4-16(mon) 盛女愛作戰之預咗佢會死唔斷氣搞多十九幾個號外之…盛女駕到!!!

即係咁…你可以唔認同呢個節目, 但你的確不能不睇""盛女愛作戰""及其附帶的任何一個節目…因為你會少咗好多娛樂, 更甚係你會同身邊的三姑六婆同事朋友都無晒話題, 像活了在深山一樣…hoho!

佢o既製作手法同埋包裝方式我係不敢苟同…尤其o個d已經由曲線變為直線的"植入式"廣告…直頭係睇宣傳易一樣! 但你真係不得不承認佢係呢期最成功的娛樂節目…你有幾耐無見過全香港咁群情洶湧去discuss同一個電視節目? 仲要上咗n日c1頭條, 後尾a1都上埋, 跟住又"光明頂", 又雜誌訪問, 又起晒底…有gimmick又搶到收視…陳總的確係有計…所以我一直都話tbb無咗志雲大師係最大的損失, 而商台搵到佢回巢又的確係最大的福氣!

Tbb乘勝追擊立即拍多n個號外節目亦都係預計之內…除咗"捧紅"咗班"媒"味極濃的盛女之外, 仲有一班已經o係呢兩年o黎岑應負責o既同類型節目出現咗十九幾次的"星級導師"! 佢哋 o既包裝十足o個d同樣係靠吹水多過真實力的"補習天王"一樣! 不過你唔好理…佢哋tum得人開心, 得啖笑都好呀!

最"惹火"o既當然係廢o翕咗幾年的"人生導師"winnie啦…其實佢最大問題都唔係佢廢o翕, 而係佢太~造~作~~~! 不過咁, 你又不得不佩服佢自信心爆棚同eq真的夠高…係咁俾人喪鬧+喪恥笑…但你有你鬧, 佢又有佢廢o翕!

有網民惡搞咗佢張相同跳開心舞o既龍懷騫一齊…真係sorry, 我覺得龍懷騫的人生態度先真正有資格做人生導師…阿winnie姐真係要行埋一邊! 如果大家都可以有龍懷騫咁積極o既人生態度, 仲駛鬼理甚麼盛女唔盛女…根本無人會bother去作d咁o既terms出o黎stereotype其他人啦!



不過咁…自從阿45度達人"造作之王"santino o既出現 (sorry, 個名都好有chok味…hoho)…winnie姐又要行埋一邊…廢噏之王寶座成功俾santino搶咗!

佢個45度角理論, 同埋sms要短過對方, 視線唔可以停留o係對方身上超過3秒,講電話要先收線的theory…被網民奉為"金科玉律"! 依家講親santino…大家都會半帶恥笑! 佢個呃飯食90年代種金案延續篇pick up artist生意可以點搞落去都成謎…佢個班仲有無人會上(檔)呢?


(其實大家也誤會了santino所講的45度角...咁樣的確係會媾死女的...難怪他能成為"兩性專家"...果然係神級...:p)



正如我之前所講, 其實你d理論work唔work唔緊要, 最緊要係你吹得水, 講嘢流暢有說服力…但佢就係欠缺呢兩樣…口齒唔伶俐, 真係好難出o黎呃飯食! 但我buy佢好笑呢part…o個日tvb臨急臨忙節目調動去炮製o個個號外節目"盛女駕到"…佢俾一jar女插到一棟都無! [火羅]到我想幫佢搵窿捐! 不過阿dee dee又真係好慘o架喇…咁細個出o黎呃飯食點知遇著一班人生閱歷豐富過佢又唔buy佢個"A貨"鄭伊面靚仔樣的姐姐…注定無運行!

首先自打嘴巴推翻自己個45度角理論, 跟住又話因為"責任"會繼續同個九年女友一齊…須知道你話為咗"責任"同一個女人一齊…真係仲hurt過你飛咗佢…你睇班姐姐幾咁大反應就知!

呢個dee dee俾班姐姐搞到方寸一亂, 完全招架不來唔知自己o翕咩…搞到前言不對後語又口都疾埋, 面都青晒…我都戥佢牙煙…佢當晚o既表現真係[火羅]到無朋友! 好可憐…

跟住網上又即刻有人post番佢呢個"米蘭郭政鴻"profile出o黎…睇o黎佢要繼續出o黎呃飯食都有d難度…



被喻為"盛女"兩大神棍導師的winnie姐姐&santino dee dee…網民認為佢哋應該成為一對…



Oh…係! 應該講番o個幾位"媒"味極濃的參賽者…依家報章已經逐一踢爆d"媒"位喇! 不過其實我又覺得無咩所謂, 反正from day 1應該都無咩人相信係100%真o架啦! 呢d真人show, 最緊要做得好睇…我頂唔順o既, 係佢o個d三句唔埋兩句叫人去整容的植入式廣告!

5個之中, florence俾人鬧得最勁! 我又覺得其實可能佢真係跟"劇本"演啫, 一開始揀佢做呢個"角色"…就係最掩尖聲悶挑剔唔知醜的港女…佢係"演活"個角色啫! 根本5個參賽者每個有晒角色設定, mandy的能幹女強人, bonnie的男仔頭, gobby的無自信失婚婦人, 仲有suki的根本唔qualify入圍的疑似楚楚可憐應該大把男人buy的嬌嬌女…每人都演活了自己的角色…做得好好! 令到呢場真人show好好睇!

而o個d男"媒"如果唔係"媒", 咁都真係好鬼慘…以後點見人? 第一集o個班speed dating"媒"俾人笑到面黃, 仲有大學講師仲點教書呀? 唔好玩啦!

不過睇多幾集, 我覺得大家一面倒地鬧的florence…可能反而會吸引到d支持者…事關佢夠性格夠型呀, 我理q得你….唔整容就係唔整容, 反正鬥靚佢唔夠其他人, 但起碼佢differentiate到自己, 可能可以殺出一條血路添囉!