2006年9月20日星期三

9-20(wed) 楊小姐

嘩! 呢期d娛樂新聞真係超精彩…精彩在讀者有好大o既參與空間!

前兩個禮拜先有“競猜字母小姐遊戲”, 今個禮拜又爆單“競猜誰是楊姓第三者遊戲”…真係鑊鑊新鮮鑊鑊甘!

今次呢單豪門婚變搞出“競猜誰是楊姓女星遊戲”都真係出位…我係指個前曾二少奶…佢果然掂呀! 平時o個d豪門少奶見老公去滾, 通常都係隻眼開隻眼閉, 頂多都係向傳媒哭訴o下…佢就勁喇…離完婚都要登離婚啟事, 荒死人唔知道咁…仲要寫埋話係因為佢老公同姓楊女星o既婚外情導致離婚, 傳媒未發現佢就自己爆料…等你有排煩! 佢得唔到o既都唔會俾你兩個好過…一拍兩散…果然高招囉! 好欣賞佢…小恩子應該向阿嫂學番一兩招!

佢咁登一段啟事, 就搞到全城姓楊o既女藝人個個有排煩, 佢其實真係應該走去做蘋果! 咁又整o左一單茶餘飯後o既娛樂新聞 (直頭係港聞, 仲要係A1頭條添) 俾我o地呢d八卦人討論o下, 增進o下朋友同事間o既感情, 真係偉大喇!

只係短短幾十字o既啟事, 就可以搞到滿城風雨…最醒係佢唔開名講個第三者係邊個, 淨係話你聽佢姓楊, 勾起大家o既好奇心, 等大眾日日討論, 等佢老公俾人煩死, 等阿曾家無晒面…仲要段啟事臨尾無啦啦話多謝老爺o既支持, 淨係講老爺又唔講奶奶…哈哈哈…大家都知咩事! 呢位二少奶真係食腦之人!

呢幾日d報章同埋討論區不停咁估邊個係個楊姓第三者, 話暫時以楊恭如一馬當先…無辦法! 楊恭如個形象同感覺最cheap, 一諗起俾人包就會諗起佢…但我覺得今次又唔似佢喎, 佢係似俾內地人包多d!

究竟係邊個呢? 真係好難估…個表列出o黎d楊姓女藝人, 有d連聽都未聽過…



“香 港 討 論 區 昨 有 網 民 發 起 誰 是 楊 姓 女 藝 人 選 舉 , 截 至 晚 上 九 時 已 有 逾 百 人 投 票 。 結 果 暫 由 曾 與 富 商 周 正 毅 傳 緋 聞 的 楊 恭 如 「 一 馬 當 先 」 , 得 票 率 逾 七 成 , 成 為 頭 號 大 熱 門 , 遠 遠 拋 離 次 熱 的 楊 采 妮 。

楊 恭 如 昨 為 新 劇 返 回 亞 視 拍 攝 宣 傳 片 時 , 被 大 批 傳 媒 包 圍 採 訪 , 她 再 次 喊 冤 : 「 唔 係 我 呀 ﹗ 無 計 啦 ﹗ 我 又 係 姓 楊 , 但 我 都 唔 識 佢 ( 曾 智 雄 ) 。 」 她 更 反 客 為 主 , 問 記 者 : 「 你 地 破 左 案 未 呀 ? 我 都 好 想 知 係 邊 個 , 其 實 登 報 應 該 登 晒 全 名 , 依 家 真 係 有 d無 辜 。 」 她 無 奈 地 說 : 「 咁 o岩 我 套 劇 又 上 , 當 宣 傳 囉! 」”