2005年11月7日星期一

11-7(mon)“世紀賤男”

估唔到真係有好多人對“梁榮忠偷食”事件感興趣…事關呢期最多人search o既topic亦都係甚麼“梁榮忠車廂偷吃”呀, “梁榮忠偷食片段”呀, “梁榮忠 鍾麗淇”呀, 甚至“梁榮忠犯的錯”…呢兩日內, 有不下50個人係因為search呢個topic而入o左o黎我呢度!

咁又係, 有邊個人唔8呀…如果唔係d八卦雜誌點會咁好賣?! 所以放呢段偷情新聞o係封面就醒喇…你話八卦程度大過“吳美珩已婚”o個個封面幾多呀?! 我都好八卦o架…引用Jesus o個句: “邊個認為自己唔八卦o既可以企出o黎拿石頭掟人”(講緊o既係拿石頭掟commit adultery 女人的故事…算啦, 係唔關事o既, 但我係鍾意quote呀!)…人人都八o架啦, 最怕係o個d又要八又唔敢認o既人! 正如最頂唔順o既係梁榮忠做得出又唔敢認, 仲諸多藉口…你去滾唔緊要呀, 但唔該你做得出就要夠膽認囉…你點做男人o架?!

我覺得大家今次咁睇唔過眼梁榮忠, 係因為佢o既attitude多過因為佢o既行為…其實有邊個男人唔去滾呀…但你夠膽滾唔夠膽認…咁咪cheap晒囉! 所以大家今次o既反應係鄙視佢仲多過鄙視個第三者朱慧敏 (至少我係, 而我睇o既報導都係咁o既傾向)…除o左因為無線個咩“丟朱保梁”政策令人覺得好唔公平, 反而有d同情朱小姐之外…絕對係因為態度上o既問題! 好似當年“奪面雙琪”事件咁, 點解大家對好勝gigi o既反感遠超於對伊面o既不滿呢…就係因為態度同埋形象o既問題! 好勝gigi因為個樣太克人憎, 同埋走落樓時太唔識死o係度笑, 跟住佢一向同傳媒關係又唔好, 咁緊係有咁衰寫到你咁衰啦…鬼叫你樣衰咩?! 正所謂:“雖無過犯, 面目可憎”嘛! 你平時對人差, 態度唔好, 緊係o係你唔掂時踩多幾腳啦…所有o野都唔係單方面o既…有果必有因!

而梁榮忠o既回應最令我反感之處, 除o左係佢學成虫大哥o個d“犯o左所有男人會犯o既錯”路線之外, 就係佢好似擺o左一副“受害者”姿態同埋好有“o趙完鬆”o既感覺…當然, 最cheap就莫過於佢一開始明知俾人影到仲死撐, 死口唔認, 仲話人屈佢! 難怪佢被封“世紀賤男”…我贊同!

o係d網友search o既項目中, 又睇到其他d相關新聞…有一段係話:

“無線藝人梁榮忠與去年港姐朱慧敏車廂“偷吃”事件曝光後,因梁有高層陳志雲及好友李克勤撐腰,獲無線解凍;朱慧敏則被繼續雪藏。無線“丟朱保梁”引起各方抨擊,數以千計的網友留言將梁榮忠封為“世紀超級賤男梁”,狂轟梁榮忠。

梁榮忠心情並未受損,前晚在電視節目中公開認錯的他,終獲女友鐘麗淇原諒。面對大批傳媒包圍追訪,他一臉嚴肅地繼續發表“認錯宣言”:“每一對情侶都會發生風波,這次是大風波!我與她之間已有共識,希望大家給點時間和空間讓我處理家事。”

提到哭訴受騙的朱慧敏被雪藏,梁榮忠聞“朱”色變,他決絕地說:“有關朱小姐的任何事,從這分鐘開始不會提、不再講,我不想沒完沒了。”說完他便到停車場取車,他已把“偷情車”黑色座駕換掉,改駕一部銀色房車離開。”

雖則個第三者係唔抵幫…我亦唔信佢會唔知人o地有女友 (全香港人都知, 你同佢咁“熟”你唔係唔知呀?! 咩o係外國返o黎無留意, 完全唔係理由…!), 同埋由佢選港姐時我已經覺得佢並唔係“省油的燈”…亦聽聞佢係有“背景”o架喎…我唔知啦o下! 但係睇到今次o既進展, 我反而有d同情個第三者…之前睇過佢做“香港直播”(就係佢同佢“師傅”結緣o既節目), 都做得唔錯! 跟住尋晚睇“娛樂直播”, 見到佢第一次訪問嘉賓, 相信係未“出事”之前錄o既! 之前次次都係d男主持好似李思捷或者amigo做o既, 但今次就第一次俾女主持做 (不過做o左一次, 就bye bye o左咯)…作為新人, 我覺得佢做得幾好…雖然功力未到家, 個訪問仲幾悶o下 (亦唔排除因為被訪者係馬德鐘)…不過我認為佢應該係可造之材!

同埋梁榮忠一出事就同佢劃清界線 (反而朱凱婷佢就話係傾得埋o既朋友, 但朱慧敏佢就扮晒唔識咁!), 話以後朱小姐d事同佢無關, 唔好問佢…掉低個女仔一個人收拾爛攤子! 自己就扮番好男友浪子回頭返去tum女友…對朱慧敏好唔負責任 (咁當然, 話分兩頭, 佢去做第三者係預o左無保障o架喇…有咩o野d人都唔會幫佢啦!)…同埋梁榮忠俾人一種以前輩身份去呃個入世未深o既細路女o既感覺囉…?o下便宜, 但求就手! 個新人又以為可以靠佢上位…點知今次就仆直喇!

(待續)