2009年3月18日星期三

3-18(wed) 胡諾言報喜下月娶陳琪

前兩日睇"東張西望", 話胡諾言下個月結婚, 原來佢未婚妻係陳琪...真係估唔到, 事關從來都唔知佢o地有啦間, 又無俾人知道/報導過佢o地拍拖…勁! 不過好多人都唔知邊個係陳琪…呢…”妙手2”同傅楚奔一齊做護士o個個呢…


胡諾言報喜下月娶陳琪

圈中不少戀人都不肯承認戀情,不過有些卻粟絞K密開花結果,胡諾言與陳琪這對「秘密戀人」,已定於下月廿七日共諧連理,於五星級的半島酒店筵開十席,由於場地有限,胡仔坦言賓客都以親朋為主,兄弟團亦以圈外朋友居多,而圈中人方面,他就邀請了曹永廉、曾華倩、譚小環、薛家燕、吳家樂等。

生BB順其自然

結婚當日,二人會於酒店進行註冊儀式,司儀則邀請周國豐擔任。胡仔說:「其實大致上都搞好晒,公司都幫我傾咗啲贊助。(緊張嗎?)唔緊張,不過今次呢個場地得十圍,好多圈中朋友請唔到,都想講句唔好意思,始終我都想老人家開心,佢哋覺得一係唔搞,一係搞好啲。」

問到胡仔婚後會否介意太太繼續做演員,他說:「佢對演戲好有興趣,我唔介意佢繼續做,任佢自己揸主意。」至於造人大計,他坦言:「我哋都好鍾意小朋友,不過順其自然啦!」由於工作關係,二人打算年尾才去度蜜月。

讚「老公」夠專一

準新娘陳琪坦言心情不太緊張,更表示已找好友傅楚卉做姊妹,問她會否即刻生BB?她笑言:「隨緣啦!冇乜抗拒,不過唔知湊唔湊得掂,(老公搞掂囉!)咁又係,佢好有愛心,而且處女座好顧家同專一。」問她是否喜歡胡仔這些優點,她甜絲絲謂:「唔識講!」

記者致電曾華倩,她表示與胡仔一同合作主持而認識,她說:「我睇佢細路仔咁,但佢份人好有禮貌,幾識尊重人,呢個後生仔唔錯。(有冇叫佢生BB?)冇講得咁長遠,希望佢哋開開心心,我知佢哋拍咗好耐拖啦。」




Oh…laughing哥呢期真係好紅, 連facebook都開o左個group俾佢…風頭蓋過晒所有主角, 真係勁! 正如早前所講, 淨係個角色名已經夠出啦…個角色性格同身份又令佢更加出d! 三哥個look雖然依然係幾型, 但今次真係俾laughing搶晒囉!

至於o個套“大冬瓜”, 又larp o左少少…確實係適合做兒童節目多d…不過又無我想像中咁難頂o既! 同埋d演員好似智叔呀, 蘇玉華呀, 陳錦鴻呀…全部我都幾ok…所以唔覺意睇o下都可以接受! 頭o個集仲有譚玉瑛姐姐, 又e02唱番佢o地首流行曲….都幾騎呢! 其實呢套劇係幾時拍o既呢? 好似無咩聽過咁o既?

仲有再下個禮拜上o個套“桌球天王”…我都有興趣睇o下…大家又點睇呢?