2007年7月25日星期三

7-25(wed) 太陽計劃二十年

上個禮拜睇報紙見到個“太陽計劃20年”o既報導, 講番呢廿年o黎“太陽計劃”點樣由盛轉衰, 見證o左呢廿年o既改變! 以前細個, 每年暑假o既“太陽計劃”都可算係盛事, 個開幕同閉幕音樂會, 都一度好想撲飛去睇, 因為個cast真係幾吸引o下! “太陽計劃”亦都係我o地年代o既朋友少年時期集體回憶一部份…! “我做得到…”呀, 咩“太陽精神…奧林匹克精神…”…“四大天王”呢個稱號, 都好似係因為92年太陽計劃唔知張文新定邊個隨口o翕而起o既! “太陽計劃”都曾經係一個舉足輕重o既活動!

嘩! 睇完個“歷屆超級太陽使者/太陽少男少女”名單…真係發覺個standard居然可以倒退成咁…上年o個幾個已經搞笑o架喇, 今年o個jar更加不知所謂…唔怪得知依家每年o既“太陽計劃”, 都係無聲無色咁開始, 又無聲無色咁結束…同以前係每年暑假盛事o既年代真係差好遠!

**************************************************************

太 陽 計 劃 20 載 星 光
那 時 那 地 那 人 : 朱 培 慶 落 場 Para Para 舞 動 全 城


「 太 陽 計 劃 」 在 港 台 近 日 一 片 風 雨 聲 中 邁 向 20 年 , 上 周 揭 幕 禮 由 衞 蘭 撐 大 局 , 星 光 黯 淡 , 但 曾 幾 何 時 , 它 曾 經 發 光 發 熱 , 粒 粒 巨 星 擔 任 大 使 , 是 暑 期 一 大 盛 事 。 身 為 元 老 的 車 淑 梅 , 最 難 忘 當 年 腹 大 便 便 游 說 尊 龍 做 嘉 賓 , 發 起 人 曾 智 華 就 最 回 味 史 泰 龍 著 高 踭 鞋 舞 大 刀 , 至 於 因 尋 歡 醜 聞 而 宣 佈 提 早 退 休 的 廣 播 處 處 長 朱 培 慶 , 在 2001 舉 行 的 「 太 陽 計 劃 」 中 與 陳 慧 琳 大 跳 Para Para 的 表 演 , 更 叫 人 難 忘 。 撰 文 : 戴 彩 煥

車 淑 梅 為 「 太 陽 計 劃 」 元 老 , 由 第 一 屆 開 始 擔 任 了 十 多 屆 司 儀 , 在 過 去 猛 烈 陽 光 下 流 過 不 少 汗 水 , 日 前 她 與 第 二 、 三 代 太 陽 計 劃 司 儀 羅 啟 新 及 李 志 剛 , 一 起 分 享 當 年 甜 酸 苦 辣 。 車 淑 梅 說 : 「 咁 多 年 見 證 住 唔 少 歌 手 起 起 跌 跌 , 好 記 得 Sammi ( 鄭 秀 文 ) 仲 未 成 為 天 后 o個 陣 , o係 後 台 好 冧 咁 睇 住 安 仔 ( 許 志 安 ) o係 台 上 表 演 , 估 唔 到 冇 幾 耐 , Sammi 事 業 已 經 超 越 安 仔 。 另 外 , o的 人 為 o左 睇 小 旋 風 林 志 穎 , 搞 到 迫 爆 港 台 玻 璃 , 我 要 搵 人 假 扮 林 志 穎 引 開 班 fans 。 」



挺 大 肚 等 尊 龍

不 過 , 數 車 淑 梅 最 難 忘 的 , 還 是 89 年 腹 大 便 便 游 說 尊 龍 做 太 陽 使 者 。 車 淑 梅 : 「 當 年 尊 龍 o黎 香 港 拍 戲 , o個 陣 時 我 有 o左 6 個 月 身 孕 , 日 日 走 去 酒 店 等 佢 , 工 作 人 員 同 我 講 : 『 佢 好 忙 , 唔 得 閒 見 你 o架 啦 ! 』 結 果 等 到 第 4 日 卒 之 見 到 尊 龍 , 佢 唔 單 止 答 應 幫 手 , 仲 請 o左 我 去 飲 茶 添! 」

身 為 太 陽 計 劃 發 起 人 的 曾 智 華 , 回 想 88 年 成 功 找 來 國 際 巨 星 史 泰 龍 擔 任 首 屆 太 陽 使 者 , 仍 然 興 奮 : 「 見 到 史 泰 龍 真 人 先 知 佢 原 來 咁 矮 , 要 著 高 踭 鞋 , 不 過 佢 好 nice , 我 o地 畀 把 大 刀 佢 舞 , 佢 不 知 幾 高 興 , 覺 得 好 新 鮮 。 有 o左 史 泰 龍 之 後 就 好 易 搵 人 。 」

