1-20(fri) "好勝健美爛面戀"

講番“好勝健美爛面戀”, 連日來都收到唔少回應…大家各有意見啦! 當然, 仍然都係o個句: 人o地之間o既感情除o左當事人之外, 無人會知得清楚! 即使當事人, 都未必會好清楚…感情o既o野, 從來都係唔清唔楚! 但亦都當然, 每個人對每件事都有佢自己一套睇法, 香港作為一個言論自由o既社會, 你有咩睇法都可以講出o黎…尤其係對於d明星言行o既喜惡, 更加可以暢所欲言!

所以, 我絕對同意“好勝健美戀”完全唔關我o地任何一個人o既事, 但你亦有權去喜歡或者唔喜歡邵美琪/鄭伊健甚至梁詠琪! 我個人就真係唔太喜歡好勝gigi o架喇…但正如之前所講, 已經唔關佢係唔係第三者或者破壞邵美琪同鄭伊健o既事…而係佢o既態度!

第三者通街都係, 尤其娛樂圈d男女關係搞到一塌胡塗…我並不是甚麼“道德使者”, 你鍾意勾人男友你咪勾囉 (sorry, 呢句好似有d問題…我收番!)…不過你又要保持一個玉女形象, 真係針無兩頭利o架喎! 點解好勝gigi會搞到人神共憤…都係o個句…因為佢o既attitude, 同埋佢同傳媒關係唔好…所以兩個禮拜o黎任何一本雜誌都係寫衰佢!

最失敗之處係佢o係咁無人緣之下, 仲要擺個受害者姿態出o黎, 又寫段懶可憐o既“花火”歌詞出o黎…咪完全錯晒囉! 此謂弄巧反拙…點解佢公司咁失策o架?!



收到讀者“雙面依人”o既回應, 我覺得寫得好好, 好precise&concise, 簡單地summarize o左大部份人o既意見:

…“你呢期講好勝分手單野，好詳盡，你既分析好深得我心。[芒姐註: 呢d讚o既內容一定原文輯錄o既! 請各位讀者讚多d…哈!] 一段感情誰對誰錯真係當事人自己都未必知，我就唔信旁觀者清呢句野，唔通你訓係人床低咩。最怕就係d人將d野拎晒出黎講（邵美琪呢點我最鐘意，又唔會扮晒可憐搏同情，人最緊要自己過得好，毋須同咩人交待）。坦白講，健美戀捱唔過七年之癢，未必一定關好勝事既，或者健美之間已有問題，不過係好勝將個炸彈引爆遮。”

都係o個句: objectively, 呢件事完全不能怪晒好勝gigi (甚至應該怪鄭伊面都唔應該怪佢)…但subjectively, 人係好主觀o既, 觀眾都係人, 你不能阻止觀眾唔妥你…當然, 你亦都可以唔care人o地點睇!

呢期另一單比較有趣o既娛樂頭條, 就係“無線三線藝員迎娶身家逾億富家女”…不過其實當年呢位三線藝員都紅過兩下o既, 畢竟佢都係十年前曾被力捧o既“新五虎”之一, 可惜除o左當時本身已幾紅o既“雙古” (古天樂+古巨基) 之外, 其他三個全線仆直! 呢個之唔係無線高層何麗全個舅仔吳家樂…而個身家逾億o既富家女就係其士集團太子女周蕙蕙! 仲好似話係o係d慈善活動度認識…唔通係“歡樂滿東華”? 其實個周蕙蕙都幾靚女呀, 同埋點睇佢都唔似38歲?!

Pit開佢o地身家o既重大差距…佢兩個感覺都好唔la間! 同埋唔係一定話要“竹門對竹門, 木門對木門”, 但係身份地位太懸殊, 的確係會有好多問題! 如果你話係個窮家女嫁入豪門都無咁慘, 要個男人“入贅”有錢家族, 佢自己都好難受啦!

當然, 最後都係o個句…人o地襯唔襯, 門唔門當戶對根本同其他人無關係…不過作為公眾人物, 佢o地都應該預o左要承受公眾壓力o架喇!