2006年5月3日星期三

5-3(wed) 草蜢真唱.真音樂會

oh, 今晚“勁歌金曲”搞o左個“草蜢真唱.真音樂會”…好正喎! 成個節目都係草蜢, 好似佢o地o既mini concert咁! 勁舞之夜…值得睇!

聽番d陪伴我o地成長o既歌, 真係睇得人好興奮, 直頭要跟住跳…不過講真, 今次揀d歌真係唔夠好…點會無“失戀”,“abc”,“紅唇的吻”,“飛躍千個夢”, even最經典o既“忘情森巴舞”, 都變o左個怪version, 仲要無o左最經典個舞步…係同演唱會無得比, 不過頂住先都好啦! 又令我諗起去年十月個超好睇草蜢演唱會…又話今年再encore o既…點解到依家都未有?! 即使係去k唱番演唱會live版歌曲, 齋係睇都已經令人好興奮囉! 唔該快d再開啦!


(忘情森巴舞@91忘我大匯演)

草蜢“我們的演唱會”回顧:


草蜢-我們的演唱會(上)



草蜢-我們的演唱會(中)



草蜢-我們的演唱會(下)


睇番d珍藏舊mv, 咁o岩睇到草蜢o既“飛躍千個夢”…哈哈! 好鍾意! 呢隻歌係好typical草蜢o既歌, 好typical八十年代o既歌, 亦都係一個好激昂但又好好笑o既mv!“共跳入高空飛躍…飛縱…到半空…”…哈哈…一人唱兩個字…好有合作性囉!

成隻mv都係o係個台同埋排舞室跳來跳去, 仲要彈琴練歌做好準備…其實都幾好睇! 尤其鍾意睇呢d好八十年代o既舞步! 去年10月個演唱會, 大家都係聽到呢隻歌即刻好興奮…因為呢隻歌真係好“草蜢”!

“extract”左少少俾大家重溫o下:


仲有, 睇o左幾集改革後o既“勁歌金曲”, 除o左原有o既amigo, 仲加入o左at17做主持! at17o既表現都ok, 但當然唔及amigo, 更加唔及hocc啦!

但我只係想講…你o地未免太多人喇, 一片混亂咁! 你話多o左at17會cut amigo都話o者, 又唔係 (不過唔排除之後真係會有咁o既安排, 而依家只係過渡期)! 仲要係唔係都唱兩句…最頂癮係數榜時, 10隻歌幾乎每隻都唱一唱去介紹…未免太多喇…好煩! 最騎呢係amigo都要唱…不過佢又surprisingly唱得幾好!

真係寧願以前amigo一個人做, 雖然同hocc主持o既年代o個種精彩係無得比, 但總好過依家o既大雜會…見到佢o地又要去同嘉賓jam歌, 又要數榜時每隻歌唱一唱, 只係想送一句俾佢o地: “leh咁hea!”