2012年12月11日星期二

12-11(tues) 歡樂滿東華2012+全民投票選視帝/視后


上個禮拜六又到咗一年一度"歡樂滿東華"…而我依舊係完全唔記得咗! 亦因為過去幾個禮拜太忙碌同太攰o既關係, 等等吓等唔到"卡拉之星"已經瞓著咗! oh! 近年"卡拉之星"真係已經…精彩不再! 不過依然不得不佩服家燕姐的落力…雖然個人認為gangnam style呢樣嘢已經勁out, 但係你都係不得不欣賞家燕媽媽同佢身後班叔叔嬸嬸的落力...不過我都係prefer佢o既經典十字步多d! 而王維德依舊唔啱拍子+走晒音…其實是沒有問題的! 不過以前揀d歌同埋練d手語有趣好多!

Oh, 仲有湯寶如出現番o係"歡樂滿東華"…好有回到20年前的感覺得!



嘩! 真係愈搞愈遲, “台慶頒獎禮”由11月tun到去12月, 再由12月頭tun到12月中…愈tun愈遲! 今年第一年全民投票選視帝/視后/最佳劇集…另外d獎仲話有藝員投票…其實咁樣幾好,可以睇到d藝人o既人緣添! 即係好似當年馬國明攞最佳男配角全場起身鼓掌咁!

Ok, 循例都要tip一tip…

嚟…睇一睇萬千星輝頒獎典禮2012入圍名單先...

奬項: 最佳男主角

候選者: On Call 36小時 馬國明、東西宮略 郭晉安、拳王 鄭嘉穎、拳王 黃浩然、飛虎 馬德鐘、護花危情 黃宗澤、天梯 陳豪、雷霆掃毒 林峯、名媛望族 劉松仁、大太監 黎耀祥

芒: 我估係林峯…我想o既…都係林峯啦! 同埋我唔明點解鄭嘉穎唔係憑“怒火2”候選囉?!

奬項: 最佳女主角

候選者: 天與地 佘詩曼、我的如意狼君 周麗淇、東西宮略 陳法拉、護花危情 鍾嘉欣、怒火街頭2 胡杏兒、巴不得媽媽… 汪明荃、天梯 陳茵媺、雷霆掃毒 徐子珊、名媛望族 楊怡、大太監 米雪

芒: um…我估係…徐子珊! 我想…無咩特別…如果你要我夾硬揀一個, 可能係“天與地”o既佘詩曼啦!

奬項: 最佳劇集

候選: 天與地、我的如意狼君、換樂無窮、缺宅男女、4 in Love、On Call 36小時、東西宮略、當旺爸爸、盛世仁傑、拳王、耀舞長安、愛.回家、心戰、衝呀!瘦薪兵團、飛虎、護花危情、回到三國、怒火街頭2、造王者、巴不得媽媽…、天梯、雷霆掃毒、名媛望族、大太監

芒: 我估係…“大太監”! 因為食住呢期個勢…同埋, 如果祥哥失落視帝的話更應該會係俾最佳劇集佢哋! 我想…當然係“天與地”…好睇到不行! 其他劇完全唔能夠相比! 同埋“巴不得媽媽…”我都幾like!

奬項: 最佳男配角

候選者: 缺宅男女 梁烈唯、On Call 36 小時 羅仲謙、當旺爸爸 蕭正楠、護花危情 蔣志光、怒火街頭2 林子善、巴不得媽媽…古明華、天梯 黃德斌、名媛望族 王浩信、大太監 陳國邦、大太監 岳華

芒: 其實全部都幾唔錯! 我想同我估都係古明華或者唯唯! 默默耕耘多年o既陳國邦我都幾like! 又係如果你一定要我揀一個…我揀古明華啦!

奬項: 最佳女配角

候選者: 缺宅男女 黃智雯、拳王 胡定欣、心戰 簡慕華、回到三國 韓馬利、怒火街頭2 苟芸慧、造王者 郭少芸、巴不得媽媽… 岑麗香、天梯 羅蘭、名媛望族 江美儀、大太監 陳茵媺

芒: 利申: 我一向like黃智雯o既! 不過江美儀d戲我都好like! um…咁我估江美儀啦! 黃智雯攞女飛躍!

奬項: 我最喜愛的電視男角色

候選者: On Call 36小時 張一健、耀舞長安 戴名鈸/喬步龍、護花危情 許瑋琛、怒火街頭2 羅力亞、天梯 苗天、雷霆掃毒 向榮、雷霆掃毒 韋世樂、名媛望族 鍾卓萬、大太監 李連英、大太監 姚雙喜

芒: 其實我幾like馬明的張一健! 不過我估如果視帝俾林峯, 我最喜愛應該係黎耀祥啦!

