拍三級片 (有無人可以解答到?), 跟住更加唔知點解無綫會簽番佢, 仲俾個大好人程至美醫生一角佢做…又居然入晒屋喎, 同蔡少芬[手羅]晒台慶獎仲要有唱片出, 之後都紅o左幾年…係近年又一籮籮負面新聞再dup番, 真係大起大落幾十次…!

唔知有無人記得佢21年前佢o既一套劇“鑽石王老五”呢? 當年我覺得幾好睇, 又係d溫溫馨馨愛情劇, 好似講吳啟華本來同靚爆鏡的藍潔瑛一齊, 後來分開o左, 就同o左佢個本來戴晒眼鏡著得好老套的秘書毛舜筠 (唔知點解d戲成日都會話d人一唔戴眼鏡就眼前一亮, 幾乎唔認得佢咁…搞到我以前真係以為戴o左眼鏡出街, d人就會唔認得我…點知2003年沙士期間, 我發現even戴埋口罩, d人都係照樣會認得你…所以話, 呢d劇情真係教壞細路…尤其係天真細路如我!), 由互相不滿到擦出愛火花…仲要話毛毛後來改變形象 (主要係無o左副眼鏡同埋d衫無咁老套o者) 就令佢眼前一亮o個d老套劇情啦…套戲好似仲有小時候的李泳豪做o既添!

我最深刻係結局有一幕好似吳+毛o岩o岩結o左婚, 佢d屋企人o係天台唔知點解整穿o左個天花板仲要望到o係留下o既佢o地…前因後果唔記得喇…畢竟已經係廿年前, 睇o既時候仲要只得7歲…雖然好似後來某年農曆新年都重播過…呢, 深宵一晚五集o個d呢…不過都唔記得o左係邊呢lu!

今日無意中俾我發現呢套劇的片頭mv…仲要有陳百強的“癡心眼內藏”做主題曲…真係好好聽, 好配合套劇的溫馨feel! 好懷念啊…



最後…個勁歌金曲優秀選giv投票rap幾個禮拜rap足二千次…真係好煩…洗唔洗半個鐘o既勁歌都要輪流rap四次呀?!