史 泰 龍 和 尊 龍 之 後 , 港 台 先 後 請 來 德 永 英 明 、 工 藤 靜 香 和 張 曼 玉 等 擔 任 太 陽 使 者 , 更 有 松 田 聖 子 和 Puffy 等 唱 主 題 曲 , 粒 粒 巨 星 , 而 近 日 因 為 尋 歡 醜 聞 而 宣 佈 提 早 退 休 的 廣 播 處 處 長 朱 培 慶 , 在 2001 舉 行 的 「 太 陽 計 劃 」 中 更 與 陳 慧 琳 大 跳 Para Para , 為 這 個 鼓 勵 青 年 善 用 暑 假 的 活 動 出 一 分 力 。



難 找 巨 星 參 與

近 年 「 太 陽 計 劃 」 星 光 黯 淡 , 曾 智 華 亦 承 認 電 影 及 唱 片 業 市 道 低 落 , 令 港 台 較 難 找 到 巨 星 參 與 , 不 像 當 年 經 常 有 巨 星 訪 港 , 港 台 很 容 易 邀 請 他 們 義 務 參 與 支 持 。

曾 智 華 嘆 說 : 「 近 年 要 人 冇 人 、 要 錢 冇 錢 , 要 機 器 冇 機 器 , 做 任 何 o野 成 日 俾 人 潑 冷 水 , 又 唔 畀 你 做 呢 樣 o個 樣 , 令 到 人 o既 鬥 心 同 衝 勁 冇 辦 法 做 到 出 o黎! 呢 幾 年 個 氣 氛 唔 好 , 所 以 家 佢 o地 已 經 做 到 好 盡 , 係 同 事 用 個 人 死 力 o黎 拼 … … 其 實 我 o既 意 念 係 將 太 陽 計 劃 全 球 化 , 拉 隊 去 每 個 大 洲 做 , 如 果 香 港 電 台 變 為 一 個 公 營 廣 播 機 構 , 唔 受 政 府 箍 死 o既 話 , 可 能 會 做 得 到 。 」



歷 屆 超 級 太 陽 使 者 / 太 陽 少 男 少 女

1988 : 史 泰 龍
1989 : 尊 龍
1990 : 關 德 興 、 汪 明 荃 、 周 星 馳
1991 : 成 龍 、 譚 詠 麟
1992 : 徐 小 鳳 、 德 永 英 明
1993 : 工 藤 靜 香
1994 : 張 學 友 、 黎 明 、 郭 富 城
1995 : 劉 德 華 、 郭 富 城
1996 : 張 曼 玉
1997 : 張 學 友
1998 : 張 學 友 、 劉 德 華 、 黎 明 、 郭 富 城 ( 四 人 被 冠 之 為 榮 譽 顧 問 )
1999 : 謝 霆 鋒 、 張 栢 芝 ( 由 該 屆 起 , 太 陽 少 男 少 女 開 始 取 代 太 陽 使 者 )
2000 : 雪 兒 、 李 彩 樺 、 陳 冠 希
2001 : 陳 文 媛 、 王 秀 琳 、 方 力 申 、 陳 司 翰 、 楊 天 經   國 際 太 陽 使 者 : Westlife
2002 : Twins 、 余 文 樂 、 蕭 正 楠
2003 : 林 嘉 欣 、 Boy'z
2004 : 房 祖 名 、 薛 凱 琪 、 女 生 宿 舍
2005 : 關 智 斌 、 衞 蘭
2006 : 張 含 韻 、 泳 兒 、 衞 詩 、 關 楚 耀
2007 : 陳 柏 宇 、 江 若 琳 、 Hotcha 、 Sun Boy'z 、 裕 美 、 洪 卓 立

**************************************************************

錄o左幾集“笑傲在明天”o黎睇…其實我當年真係無咩點睇過, 因為好似幾悶咁! 點知依家睇番又真係幾悶…不過有d澳洲外景睇o下吸引d…o個期真係好興去外地拍外景, 好似“我本善良”咁! 一關始又係有戴卓爾夫人仆落樓梯o個一幕, 呢期回歸十周年d節目已經睇過超過廿次…不過係要帶出番當年個移民潮…估唔到, 咁快香港已經回歸o左, 仲要係回歸o左十年!

萬子真係肥o左好多, 周海媚個look好“回到未嫁時”, 仲要又係有林其欣…一向都好怕佢! 仲有余倩文, o個期真係好興佢…但興o左一陣又唔見o左, 唔知佢有無o係無綫拍過五套劇呢?

又係回望過去o既時間…呢段又係我當年睇得好開心的“娛樂反斗星”, 因為o個集o個幾位嘉賓我都幾ok…估唔到又有朋友upload o左上youtube喎!