奬項: 我最喜愛的電視女角色

候選者: 天與地 葉梓恩、我的如意狼君 徐芯、On Call 36小時 范子妤、東西宮略 鍾無艷、怒火街頭2 王思苦、造王者 嚴三娘、巴不得媽媽… 香乃韾、雷霆掃毒 陳家碧、名媛望族 康子君、大太監 慈禧

芒: 嘩! 香香公主都入到十強?! 真係太力捧佢喇! 我估…如果視后俾徐子珊, 我最喜愛會俾番一個楊怡啩? 但我估“on call 36”可能大機過“名媛望族”!

奬項:飛躍進步男藝員

候選者: 王浩信 換樂無窮、飛虎、名媛望族 / 金 剛 4 in Love、造王者、怒火街頭2、勁歌金曲、五覺大戰、玩轉三周1/2、街坊廚神食四方 / 梁烈唯 缺宅男女、東西宮略、耀舞長安、飛虎、大太監、兄弟幫 / 蕭正楠 當旺爸爸、拳王、天梯、大太監、玩轉三周1/2 / 羅仲謙 缺宅男女、On Call 36小時、飛虎、巴不得媽媽…

芒: 如果唯唯攞唔到男配角, 應該俾男飛躍佢啦…雖然我估會係羊兒的大隻謙謙機會大d! hoho!

奬項:飛躍進步女藝員

候選者: 岑麗香 怒火街頭2、巴不得媽媽…、黑龍江 / 苟芸慧 怒火街頭2、飛虎 / 黃智雯 缺宅男女、On Call 36小時、飛虎、巴不得媽媽… / 樂 瞳 回到三國、當旺爸爸、護花危情 / 龔嘉欣 我的如意狼君、拳王、衝呀!瘦薪兵團、天梯、更上一層樓

芒: 應該係黃智雯啦啩…估咗兩年都唔係佢?! 唔好咁啦!

奬項:最佳節目主持

候選者: 環遊世界明星賽 草蜢 / 珍情品味 戚美珍 / 皆大歡喜之溏心風暴 薛家燕、阮兆祥 / 最佳男主角 黎芷珊 / 萬千升呢福祿壽 阮兆祥、李思捷、王祖藍

芒: 我估芷珊姐姐得唔得呀?!

奬項:最佳綜藝節目

候選者: 快樂地圖 / 環遊世界明星賽 / 皆大歡喜之溏心風暴 / 最佳男主角 / 萬千升呢福祿壽

芒: “最佳男主角”!!!

奬項:最佳資訊節目

候選者: 盛女愛作戰 / 700萬人的數字 / 回鄉 / 珍情品味 / 走過烽火大地

芒: 我估“盛女愛作戰”! 但我真心唔明點解無“瘋狂歷史補習社”份? 呢個節目堅好睇! 全年最佳節目都應該當之無愧添啦!

好啦…講咗咁多, 大家可以去呢度投吓票, 講出你心中所想…呢度應該真係公投o既…無人會做手腳! 哈哈! 其他項目o既全民投票將會陸續推出…

又係時候回顧吓“歡樂滿東華”@芒姐再現…

2011-12-11(sun) leon x u 演唱會 + 歡樂滿東華2011

2010-12-13(mon) 萬千星輝頒獎典禮2010後記 + 歡樂滿東華2010

2009-12-12(sat) 歡樂滿東華2009

2008-12-13(sat) 歡樂滿東華2008

2007-12-8(sat) 歡樂滿東華2007

2006-12-8(fri) 記住睇歡樂滿東華之全台藝員卡拉之星大唱遊呀呀呀呀呀…!!!!!!

2006-12-9(sat) 歡樂滿東華2006 (上)

2006-12-13(wed) 全台藝員騎呢之星大唱遊2006(下)+ happy250000…五白金!!!

2006-12-16(sat) 歡樂滿東華卡拉之星經典再回顧

2005-12-11(sun) 歡樂滿東華2005

2005-12-12(mon) 歡樂滿東華2005之“全台藝員卡拉之星大唱遊”

2004-12-11(sat) 歡樂滿東華2004 (上)

2004-12-13(mon) 歡樂滿東華2004 (下)

2003-12-13(sat) 歡樂滿東華 2003

2002-12-14(sat) 歡樂滿東華2002