2009年12月11日星期五

12-11(fri) 鄧梓峰vs巴斯光年

聽日就係“歡樂滿東華”…究竟今年仲有無最令人期待o既“全台藝員卡拉之星大唱遊” 呢~~~?!?!!?! 點解好似零宣傳咁?! 雖然呢個環節前兩年開始跌晒watt…但係都仍然係比較令人期待o既一part…否則真係無o野好睇喇! 其實前幾年做到咁“有聲有色”, 連深夜3點o既環節都可以咁多人談論…點解無綫唔keep住個勢, 咁輕易放棄呀~~~~?!?!?!?

呢個禮拜進入“瘋癲”狀態o既“富貴門”我一集都未睇, 留番weekend一次過睇算喇…下個禮拜套“美麗高解像”反而好似幾有趣咁喎…!

至於8點半套“巴不得爸爸”…雖然係明抄“新難兄難弟”套電影, 仲要係抄得好足o個隻…但係呢隻懷60年代的舊o既劇種, 其實又真係我杯茶…當年“難兄難弟” (電視版) 正正係開正呢一辮…咁當然, 佢同“難兄難弟”係完全無得比, 但係搞o下笑, 又懷o下舊, 我覺得可以睇o下囉…仲要有咩時空交錯o個d我又係鍾意睇…好似當年o既“回到未嫁時”, 甚至“back to the future”咁…我都好鍾意o架!

講開“富貴門”…無啦啦click o左入鄧梓峰o既香港網絡大典...仲睇到呢單舊聞“無線藝人鄧梓峰控告迪士尼 指控巴斯光年侵犯肖像權 要求賠償五億”...又係好好笑...d網友真係好抵死…救命…!!!



仲有呢兩幅圖…阿輕輕鬆鬆鄧梓峰又真係未免太似巴斯光年囉~~~